ಏಷ್ಯಾನೆಟ್ ನ್ಯೂಸ್ ಕನ್ನಡ ಮ್ಯಾಗಜೀನ್

ಹೊಸ ವರ್ಷ ಬಂದಾಗ ಪ್ರತಿಯೊಬ್ಬರೂ ಹಲವು ಹೊಸ ಹೊಸ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಬಹುತೇಕರು ಇದನ್ನು ಪಾಲಿಸುವುದು ಕಡಿಮೆ. ಆದರೆ 2024ರಲ್ಲಿ ನೀವು ಮಾಡಲೇಬೇಕಾದ ಕೆಲವು ಕೆಲಸಗಳಿವೆ. ಆ ಬಗ್ಗೆ ಇಲ್ಲಿದೆ ಮಾಹಿತಿ.

ಕಿಟಕಿಯಿಂದ ಕಾರಿನೊಳಗೆ ನುಗ್ಗುತ್ತಿದ್ದ ತಣ್ಣನೆಯ ಗಾಳಿ ಮನಸ್ಸಿಗೆ ಮುದ ನೀಡುತ್ತಿದ್ದರೂ, ಕ್ಯಾಮೆರಾ ಬಟನ್ ಮೇಲಿದ್ದ ಕೈ ಚಳಿಗೆ ಮರಗಟ್ಟಿದಂತಾಯಿತು. ಕವಿದಿದ್ದ ಮಂಜಿನಲ್ಲಿ ಕಾರು ಮುನ್ನುಗ್ಗುತ್ತಿದ್ದರೆ, ಮನಸ್ಸು ಮೈಸೂರು, ಬೆಂಗಳೂರಲ್ಲಿ ಕಳೆದ ಮಾಸಿದ ನೆನಪುಗಳನ್ನು ಮೆಲಕು ಹಾಕುತ್ತಾ ಹಿಂದೆ ಸಾಗುತ್ತಿತ್ತು. ಚಳಿಗಾಲದ ಬಗ್ಗೆ ಚೈತ್ರಾ ಅರ್ಜುನಪುರಿ ಬರೆದಿರೋ ಲೇಖನ ಇಲ್ಲಿದೆ.

ಖ್ಯಾತ ನಟ, ನಿರ್ದೇಶಕ, ಸಾಹಿತಿ ಟಿ.ಎನ್.ಸೀತಾರಾಮ್ ಬರೆದ 'ನೆನಪಿನ ಪುಟಗಳು' ಕೃತಿ ಲೋಕಾರ್ಪಣೆಗೊಳ್ಳುತ್ತಿದೆ. ಕಿರುತೆರೆ, ಸಿನಿಮಾ, ರಂಗಭೂಮಿ, ರಾಜಕೀಯ, ಪತ್ರಿಕೋದ್ಯಮ, ಸಾಹಿತ್ಯ, ವಕೀಲಿಕೆ ಹೀಗೆ  ವಿವಿಧ ರಂಗಗಳಲ್ಲಿ ಕೆಲಸ ಮಾಡಿದ ಕನ್ನಡದ ಸಾಕ್ಷಿಪ್ರಜ್ಞೆ ಎಂಬಂತಿರುವ ಟಿಎನ್ನೆಸ್ ಅವರ ಬದುಕಿನ ಪುಟಗಳು ಅನಾವರಣಗೊಂಡಿರುವ ಪುಸ್ತಕ ಇದು. ಸಾವಣ್ಣ ಪ್ರಕಾಶನ ಪ್ರಕಟಿಸಿರುವ ಆ ಕೃತಿಯ ಒಂದು ಅಧ್ಯಾಯ ಇಲ್ಲಿದೆ.

ಜಾಜ್ವಲ್ಯ ಕವಿ ಪ್ರತಿಭೆ, ಶತಾವಧಾನಿ ಡಾ.ರಾ. ಗಣೇಶ್ ಅವರ ಜನ್ಮದಿನ. ಅವರಿಗೆ 60 ಸಂವತ್ಸರಗಳು ಸಂದಿವೆ. ಇದು ಷಷ್ಟಿಪೂರ್ತಿ ಶಾಂತಿ ಆಚರಿಸುವ ಸಮಯ. ಈ ಸಂದರ್ಭದಲ್ಲಿ ಅವರ ಕುರಿತ ಅಭಿಮಾನಪೂರ್ವಕ ಬರಹ.

ಹೆಸರಾಂತ ಕ್ಷತ್ರಿಯ ಕುಲಗಳ ಬಗ್ಗೆಯೇ ಬರೆದರೂ ಕ್ಷಾತ್ರವನ್ನು ತಿರಸ್ಕರಿಸಿದ, ಎಂದೂ ಯುದ್ಧವನ್ನೇ ಮಾಡದ ಕೃಷ್ಣನನ್ನು ತನ್ನ ಮಹಾಭಾರತದ ಕೇಂದ್ರಪಾತ್ರವನ್ನಾಗಿಸಿದ, ಕನ್ನಡ ಭಾಷೆಯ ಹಾಗೂ ಕನ್ನಡ ಸಂಸ್ಕೃತಿಯ ಎಲ್ಲಾ ಆಯಾಮಗಳಿಗೂ ಹಾಗೂ ಸಾಧ್ಯತೆಗಳಿಗೂ ಕನ್ನಡಿ ಹಿಡಿದ ಕುಮಾರವ್ಯಾಸನ “ಕರ್ನಾಟ ಭಾರತ ಕಥಾಮಂಜರಿ” ಒಂದು ಅಪೂರ್ವ ಕೃತಿ.

ಶತವಧಾನಿ ಗಣೇಶ್ ಅವರ ಜ್ಞಾನಕ್ಕೆ ಅವರೇ ಸರಿಸಾಟಿ. ಮನುಷ್ಯನೊಬ್ಬನಿಗೆ ಇಷ್ಟು ಜ್ಞಾನವಿರೋದು ಸಾಧ್ಯವೇ ಎಂಬ ಅನುಮಾನ ಬರುವಷ್ಟು ಜ್ಞಾನಿ. ಸರಳತೆಯನ್ನು ಹೊದ್ದವರು. ಇಂಥ ಸರ್ವಜ್ಞನಿಗೆ 60ರ ಹುಟ್ಟು ಹಬ್ಬದ ಸಂಭ್ರಮ. ಜನ್ಮ ದಿನದ ಶುಭಾಶಯಗಳೊಂದಿಗೆ ಏಷ್ಯಾನೆಟ್ ನ್ಯೂಸ್ ಸುವರ್ಣ ಶತವಧಾನಿ ಆರ್.ಗಣೇಶ್ ಅವರಿಗೆ ಅಕ್ಷರ ನಮನ ಸಲ್ಲಿಸುತ್ತಿದೆ. 

'ಮಂಜು ಡ್ರಮ್ಸ್ ಕಲೆಕ್ಟಿವ್' ಮೂಲಕ ಸಂಗೀತ ಜಗತ್ತಿನಲ್ಲಿ ಜನಪ್ರಿಯರಾಗುತ್ತಿರುವ ಬೆಂಗಳೂರಿನ ಈ ಡ್ರಮ್ಮರ್ ಅನೇಕ ಸಂಗೀತ ದಿಗ್ಗಜರಿಂದ ಶಹಭಾಸ್ ಅನಿಸಿಕೊಂಡು ಇದೀಗ ಜಗತ್ತಿನ ಗಮನ ಸೆಳೆಯುತ್ತಿದ್ದಾರೆ. ಅವರ ಮಾತಿನಲ್ಲಿಯೇ ಅವರ ಸಂಗೀತ ಪಯಣದ ಮೆಲಕು.

ನಗುಮುಖದ ಅಜಾತಶತ್ರು ಮಲ್ಲೇಪುರಂನ ವೆಂಕಟೇಶ್ ಸಂಧ್ಯಾಕಾಲದಲ್ಲಿ ನಿಂತು ಸಾಗಿದ ಬಂದ ಬದುಕಿನ ಹಾದಿಯತ್ತ ಕಣ್ಣು ಹಾಯಿಸಿದ್ದಾರೆ. ಅವರ ಆತ್ಮಕಥನ ದಿಟದ ದೀವಟಿಗೆಯಲ್ಲಿ ಬಾಲ್ಯದ ಹಳ್ಳಿ ಬದುಕಿನ ಏಳುಬೀಳುಗಳಿಂದ ಹಿಡಿದು ಬದುಕು ಹೊಸ ದಾರಿಯತ್ತ ಹೊರಳಿದ ಘಳಿಗೆಗಳ ವರೆಗೆ ಅನೇಕ ಸಂಗತಿಗಳಿವೆ. ಯಾವ ವೈಭವೀಕರಣ ಇಲ್ಲದೆ ಸವೆಸಿದ ದಿನಮಾನಗಳ ಬಗ್ಗೆ ನಿರ್ಲಿಪ್ತತೆಯಿಂದ ಧ್ಯಾನಿಸಿ ಬರೆದಿದ್ದಾರೆ. ಅವರ ಬಾಲ್ಯದ ದಿನಗಳ ಇಣುಕು ಇಲ್ಲಿದೆ. 

ಬುದ್ಧ, ಬಸವ, ಅಲ್ಲಮ, ಅಕ್ಕ, ಪಂಪ, ಕುಮಾರವ್ಯಾಸ, ನಾರಣಪ್ಪ....ಮತ್ತಿತರ ಅಸಾಧಾರಣ ಸಾಧಕರ ತಿಳಿವಿನ ಜೊತೆಗೆ ನನ್ನ ಹದಿಹರೆಯದ ದಿನಗಳಲ್ಲಿಯೇ ಕುವೆಂಪು, ಲೋಹಿಯಾ, ಅಂಬೇಡ್ಕರ್ ಅವರಂತಹ ಅಪ್ರತಿಮ ಮೇಧಾವಿಗಳ ಚಿಂತನೆಯ ಅಸಾಧಾರಣ ಒಳನೋಟಗಳ ಬದುಕಿನ ಮಹತ್ವದ ಸಂಪರ್ಕ ದೊರೆತದ್ದು ನನ್ನ ವಿಶೇಷ ಸೌಭಾಗ್ಯ. ಈ ಬಗೆಯ ಸೊಗಸುಗಳು ನನಗೆ ದಕ್ಕಿರುವ ಕಾರಣದಿಂದಾಗಿ ನಾನು ಸದಾಕಾಲವೂ ಹೊಣೆಗಾರಿಕೆ ಮತ್ತು ಆನಂದದಿಂದಲೇ ಪ್ರತಿಕ್ಷಣವನ್ನೂ ಕಳೆಯುತ್ತಿದ್ದೇನೆ.

ಕೇರಳದ ಗಡಿನಾಡಿನಲ್ಲೊಂದು ದೇಸೀ ಗೋ ತಳಿಗಳ ಗೋಶಾಲೆ. ಅಲ್ಲಿ ಗೋವುಗಳಿಗೆ ಸ್ವಚ್ಛಂದ ವಿಹಾರ, ಯಾವುದೇ ಕಟ್ಟುಪಾಡು ಇಲ್ಲ, ಹಾಲು ಹಿಂಡಿ ಮಾರಾಟ ಮಾಡುವುದಿಲ್ಲ, ದಿನನಿತ್ಯವೂ ಗೋವುಗಳಿಗೆ ಕಿವಿಗಿಂಪು ಸಂಗೀತ, ಇಲ್ಲಿನ ಗೋವು ಸಂಗೀತ ಲಹರಿಗೆ ಕಿವಿಯಾಗುತ್ತದೆ, ತಾಳಕ್ಕೆ ತಕ್ಕಂತೆ ಕುಣಿಯುತ್ತಾ ಸೋಜಿಗ ಮೂಡಿಸುತ್ತದೆ.