India News Live: ನಿನ್ನೆ ಮೊನ್ನೆವರೆಗೂ र100 ಕೂಲಿ ಕೆಲಸ, ಇವತ್ತು र1.8 ಲಕ್ಷ ಕೋಟಿ ಒಡತಿ! ಇವರು ಸಂಪತ್ತಿನ ಕೋಟೆ ಕಟ್ಟಿದ್ದು ಹೇಗೆ?

ಎಸ್‌ಐಆರ್ ವಿರುದ್ಧದ ಕಾಂಗ್ರೆಸ್‌ ನೇತೃತ್ವದ ಇಂಡಿಯಾ ಕೂಟದ ’ಚಲೋ ದೆಹಲಿ’ಗೆ ಸಡ್ಡು ಹೊಡೆದಿರುವ ಬಿಜೆಪಿ ಸಂವಿಧಾನ ಉಳಿಸಿ ಪಾದಯಾತ್ರೆ ಕೈಗೊಂಡಿದೆ. ಕೇಂದ್ರ ಗೃಹ ಸಚಿವ ಅಮಿತ್‌ ಶಾ, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಿತಿನ್‌ ನವೀನ್ ಭಾಗಿಯಾಗಿದ್ದು, ಈ ವೇಳೆ ಎಸ್‌ಐಆರ್‌ ಚರ್ಚೆಗೆ ವಿಶೇಷ ಅಧಿವೇಶನ ಕರೆಯಲು ಸಿದ್ಧ. ರಾಹುಲ್‌ ಚರ್ಚೆಗೆ ಬರಲಿ’ ಎಂದು ಶಾ ಸವಾಲೆಸಿದ್ದಾರೆ.

ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ

ಉಭಯ ನಾಯಕರು ಭಾಗಲ್ಪುರ, ಕೋಲ್ಕತಾ ಮತ್ತು ಹೈದರಾಬಾದ್‌ನಲ್ಲಿ ಪ್ರಜಾಪ್ರಭುತ್ವ ಉಳಿಸಿ, ಅರಾಜಕತೆ ಅಳಿಸಿ ಹೆಸರಿನಲ್ಲಿ ಪ್ರತ್ಯೇಕ ಪಾದಯಾತ್ರೆ ನಡೆಸಿದರು. ಈ ವೇಳೆ ಹೈದರಾಬಾದ್‌ನಲ್ಲಿ ಮಾತನಾಡಿದ ಶಾ ವಿಪಕ್ಷಗಳ ಎಸ್‌ಐಆರ್‌ ಅಕ್ರಮ ಆರೋಪಗಳನ್ನು ತಳ್ಳಿ ಹಾಕಿದರು. ‘ರಾಹುಲ್‌ ಕೈಯಲ್ಲಿ ಸಂವಿಧಾನವನ್ನು ಹಿಡಿಯುತ್ತಾರೆ. ಆದರೆ ಅದಕ್ಕೆ ಅವರು ಬೆಲೆ ಕೊಡುವುದಿಲ್ಲ. ಇವಿಎಂ ಆಗಿರಲಿ, ಎಸ್‌ಐಆರ್ ಆಗಿರಲಿ ಅಥವಾ ಒಳನುಸುಳುಕೋರರ ವಿಷಯವೇ ಆಗಿರಲಿ. ನಾವು ಸಂಸತ್ತಿನ ವಿಶೇಷ ಅಧಿವೇಶನವನ್ನು ಕರೆಯಲು ಸಿದ್ಧರಿದ್ದೇವೆ. ಚರ್ಚೆಗೆ ಬನ್ನಿ’ ಎಂದು ಸವಾಲು ಹಾಕಿದರು.

ಸಂಸತ್ತಿನ ಅಧಿವೇಶನ ನಡೆದರೆ, ‘ಪ್ರಧಾನಿ ನರೇಂದ್ರ ಮೋದಿ ಕಾಂಗ್ರೆಸ್ ಅನ್ನು ತುಂಡು ತುಂಡು ಮಾಡುತ್ತಾರೆ’ ಎಂದು ಗುಡುಗಿದರು.