ಒಬ್ಬರೇ ಇದ್ದಾಗ ಹೃದಯಾಘಾತವಾದರೆ, ಮನೆಮದ್ದು, ನೀರು ಕುಡಿಯುವುದು ಅಥವಾ ನೋವು ಕಡಿಮೆಯಾಗುತ್ತದೆಯೇ ಎಂದು ಕಾಯುವ ಮೂಲಕ ಅಮೂಲ್ಯ ಸಮಯ ಕಳೆಯಬಾರದು. ಹೃದಯಾಘಾತದ ಅನುಮಾನ ಬಂದಾಗ ಮೊದಲ ಆದ್ಯತೆ ತುರ್ತು ವೈದ್ಯಕೀಯ ನೆರವು ಪಡೆಯುಬೇಕು. ಜೊತೆಗೆ ಗಾಬರಿಯಾಗದೇ ಈ ಎಲ್ಲಾ ಅಗತ್ಯ ಕ್ರಮ ಕೈಗಳ್ಳಬೇಕು.
Heart attack symptoms-Heart attack emergency-Heart attack when alone-First aid for heart attack-Heart attack precautionary measures;ಮನೆಯಲ್ಲಿ ಒಬ್ಬರೇ ಇದ್ದಾಗ ಹೃದಯಾಘಾತದ ಲಕ್ಷಣ ಕಾಣಿಸಿಕೊಂಡರೆ ಏನು ಮಾಡಬೇಕು? ಗಾಬರಿಯಾಗದೆ ಈ ಕ್ರಮಗಳನ್ನು ಕೈಗೊಳ್ಳಿ!
ಹೃದಯಾಘಾತವು ಯಾವುದೇ ಸಮಯದಲ್ಲಾದರೂ ಸಂಭವಿಸಬಹುದಾದ ತುರ್ತು ವೈದ್ಯಕೀಯ ಪರಿಸ್ಥಿತಿ. ಎದೆ ಬಿಗಿತ ಅಥವಾ ಒತ್ತಡ, ಉಸಿರಾಟದ ತೊಂದರೆ, ಅತಿಯಾದ ಬೆವರು, ವಾಂತಿ ಭಾವನೆ, ತಲೆಸುತ್ತು ಅಥವಾ ನೋವು ಕೈ, ಬೆನ್ನು, ಕುತ್ತಿಗೆ, ದವಡೆ ಭಾಗಗಳಿಗೆ ಹರಡುವುದು ಸೇರಿದಂತೆ ಹಲವು ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಇಂತಹ ಸಂದರ್ಭದಲ್ಲಿ “ಸ್ವಲ್ಪ ಹೊತ್ತಿನಲ್ಲಿ ಸರಿಯಾಗಬಹುದು” ಎಂದು ಕಾಯುವುದು ಅಪಾಯಕಾರಿಯಾಗಬಹುದು. ತಕ್ಷಣ ತುರ್ತು ವೈದ್ಯಕೀಯ ನೆರವು ಪಡೆಯುವುದು ಅತ್ಯಂತ ಮುಖ್ಯ.
ಆದರೆ ಮನೆಯಲ್ಲಿ ಒಬ್ಬರೇ ಇದ್ದಾಗ ಇಂತಹ ಲಕ್ಷಣಗಳು ಕಾಣಿಸಿಕೊಂಡರೆ ಆತಂಕ ಇನ್ನಷ್ಟು ಹೆಚ್ಚಾಗುವುದು ಸಹಜ. ಆ ಕ್ಷಣದಲ್ಲಿ ಸಾಧ್ಯವಾದಷ್ಟು ಶಾಂತವಾಗಿದ್ದು, ಮೊದಲು ತುರ್ತು ಸೇವೆಗೆ ಕರೆ ಮಾಡಬೇಕು. ಭಾರತದಲ್ಲಿ ವಿವಿಧ ತುರ್ತು ಸೇವೆಗಳಿಗೆ ಏಕೀಕೃತ 112 ಸಂಖ್ಯೆಯನ್ನು ಬಳಸಬಹುದು. ಇದು ಆರೋಗ್ಯ ಸೇವೆ ಸೇರಿದಂತೆ ತುರ್ತು ನೆರವಿಗಾಗಿ ಕಾರ್ಯನಿರ್ವಹಿಸುವ ರಾಷ್ಟ್ರೀಯ ತುರ್ತು ಪ್ರತಿಕ್ರಿಯಾ ವ್ಯವಸ್ಥೆಯಾಗಿದೆ.
Related Articles
ತುರ್ತು ಸೇವೆಗೆ ಕರೆ ಮಾಡಿದ ಬಳಿಕ, ಸಾಧ್ಯವಾಗಿದ್ದರೆ ಮನೆಯ ಬಾಗಿಲನ್ನು ಅನ್ಲಾಕ್ ಮಾಡುವುದು ಉಪಯುಕ್ತ. ಇದರಿಂದ ನೀವು ಪ್ರಜ್ಞೆ ಕಳೆದುಕೊಂಡರೂ ಅಥವಾ ಬಾಗಿಲಿನವರೆಗೆ ಹೋಗಲು ಸಾಧ್ಯವಾಗದ ಪರಿಸ್ಥಿತಿ ಬಂದರೂ ನೆರವು ನೀಡಲು ಬರುವ ಸಿಬ್ಬಂದಿಗೆ ಒಳಗೆ ಪ್ರವೇಶಿಸುವುದು ಸುಲಭವಾಗಬಹುದು. ರಾತ್ರಿ ವೇಳೆ ಮನೆಯ ಹೊರಗಿನ ದೀಪವನ್ನು ಆನ್ ಮಾಡುವುದು ಕೂಡ ಸ್ಥಳ ಗುರುತಿಸಲು ಸಹಾಯ ಮಾಡಬಹುದು.
ಮುಂದೆ, ಸುರಕ್ಷಿತವಾದ ಸ್ಥಳದಲ್ಲಿ ಕುಳಿತು ವಿಶ್ರಾಂತಿ ಪಡೆಯಬೇಕು. ಅನಗತ್ಯವಾಗಿ ಓಡಾಡುವುದು, ಮೆಟ್ಟಿಲು ಏರುವುದು ಅಥವಾ ವಾಹನ ಚಲಾಯಿಸಿ ಆಸ್ಪತ್ರೆಗೆ ಹೋಗಲು ಪ್ರಯತ್ನಿಸುವುದು ತಪ್ಪಿಸುವುದು ಉತ್ತಮ. ಹೃದಯಾಘಾತದ ಅನುಮಾನವಿದ್ದಾಗ ಆಂಬ್ಯುಲೆನ್ಸ್ ಅಥವಾ ತುರ್ತು ವೈದ್ಯಕೀಯ ಸೇವೆಯ ಮೂಲಕ ಆಸ್ಪತ್ರೆಗೆ ತೆರಳುವಂತೆ ವೈದ್ಯಕೀಯ ಮಾರ್ಗಸೂಚಿಗಳು ಸೂಚಿಸುತ್ತವೆ.
ಸಾಧ್ಯವಾದರೆ ಕುಟುಂಬದವರು, ಸ್ನೇಹಿತರು ಅಥವಾ ಹತ್ತಿರದ ವ್ಯಕ್ತಿಯೊಬ್ಬರಿಗೆ ಕೂಡಲೇ ಕರೆ ಮಾಡಿ ಪರಿಸ್ಥಿತಿಯನ್ನು ತಿಳಿಸಿ. ನೀವು ಒಬ್ಬರೇ ಇದ್ದೀರಿ ಎಂಬ ಮಾಹಿತಿಯನ್ನು ಅವರಿಗೆ ನೀಡುವುದು ಸಹಾಯವಾಗಬಹುದು. ಫೋನ್ ಅನ್ನು ಹತ್ತಿರದಲ್ಲೇ ಇಟ್ಟುಕೊಂಡು ತುರ್ತು ಸೇವೆಯ ಸೂಚನೆಗಳನ್ನು ಗಮನದಿಂದ ಪಾಲಿಸಬೇಕು.
ಇನ್ನು ಆಸ್ಪಿರಿನ್ ವಿಚಾರದಲ್ಲಿ ಸ್ವಯಂ ನಿರ್ಧಾರ ತೆಗೆದುಕೊಳ್ಳುವುದು ಸರಿಯಲ್ಲ. ಅಮೆರಿಕನ್ ಹಾರ್ಟ್ ಅಸೋಸಿಯೇಷನ್ ಮಾರ್ಗಸೂಚಿಯ ಪ್ರಕಾರ, ತೀವ್ರ ಎದೆನೋವು ಅನುಭವಿಸುತ್ತಿರುವ ಎಚ್ಚರದಲ್ಲಿರುವ ವಯಸ್ಕರಿಗೆ ತುರ್ತು ಸೇವೆ ಸಂಪರ್ಕಿಸಿದ ಬಳಿಕ, ಆಸ್ಪಿರಿನ್ಗೆ ಅಲರ್ಜಿ ಇಲ್ಲದಿದ್ದರೆ ಮತ್ತು ಆರೋಗ್ಯ ವೃತ್ತಿಪರರು ತೆಗೆದುಕೊಳ್ಳಬಾರದು ಎಂದು ಹೇಳಿರದಿದ್ದರೆ, 162–325 ಮಿ.ಗ್ರಾಂ ಆಸ್ಪಿರಿನ್ ಜಗಿದು ನುಂಗಲು ಪ್ರೋತ್ಸಾಹಿಸಬಹುದು. ಈ ಬಗ್ಗೆ ಅನುಮಾನವಿದ್ದರೆ ತುರ್ತು ವೈದ್ಯಕೀಯ ಸಿಬ್ಬಂದಿಯ ಸಲಹೆಗಾಗಿ ಕಾಯುವುದು ಸೂಕ್ತ.
ಮುಖ್ಯವಾಗಿ, ಮನೆಮದ್ದು, ನೀರು ಕುಡಿಯುವುದು ಅಥವಾ ನೋವು ಕಡಿಮೆಯಾಗುತ್ತದೆಯೇ ಎಂದು ಕಾಯುವ ಮೂಲಕ ಅಮೂಲ್ಯ ಸಮಯ ಕಳೆಯಬಾರದು. ಹೃದಯಾಘಾತದ ಅನುಮಾನ ಬಂದಾಗ ಮೊದಲ ಆದ್ಯತೆ ತುರ್ತು ವೈದ್ಯಕೀಯ ನೆರವು ಪಡೆಯುವುದೇ. ಸಮಯಕ್ಕೆ ಸರಿಯಾಗಿ ಚಿಕಿತ್ಸೆಗೆ ತಲುಪುವುದು ಜೀವ ಉಳಿಸುವಲ್ಲಿ ಮಹತ್ವದ ಪಾತ್ರ ವಹಿಸಬಹುದು.
