Deepavali 2022: ಭಾರತದಲ್ಲಿ ಮಾತ್ರವಲ್ಲ, ಈ ದೇಶಗಳಲ್ಲೂ ದೀಪಾವಳಿ ಸಂಭ್ರಮದಿಂದ ಆಚರಿಸಲಾಗುತ್ತೆ!

ಈ ವರ್ಷ ದೀಪಾವಳಿಯನ್ನು ಅಕ್ಟೋಬರ್ 24 ರಂದು ಆಚರಿಸಲಾಗುತ್ತಿದೆ. ದೀಪಾವಳಿ ಐದು ದಿನಗಳ ಸುದೀರ್ಘ ಹಬ್ಬವಾಗಿದ್ದು, ಇದರಲ್ಲಿ ಪ್ರತಿ ದಿನವೂ ತನ್ನದೇ ಆದ ಮಹತ್ವವನ್ನು ಹೊಂದಿದೆ. ದೀಪಾವಳಿಯ ಸಂದರ್ಭದಲ್ಲಿ, ಜನರು ಲಕ್ಷ್ಮಿ ದೇವಿ ಮತ್ತು ಗಣೇಶನನ್ನು ಪೂಜಿಸುತ್ತಾರೆ. ಮನೆಗಳನ್ನು ಹೂವು, ದೀಪ ಮತ್ತು ರಂಗೋಲಿಗಳಿಂದ ಅಲಂಕರಿಸಲಾಗುತ್ತೆ. ಅಷ್ಟೇ ಅಲ್ಲ ಮನೆಗಳಲ್ಲಿ ವಿವಿಧ ಭಕ್ಷ್ಯಗಳನ್ನು ತಯಾರಿಸಲಾಗುತ್ತೆ, ಆದರೆ ದೀಪಾವಳಿಯನ್ನು ಭಾರತದಲ್ಲಿ ಮಾತ್ರವಲ್ಲದೆ ಇತರ ಅನೇಕ ದೇಶಗಳಲ್ಲಿಯೂ ಸಹ ಆಚರಿಸುತ್ತಾರೆ ಎಂದು ನಿಮಗೆ ತಿಳಿದಿದ್ಯಾ? ಭಾರತ ಅಲ್ಲದೇ ಯಾವೆಲ್ಲಾ ದೇಶಗಳಲ್ಲಿ ದೀಪಾವಳಿಯನ್ನು ಸಡಗರ ಸಂಭ್ರಮದಿಂದ ಆಚರಣೆ ಮಾಡಲಾಗುತ್ತೆ ಅನ್ನೋದನ್ನು ನೋಡೋಣ. 

ನೇಪಾಳ(Nepal): ಭಾರತದ ನೆರೆಯ ರಾಷ್ಟ್ರನೇಪಾಳದಲ್ಲಿ, ದೀಪಾವಳಿಯನ್ನು 'ತಿಹಾರ್' ಎಂದು ಕರೆಯಲಾಗುತ್ತೆ  ಮತ್ತು 5 ದಿನ ಆಚರಿಸಲಾಗುತ್ತೆ. ಈ ಹಬ್ಬದಲ್ಲಿ, ಜನರು ದೇವರನ್ನು ಮಾತ್ರವಲ್ಲದೆ ಪ್ರಾಣಿಗಳನ್ನು ಸಹ ಪೂಜಿಸುತ್ತಾರೆ. ಈ ಐದು ದಿನಗಳ ಉತ್ಸವದಲ್ಲಿ, ಮೊದಲ ದಿನ ಹಸುವನ್ನು ಪೂಜಿಸಲಾಗುತ್ತೆ. ಎರಡನೇ ದಿನದಂದು, ದೇಶವು ಮನುಷ್ಯನ ಸ್ನೇಹಿತ ನಾಯಿಯನ್ನು ಪೂಜಿಸುವ ಮೂಲಕ ಕುಕುರ್ ತಿಹಾರ್ ಅಥವಾ "ನಾಯಿಗಳ ದಿನ" ಆಚರಿಸುತ್ತೆ . ಈ ದಿನ, ನಾಯಿಗಳನ್ನು ಮುಂಜಾನೆಯೇ ಪೂಜಿಸಲಾಗುತ್ತೆ, ಹಾಗೆ ಹೂವು ಮತ್ತು ಕುಂಕುಮ ತಿಲಕದಿಂದ  ಅಲಂಕರಿಸಲಾಗುತ್ತೆ .

ಮೂರನೇ ದಿನ ಸಿಹಿತಿಂಡಿಗಳನ್ನು(Sweets) ತಯಾರಿಸಲಾಗುತ್ತೆ  ದೇವರು ಮತ್ತು ದೇವತೆಗಳನ್ನು ಪೂಜಿಸಲಾಗುತ್ತೆ ಮತ್ತು ಮನೆಗಳನ್ನು ಸುಂದರವಾಗಿ ಅಲಂಕರಿಸಲಾಗುತ್ತೆ. ಇದರ ನಂತರ, ಜನರು ನಾಲ್ಕನೇ ದಿನ ಯಮರಾಜನನ್ನು ಪೂಜಿಸಿದರೆ, ಐದನೇ ದಿನ ಭಾಯ್ ದೂಜ್ ಅನ್ನು ಆಚರಿಸಲಾಗುತ್ತೆ. ಭಾರತದ ಆಚರಣೆಯಂತೆಯೇ ಇಲ್ಲಿಯೂ ನಡೆಯುತ್ತೆ.

ಮಲೇಷ್ಯಾ: ಮಲೇಷ್ಯಾದಲ್ಲಿ ದೀಪಾವಳಿಯನ್ನು ಹರಿ ದೀಪಾವಳಿ ಎಂದು ಆಚರಿಸಲಾಗುತ್ತೆ . ಈ ದಿನದಂದು, ಜನರು ಬೇಗನೆ ಎದ್ದು, ನಂತರ ನೀರು ಮತ್ತು ಎಣ್ಣೆಯಿಂದ ಸ್ನಾನ(Oil bath) ಮಾಡುತ್ತಾರೆ, ನಂತರ ದೇವರು ಮತ್ತು ದೇವತೆಗಳನ್ನು ಪೂಜಿಸುವ ಸಂಪ್ರದಾಯವಿದೆ. ಹಾಗೆಯೇ, ದೀಪಾವಳಿ ಜಾತ್ರೆಗಳು ಸಹ ಈ ದಿನದಂದು ಇಲ್ಲಿನ ಅನೇಕ ಸ್ಥಳಗಳಲ್ಲಿ ನಡೆಯುತ್ತವೆ.

ಆದರೆ ದೇಶದಲ್ಲಿ ಪಟಾಕಿಗಳ(Crackers) ಮೇಲಿನ ನಿಷೇಧದಿಂದಾಗಿ 'ಹಸಿರು ದೀಪಾವಳಿ' ಆಚರಿಸಲಾಗುತ್ತಿದೆ. ಪಟಾಕಿಗಳು ಹಬ್ಬದ ಅವಿಭಾಜ್ಯ ಅಂಗವಾಗಿದ್ದರೂ, ಪ್ರಕಾಶಮಾನವಾಗಿ ಬೆಳಗುವ ದೀಪಗಳು ಅದನ್ನು ಸರಿದೂಗಿಸುತ್ತವೆ.ಮಲೇಷ್ಯಾದಲ್ಲಿ ದೀಪಾವಳಿ ಸಾರ್ವಜನಿಕ ರಜಾದಿನವಾಗಿದೆ ಮತ್ತು ಅದರ ಜನಸಂಖ್ಯೆಯ ಸುಮಾರು 8% ರಷ್ಟಿರುವ ಹಿಂದೂಗಳ ಅತ್ಯಂತ ಪ್ರಮುಖ ಹಬ್ಬವಾಗಿದೆ. ಆದರೂ ಇಸ್ಲಾಂ ಇಲ್ಲಿ ಅಧಿಕೃತ ಧರ್ಮವಾಗಿದೆ.

ಥೈಲ್ಯಾಂಡ್(Thailand): ದೀಪಾವಳಿಯನ್ನು ಥೈಲ್ಯಾಂಡ್ ನಲ್ಲಿಯೂ ಆಚರಿಸಲಾಗುತ್ತೆ, ಆದರೆ ಅದರ ಹೆಸರು ಕ್ರೆಯೋಂಧ್. ಈ ದಿನ, ಇಲ್ಲಿ ಬಾಳೆ ಎಲೆಗಳಿಂದ ದೀಪಗಳನ್ನು ತಯಾರಿಸಲಾಗುತ್ತೆ ಮತ್ತು ನಂತರ ಈ ದೀಪಗಳನ್ನು ರಾತ್ರಿಯಲ್ಲಿ ಬೆಳಗಿಸಲಾಗುತ್ತೆ. ಇದರ ನಂತರ, ದೀಪ ಮತ್ತು ದೂಪಗಳನ್ನು ಸ್ವಲ್ಪ ಹಣದೊಂದಿಗೆ ನದಿಯಲ್ಲಿ ಬಿಡಲಾಗುತ್ತೆ.

ಶ್ರೀಲಂಕಾ: ದೀಪಾವಳಿಯು ಶ್ರೀಲಂಕಾದ ಪ್ರಮುಖ ಹಬ್ಬಗಳಲ್ಲಿ ಒಂದಾಗಿದೆ. ಭಾರತದಲ್ಲಿರುವಂತೆ ಅಲ್ಲಿಯೂ ಐದು ದಿನಗಳ ಕಾಲ ದೀಪಾವಳಿಯನ್ನು ಆಚರಿಸಲಾಗುತ್ತೆ. ದೀಪಗಳ ಹಬ್ಬವನ್ನು ದೇಶದಲ್ಲಿ ಉದಯಿಸುತ್ತಿರುವ ಹಿಂದೂ ತಮಿಳಿನ ಸಮುದಾಯಗಳು ತುಂಬಾನೆ ಸಡಗರ ಸಂಭ್ರಮದಿಂದ(Celebration) ಆಚರಿಸುತ್ತವೆ. ಈ ಆಚರಣೆಯು ಪಟಾಕಿ, ದೀಪಗಳನ್ನು ಬೆಳಗಿಸೋದು ಮತ್ತು ಸಿಹಿತಿಂಡಿಗಳ ವಿತರಣೆಯನ್ನು ಒಳಗೊಂಡಿದೆ. 

ಶ್ರೀಲಂಕಾದಲ್ಲಿ ದೀಪಾವಳಿ ಹಬ್ಬವು ವಿಶೇಷ ಪ್ರಾಮುಖ್ಯತೆಯನ್ನು ಹೊಂದಿದೆ ಯಾಕಂದ್ರೆ  ಇದು ಮಹಾಕಾವ್ಯ ರಾಮಾಯಣದೊಂದಿಗೆ(Ramayana) ಸಹ ಸಂಬಂಧ ಹೊಂದಿದೆ. ಈ ದಿನದಂದು, ಇಲ್ಲಿನ ಜನರು ತಮ್ಮ ಮನೆಗಳಲ್ಲಿ ಮಣ್ಣಿನ ದೀಪಗಳನ್ನು ಬೆಳಗಿಸುತ್ತಾರೆ ಮತ್ತು ಪರಸ್ಪರರ ಮನೆಗಳಿಗೆ ಭೇಟಿ ನೀಡುತ್ತಾರೆ. ಒಟ್ಟಲ್ಲಿ ಸಡಗರ ಸಂಭ್ರಮದಿಂದ ಹಬ್ಬ ಆಚರಣೆ ಮಾಡಲಾಗುತ್ತೆ.

ಜಪಾನ್: ದೀಪಾವಳಿಯ ದಿನದಂದು, ಜಪಾನಿನ ಜನರು ತಮ್ಮ ತೋಟಗಳಲ್ಲಿನ ಮರಗಳ ಮೇಲೆ ಕಾಗದದಿಂದ ಮಾಡಿದ ಗೂಡುದೀಪಗಳನ್ನು(Lantern) ನೇತುಹಾಕುತ್ತಾರೆ. ನಂತರ ಅದನ್ನು ಆಕಾಶದಲ್ಲಿ ಬಿಡುತ್ತಾರೆ. ಈ ದಿನದಂದು ಜನರು ನೃತ್ಯ ಮಾಡಿ, ಹಾಡಿ, ಸಂತೋಷ ಪಡುತ್ತಾರೆ. ಇದಲ್ಲದೆ, ಅವರು ದೋಣಿ ವಿಹಾರವನ್ನು ಸಹ ಆನಂದಿಸುತ್ತಾರೆ.

ಇಂಡೋನೇಷ್ಯಾ(Indonasia): ಇಂಡೋನೇಷಿಯಾದಲ್ಲಿ ಭಾರತೀಯರ ಜನಸಂಖ್ಯೆ ತುಂಬಾ ಕಡಿಮೆಯಿದೆ, ಆದರೆ ಬಾಲಿ ದ್ವೀಪವು ದೀಪಾವಳಿ ಹಬ್ಬವನ್ನು ಆಚರಿಸಲು ಹೆಸರುವಾಸಿಯಾಗಿದೆ. ಇಲ್ಲಿನ ಜನಸಂಖ್ಯೆಯ ಬಹುಪಾಲು ಜನರು ಭಾರತೀಯ ಮೂಲದವರಾಗಿದ್ದು, ಭಾರತದಂತೆಯೇ ಆಚರಣೆಗಳನ್ನು ಅನುಸರಿಸುತ್ತಾರೆ - ಅಲ್ಲಿ ಜನರು ಪಟಾಕಿಗಳನ್ನು ಸುಡುತ್ತಾರೆ, ಲಾಟೀನುಗಳನ್ನು ಬಿಡುತ್ತಾರೆ ಮತ್ತು ಇತರ ಆಚರಣೆಗಳನ್ನು ಮಾಡುತ್ತಾರೆ.

ಫಿಜಿ(Fiji): ದೀಪಾವಳಿಯನ್ನು ಫಿಜಿಯಲ್ಲಿ ಸಾರ್ವಜನಿಕ ರಜಾದಿನವಾಗಿ ಆಚರಿಸಲಾಗುತ್ತೆ. ನ್ಯೂಝಿಲ್ಯಾಂಡ್ನಿಂದ ಈಶಾನ್ಯಕ್ಕೆ 1,100 ನಾಟಿಕಲ್ ಮೈಲಿ ದೂರದಲ್ಲಿರುವ ದ್ವೀಪರಾಷ್ಟ್ರವು ಭಾರತದಲ್ಲಿ ಆಚರಿಸಲಾಗುವ ಅದೇ ಉತ್ಸಾಹ ಮತ್ತು ಉಲ್ಲಾಸದಿಂದ ಬೆಳಕಿನ ಹಬ್ಬವನ್ನು ಆಚರಿಸುತ್ತೆ. ದೇಶದಾದ್ಯಂತ ಆಚರಿಸಲ್ಪಡುವ ಈ ಹಬ್ಬವನ್ನು ಜನರು ಸಾಂಪ್ರದಾಯಿಕ ಸದ್ಭಾವನೆ ಮತ್ತು ಆಚರಣೆಗಳೊಂದಿಗೆ ಆನಂದಿಸುತ್ತಾರೆ.

ಸಿಂಗಾಪುರ(SIngapore): ದೀಪಾವಳಿಯ ಸಮಯದಲ್ಲಿ ನೀವು ಸಿಂಗಾಪುರದಲ್ಲಿದ್ದರೆ, ಈ ಸಮಯದಲ್ಲಿ ಭಾರತದಂತೆಯೇ ಈ ತಾಣ ಕೂಡ ಜಗಮಗಿಸುವ ದೀಪಗಳಿಂದ ಹೇಗೆ ಬೆಳಗುತ್ತೆ ಎಂಬುದಕ್ಕೆ ನೀವು ಸಾಕ್ಷಿಯಾಗುತ್ತೀರಿ. ಈ ದೇಶವೂ ಸಹ ಈ ಹಬ್ಬವನ್ನು ಹೆಚ್ಚು ಉತ್ಸಾಹದಿಂದ ಆಚರಿಸುತ್ತೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ.

ಕೆನಡಾ(Canada): ದೀಪಾವಳಿ ಕೆನಡಾದಲ್ಲಿ ರಾಷ್ಟ್ರವ್ಯಾಪಿ ರಜಾದಿನದೊಂದಿಗೆ ಬರುವುದಿಲ್ಲವಾದರೂ, ಇಲ್ಲಿದ್ದಾಗ ನೀವು ಅದರ ಅನುಭವವನ್ನು ಪಡೆಯೋದಿಲ್ಲ ಎಂದು ಇದರ ಅರ್ಥವಲ್ಲ. ದೀಪಾವಳಿ ಹಬ್ಬವನ್ನು ಕೆನಡಾದ ಅನೇಕ ಪಟ್ಟಣ ಮತ್ತು ನಗರಗಳಲ್ಲಿ ಆಚರಿಸಲಾಗುತ್ತೆ  ಮತ್ತು ಈ ಬೆಳಕಿನ ಹಬ್ಬದಲ್ಲಿ ಭಾಗವಹಿಸಲು ಜನರು ಉತ್ಸಾಹದಿಂದ ಮುಂದೆ ಬರುತ್ತಾರೆ. ಅಲ್ಲದೇ ಎಲ್ಲರೂ ಸಂಭ್ರಮಿಸುತ್ತಾರೆ.

ಯುನೈಟೆಡ್ ಕಿಂಗ್ಡಮ್(United kingdom): ಯುನೈಟೆಡ್ ಕಿಂಗ್ ಡಮ್ ನಲ್ಲಿ ದೀಪಾವಳಿಯನ್ನು ಅದ್ಧೂರಿಯಾಗಿ ಆಚರಿಸುವ ಅನೇಕ ನಗರಗಳಿವೆ, ವಿಶೇಷವಾಗಿ ಲೀಚೆಸ್ಟರ್ ಮತ್ತು ಬರ್ಮಿಂಗ್ಹಾಲ್. ಏಕೆಂದರೆ ಈ ಪ್ರದೇಶಗಳಲ್ಲಿ ಹೆಚ್ಚಿನ ಸಂಖ್ಯೆಯ ಭಾರತೀಯ ಸಮುದಾಯಗಳು ನೆಲೆಸಿವೆ. ನೀವು ಅಲ್ಲಿದ್ದರೆ, ಇಲ್ಲಿರುವ ಉತ್ಸವಗಳು ಭಾರತದಷ್ಟೇ ಎಂಜಾಯ್ ಮಾಡಬಹುದು.