ಬೆತ್ತಲಾದ ರಣ್ವೀರ್: ನಗ್ನತೆಯಲ್ಲಿ ಸೌಂದರ್ಯ ಕಾಣೋದು ಇದೇನು ಹೊಸದಲ್ಲ!
ಮ್ಯಾಗಜೀನ್ಗಾಗಿ ದೀಪಿಕಾ ಪಡುಕೋಣೆ ಗಂಡ ರಣವೀರ್ ಸಿಂಗ್ ಬೆತ್ತಲಾಗಿದ್ದೇ ಆಗಿದ್ದು, ಇದೀಗ ಅಂತರ್ಜಾಲದಲ್ಲಿ ಬರೀ ಅದೇ ಸುದ್ದಿಗಳು. ಸಾಲದು ಎನ್ನುವುದಕ್ಕೆ ಕೆಲವು ಮಾಡೆಲ್ಸ್, ನಟ, ನಟಿಯರೂ ರಣ್ವೀರ್ ಫಾಲೋ ಮಾಡುತ್ತಿದ್ದಾರೆ. ಒಬ್ಬರ ಕಾಲನ್ನು ಮತ್ತೊಬ್ಬರು ಎಳೆದುಕೊಳ್ಳುತ್ತಿದ್ದಾರೆ. ಅಷ್ಟಕ್ಕೂ ಚಿತ್ರ ನಟ, ನಟಿ ಹೀಗೆ ಬೆತ್ತಲಾಗಿದ್ದು ಇದೇ ಮೊದಲಾ?
ಮ್ಯಾಗಜೀನ್ಗಾಗಿ ದೀಪಿಕಾ ಪಡುಕೋಣೆ ಗಂಡ ರಣವೀರ್ ಸಿಂಗ್ ಬೆತ್ತಲಾಗಿದ್ದೇ ಆಗಿದ್ದು, ಇದೀಗ ಅಂತರ್ಜಾಲದಲ್ಲಿ ಬರೀ ಅದೇ ಸುದ್ದಿಗಳು. ಸಾಲದು ಎನ್ನುವುದಕ್ಕೆ ಕೆಲವು ಮಾಡೆಲ್ಸ್, ನಟ, ನಟಿಯರೂ ರಣ್ವೀರ್ ಫಾಲೋ ಮಾಡುತ್ತಿದ್ದಾರೆ. ಒಬ್ಬರ ಕಾಲನ್ನು ಮತ್ತೊಬ್ಬರು ಎಳೆದುಕೊಳ್ಳುತ್ತಿದ್ದಾರೆ. ಅಷ್ಟಕ್ಕೂ ಚಿತ್ರ ನಟ, ನಟಿ ಹೀಗೆ ಬೆತ್ತಲಾಗಿದ್ದು ಇದೇ ಮೊದಲಾ?
ನಟ ಅಥವಾ ನಟಿ ಬೆತ್ತಲಾಗೋದು ಬಾಲಿವುಡ್ಗೆ ಹೊಸ ವಿಷಯವೇನಲ್ಲ. ನಗ್ನತೆಯನ್ನೂ ಸುಂದರವಾಗಿ ತೋರಿಸಿ, ಅಲ್ಲಿಯೂ ಸೃಜನಶೀಲತೆ ಎಷ್ಟಿದೆ ಎಂಬುದನ್ನು ತೋರಿಸುತ್ತಾರೆ. ಕನ್ನಡದ ಚಿತ್ರ ದಂಡುಪಾಳ್ಯದಲ್ಲಿ ಪೂಜಾ ಗಾಂಧಿ ಬೆತ್ತಲಾಗಿದ್ದು ಗೊತ್ತು. ಅಷ್ಟೇ ಅಲ್ಲ ಇತ್ತೀಚಿನ ಚಿತ್ರ 'ಲಂಗರ್'ಗಾಗಿ ವಿಜಯ್ ದೇವರಕೊಂಡ ಕೂಡ ಬೆತ್ತಲಾಗಿದ್ದರು. ಅಷ್ಟೇ ಅಲ್ಲದೇ ಅನೇಕ ನಟ, ನಟಿಯರು ಚಿತ್ರಕ್ಕಾಗಿಯೋ, ಮ್ಯಾಗಜೀನ್ ಪೋಸ್ಟ್ಗಾಗಿಯೋ, ಮತ್ಯಾವುದೋ ಒಂದು ಕಾರಣಕ್ಕೆ ನಟಿ ಕಲ್ಕಿ ಕೊಚಿನ್ ಸೇರಿ ಅನೇಕರು ನಗ್ನರಾಗಿ ಫೋಸ್ ಕೊಟ್ಟಿದ್ದಾರೆ. ಅಂಥವರಲ್ಲಿ ಕೆಲವರು ಇವರು.
ನಟಿ ರಾಧಿಕಾ ಆಪ್ಟೆ, 2016ರಲ್ಲಿ 'ನಂದ ಮ್ಯಾಡ್ಲಿ' ಎಂಬ ಚಿತ್ರಕ್ಕಾಗಿ ಬೆತ್ತಲಾಗಿದ್ದರು. ಒಂದು ದೃಶ್ಯದಲ್ಲಂತೂ ಈ ರಾಧಿಕಾ ತಮ್ಮ ಸೊಂಟದ ಕೆಳ ಭಾಗವನ್ನು ನಗ್ನರಾಗಿ ಸಹಕಲಾವಿದನಿಗೆ ತೋರಿಸುವ ದೃಶ್ಯ ಫುಲ್ ಸದ್ದು ಮಾಡಿತ್ತು. ನಂತರ ಪಾರ್ಚ್ಡ್ ಸಿನಿಮಾದಲ್ಲೂ ಆಪ್ಟೆ ನೂಡ್ ಆಗಿ ಕಾಣಿಸಿಕೊಂಡಿದ್ದಾಳೆ. ಬೆತ್ತಲಾಗುವ ಟ್ರೆಂಡ್ ಕ್ರಿಯೇಟ್ ಮಾಡಿದ ರಾಧಿಕಾ ಒಳ್ಳೆಯ ನಟಿಯೂ ಹೌದು. ಇದರಿಂದಾನೇ ಚಿತ್ರರಂಗದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿದ್ದರು.
ಇನ್ನು ಪಿಕೆ ಚಿತ್ರಕ್ಕಾಗಿ ಆಮೀರ್ ಖಾನ್ ಬೆತ್ತಲಾಗಿದ್ದು ದೊಡ್ಡ ಸುದ್ದಿಯಾಗಿತ್ತು. ಆ ಜಾಗಕ್ಕೆ ರೇಡಿಯೋ ಇಟ್ಕೊಂಡು ಮಾನ ಮುಚ್ಚಿಕೊಂಡರೂ, ಬಾಲಿವುಡ್ ಪರ್ಫೆಕ್ಷನಿಸ್ಟ್ನ ಈ ಫೋಸ್ಗೆ ಸಿಕ್ಕಾಪಟ್ಟೆ ಟೀಕೆಗಳು ವ್ಯಕ್ತವಾಗಿದ್ದವು. ಅನ್ಯಗ್ರಹ ಜೀವಿಯಾಗಿ ಹುಟ್ಟು ಬಟ್ಟೆಯಲ್ಲಿ ಭೂಮಿಗೆ ಬಂದು ಬೀಳುವ ಪಾತ್ರ ಅವರದ್ದು. ಈ ಚಿತ್ರದ ಮೊದಲ ದೃಶ್ಯದಲ್ಲಿಯೇ ಬಟ್ಟೆ ಇಲ್ಲದೇ ಕಾಣಿಸಿಕೊಂಡು ಎಲ್ಲರ ಗಮನ ಸೆಳೆದಿದ್ದರು. ಈ ದೃಶ್ಯ ಈ ಫಿಲಂಗೆ ಅತ್ಯಗತ್ಯವೂ ಆಗಿತ್ತು ಬಿಡಿ.
ಬರೀ ಡಿಪ್ಪಿ ಗಂಡನಲ್ಲ, ಆಲಿಯಾ ಭಟ್ ಪತಿ ರಣಬೀರ್ ಕಪೂರ್ ಸಹ ಬೆತ್ತಲಾದವರ ಲಿಸ್ಟ್ಗೆ ಸೇರಿಕೊಳ್ಳುತ್ತಾರೆ. ತಮ್ಮ ಮೊದಲ ಚಿತ್ರ ಸಾವರಿಯಾದಲ್ಲೇ ಬೆತ್ತಲೆಯಾಗಿದ್ದರು. ಅದರಲ್ಲಿ ಬೆಳಕು ಬೀಳುವ ಕಿಟಕಿ ಮುಂದೆ ತಮ್ಮ ಸೊಂಟಕ್ಕೆ ಪಾರದರ್ಶಕವಾದ ಒಂದು ಟವೆಲ್ ಹಿಡಿದಿದ್ದ. ಮತ್ತೇನೂ ಇರಲಿಲ್ಲ ಮೈ ಮೇಲೆ. ಬಣ್ಣದ ಜಗತ್ತಿಗೆ ಹೊಸಬನಾಗಿದ್ದ ರಣಬೀರ್ದು ಇದೊಂದು ಬೋಲ್ಡ್ ನಡೆಯಾಗಿತ್ತು.
ಗ್ರೀಕ್ ಶಿಲ್ಪದಂಥ ಫಿಸಿಕ್ (Physic) ಇರೋ ಜಾನ್ ಅಬ್ರಾಹಂಗೆ ಹುಡುಗಿಯರು ಈಗಲೂ ಫಿದಾ ಆಗುತ್ತಾರೆ. ಈತ ಸಕ್ಸಸ್ಫುಲ್ ಮಾಡೆಲ್ ಸಹ ಹೌದು. ದೋಸ್ತಾನಾ ಚಿತ್ರದಲ್ಲಿ ಅಬ್ರಾಹಂ ನಗ್ನ ಹಿಂಭಾಗವನ್ನು ತೋರಿಸಿದ್ದ. ಅದಕ್ಕೂ ಮುನ್ನ ನ್ಯೂಯಾರ್ಕ್ (Newyork) ಎಂಬ ಫಿಲಂನಲ್ಲಿ ಸಂಪೂರ್ಣ ನಗ್ನನಾಗುವ ಧೈರ್ಯ ತೋರಿದ್ದು.
ಜೈಲ್ (Jail) ಎಂಬ ಚಿತ್ರದಲ್ಲಿ ನೀಲ್ ನಿತಿನ್ ಮುಖೇಶ್ ಕೂಡ ಬೆತ್ತಲೆಯಾಗಿ ನಟಿಸಿದ್ದ. ಸಾಕಷ್ಟು ಚಿತ್ರಗಳಲ್ಲಿ ನಟಿಸಿರುವ ನೀಲ್, ಬಾಲಿವುಡ್ನಲ್ಲಿ ಅಷ್ಟೇನೂ ಯಶಸ್ಸು ಗಳಿಸಿದವರಲ್ಲ. ನಟಿ ಅಮಲಾ ಪೌಲ್, ಆದಾಯಿ ಎಂಬ ಮೂವಿಯಲ್ಲಿ ಅತ್ಯಚಾರಕ್ಕೊಳಗಾಗುವ ಹೆಣ್ಣಾಗಿ ಅಭಿನಯಿಸಿದ್ದರು. ಈ ಚಿತ್ರದಲ್ಲಿ ಅಮಲಾ ಸಂಪೂರ್ಣ ನಗ್ನ ದೇಹಸಿರಿಯನ್ನು ನೋಡುಗರ ಮುಂದೆ ತೆರೆದಿಟ್ಟಿದ್ದರು.
ಝೆಹರ್ ಚಲನಚಿತ್ರದಲ್ಲಿ ಇಮ್ರಾನ್ ಹಶ್ಮಿಯನ್ನು ಪ್ರಚೋದಿಸುವ ದೃಶ್ಯದಲ್ಲಿ ನಟಿ ಉದಿತಾ ಗೋಸ್ವಾಮಿ ಮಾದಕವಾಗಿ ನಟಿಸಿದ್ದರು. ಇದರಲ್ಲಿ ಆಕೆ ವಸ್ತ್ರ ಕಳಚಿ ನಗ್ನವಾಗುವ ದೃಶ್ಯ ಬಹುಕಾಲ ಚರ್ಚೆಯಲ್ಲಿತ್ತು.
ಡಕಾಯಿತರ ರಾಣಿಯಾಗಿ ಬ್ಯಾಂಡಿಟ್ ಕ್ವೀನ್ (Bandit Queen) ಚಿತ್ರದಲ್ಲಿ ಕಾಣಿಸಿಕೊಂಡ ಸೀಮಾ ಬಿಸ್ವಾಸ್, ರೇಪ್ಗೆ ಒಳಗಾಗುವ ದೃಶ್ಯಗಳಲ್ಲಿ ಬೆತ್ತಲಾಗಿ ಹಸಿಬಿಸಿಯಾಗಿ ಕಾಣಿಸಿಕೊಂಡದ್ದು ಸಹ ದೊಡ್ಡ ಸುದ್ದಿಯಾಗಿತ್ತು.