ವಿಚಿತ್ರ ಕಾಯಿಲೆಯಿಂದ ಬಳಲ್ತಿರೋ ಮಹಿಳೆ, ಬಿಸ್ಕೆಟ್ ಬಿಟ್ಟು ಬೇರೇನೂ ತಿನ್ನೋ ಹಾಗಿಲ್ಲ..!
ಹೊಸ ಹೊಸ ಆಹಾರಗಳನ್ನು ತಿನ್ನೋಕೆ ಯಾರ್ ತಾನೇ ಇಷ್ಟಪಡಲ್ಲ ಹೇಳಿ. ವೆರೈಟಿ ವೆರೈಟಿ ಫುಡ್‌ನ್ನು ಬಾಯಿ ಚಪ್ಪರಿಸಿಕೊಂಡು ತಿನ್ಬೇಕು ಅಂದ್ಕೊಳ್ತಾರೆ. ಆದ್ರೆ ಕೆಲವೊಂದು ಆಹಾರ ಸಮಸ್ಯೆಯಿರುವವರಿಗೆ ಎಲ್ಲಾ ಆಹಾರವನ್ನು ತಿನ್ನಲು ಸಾಧ್ಯವಿಲ್ಲ. ನಿರ್ಧಿಷ್ಟ ಆಹಾರಗಳನ್ನಷ್ಟೇ ತಿನ್ನಬೇಕಾಗುತ್ತೆ. ಆದ್ರೆ ಇಲ್ಲೊಬ್ಬಾಕೆ ತನಗಿರೋ ಆರೋಗ್ಯ ಸಮಸ್ಯೆಯಿಂದ ಬರೀ ಬಿಸ್ಕೆಟ್ ಅಷ್ಟೇ ತಿನ್ಬೋದು.
ಭಾರತೀಯರು ಸ್ವಭಾತಹಃ ಆಹಾರ ಪ್ರಿಯರು. ವೆರೈಟಿ ವೆರೈಟಿ ಆಹಾರ (Food)ಗಳನ್ನು ಟೇಸ್ಟ್ ಮಾಡೋಕೆ ಇಷ್ಟಪಡ್ತಾರೆ. ಆಹಾರದಲ್ಲಿ ಹಲವು ಆಯ್ಕೆಗಳಿವೆ. ಸಸ್ಯಾಹಾರಿ (Vegetarian), ಮಾಂಸಾಹಾರಿ (Non-vegetarian), ಚಾಟ್ಸ್‌, ಸಲಾಡ್‌, ರೈಸ್, ಸ್ನ್ಯಾಕ್ಸ್ ಹೀಗೆ ಹಲವು. ಫುಡ್ಡೀಗಳನ್ನು ಹೊಸ ಹೊಸ ಲೊಕೇಶನ್‌ಗಳಿಗೆ ಹೋಗಿ ಇವೆಲ್ಲವನ್ನು ಸವಿದು ಬರ್ತಾರೆ. ಇತ್ತೀಚಿಗೆ ಎಲ್ಲಾ ದೇಶದ ಆಹಾರಗಳು ಎಲ್ಲಾ ಕಡೆಯೂ ಲಭ್ಯವಿರುವ ಕಾರಣ ಸುಲಭವಾಗಿ ಎಲ್ಲವನ್ನೂ ಸವಿಯಲು ಸಾಧ್ಯವಾಗುತ್ತದೆ. ಆಹಾರಲ್ಲಿ ಹಲವು ವೆರೈಟಿಯಿದ್ದರೂ ಎಲ್ಲರೂ ಎಲ್ಲವನ್ನೂ ಸವಿಯಲು ಇಷ್ಟಪಡುವುದಿಲ್ಲ. ಕೆಲವೊಬ್ಬರು ಫುಡ್ ಎಕ್ಸ್‌ಪರಿಮೆಂಟ್ ಮಾಡಿದರೆ, ಇನ್ನು ಕೆಲವರು ನಿರ್ಧಿಷ್ಟ ಆಹಾರಗಳಿಗೆ ಒಗ್ಗಿಹೋಗಿದ್ದು ಅದನ್ನು ಮಾತ್ರ ಸವಿಯಲು (Taste) ಇಷ್ಟಪಡುತ್ತಾರೆ. ಇನ್ನ ಕಾಯಿಲೆಯಿರುವವರು ಸಹ ಎಲ್ಲಾ ರೀತಿಯ ಆಹಾರ ತಿನ್ನಲು ಸಾಧ್ಯವಾಗುವುದಿಲ್ಲ. ವೈದ್ಯರು ಸೂಚಿಸಿದ ಕೆಲವು ಆಹಾರವನ್ನು ಮಾತ್ರ ತಿನ್ನಬೇಕಾಗುತ್ತದೆ.
ಹಾಗೆಯೇ ಇಂಗ್ಲೆಂಡ್‌ನ ವೊಲ್ವರ್‌ಹ್ಯಾಂಪ್ಟನ್‌ನ ತಾಲಿಯಾ ಸಿನೋಟ್, ಅಪರೂಪದ ಗ್ಯಾಸ್ಟ್ರೋಪರೆಸಿಸ್ ಕಾಯಿಲೆಯಿಂದ ಬಳಲುತ್ತಿದ್ದಾರೆ, ಹೀಗಾಗಿ ಇವರು ಬರೀ ಬಿಸ್ಕೆಟ್‌ಗಳನ್ನು ಮಾತ್ರ ತಿನ್ನಬಹುದು. ಗ್ಯಾಸ್ಟ್ರೋಪರೆಸಿಸ್ ಕಾಯಿಲೆ ಎಂದರೆ, ಇದು ಹೊಟ್ಟೆಯಿಂದ ನಿಮ್ಮ ಸಣ್ಣ ಕರುಳಿಗೆ ಆಹಾರದ ಚಲನೆಯನ್ನು ನಿಧಾನಗೊಳಿಸುತ್ತದೆ ಅಥವಾ ನಿಲ್ಲಿಸುತ್ತದೆ. ಈ ಅಪರೂಪದ ಸ್ಥಿತಿಯಿಂದಾಗಿ ಮಹಿಳೆ ಜೀರ್ಣಕಾರಿ ಬಿಸ್ಕತ್ತುಗಳನ್ನು ಮಾತ್ರ ತಿನ್ನಬಹುದು. ಅವಳು ಸಾಮಾನ್ಯ ಊಟವನ್ನು ತಿನ್ನಲು ಪ್ರಯತ್ನಿಸಿದರೆ ವಾಂತಿ ಮಾಡಿಕೊಳ್ಳುತ್ತಾಳೆ.
44 ಮಕ್ಕಳನ್ನು ಹೆತ್ತ ತಾಯಿಗೆ ವಿಚಿತ್ರ ಕಾಯಿಲೆ, ಮಕ್ಕಳನ್ನು ಹೆರದಿದ್ರೆ ಜೀವಕ್ಕೇ ಅಪಾಯ !
ಬಿಸ್ಕೆಟ್ ಬಿಟ್ಟು ಬೇರೆ ಏನನ್ನೂ ತಿಂದರೆ ಅಥವಾ ಕುಡಿದರೆ ಸಾಕಷ್ಟು ಹೊಟ್ಟೆ ನೋವಾಗುತ್ತದೆ ಅಥವಾ ವಾಕರಿಕೆಯಾಗುತ್ತದೆ ಎಂದು ಮಹಿಳೆ ಹೇಳಿದ್ದಾಳೆ. ತಾಲಿಯಾ ತನ್ನ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳನ್ನು ನೀಡುವ ಫೀಡಿಂಗ್ ಟ್ಯೂಬ್ ಅನ್ನು ಅವಲಂಬಿಸಿದ್ದಾಳೆ. ಅವಳು 2018 ರಲ್ಲಿ ರೋಗಲಕ್ಷಣಗಳನ್ನು ಅನುಭವಿಸಲು ಪ್ರಾರಂಭಿಸಿದಳು. ಈ ಸ್ಥಿತಿಯು ತುಂಬಾ ಅಪರೂಪವಾಗಿದ್ದು, ವೈದ್ಯರಿಗೆ ಕಾರಣವನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ. ನಾನು ಊಟವನ್ನು ತಿಂದರೂ ಅದು ವಾರಗಟ್ಟಲೆ ಹೊಟ್ಟೆಯಲ್ಲಿ ಹಾಗೆಯೇ ಇರುವಂತೆ ಭಾಸವಾಗುತ್ತದೆ. ಹೀಗಾಗಿ ಈ ನೋವನ್ನು ನಿವಾರಿಸಲು ನಾನು ಬರೀ ಬಿಸ್ಕೆಟ್ ತಿನ್ನಲು ಆರಂಭಿಸಿದೆ' ಎಂದು ಮಹಿಳೆ ಹೇಳಿದ್ದಾಳೆ.
ಜನವರಿಯಲ್ಲಿ ತಾಲಿಯಾ ವೈರಸ್‌ಗೆ ತುತ್ತಾಗಿದ್ದಳು, ಅದು ಅವಳ ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರಿದೆ. ಪ್ರಸ್ತುತ ತೀವ್ರ ರೋಗಲಕ್ಷಣಗಳೊಂದಿಗೆ ಅವಳನ್ನು ಕಾಡುತ್ತಿದೆ ಎಂದು ವೈದ್ಯರು ಹೇಳಿದ್ದಾರೆ. ಆಕೆಯ ತಂದೆ ಆಕೆಯ ರೋಗಲಕ್ಷಣಗಳ ಬಗ್ಗೆ ಸಾಕಷ್ಟು ಸಂಶೋಧಿಸಿದರು ಮತ್ತು ಲಂಡನ್‌ನಲ್ಲಿ ತಜ್ಞರನ್ನು ಕಂಡುಕೊಂಡರು, ಅವರು ಗ್ಯಾಸ್ಟ್ರೋಪರೆಸಿಸ್ ರೋಗನಿರ್ಣಯ ಮಾಡಿದರು. ಗ್ಯಾಸ್ಟ್ರೋಪರೆಸಿಸ್ ಸಮಸ್ಯೆಗೆ ಚಿಕಿತ್ಸೆಯು ಹೊಟ್ಟೆಯ ಸ್ನಾಯುಗಳಿಗೆ ಪ್ರಚೋದನೆಗಳನ್ನು ಕಳುಹಿಸಲು ಗ್ಯಾಸ್ಟ್ರಿಕ್ ಪೇಸ್‌ಮೇಕರ್ ಅನ್ನು ಅಳವಡಿಸುವುದನ್ನು ಒಳಗೊಂಡಿರುತ್ತದೆ ಮತ್ತು ಆಕೆಗೆ ಆಹಾರವನ್ನು ಜೀರ್ಣಿಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ.
ಸ್ಟ್ರೀಟ್ ಲೈಟ್ ರಕ್ತದ ಸಕ್ಕರೆ ಹೆಚ್ಚಿಸುತ್ತಾ? ಸಂಶೋಧನೆ ಏನು ಹೇಳುತ್ತೆ?
ಭರ್ತಿ 10 ವರ್ಷ ಪಾಸ್ತಾ ಬಿಟ್ಟು ಬೇರೆನೂ ತಿಂದೇ ಇಲ್ಲ ಈಕೆ
ಸಿಯಾರಾ ಫ್ರಾಂಕೋ ಎಂದು ಗುರುತಿಸಲಾದ 13 ವರ್ಷದ ಹುಡುಗಿ ಸುಮಾರು ಒಂದು ದಶಕದಿಂದ ಪ್ಲೈನ್ ಪಾಸ್ತಾ ತಿನ್ನುತ್ತಿದ್ದಾಳಂತೆ. ಆಕೆ ಬೇರೆ ಆಹಾರ ಟೇಸ್ಟ್ ಮಾಡದಿರಲು ಕಾರಣ ಹೊಸ ಆಹಾರದ ಭಯವಂತೆ. ಫ್ರಾಂಕೋ ಅವರ ವಿಚಿತ್ರವಾದ ಆಹಾರ ಅಭ್ಯಾಸಗಳು (Habit) ಅವಳು ಅಂಬೆಗಾಲಿಡುವವನಾಗಿದ್ದಾಗ ಪ್ರಾರಂಭವಾಯಿತು. ಅವಳು ಒಮ್ಮೆ ಊಟ ಸೇವಿಸಿದಾಗ ಉಸಿರುಗಟ್ಟಿದಂತಾಯಿತು ಮತ್ತು ಅಂದಿನಿಂದ ಬೇರೆ ಯಾವುದೇ ಆಹಾರವನ್ನು ಸೇವಿಸಲು ನಿರಾಕರಿಸಿದಳು. ಅವಳು ಊಟಕ್ಕೆ ಪಾಸ್ತಾವನ್ನಷ್ಟೇ ಸೇವಿಸಲು ಆರಂಭಿಸಿದಳು. ತನ್ನ ಮಗಳ ಆಹಾರದ ಆಯ್ಕೆಗಳ ಬಗ್ಗೆ ಮಾತನಾಡುತ್ತಾ ಫ್ರಾಂಕೋ ಅವರ ತಾಯಿ ಏಂಜೆಲಾ ಈ ಮಾಹಿತಿ ನೀಡಿದ್ದಾರೆ. ಮಗಳು ಸಾಂದರ್ಭಿಕವಾಗಿ ಕಾರ್ನ್‌ಫ್ಲೇಕ್‌ಗಳನ್ನು ತಿನ್ನುತ್ತಾರೆ. ಆದರೆ ಅದು ತುಂಬಾ ವಿರಳ ಎಂದಿದ್ದಾರೆ.
ಮಗಳ ಅಚಲ ಮನಃಸ್ಥಿತಿಯ ನಡುವೆಯೂ ಆಕೆಯ ತಾಯಿ ವಿವಿಧ ಆಹಾರಗಳನ್ನು ಪರಿಚಯಿಸಲು ಪ್ರಯತ್ನಿಸಿದರು. ಆದರೂ ಫ್ರಾಂಕೋ ಯಾವುದೇ ಆಹಾರವನ್ನು ತಿನ್ನಲು ಇಷ್ಟಪಡಲ್ಲಿಲ್ಲ. ನಂತರ, ಅವರು ಡೇವಿಡ್ ಕಿಲ್ಮುರಿ ಎಂಬ ಸಂಮೋಹನ ಚಿಕಿತ್ಸಕರನ್ನು ಸಂಪರ್ಕಿಸಿದರು. ಮಗಳ ಫುಡ್ ಫೋಬಿಯಾದ ಕುರಿತು ಅವರೊಂದಿಗೆ ಚರ್ಚಿಸಿದರು.
