Monsoon: ಯೋನಿ ನೈರ್ಮಲ್ಯಕ್ಕೆ ಇರಲಿ ಹೆಚ್ಚಿನ ಗಮನ, ಹೇಗಿರಬೇಕು ಬಟ್ಟೆ?
ಮಳೆಗಾಲದ ಸಮಯದಲ್ಲಿ ಹೆಚ್ಚಿನ ತೇವಾಂಶ ಹೊಂದಿರುವುದರಿಂದ ಯೋನಿಯಲ್ಲಿ pH ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದರಿಂದಾಗಿ, ಮಹಿಳೆಯರು ಯೋನಿ ಸೋಂಕುಗಳಿಗೆ, ವಿಶೇಷವಾಗಿ ಶಿಲೀಂಧ್ರಕ್ಕೆ (Fungus) ಹೆಚ್ಚು ಒಳಗಾಗುತ್ತಾರೆ.
ಮಳೆಗಾಲದ ತಿಂಗಳುಗಳಲ್ಲಿ ಉತ್ತಮ ಯೋನಿ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು ಬಹು ಅವಶ್ಯಕ. ನಿಮ್ಮ ಯೋನಿಗಳನ್ನು ಶುದ್ಧ ನೀರು ಮತ್ತು ಸಾಬೂನಿನಿಂದ ಸರಳವಾಗಿ ತೊಳೆಯಿರಿ. ಹೀಗಾಗಿ, ಯಾವುದೇ ಸೋಂಕಿನ ಸಾಧ್ಯತೆಯನ್ನು ತಪ್ಪಿಸಲು ಮಳೆಗಾಲದಲ್ಲಿ ಯೋನಿ ಪ್ರದೇಶವನ್ನು ಶುಷ್ಕ (Dry) ಮತ್ತು ಸ್ವಚ್ಛವಾಗಿರಿಸಿಕೊಳ್ಳುವುದು ಮುಖ್ಯವಾಗಿದೆ.
ಬಿಗಿ (Tight) ಬಟ್ಟೆ ಧರಿಸುವುದ ತಪ್ಪಿಸಿ ಮತ್ತು ಒಣ ಹತ್ತಿ ಒಳ ಉಡುಪು ಧರಿಸಿ
ಸ್ಕಿನ್ನಿ ಜೀನ್ಸ್, ಬಿಗಿಯಾದ ಶಾರ್ಟ್ಸ್ ಅಥವಾ ಬಿಗಿಯಾದ ಒಳಉಡುಪುಗಳನ್ನು ಧರಿಸುವುದನ್ನು ಆದಷ್ಟು ತಪ್ಪಿಸಬೇಕು. ಏಕೆಂದರೆ ಬಿಗಿಯಾದ ಬಟ್ಟೆಯೊಂದಿಗೆ ಹೆಚ್ಚಿನ ಮಟ್ಟದ ಆರ್ದ್ರತೆಯು ಸೇರಿಕೊಂಡು ಅತಿಯಾದ ಬೆವರುವಿಕೆಗೆ ಕಾರಣವಾಗಬಹುದು. ಬಿಗಿಯಾದ ಬಟ್ಟೆ ಮತ್ತು ತೇವಾಂಶದ ಈ ಸಂಯೋಜನೆಯು ದದ್ದುಗಳು (Rashes), ಯೋನಿ ಸೋಂಕುಗಳು ಮತ್ತು ಮೂತ್ರದ ಸೋಂಕುಗಳಿಗೆ ಕಾರಣವಾಗಬಹುದು ಏಕೆಂದರೆ ಯೋನಿಯ ಸುತ್ತಲಿನ ಪ್ರದೇಶದಲ್ಲಿ ಗಾಳಿಯ ಹರಿವು ಕಡಿಮೆಯಾಗುವುದುರಿಂದ ಹೆಚ್ಚಿನ ತೇವಾಂಶವನ್ನು ಉಳಿಯುತ್ತದೆ. ಆದ್ದರಿಂದ, ಆರಾಮದಾಯಕವಾದ ಮತ್ತು ಬೇಗನೆ ಒಣಗಬಹುದಾದ ಹತ್ತಿಯ ಒಳ ಉಡುಪುಗಳನ್ನು (Underwear) ಧರಿಸುವುದು ಉತ್ತಮ.
ಡ್ರೈ ಶೇವಿಂಗ್ ಮಾಡಿ ಕೊಳ್ಳೋರು ನೀವಾದ್ರೆ, ಈ ವಿಷಯ ಗಮನದಲ್ಲಿ ಇರಲಿ!
ಉತ್ತಮ ಮುಟ್ಟಿನ ನೈರ್ಮಲ್ಯವನ್ನು (Menstrual hygiene) ಅಭ್ಯಾಸ ಮಾಡಿ
ಮಳೆಗಾಲದಲ್ಲಿ, ಮಾಲಿನ್ಯವನ್ನು ತಡೆಗಟ್ಟಲು ಉತ್ತಮ ಮಾರ್ಗವೆಂದರೆ ಪ್ರತಿ ನಾಲ್ಕು ಗಂಟೆಗಳಿಗೊಮ್ಮೆ ಸ್ಯಾನಿಟರಿ ಪ್ಯಾಡ್‌ಗಳನ್ನು (Sanitary Pads), ಪ್ರತಿ ಎರಡು ಗಂಟೆಗಳಿಗೊಮ್ಮೆ ಟ್ಯಾಂಪೂನ್‌ಗಳನ್ನು ಮತ್ತು ಪ್ರತಿ ಎಂಟು ಗಂಟೆಗಳಿಗೊಮ್ಮೆ ಮುಟ್ಟಿನ ಕಪ್‌ಗಳನ್ನು ಬದಲಾಯಿಸುವುದು. ಹೆಚ್ಚಿನ ರಾಸಾಯನಿಕಗಳನ್ನು ಹೊಂದಿರುವ ಒದ್ದೆಯಾದ ಒರೆಸುವ ಬಟ್ಟೆಯ (Wet Wipes) ಬದಲು ಒಣ ಒರೆಸುವ ಬಟ್ಟೆಗಳನ್ನು ಬಳಸಿ ಯೋನಿ ಪ್ರದೇಶವನ್ನು ಒಣಗಿಸಿ. ಅಗತ್ಯವಿದ್ದರೆ, ಹೆಚ್ಚುವರಿ ತೇವಾಂಶವನ್ನು ತೆಗೆದುಹಾಕಲು ಸರಳ ಟಾಯ್ಲೆಟ್ ಪೇಪರ್ ಅನ್ನು ಬಳಸಿ.
ದೇಹವನ್ನು ಹೈಡ್ರೇಟೆಡ್ (Hydrated) ಆಗಿರಿಸಿ
ಮಳೆಗಾಲದಲ್ಲಿ ಹೆಚ್ಚಿನ ಪ್ರಮಾಣದ ಆರ್ದ್ರತೆ ಇರುತ್ತದೆ, ಇದರಿಂದಾಗಿ ದೇಹವು ಹೆಚ್ಚಿನ ಪ್ರಮಾಣದ ಉಪ್ಪು ಮತ್ತು ದ್ರವವನ್ನು ಕಳೆದುಕೊಳ್ಳುತ್ತದೆ. ದೇಹದಿಂದ ಅನಾವಶ್ಯಕ ಅಂಶ ಹೊರಹಾಕಲು, ನೀವು ಕನಿಷ್ಟ 2-3 ಲೀಟರ್ ನೀರನ್ನು ಪ್ರತಿದಿನ ಸೇವಿಸಬೇಕು. ಹಾಗೆ ಮಾಡುವುದರಿಂದ, ನೀವು ಹೈಡ್ರೆಟೆಡಾಗಿ ಉಳಿಯುತ್ತೀರಿ. ಹೆಚ್ಚುವರಿಯಾಗಿ, ಸಾಕಷ್ಟು ಜಲಸಂಚಯನವು ಯೋನಿ (Vagina) ಸ್ರಾವಗಳ pH ಅನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ, ಮಳೆಗಾಲದಲ್ಲಿ ಸಾಮಾನ್ಯವಾಗಿ ಸಂಭವಿಸುವ ಯೋನಿ ಮತ್ತು ಮೂತ್ರದ ಸೋಂಕಿನ ಬೆಳವಣಿಗೆಯನ್ನು ತಡೆಯುತ್ತದೆ.
ಮುಟ್ಟಿನ ಕಪ್ (Menstrual cups) ಬಳಕೆ
ಮಾನ್ಸೂನ್ ಋತುವಿನಲ್ಲಿ, ಸ್ಯಾನಿಟರಿ ಪ್ಯಾಡ್‌ಗಳು ಹೆಚ್ಚಿದ ಆರ್ದ್ರತೆಯಿಂದಾಗಿ (Humidity) ದದ್ದುಗಳಿಂದ ಉಂಟಾಗುವ ಸೋಂಕುಗಳ ಸಂಭವವನ್ನು ಹೆಚ್ಚಿಸಬಹುದು. ಟ್ಯಾಂಪೂನ್ಗಳು ಯೋನಿಯಲ್ಲಿರುವ ಎಲ್ಲಾ ದ್ರವವನ್ನು ಹೀರಿಕೊಳ್ಳುತ್ತವೆ, ಇದರಿಂದಾಗಿ ಯೋನಿಯು ಒಣಗುತ್ತದೆ, ಸೋಂಕಿನ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ. ಸ್ಯಾನಿಟರಿ ಪ್ಯಾಡ್ ಬದಲು, ಋತುಚಕ್ರದ ಕಪ್ಗಳು ಉತ್ತಮ. ಏಕೆಂದರೆ, ಅವುಗಳು ಯೋನಿ ಪ್ರದೇಶದಲ್ಲಿ ಅತಿಯಾದ ಬೆವರುವಿಕೆ ಮತ್ತು ತೇವಾಂಶದ ಸಮಸ್ಯೆಯನ್ನು ಹೆಚ್ಚಿಸುವುದಿಲ್ಲ.
Period Health: ಮುಟ್ಟಿನ ವಾಸನೆ ತಡೆಯಲು ಇಲ್ಲಿವೆ ಟಿಪ್ಸ್!
ಮಾನ್ಸೂನ್‌ನಲ್ಲಿ ಹೆಚ್ಚು ಶೇವಿಂಗ್ (Shaving) ಮಾಡುವುದನ್ನು ತಪ್ಪಿಸಿ
ನಿಕಟ ನೈರ್ಮಲ್ಯವನ್ನು ಹೆಚ್ಚಾಗಿ ಪ್ಯುಬಿಕ್ ಕೂದಲಿನಿಂದ ನಿರ್ಧರಿಸಲಾಗುತ್ತದೆ, ಇದು ಯೋನಿ ಪ್ರದೇಶವನ್ನು ಬ್ಯಾಕ್ಟೀರಿಯಾದ (Bacteria) ಆಕ್ರಮಣದಿಂದ ರಕ್ಷಿಸುವ ಕಂಬಳಿಯಂತೆ ಕಾರ್ಯನಿರ್ವಹಿಸುತ್ತದೆ. ಈ ಕಾರಣದಿಂದಾಗಿ, ತೇವಾಂಶವುಳ್ಳ ಮಾನ್ಸೂನ್ ಋತುವಿನಲ್ಲಿ ಅಗತ್ಯವಿದ್ದಾಗ ಮಾತ್ರ ಪ್ಯುಬಿಕ್ ಕೂದಲನ್ನು ಕ್ಷೌರ ಮಾಡಬೇಕು.
ಮರುಬಳಕೆ ಮಾಡಬಹುದಾದ ಬಟ್ಟೆಯ ಸಂದಿಗ್ಧತೆ (Dilemma)
ಬಟ್ಟೆಗಳನ್ನು ಮರುಬಳಕೆ (Reusable) ಮಾದುವುದರಿಂದ ಈಗಾಗಲೇ ಹೆಚ್ಚಿನ ಸೋಂಕಿನ ಅಪಾಯವನ್ನು ಹೊಂದಿದ್ದಾರೆ ಮತ್ತು ಮಳೆಗಾಲದಲ್ಲಿ ಇದು ಹೆಚ್ಚಾಗುತ್ತದೆ. ಏಕೆಂದರೆ ಅಂತಹ ಋತುಚಕ್ರದ ಒರಟು ಬಟ್ಟೆಗಳು ತೇವ ಮತ್ತು ಆರ್ದ್ರ ವಾತಾವರಣದಿಂದಾಗಿ ಒಣಗಲು ಹೆಚ್ಚು ಸಮಯ ತೆಗೆದುಕೊಳ್ಳಬಹುದು. ಆದ್ದರಿಂದ, ಅನೇಕ ಮಹಿಳೆಯರು ತಮ್ಮ ಚಿಂದಿ ಬಟ್ಟೆಯನ್ನು ಬದಲಾಯಿಸದೆ ಬಹಳ ಗಂಟೆಗಳ ಕಾಲ ಉಳಿದುಬಿಡುತ್ತಾರೆ. ಇದರಿಂದ ಚರ್ಮರೋಗಗಳ ಅಪಾಯ ಇದೆ.
