ಗೋವಾದ ಪ್ರಸಿದ್ಧ ತಾಣ ಕ್ಯಾಲಂಗುಟ್‌ಗೆ ಹೋಗೋಕೆ ಇನ್ನು ಮುಂದೆ ಪ್ರವಾಸಿಗರು ಕಟ್ಬೇಕು ಪ್ರವೇಶ ತೆರಿಗೆ
ಗೋವಾದ ಪ್ರಸಿದ್ಧ ಪ್ರವಾಸಿ ತಾಣ ಕ್ಯಾಲಂಗುಟ್‌ಗೆ ಬರುವ ಪ್ರವಾಸಿಗರಿಂದ ತೆರಿಗೆ ವಸೂಲಿ ಮಾಡಲು ಸ್ಥಳೀಯ ಪಂಚಾಯತ್ ಯೋಜಿಸಿದೆ.
 )
Followಗೋವಾದ ಕಡಲತೀರಕ್ಕೆ ಹೆಸರುವಾಸಿಯಾದ ಕ್ಯಾಲಂಗುಟ್ ಒಂದು ಜನಪ್ರಿಯ ಪ್ರವಾಸಿ ತಾಣವಾಗಿದೆ. ಆದರೆ ಇನ್ನು ಮುಂದೆ, ಇಲ್ಲಿ ಹೋಗಲು ಪ್ರವಾಸಿಗರು ತೆರಿಗೆ ಕಟ್ಟಬೇಕಾಗಬಹುದು. ಏಕೆಂದರೆ, ಉತ್ತರ ಗೋವಾದ ಕ್ಯಾಲಂಗುಟ್ ಗ್ರಾಮ ಪಂಚಾಯತ್ ಪ್ರವಾಸಿಗರು ಹೋಟೆಲ್ ಕಾಯ್ದಿರಿಸುವಿಕೆಯ ಪುರಾವೆಯನ್ನು ತೋರಿಸಲು ಅಥವಾ ಅದರ ಮಿತಿಯೊಳಗೆ ಪ್ರವೇಶಿಸಲು ತೆರಿಗೆ ಪಾವತಿಸುವುದನ್ನು ಕಡ್ಡಾಯಗೊಳಿಸಲು ನಿರ್ಧರಿಸಿದೆ.
ಪಂಚಾಯತ್ ನಿರ್ಣಯವನ್ನು ಮುಂದಿನ ಕ್ರಮಕ್ಕಾಗಿ ಪಣಜಿಯಲ್ಲಿರುವ ಜಿಲ್ಲಾಧಿಕಾರಿಗಳಿಗೆ ರವಾನಿಸುತ್ತಿದ್ದೇವೆ, ಅವರು ಅನುಮೋದಿಸಿದ ನಂತರ, ಮುಂದಿನ ಪ್ರವಾಸಿ ಋತುವಿನಿಂದ (ಅಕ್ಟೋಬರ್‌ನಲ್ಲಿ ಪ್ರಾರಂಭವಾಗುತ್ತದೆ) ಅದರ ಅನುಷ್ಠಾನವಾಗಲಿದೆ ಎಂದು ಕ್ಯಾಲಂಗುಟ್ ಸರಪಂಚ್ ಹೇಳಿದ್ದಾರೆ.
ಪ್ರೈಮ್ ವಿಡಿಯೋದಲ್ಲಿ ನೋಡಲೇಬೇಕಾದ ವೆಬ್ ಸೀರೀಸ್‌ಗಳು ಇಲ್ಲಿವೆ..
ಗುರುವಾರ ಪಿಟಿಐ ಜೊತೆ ಮಾತನಾಡಿದ ಕ್ಯಾಲಂಗುಟ್ ಸರಪಂಚ್ ಜೋಸೆಫ್ ಸಿಕ್ವೇರಾ, ಗ್ರಾಮ ಪಂಚಾಯಿತಿ ಸಭೆ ನಡೆಸಲಿದ್ದು, ಅಲ್ಲಿಗೆ ಬರುವ ಪ್ರವಾಸಿಗರು ಪ್ರವೇಶ ಬಿಂದುಗಳಲ್ಲಿ ಹೋಟೆಲ್ ಬುಕಿಂಗ್ ರಶೀದಿಯನ್ನು ತೋರಿಸುವುದು ಅಥವಾ ತೆರಿಗೆ ಪಾವತಿಸುವುದನ್ನು ಕಡ್ಡಾಯಗೊಳಿಸುವ ನಿರ್ಣಯವನ್ನು ಅಂಗೀಕರಿಸಲು ಯೋಜಿಸಲಾಗಿದೆ ಎಂದು ಹೇಳಿದರು.
ಜೀಪ್‌, ಬಸ್‌ಗಳು ಮತ್ತು ಇತರ ವಾಹನಗಳಲ್ಲಿ ಬರುವ ಪ್ರವಾಸಿಗರು ಬೀಚ್‌ಗೆ ಆಗಮಿಸುತ್ತಾರೆ, ಕಸವನ್ನು ಹಾಕುತ್ತಾರೆ ಮತ್ತು ಸ್ಥಳವನ್ನು ಸ್ವಚ್ಛಗೊಳಿಸಲು ತಲೆ ಕೆಡಿಸಿಕೊಳ್ಳದೆ ಸುಮ್ಮನೆ ಹೋಗುತ್ತಾರೆ ಎಂಬುದನ್ನು ಮನಗಂಡ ನಂತರ ಪಂಚಾಯಿತಿ ಈ ಕ್ರಮವನ್ನು ತೆಗೆದುಕೊಳ್ಳಲು ನಿರ್ಧರಿಸಿದೆ ಎಂದು ಅವರು ಹೇಳಿದರು.
ಗಾಯಕ ಎಲ್.ಎನ್. ಶಾಸ್ತ್ರಿ ಮಗಳಿಗಾಗಿದೆ ಮುಂಜಿ; ತಂದೆಯ ವೈದಿಕ ಕಾರ್ಯ ಮಾಡೋ ಮಗಳು
ಸ್ಥಳೀಯ ನಿವಾಸಿಗಳು ಎದುರಿಸುತ್ತಿರುವ ಟ್ರಾಫಿಕ್ ಸಮಸ್ಯೆಗಳನ್ನು ಕಡಿಮೆ ಮಾಡಲು ಮತ್ತು ಸ್ವಚ್ಛತೆ ಮತ್ತು ಸಭ್ಯತೆಯನ್ನು ಕಾಪಾಡಿಕೊಳ್ಳಲು ಪ್ರವೇಶ ತೆರಿಗೆ ವಿಧಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ ಎಂದು ಸಿಕ್ವೇರಾ ಹೇಳಿದರು.
ಗುಣಮಟ್ಟದ ಪ್ರವಾಸಿಗರನ್ನು ಆಕರ್ಷಿಸಲು ನಮ್ಮ ಗ್ರಾಮ ಸ್ವಚ್ಛವಾಗಿರಬೇಕು ಎಂದು ನಾವು ಬಯಸುತ್ತೇವೆ. ಈ ನಿರ್ಬಂಧಗಳು ಪ್ರವಾಸಿಗರಿಗೆ ಮಾತ್ರವೇ ಹೊರತು ಸ್ಥಳೀಯರಿಗೆ ಅಲ್ಲ ಎಂದು ಸಿಕ್ವೇರಾ ಹೇಳಿದರು.
