ನೂರು ವರ್ಷ ಕಾಲ ಬದುಕೋ ಆಸೆ ಇದ್ದರೆ ಈ ಆಹಾರ ಸೇವಿಸಿ

ಆಹಾರ ದೇಹದ ಮೇಲೆ ಹೇಗೆ ಕೆಲಸ ಮಾಡುತ್ತೆ?
ಎಲ್ಲಾ ಆಹಾರ ದೇಹದ ಎಲ್ಲಾ ಭಾಗಗಳಿಗೆ ಸೂಕ್ತವಾಗಿರೋದಿಲ್ಲ. ಹೌದು, ಇದು ನಿಮಗೆ ವಿಚಿತ್ರವೆನಿಸಬಹುದು ಆದರೆ ಅದು ನಿಜಾ. ನೀವು ಹೆಚ್ಚು ಕೊಬ್ಬು-ಭರಿತ ಆಹಾರವನ್ನು ಸೇವಿಸಿದಾಗ, ಬೊಜ್ಜು ಹೊಟ್ಟೆಯ ಮೇಲೆ ಹೆಚ್ಚು ಕಾಣುತ್ತೆ. ಹೊಟ್ಟೆಯಲ್ಲಿ(Stomach) ಮಾತ್ರ ಯಾಕೆ ಹೆಚ್ಚು ಕೊಬ್ಬು ತುಂಬಿಕೊಳ್ಳುತ್ತೆ, ಕೈ ಅಥವಾ ಕಾಲುಗಳು ಏಕೆ ಊದಿಕೊಳ್ಳೋದಿಲ್ಲ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?

ದೀರ್ಘಾಯುಷ್ಯ ಪಡೆಯಬೇಕು ಎಂದಾದರೆ ಇಡೀ ದೇಹದ ಮೇಲೆ ಸಮಾನವಾಗಿ ಕಾರ್ಯನಿರ್ವಹಿಸುವ ಮತ್ತು ದೇಹದ ಪ್ರತಿಯೊಂದು ಭಾಗಕ್ಕೂ ಸಾಕಷ್ಟು ಪೋಷಣೆಯನ್ನು ನೀಡುವ ಆಹಾರ ನಮಗೆ ಬೇಕು. ಇಡೀ ದೇಹವನ್ನು ಪೋಷಿಸುವ ಮತ್ತು ಇಡೀ ದೇಹಕ್ಕೆ ಪ್ರೋಟೀನ್ (Protein)ಅಗತ್ಯವಿರುವ ಆಹಾರ ಮತ್ತು ದೇಹವನ್ನು ಪೋಷಿಸದ ಆಹಾರಗಳ ನಡುವಿನ ವ್ಯತ್ಯಾಸವನ್ನು ನೀವು ಅರ್ಥಮಾಡಿಕೊಳ್ಳಬಹುದು,  ಇದರಿಂದ ಸ್ನಾಯುಗಳು ಹೆಚ್ಚಿನ ಪ್ರಯೋಜನವನ್ನು ಪಡೆಯುತ್ತವೆ. 

ಕ್ಯಾಲ್ಸಿಯಂ(Calcium) ಇಡೀ ದೇಹಕ್ಕೆ ಅಗತ್ಯವಿದೆ, ಆದರೆ ಅದರ ಹೆಚ್ಚಿನ ಪರಿಣಾಮವು ಮೂಳೆಗಳ ಮೇಲೆ ಆಗುತ್ತೆ. ಆದರೆ ನೀವು ಹಸಿರು ತರಕಾರಿ ಅಥವಾ ಸಂಪೂರ್ಣ ಧಾನ್ಯಗಳನ್ನು ಸೇವಿಸಿದಾಗ, ಅವುಗಳಲ್ಲಿರುವ ಪೋಷಕಾಂಶಗಳು ಇಡೀ ದೇಹಕ್ಕೆ ಒಟ್ಟಿಗೆ ಪ್ರಯೋಜನಕಾರಿಯಾಗುತ್ತವೆ.ಯಾವೆಲ್ಲಾ ಆಹಾರ ಸೇವಿಸೋದ್ರಿಂದ ಆಯಸ್ಸು ಹೆಚ್ಚುತ್ತೆ.

ಇವುಗಳನ್ನು ತಿನ್ನುವುದು ಜೀವಿತಾವಧಿಯನ್ನು ಹೆಚ್ಚಿಸುತ್ತೆ !
ಡ್ರೈ ಫ್ರೂಟ್  
ಹಸಿರು ಬೀನ್ಸ್
ಧಾನ್ಯಗಳು
ತಾಜಾ ಹಣ್ಣುಗಳು 
ತಾಜಾ ತರಕಾರಿಗಳು
ಆಲಿವ್ ಎಣ್ಣೆ ಮತ್ತು ಸೂರ್ಯಕಾಂತಿ ಎಣ್ಣೆಯಂತಹ ನೋನ್ ಟ್ರೋಪಿಕಲ್ ವೆಜಿಟಬಲ್ ಆಯಿಲ್ 
ಪ್ಯೂರ್ ದೇಸಿ ತುಪ್ಪ, ಕಾರ್ನ್ ಬಟರ್, ಪೀನಟ್ ಬಟರ್ 
ಹಾಲು, ಮೊಸರು, ಮಜ್ಜಿಗೆಯಂತಹ ಕಡಿಮೆ ಕೊಬ್ಬಿನ ಡೈರಿ ಉತ್ಪನ್ನಗಳು
ಮೀನು(Fish)
ನೀವು ಸೇವಿಸಲೇ ಬೇಕಾದ ಇತರ ಆಹಾರಗಳ ಬಗ್ಗೆ ಕೆಳಗೆ ಮಾಹಿತಿ ನೀಡಲಾಗಿದೆ.

ಫಾರ್ಮೇಟೆಡ್ ಫುಡ್ 
ಫಾರ್ಮೇಟೆಡ್ ಆಹಾರಗಳು ಚಯಾಪಚಯ ಕ್ರಿಯೆ ಮತ್ತು ಜೀರ್ಣಾಂಗ ವ್ಯವಸ್ಥೆಯ(Digestive system) ಮೇಲೆ ಅತ್ಯಂತ ಸಕಾರಾತ್ಮಕ ಪರಿಣಾಮ ಬೀರುತ್ತವೆ.  ಫಾರ್ಮೇಟೆಡ್ ಆಹಾರದ ಒಳಗೆ ಉತ್ಕರ್ಷಣ ನಿರೋಧಕಗಳು ಮತ್ತು ಪ್ರೋಬಯಾಟಿಕ್ ಗಳಿವೆ, ಅದು ನಿಮ್ಮನ್ನು ಆರೋಗ್ಯಕರವಾಗಿರಿಸುತ್ತದೆ ಮತ್ತು ನೀವು ದೀರ್ಘಾಯುಷ್ಯವನ್ನು ನಡೆಸಲು ಸಹಾಯ ಮಾಡುತ್ತೆ.
 

ದಾಳಿಂಬೆ (Pomogranate)
ದಾಳಿಂಬೆಯಲ್ಲಿ ವಿವಿಧ ರೀತಿಯ ಜೀವಸತ್ವಗಳಿವೆ ಮತ್ತು ಇದು ಖನಿಜಗಳ ಉತ್ತಮ ಮೂಲವಾಗಿದೆ. ಇದಲ್ಲದೆ, ದಾಳಿಂಬೆಯು ದೀರ್ಘಾಯುಷ್ಯಕ್ಕೆ ಭಾರಿ ಕೊಡುಗೆಯನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಅಲ್ಲದೆ, ದಾಳಿಂಬೆಯು ಆಂಟಿ-ವೈರಲ್ ಮತ್ತು ಆಂಟಿ-ಟ್ಯೂಮರ್ ಗುಣಲಕ್ಷಣಗಳನ್ನು ಹೊಂದಿದೆ, ಇದು ದೀರ್ಘಾಯುಷ್ಯ ಪಡೆಯಲು ತುಂಬಾ ಉಪಯುಕ್ತವಾಗಿದೆ. 

ಬೆರ್ರಿಗಳು(Berries): ಬ್ಲೂಬೆರ್ರಿಗಳು, ರಾಸ್ಪ್ಬೆರ್ರಿಗಳು ಮತ್ತು ಸ್ಟ್ರಾಬೆರಿಗಳು ಆಂಟಿ-ಆಕ್ಸಿಡೆಂಟ್ಗಳಿಂದ ಸಮೃದ್ಧವಾಗಿವೆ, ಇದು ಆಂಟಿ-ಏಜಿಂಗ್ ಆಹಾರವಾಗಿದೆ. ಆಂಟಿ-ಆಕ್ಸಿಡೆಂಟ್ ಅಂಶವು ರೋಗಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ.  ಇದನ್ನ ತಿನ್ನೋದ್ರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸುಧಾರಿಸಲು, ದೇಹಕ್ಕೆ ಪೋಷಕಾಂಶಗಳನ್ನು ಒದಗಿಸಲು, ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೊತೆಗೆ ದೀರ್ಘಾಯಸ್ಸು ಪಡೆಯಲು ಸಹಾಯಕವಾಗಿದೆ. 

ಕ್ರೂಸಿಫೆರಸ್ ತರಕಾರಿಗಳು: ಬ್ರೊಕೋಲಿ(Broccoli) ಮತ್ತು ಕೆಂಪು ಎಲೆಕೋಸಿನಂತಹ ತರಕಾರಿಗಳನ್ನು ಖನಿಜಗಳು ಮತ್ತು ಜೀವಸತ್ವಗಳಾದ ಫೋಲೇಟ್, ವಿಟಮಿನ್-ಕೆ, ಎ ಮತ್ತು ಸಿ ಗಳ ಉತ್ತಮ ಮೂಲಗಳು ಎಂದು ಪರಿಗಣಿಸಲಾಗಿದೆ. ಅವು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುತ್ತವೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುವಲ್ಲಿ ಪರಿಣಾಮಕಾರಿಯಾಗಿವೆ. ಇವುಗಳನ್ನು ನಿಯಮಿತವಾಗಿ ಸೇವಿಸುವುದು ಆರೋಗ್ಯಕ್ಕೆ ಉತ್ತಮವಾಗಿದೆ. 

ನೀರು(Water): ಹೈಡ್ರೇಟ್ ಆಗಿ ಉಳಿಯುವುದು ಆಯಸ್ಸನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ, ಇದು ರಕ್ತ ಹೆಪ್ಪುಗಟ್ಟಲು ಮತ್ತು ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಸಾಕಷ್ಟು ನೀರು ಕುಡಿಯುವುದರಿಂದ ಜೀವಕೋಶಗಳಿಗೆ ಪೌಷ್ಠಿಕಾಂಶವನ್ನು ಒದಗಿಸುತ್ತದೆ, ಮೂತ್ರಕೋಶದಿಂದ ತ್ಯಾಜ್ಯವನ್ನು ತೆಗೆದುಹಾಕುತ್ತದೆ, ಮಲಬದ್ಧತೆಯನ್ನು ನಿವಾರಿಸುತ್ತದೆ, ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ, ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ ಮತ್ತು ಎಲ್ಲಾ ಅಂಗಗಳನ್ನು ಸುರಕ್ಷಿತವಾಗಿರಿಸುತ್ತದೆ.