ಕಾಲ ಬದಲಾದಂತೆ ಮಹಿಳೆಯರು ಗರ್ಭಿಣಿಯಾಗಲು ಸಾಕಷ್ಟು ಕಷ್ಟಪಡಬೇಕಾದ ಪರಿಸ್ಥಿತಿಯಿದೆ. ಪಿಸಿಒಡಿ, ಪಿಸಿಒಎಸ್ ಸಮಸ್ಯೆಯಿಂದ ಗರ್ಭ ನಿಲ್ಲುವುದೇ ಹಲವು ಮಹಿಳೆಯರಿಗೆ ಕಷ್ಟವಾಗುತ್ತಿದೆ. ಅದರಲ್ಲೂ ಮಹಿಳೆಯರು ಮಾಡೋ ಈ ಕೆಲ ತಪ್ಪುಗಳು ಗರ್ಭಪಾತಕ್ಕೆ ಕಾರಣವಾಗಬಹುದು ಅನ್ನೋದು ನಿಮ್ಗೆ ಗೊತ್ತಿದ್ಯಾ?
ಕಾಲ ಬದಲಾದಂತೆ ಮಹಿಳೆಯರು ಗರ್ಭಿಣಿಯಾಗಲು ಸಾಕಷ್ಟು ಕಷ್ಟಪಡಬೇಕಾದ ಪರಿಸ್ಥಿತಿಯಿದೆ. ಪಿಸಿಒಡಿ, ಪಿಸಿಒಎಸ್ ಸಮಸ್ಯೆಯಿಂದ ಗರ್ಭ ನಿಲ್ಲುವುದೇ ಹಲವು ಮಹಿಳೆಯರಿಗೆ ಕಷ್ಟವಾಗುತ್ತಿದೆ. ಅದರಲ್ಲೂ ಮಹಿಳೆಯರು ಮಾಡೋ ಈ ಕೆಲ ತಪ್ಪುಗಳು ಗರ್ಭಪಾತಕ್ಕೆ ಕಾರಣವಾಗಬಹುದು ಅನ್ನೋದು ನಿಮ್ಗೆ ಗೊತ್ತಿದ್ಯಾ? ಮಹಿಳೆಯರು ಗರ್ಭಿಣಿಯಾಗಲು ಬಯಸಿದಾಗ ಅಥವಾ ಗರ್ಭಿಣಿಯಾದ ನಂತರ ಮಾಡುವ ಸಣ್ಣ ತಪ್ಪು ಗರ್ಭಪಾತದ ಅಪಾಯವನ್ನು ಹೆಚ್ಚಿಸುತ್ತದೆ. ಆದ್ದರಿಂದ, ಅವುಗಳನ್ನು ಸಾಧ್ಯವಾದಷ್ಟು ತಿಳಿದುಕೊಳ್ಳುವುದು ಮತ್ತು ಅವುಗಳನ್ನು ತಪ್ಪಿಸುವುದು ಮುಖ್ಯ.
ತಡವಾಗಿ ಮಗುವನ್ನು ಹೊಂದುವ ಯೋಜನೆ
ವೈದ್ಯರ ಪ್ರಕಾರ, ತಡವಾಗಿ ಮಗುವನ್ನು ಹೊಂದಲು ಯೋಜಿಸುವುದರಿಂದ ಗರ್ಭಾಶಯದಲ್ಲಿ ಕಡಿಮೆ ಮೊಟ್ಟೆಗಳು ಅಥವಾ ಕಳಪೆ ಗುಣಮಟ್ಟದ ಮೊಟ್ಟೆಗಳು ಉತ್ಪತ್ತಿಯಾಗಬಹುದು. ಅದೂ ಕೂಡ 30-35 ವರ್ಷದ ನಂತರ ಮಕ್ಕಳನ್ನು ಹೊಂದುವ ಯೋಜನೆ ಇಂಥಾ ಸಮಸ್ಯೆಗಳಿಗೆ ಕಾರಣವಾಗಬಹುದು. ಇವುಗಳಲ್ಲಿ ಅತ್ಯಂತ ಸಾಮಾನ್ಯವೆಂದರೆ ಬಂಜೆತನ ಅಥವಾ ಗರ್ಭಧರಿಸುವ ತೊಂದರೆ. ಅದಕ್ಕೂ ಮೀರಿ ಗರ್ಭ ಧರಿಸಿದರೆ ಗರ್ಭಪಾತವಾಗುವ ಅಪಾಯವಿದೆ. ಆದ್ದರಿಂದ, 25-30 ವರ್ಷದೊಳಗಿನ ಮಗುವನ್ನು ಹೊಂದುವುದು ಉತ್ತಮ. ಏಕೆಂದರೆ ಈ ವಯಸ್ಸಿನಲ್ಲಿ, ಭ್ರೂಣದ ಮೊಟ್ಟೆಯ ಗುಣಮಟ್ಟವು ಉತ್ತಮವಾಗಿರುತ್ತದೆ ಮತ್ತು ಆರೋಗ್ಯಕರ ಗರ್ಭಧಾರಣೆಯನ್ನು ಸಹ ಸಾಧಿಸಬಹುದು.
ಅತ್ಯಾಚಾರ ಸಂತ್ರಸ್ತೆ 14 ರ ಪ್ರಾಯದ ತುಂಬು ಗರ್ಭಿಣಿಗೆ ಗರ್ಭಪಾತಕ್ಕೆ ಸುಪ್ರೀಂ ಅವಕಾಶ
ಹಾರ್ಮೋನ್ ಸಮಸ್ಯೆಗಳು
ಕೆಲವರಿಗೆ ಹಾರ್ಮೋನ್ ಸಮಸ್ಯೆಯಿಂದ ಗರ್ಭಪಾತವಾಗುತ್ತದೆ. ಇದು ಗರ್ಭಧಾರಣೆಯ ಮೇಲೂ ಪರಿಣಾಮ ಬೀರಬಹುದು. ಆದ್ದರಿಂದ, ಗರ್ಭಿಣಿಯಾಗಲು ಬಯಸಿದರೆ, ಮೊದಲು ವೈದ್ಯರನ್ನು ಸಂಪರ್ಕಿಸಿ. ಗರ್ಭಿಣಿಯಾಗಲು ಯೋಗ್ಯರೇ ಎಂದು ನೋಡಿ. ಅದನ್ನು ತಿಳಿದುಕೊಂಡು..ಅದಕ್ಕೆ ಬೇಕಾದ ಎಲ್ಲಾ ಪರೀಕ್ಷೆಗಳನ್ನು ಮಾಡಿ.
ಹೈ ಹೀಲ್ಸ್ ಧರಿಸುವುದು
ಮಹಿಳೆಯರು ಗರ್ಭಾವಸ್ಥೆಯಲ್ಲಿ ಧರಿಸುವ ಚಪ್ಪಲಿಗಳ ಬಗ್ಗೆ ತುಂಬಾ ಜಾಗರೂಕರಾಗಿರಬೇಕು. ಆದ್ದರಿಂದ ಹೈ ಹೀಲ್ಸ್ ಧರಿಸುವುದನ್ನು ತಪ್ಪಿಸಬೇಕು. ಏಕೆಂದರೆ ಗರ್ಭಧಾರಣೆಯ ಆರಂಭಿಕ ತಿಂಗಳುಗಳಲ್ಲಿ, ಎತ್ತರದ ಚಪ್ಪಲಿ ಧರಿಸುವುದರಿಂದ ಅದು ಗರ್ಭಪಾತಕ್ಕೆ ಕಾರಣವಾಗುತ್ತದೆ. ಆದ್ದರಿಂದ, ಗರ್ಭಾವಸ್ಥೆಯಲ್ಲಿ ಹೈ ಹೀಲ್ಸ್ ಧರಿಸುವುದನ್ನು ತಪ್ಪಿಸುವುದು ಉತ್ತಮ.
ಅಯ್ಯೋ ಎಂಥಾ ಆಧ್ವಾನ! ಗೊಂದಲದಿಂದ ಬೇರೆ ಗರ್ಭಿಣಿಗೆ ಗರ್ಭಪಾತ ಮಾಡಿಸಿದ ವೈದ್ಯರು!
ಅತಿ ಹೆಚ್ಚು ಔಷಧಗಳನ್ನು ತೆಗೆದುಕೊಳ್ಳುವುದು
ಗರ್ಭಾವಸ್ಥೆಯಲ್ಲಿ ಹಲವು ರೀತಿಯ ಔಷಧಗಳನ್ನು ಸೇವಿಸುವುದರಿಂದ ಗರ್ಭಪಾತಕ್ಕೆ ಕಾರಣವಾಗಬಹುದು. ಆದ್ದರಿಂದ, ಯಾವುದೇ ಔಷಧಿಯನ್ನು ವೈದ್ಯರ ಸಲಹೆಯ ಮೇರೆಗೆ ಮಾತ್ರ ತೆಗೆದುಕೊಳ್ಳಬೇಕು.
ಧೂಮಪಾನ-ಮದ್ಯಪಾನ ಬಿಟ್ಟುಬಿಡಿ
ಇಂದಿನ ಆಧುನಿಕ ಜಗತ್ತಿನಲ್ಲಿ ಬಹಳಷ್ಟು ಮಹಿಳೆಯರು ಮದ್ಯಪಾನ ಮತ್ತು ಧೂಮಪಾನದ ಚಟವನ್ನು ಹೊಂದಿದ್ದಾರೆ. ಈ ಕಾರಣದಿಂದಾಗಿ, ಅವುಗಳ ಫಲವತ್ತಾದ ಮೊಟ್ಟೆಗಳ ಗುಣಮಟ್ಟವು ಹದಗೆಡಬಹುದು. ಇದಲ್ಲದೆ, ಆ ಮಹಿಳೆಯರು ಗರ್ಭಧರಿಸುವಲ್ಲಿ ತೊಂದರೆಯನ್ನು ಎದುರಿಸುತ್ತಾರೆ. ಮಾತ್ರವಲ್ಲದೆ ಗರ್ಭಪಾತದ ಅಪಾಯವನ್ನು ಸಹ ಹೊಂದಿರುತ್ತಾರೆ. ಆದ್ದರಿಂದ, ಗರ್ಭಧಾರಣೆಯ ಮೊದಲು ಧೂಮಪಾನ ಮತ್ತು ಮದ್ಯಪಾನವನ್ನು ನಿಲ್ಲಿಸಬೇಕು.
