ಮಗುವಿನ ಅಳು ನಿಲ್ಸೋಕೆ ಹಾಲು ಕೊಡೋ ಬದ್ಲು ಮದ್ಯ ಕುಡಿಸಿದ ತಾಯಿ!
ಅಳ್ತಿರೋ ಮಗುವನ್ನು ಸಮಾಧಾನ ಮಾಡೋಕೆ ತಾಯಿಯಾದವಳು ಪಡಬಾರದ ಪಾಡನ್ನೆಲ್ಲಾ ಪಡ್ತಾಳೆ. ಆದ್ರೆ ಮಗುವನ್ನು ನಿಲ್ಲಿಸೋದಕ್ಕೆ ಯಾವುದಾದರೂ ತಾಯಿ ಮಗುವಿಗೇ ತೊಂದರೆ ಕೊಟ್ಟಿರೋ ಬಗ್ಗೆ ನೀವೆಲ್ಲಾದರೂ ಕೇಳಿದ್ದೀರಾ. ಕ್ಯಾಲಿಫೋರ್ನಿಯಾದಲ್ಲಿ ಇಂಥಹದ್ದೊಂದು ಘಟನೆ ನಡೆದಿದೆ.
 )
Followಕ್ಯಾಲಿಫೋರ್ನಿಯಾ: ಕಾರು ಚಾಲನೆಯ ವೇಳೆ ಹಠ ಮಾಡುತ್ತಿದ್ದ ಮಗುವಿನ ಅಳು ನಿಲ್ಲಿಸಲು ತಾಯಿಯೊಬ್ಬಳು ಮಗುವಿಗೆ ಅಲ್ಕೋಹಾಲ್ ಕುಡಿಸಿದ ಘಟನೆ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ನಡೆದಿದೆ. ಈ ಘಟನೆಗೆ ಸಂಬಂಧಿಸಿದಂತೆ ತಾಯಿಯನ್ನು ಬಂಧಿಸಿರುವ ಪೊಲೀಸರು, ಮಗುವಿಗೆ ಚಿಕಿತ್ಸೆ ಕೊಡಿಸಿದ್ದಾರೆ. ಹಾನ್ಸೇಟಿ ಡಿ ಲಾ ಟೊರೆ ಎಂಬ ಮಹಿಳೆ ಸ್ಯಾನ್ ಬೆರ್ನಾರ್ಡಿನೋದಿಂದ ರಿಯಾಲ್ಟೋಗೆ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಳು. ಈ ವೇಳೆ ಕಾರಿನಲ್ಲಿದ್ದ ಮಗು ಅಳಲು ಶುರುಮಾಡಿದ್ದರಿಂದ ಮದ್ಯ ಕುಡಿಸಿ ಮಗುವನ್ನು ಸುಮ್ಮನಾಗಿಸಲು ಪ್ರಯತ್ನಿಸಿದ್ದಾಳೆ. ಆದರೆ ಅನಾರೋಗ್ಯಕ್ಕೆ ತುತ್ತಾದ ಮಗುವನ್ನು ಆಸ್ಪತ್ರೆಗೆ ದಾಖಲಿಸಿದಾಗ ಮಗುವಿನ ದೇಹದಲ್ಲಿ ಮದ್ಯ ಪತ್ತೆಯಾಗಿದೆ. ಮಗುವಿನ ಜೀವವನ್ನು ಅಪಾಯಕ್ಕೆ ದೂಡಿದ ಹಿನ್ನೆಲೆಯಲ್ಲಿ ಟೊರೆಯನ್ನು ಪೊಲೀಸರು ಬಂಧಿಸಿದ್ದಾರೆ.
ಕ್ಯಾಲಿಫೋರ್ನಿಯಾದ 37 ವರ್ಷದ ಹೊನೆಸ್ಟಿ ಡಿ ಲಾ ಟೊರ್ರೆ ಮೇಲೆ ಮಗುವಿಗೆ ಮದ್ಯ (Alcohol) ಕುಡಿಸಿರುವ ಆರೋಪ ಎದುರಾಗಿದೆ. ಸ್ಯಾನ್ ಬರ್ನಾರ್ಡಿನೊ ಕೌಂಟಿ ಶೆರಿಫ್ ಇಲಾಖೆಯ ವರದಿಗಳ ಪ್ರಕಾರ, ಲಾಸ್ ಏಂಜಲೀಸ್‌ನಿಂದ ಸುಮಾರು 55 ಮೈಲುಗಳಷ್ಟು ಪೂರ್ವದಲ್ಲಿರುವ ರಿಯಾಲ್ಟೊದ ಅಸಂಘಟಿತ ಪ್ರದೇಶದಲ್ಲಿ ಈ ಘಟನೆ ಸಂಭವಿಸಿದೆ ಎಂದು ಫಾಕ್ಸ್ ನ್ಯೂಸ್ ವರದಿ ಮಾಡಿದೆ. ಘಟನಾ ಸ್ಥಳಕ್ಕೆ ಆಗಮಿಸಿದ ಕಾನೂನು ಜಾರಿ ಅಧಿಕಾರಿಗಳು ಶಿಶು (Infant) ಕುಡಿದ ಸ್ಥಿತಿಯಲ್ಲಿದ್ದುದನ್ನು ಪತ್ತೆ ಮಾಡಿದರು.
ಐಫೋನ್ ಖರೀದಿಸಲು 8 ತಿಂಗಳ ಮಗುವನ್ನೇ ಮಾರಿದ ದಂಪತಿ
ಮಗುವಿನ ಹಾಲಿನ ಬಾಟಲಿಗೆ ಅಲ್ಕೋಹಾಲ್ ತುಂಬಿದ ತಾಯಿ
ಆಘಾತಕಾರಿ ಸಂಗತಿಯೆಂದರೆ, ಮಗು ಅಳುವುದನ್ನು ನಿಲ್ಲಿಸುವ ಉದ್ದೇಶದಿಂದ ತಾಯಿ (Mother) ಡಿ ಲಾ ಟೊರ್ರೆ ಮಗುವಿನ ಹಾಲಿನ ಬಾಟಲಿಗೆ ಅಲ್ಕೋಹಾಲ್ ತುಂಬಿದ್ದಾಳೆ ಎಂದು ಅಧಿಕಾರಿಗಳು (Officers) ಆರೋಪಿಸಿದ್ದಾರೆ. ಈ ಘಟನೆಯ ನಂತರ ಶಿಶುವಿನ ಸ್ಥಿತಿಯನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸಲಾಗಿಲ್ಲ. ಮಗುವಿನ ವರ್ತನೆ ಮತ್ತು ಶಿಶುವಿನ ಯೋಗಕ್ಷೇಮದ ಬಗ್ಗೆ ಅನೇಕರು ಕಳವಳ ವ್ಯಕ್ತಪಡಿಸಿದ್ದಾರೆ.
ಪ್ರಸ್ತುತ, ಹೊನೆಸ್ಟಿ ಡಿ ಲಾ ಟೊರ್ರೆ ವೆಸ್ಟ್ ವ್ಯಾಲಿ ಡಿಟೆನ್ಶನ್ ಸೆಂಟರ್‌ನಲ್ಲಿ ಬಂಧನದಲ್ಲಿದ್ದಾರೆ, ಅಲ್ಲಿ ಆಕೆಯನ್ನು ಸುಮಾರು 50 ಲಕ್ಷ ಬಾಂಡ್‌ನಲ್ಲಿ ಇರಿಸಲಾಗಿದೆ ಎಂದು ಫಾಕ್ಸ್ ನ್ಯೂಸ್ ವರದಿ ಮಾಡಿದೆ. ಮಂಗಳವಾರ ಆಕೆಯನ್ನು ನ್ಯಾಯಾಲಯದ ಮುಂದೆ ಹಾಜರು ಪಡಿಸಲು ನಿರ್ಧರಿಸಲಾಗಿದ್ದು, ಕಾನೂನು ಪ್ರಕ್ರಿಯೆಯಲ್ಲಿ ಪ್ರಕರಣದ ಕುರಿತು ಹೆಚ್ಚಿನ ವಿವರಗಳು ತಿಳಿದುಬರಬೇಕಿದೆ.
ದೇಶ ಸೇವೆಗಾಗಿ 9 ತಿಂಗಳ ಮಗುವನ್ನೇ ಬಿಟ್ಟು ಹೋದ ಮಹಿಳಾ ಯೋಧೆ, ವಿಡಿಯೋ ವೈರಲ್‌
ಕಳೆದ ಕೆಲವು ವರ್ಷಗಳಿಂದ ಯುಎಸ್‌ನಾದ್ಯಂತ ವಿವಿಧ ರಾಜ್ಯಗಳು ನಿರ್ಲಕ್ಷ್ಯ ಮತ್ತು ಮಕ್ಕಳ ಮೇಲಿನ ದೌರ್ಜನ್ಯ ಪ್ರಕರಣಗಳ ಹೆಚ್ಚಳವನ್ನು ವರದಿ ಮಾಡುತ್ತಿವೆ. ತಜ್ಞರು ಈ ವಿಷಯದಲ್ಲಿ ಸಾಂಕ್ರಾಮಿಕದಿಂದ ಉಂಟಾಗಿರುವ ಒತ್ತಡವೆಂದು ಉಲ್ಲೇಖಿಸಿದ್ದಾರೆ. ಪ್ರೀತಿಪಾತ್ರರ ಸಾವು, ವ್ಯಾಪಕವಾದ ನಿರುದ್ಯೋಗ, ಮತ್ತು ಸಾಂಕ್ರಾಮಿಕ ರೋಗದಿಂದ ಇತರ ಆರ್ಥಿಕ ಮತ್ತು ವೈಯಕ್ತಿಕ ಸವಾಲುಗಳಂತಹ ಸಂದರ್ಭಗಳು ಇನ್ನೂ ಜನರು ಇನ್ನೂ ಅನುಭವಿಸುತ್ತಿರುವ ಕೆಲವು ಸಮಸ್ಯೆಗಳಾಗಿವೆ ಮತ್ತು ಇದು ಸಾಮಾನ್ಯವಾಗಿ ಮಕ್ಕಳ ನಿಂದನೆ ಅಥವಾ ನಿರ್ಲಕ್ಷ್ಯಕ್ಕೆ ಕಾರಣವಾಗುತ್ತದೆ ಎಂದು ವರದಿ ವಿವರಿಸಿದೆ.
ಇನ್ಮುಂದೆ ಮಕ್ಕಳು ಅತ್ತರೆ ಚಿಂತೆ ಬೇಡ, ಟಿವಿ ಥರ ಮ್ಯೂಟ್ ಮಾಡ್ಬೋದು!
ಪುಟ್ಟ ಮಕ್ಕಳು ಸಾಮಾನ್ಯವಾಗಿ ರಚ್ಚೆ ಹಿಡಿದು ಅಳುವುದು ಸಾಮಾನ್ಯ. ಯಾವುದೇ ರೀತಿ ಸಮಾಧಾನ ಮಾಡಿದರೂ ಅಳು ನಿಲ್ಲಿಸುವುದಿಲ್ಲ. ಇದು ಕೆಲವೊಮ್ಮೆ ಸುತ್ತಮುತ್ತಲಿದ್ದವರಿಗೆ ಕಿರಿಕಿರಿಯಾಗಿ ಪರಿಣಮಿಸುವುದೂ ಇದೆ. ಆದ್ರೆ ಇನ್ಮುಂದೆ ಆ ಸಮಸ್ಯೆ ಇರಲ್ಲ. ಮಕ್ಕಳು ಅಳ್ತಿದ್ರೆ ಸುಮ್ನೆ ಮ್ಯೂಟ್ ಮಾಡಿ ಬಿಡ್ಬೋದು. ಕೇಳೋಕೆ ವಿಚಿತ್ರವೆನಿಸಿದರೂ ಇದು ನಿಜ. ಇಂಥಹದ್ದೊಂದು ಉಪಕರಣವನ್ನು ಕಂಡು ಹಿಡಿಯಲಾಗಿದೆ. ಈ ಮಾಸ್ಕ್ ಅಳುವ ಮಗುವನ್ನು ಶಾಂತಗೊಳಿಸುವ ಅಸಾಧಾರಣ ಸಾಮರ್ಥ್ಯವನ್ನು ಹೊಂದಿದೆ. ಕಂಪೆನಿಯ ಪ್ರಯಾಣಿಸುವಾಗ ಅಥವಾ ಚಲನಚಿತ್ರಗಳನ್ನು ನೋಡುವಾಗ ಶಿಶುಗಳನ್ನು ಶಾಂತವಾಗಿರಿಸಲು ಈ ಮಾಸ್ಕ್ ಪರಿಹಾರವಾಗಿದೆ ಎಂದು ಹೇಳಿದೆ.
ಕೆಲವು ಪೋಷಕರು ಈ ಮಾಸ್ಕ್‌ನ್ನು ಉತ್ತಮ ಪರಿಹಾರ ಎಂದು ಅಂದುಕೊಂಡರೆ, ಇನ್ನು ಕೆಲವರು 'ಬೇಬಿ ಮ್ಯೂಟ್ ಮಾಸ್ಕ್' ಮಗುವಿನ ಮಾನಸಿಕ (Mental) ಮತ್ತು ಭಾವನಾತ್ಮಕ ಬೆಳವಣಿಗೆಯ ಮೇಲೆ ಪ್ರಭಾವ (Impact) ಬೀರಬಹುದು ಎಂಬ ಕಳವಳ ವ್ಯಕ್ತಪಡಿಸಿದ್ದಾರೆ. ಮಗುವಿನ ಅಳುವ ಸಹಜ ಪ್ರವೃತ್ತಿಯನ್ನು ನಿಗ್ರಹಿಸುವುದು ಅವರ ಸಂವಹನ ಮತ್ತು ಭಾವನೆಗಳನ್ನು ಪರಿಣಾಮಕಾರಿಯಾಗಿ ವ್ಯಕ್ತಪಡಿಸುವ ಸಾಮರ್ಥ್ಯಕ್ಕೆ ಅಡ್ಡಿಯಾಗಬಹುದು, ನಡವಳಿಕೆಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಹಲವು ಪೋಷಕರು ಹೇಳಿದ್ದಾರೆ
