ಮದುವೆಯಾಗಿ ಮೋಸ ಮಾಡೋದ್ರಲ್ಲಿ ಮಹಿಳೆಯರದ್ದೇ ಎತ್ತಿದ ಕೈ !
ಮದುವೆ (Marriage) ಅನ್ನೋದು ಒಂದು ಪವಿತ್ರವಾದ ಸಂಬಂಧ (Relationship). ಆದ್ರೆ ಈಗ ಮದುವೆ ಆದಷ್ಟೇ ಸುಲಭ ಮೋಸ (Cheat) ಮಾಡೋದು. ಸಂಗಾತಿ (Partner) ಬೋರಾಗ್ತಾನೆ ಅಂತ ಗಂಡ-ಹೆಂಡ್ತಿ ಮನೆಯಿಂದ ಹೊರಗೆ ಅಕ್ರಮ ಸಂಬಂಧ ಇಟ್ಟುಕೊಳ್ಳೋದು ಸಾಮಾನ್ಯವಾಗಿಬಿಟ್ಟಿದೆ. ಅಚ್ಚರಿಯ ವಿಚಾರ ಅಂದ್ರೆ ಈ ರೀತಿ ಮೋಸ ಮಾಡೋದ್ರಲ್ಲಿ ಮಹಿಳೆ (Woman)ಯರದ್ದೇ ಮೇಲುಗೈ ಅಂತಿದೆ ಸರ್ವೇ.
ಮದುವೆ ಅನ್ನೋದು ಗಂಡು-ಹೆಣ್ಣು ಮತ್ತು ಎರಡು ಕುಟುಂಬವನ್ನ ಒಟ್ಟು ಸೇರಿಸುವ ಒಂದು ಸುಂದರ ಸಂಬಂಧ. ಆದರೆ ಇತ್ತೀಚಿನ ದಿನಗಳಲ್ಲಿ ಈ ಸುಂದರವಾದ ಸಂಬಂಧ ಅರ್ಥಹೀನವಾಗುತ್ತಿದೆ. ಸಣ್ಣ ಪುಟ್ಟ ಕಾರಣಕ್ಕೂ ಡೈವೋರ್ಸ್‌ ತೆಗೆದುಕೊಳ್ಳುವುದು ಸಾಮಾನ್ಯವಾಗಿ ಬಿಟ್ಟಿದೆ. ದಾಂಪತ್ಯದಲ್ಲಿ ಮೋಸ, ಅನೈತಿಕ ಸಂಬಂಧವಂತೂ ನಡೆಯುತ್ತಲೇ ಇರುತ್ತದೆ. ಮೋಸ (Cheat) ಮಾಡುವುದರಲ್ಲಿ ಯಾರು ಮುಂದು. ಗಂಡಸರಾ (Men) ಅಥವಾ ಹೆಂಗಸರಾ (Women) ಎಂದು ಕೇಳಿದರೆ ಗೊಂದಲ ಎದುರಾಗಬಹುದು. ಯಾಕೆಂದರೆ ಎಲ್ಲಾ ರೀತಿಯ ಸಂಬಂಧ (Relationship)ದಲ್ಲಿ ಎಲ್ಲರೂ ಮೋಸ ಮಾಡುತ್ತಾರೆ. ಆದರೆ ಮೋಸ ಮಾಡುವ ರೀತಿ ವಿಭಿನ್ನವಾಗಿರುತ್ತದೆ ಅಷ್ಟೆ.
ಮಹಿಳೆಯರು ಪುರುಷರಿಗಿಂತ ಹೆಚ್ಚು ಅಥವಾ ವಿಭಿನ್ನವಾಗಿ ಮೋಸ ಮಾಡುತ್ತಾರೆಯೇ ಎಂಬ ಪ್ರಶ್ನೆ ಯಾವಾಗಲೂ ಎದುರಾಗಿದೆ. ಅತೃಪ್ತ ದಂಪತಿಗಳು ತಮ್ಮ ಸಂಗಾತಿಯೊಂದಿಗೆ ಇರಲು ಇಷ್ಟಪಡುವುದಿಲ್ಲ. ಇತರ ಜನರೊಂದಿಗೆ ತಮ್ಮ ಅಗತ್ಯತೆಗಳು ಮತ್ತು ಆಸೆಗಳನ್ನು ಪೂರೈಸಲು ಯತ್ನಿಸುತ್ತಾರೆ. ಈ ಮೂಲಕ ಸಂಗಾತಿಗೆ ಮೋಸ ಮಾಡುತ್ತಾರೆ. ಅಚ್ಚರಿಯ ವಿಚಾರ ಅಂದ್ರೆ ಈ ರೀತಿ ಮೋಸ ಮಾಡೋದ್ರಲ್ಲಿ ಮಹಿಳೆ (Woman)ಯರದ್ದೇ ಮೇಲುಗೈ ಅಂತಿದೆ ಸರ್ವೇ. ಒಂದು ಅಧ್ಯಯನದ ಪ್ರಕಾರ 10 ಭಾರತೀಯ ಪತ್ನಿಯರಲ್ಲಿ 7 ಮಂದಿ ತಮ್ಮ ಗಂಡನಿಗೆ ಬೇಸರದಿಂದ ಮೋಸ ಮಾಡುತ್ತಾರಂತೆ.
ಹೆಂಡ್ತಿ ಪರಪುರುಷನ ಹಿಂದೆ ಹೋಗೋದು ಇದೇ ಕಾರಣಕ್ಕಂತೆ !
ಸಮೀಕ್ಷೆಯಲ್ಲೇನಿದೆ ?
ವಿವಾಹೇತರ ಡೇಟಿಂಗ್ ಅಪ್ಲಿಕೇಶನ್, ಗ್ಲೀಡೆನ್ ಇತ್ತೀಚೆಗೆ 'ಮಹಿಳೆಯರು ಏಕೆ ಮೋಸ ಮಾಡುತ್ತಾರೆ' ಎಂಬ ಶೀರ್ಷಿಕೆಯ ಸಮೀಕ್ಷೆಯನ್ನು ನಡೆಸಿತು. ಈ ಮೂಲಕ ಭಾರತದಲ್ಲಿ ವಿವಾಹಿತ ಮಹಿಳೆಯರು ತಮ್ಮ ಗಂಡನಿಗೆ ಮೋಸ ಮಾಡುವ ಕಾರಣಗಳನ್ನು ವಿಶ್ಲೇಷಿಸಲು ಪ್ರಯತ್ನಿಸಿದರು. ಈ ಸಂಶೋಧನೆಯ ಒಂದು ಆಘಾತಕಾರಿ ಆವಿಷ್ಕಾರವೆಂದರೆ 10 ರಲ್ಲಿ ಏಳು ಮಹಿಳೆಯರು ತಮ್ಮ ಗಂಡನಿಗೆ ಮನೆಕೆಲಸಗಳಲ್ಲಿ ನೆರವು ನೀಡದ ಕಾರಣ ಮೋಸ ಮಾಡುತ್ತಾರೆ ಎಂಬುದು ತಿಳಿದು ಬಂದಿದೆ. ಅಪ್ಲಿಕೇಶನ್ ಭಾರತದಲ್ಲಿ ಐದು ಲಕ್ಷಕ್ಕೂ ಹೆಚ್ಚು ಚಂದಾದಾರರನ್ನು ಹೊಂದಿದೆ ಮತ್ತು ಜಗತ್ತಿನಾದ್ಯಂತ ಐದು ಮಿಲಿಯನ್ ಬಳಕೆದಾರರನ್ನು ಹೊಂದಿದೆ. ಅಂಕಿಅಂಶಗಳ ಪ್ರಕಾರ, 10 ರಲ್ಲಿ ಏಳು ಮಹಿಳೆಯರು ವಿವಾಹೇತರ ಸಂಬಂಧಕ್ಕೆ ಮುಂದಾಗುತ್ತಾರೆ. ಇದಕ್ಕೆ ಮುಖ್ಯ ಕಾರಣವೆಂದರೆ ಅವರು ಒಬ್ಬನೇ ಗಂಡನನ್ನು ಹೊಂದಿ ಬೋರ್ ಆಗಿರುತ್ತಾರೆ ಎಂದು ತಿಳಿದುಬಂದಿದೆ.
ದಾಂಪತ್ಯ ದ್ರೋಹ ಯಾವ ನಗರದಲ್ಲಿ ಹೆಚ್ಚು
ಮುಂಬೈ, ದೆಹಲಿ ಮತ್ತು ಕೋಲ್ಕತ್ತಾದಂತಹ ಮೆಟ್ರೋಪಾಲಿಟನ್ ನಗರಗಳಲ್ಲಿ ದಾಂಪತ್ಯ ದ್ರೋಹದ ಪ್ರಕರಣಗಳು ಹೆಚ್ಚಾಗಿ ಕಂಡು ಬರುತ್ತವೆ. ತಮ್ಮ ಪತಿಗೆ ಬೇಸರದಿಂದ ಅಥವಾ ಮನೆಕೆಲಸಗಳಲ್ಲಿ ಸಹಾಯ ಮಾಡದ ಕಾರಣದಿಂದ ಬೇಸರಗೊಂಡು ಮಹಿಳೆಯರು ಮೋಸ ಮಾಡುತ್ತಾರೆ ಎಂದು ಈ ಸಂಶೋಧನೆಯು ತೋರಿಸಿದೆ.
ಹೆಸರೇ ತಿಳಿಯದೆ ಲೈಂಗಿಕ ಕ್ರಿಯೆ, ಸಂಗಾತಿ ಎಕ್ಸ್‌ಚೇಂಜ್‌ ಈ ದೇಶದಲ್ಲಿ ಮಾಮೂಲು
ಒಬ್ಬನೇ ಗಂಡ ಬೋರಾಗ್ತಾನೆ ಅಂತ ಚೀಟಿಂಗ್ !
ವಿವಾಹೇತರ ಡೇಟಿಂಗ್ ಅಪ್ಲಿಕೇಶನ್ 2017 ರಲ್ಲಿ ಭಾರತಕ್ಕೆ ಬಂದಿತು ಮತ್ತು ಅವರ ಹಕ್ಕುಗಳ ಪ್ರಕಾರ, ಅದರ 30 ಪ್ರತಿಶತ ಬಳಕೆದಾರರು 34-49 ವರ್ಷ ವಯಸ್ಸಿನ ವಿವಾಹಿತ ಮಹಿಳೆಯರಾಗಿದ್ದಾರೆ. ವಿವಾಹಿತ ಮಹಿಳೆಯರಲ್ಲಿ ಸುಮಾರು 77 ಪ್ರತಿಶತದಷ್ಟು ಜನರು ತಮ್ಮ ಸಂಗಾತಿಗೆ ಮೋಸ ಮಾಡಿದ್ದಾರೆ ಎಂದು ಒಪ್ಪಿಕೊಂಡರು ಏಕೆಂದರೆ ಅವರ ಮದುವೆ ಏಕತಾನತೆಯಿಂದ ಕೂಡಿದೆ ಮತ್ತು ವಿವಾಹೇತರ ಸಂಬಂಧವು ತಮ್ಮ ಜೀವನವನ್ನು ಖುಷಿಯಾಗಿರಿಸಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಐದು ಲಕ್ಷ ಬಳಕೆದಾರರಲ್ಲಿ, 20% ಪುರುಷರು ಮತ್ತು 13% ಮಹಿಳೆಯರು ತಮ್ಮ ಪಾಲುದಾರರಿಗೆ ಮೋಸ ಮಾಡುತ್ತಿದ್ದಾರೆ ಎಂದು ಒಪ್ಪಿಕೊಂಡಿದ್ದಾರೆ. ಅಲ್ಲದೆ, ವಿವಾಹೇತರ ಸಂಬಂಧವನ್ನು ಹೊಂದಲು ನಿರ್ಧರಿಸಿದ ಸುಮಾರು 48 ಪ್ರತಿಶತ ಭಾರತೀಯ ಮಹಿಳೆಯರು ಡೇಟಿಂಗ್ ಅಪ್ಲಿಕೇಶನ್‌ನಲ್ಲಿ ಹೊಸ ಯಾರನ್ನಾದರೂ ಭೇಟಿ ಮಾಡಲು ಆದ್ಯತೆ ನೀಡಿದರು ಏಕೆಂದರೆ ವೇದಿಕೆಯು ಸುರಕ್ಷತೆ ಮತ್ತು ಗೌಪ್ಯತೆಯನ್ನು ನೀಡುತ್ತದೆ.
ಆದರೆ ಈ ಸಂಶೋಧನೆಗಳು ಇಡೀ ಭಾರತೀಯ ಸಮಾಜಕ್ಕೆ ಅನ್ವಯವಾಗುವುದಿಲ್ಲ. ಈ ಅಧ್ಯಯನದ ಮಾದರಿ ಗಾತ್ರವು ಕೇವಲ ಐದು ಲಕ್ಷಗಳು ಮತ್ತು 133 ಕೋಟಿಗಿಂತ ಹೆಚ್ಚಿನ ಭಾರತದ ಜನಸಂಖ್ಯೆಯ ಒಂದು ಭಾಗವನ್ನು ಮಾತ್ರ ಪ್ರತಿನಿಧಿಸುತ್ತದೆ. ಜೊತೆಗೆ, ಸಂಶೋಧನೆಯು ಅವರ ಬಳಕೆದಾರರನ್ನು ಮಾತ್ರ ಆಧರಿಸಿದೆ ಆದರೆ ಡೇಟಿಂಗ್ ಅಪ್ಲಿಕೇಶನ್‌ಗಳಲ್ಲಿಲ್ಲದ ಅಥವಾ ಸ್ಮಾರ್ಟ್‌ಫೋನ್ ಹೊಂದಿರದ ವಿವಾಹಿತ ಮಹಿಳೆಯರ ಬಗ್ಗೆ ಇಲ್ಲಿ ಉಲ್ಲೇಖಿಸಲಾಗಿಲ್ಲ.
