ಬೆಂಗಳೂರಿಗೂ ಬಂತು ಸ್ಪೀಡ್ ಡೇಟಿಂಗ್! ಹುಡುಗ ಬೇಕಾದ್ರೆ ₹ 99, ಹುಡುಗಿಗಾದ್ರೆ 1499!
ಬೆಂಗಳೂರಿನಲ್ಲಿಯೂ ಸ್ಪೀಡ್ ಡೇಟಿಂಗ್ ಕಾರ್ಯಕ್ರಮ ಆಯೋಜಿಸಲಾಗಿದ್ದು, ಟಿಕೆಟ್ ಪ್ರೈಸ್ ನೋಡಿ ಪುರುಷರು ಸಿಡಿಮಿಡಿಗೊಂಡಿದ್ದಾರೆ. ಏನಿದು ಸ್ಪೀಡ್ ಡೇಟಿಂಗ್?
 )
Followಡೇಟಿಂಗ್ ಎಂದರೇನು ಎಂಬುದೇ ಕೆಲ ವರ್ಷಗಳ ಹಿಂದೆ ಯಾರಿಗೂ ತಿಳಿದಿರಲಿಲ್ಲ. ಸಂಬಂಧ, ವೈವಾಹಿಕ ಜೀವನ, ಸ್ನೇಹ ಎಲ್ಲವನ್ನೂ ಒಂದು ಪದ್ಧತಿ ಎಂದು ನಂಬಿ ಆ ಆದರ್ಶದ ವ್ಯಾಪ್ತಿಯಲ್ಲಿಯೇ ಬಾಳುತ್ತಿರುವ ಭಾರತೀಯರಿಗೆ ವಿದೇಶಿಗರ ಡೇಟಿಂಗ್ ಕಲ್ಪನೆ ಅಸಹ್ಯ ಎನಿಸಿದ್ದುಂಟು. ಆದರೆ ಈಗ ಎಲ್ಲವೂ ಬದಲಾಗಿದೆ. ಎಲ್ಲಾ ವಯಸ್ಸಿನವರೂ ಈಗ ಡೇಟಿಂಗ್ ಶುರು ಮಾಡಿಕೊಂಡಿದ್ದಾರೆ. ಇದಕ್ಕಾಗಿಯೇ ಡೇಟಿಂಗ್ ಆ್ಯಪ್ಗಳ ನಾಯಿ ಕೊಡೆಗಳಂತೆ ತಲೆ ಎತ್ತಿವೆ. ಹೆಣ್ಣು-ಗಂಡಿನ ಸಂಬಂಧದ ಪರಿಕಲ್ಪನೆಯೇ ಬದಲಾಗಿರುವ ಈ ಕಾಲದಲ್ಲಿ ಡೇಟಿಂಗ್ ಎನ್ನುವುದು ಕೇವಲ ಲೈಂಗಿಕ ತೃಷೆಯನ್ನು ತೀರಿಸಿಕೊಳ್ಳಲು ಎನ್ನುವ ಮಟ್ಟಿಗೆ ಬಂದು ನಿಂತಿದೆ. ಇದರ ಇನ್ನು ಒಂದು ಮುಂದುವರೆದ ಭಾಗವಾಗಿ ಬಂದಿರೋದೇ ಸ್ಪೀಡ್ ಡೇಟಿಂಗ್!
ಸ್ಪೀಡ್ ಡೇಟಿಂಗ್ (Speed Dating) ಎನ್ನುವುದು ಇಂದು ಬಹಳ ಜನಪ್ರಿಯವಾಗಿದೆ. ಹಲವಾರು ಕಂಪೆನಿಗಳು ಈಗ ಪ್ರಮುಖ ನಗರಗಳಲ್ಲಿ ತಮ್ಮದೇ ಆದ ಸ್ಪೀಡ್ ಡೇಟಿಂಗ್ ಕಾರ್ಯಕ್ರಮಗಳನ್ನು ನಡೆಸುತ್ತಿವೆ. ನೋಂದಾಯಿಸಿದವರು ದೈಹಿಕ ಆಕರ್ಷಣೆಗಿಂತ ವ್ಯಕ್ತಿತ್ವವನ್ನು ಗಮನದಲ್ಲಿಟ್ಟುಕೊಂಡು ಈವೆಂಟ್‌ಗೆ ಪ್ರವೇಶಿಸುತ್ತಾರೆ ಎಂಬುದು ಕಲ್ಪನೆಯೊಂದಿಗೆ ಇದನ್ನು ಆಯೋಜಿಸಲಾಗುತ್ತದೆ ಎಂದು ಕಂಪೆನಿ ಹೇಳಿಕೊಳ್ಳುತ್ತಾರೆ. ನಿಮ್ಮ ಅಭಿರುಚಿಗಳು ಮತ್ತು ಹೋಲಿಸಬಹುದಾದ ಆಯ್ಕೆಗಳ ಆಧಾರದ ಮೇಲೆ ನೀವು ಜನರನ್ನು ಆಯ್ಕೆ ಮಾಡಿಕೊಳ್ಳುವುದು ಈ ಸ್ಪಿಡ್ ಡೇಟಿಂಗ್ನ ಕಲ್ಪನೆ. ಹೆಚ್ಚಿನ ಜನರು ತಮ್ಮ ಆದರ್ಶ ಸಂಗಾತಿಯನ್ನು ಹುಡುಕಲು ಡೇಟಿಂಗ್ ಆ್ಯಪ್ (Dating App) ಮೊರೆ ಹೋದರೆ, ಅದರ ಒಂದು ಹೆಜ್ಜೆ ಮುಂದಕ್ಕೆ ಹೋಗುತ್ತಿದೆ ಈ ಸ್ಪೀಡ್ ಡೇಟಿಂಗ್. ಕೆಲವೊಂದು ಪ್ರಶ್ನೆಗಳನ್ನು ಕೇಳುವ ಮೂಲಕ, ಡೇಟಿಂಗ್ ಮಾಡಲು ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನು ಈ ಫಾಸ್ಟ್ ಡೇಟಿಂಗ್ ಒದಗಿಸುತ್ತದೆ.
Relationship Tips: ಎರಡೆರಡು ಕಾಂಡೋಮ್ ಬಳಸಿದ್ರೆ ಗರ್ಭಧಾರಣೆ ತಡೀಬಹುದಾ?
ಇದರ ಅರ್ಥ ನಿಮಗೆ ಇಷ್ಟವಾಗುವ ಆಕೆ/ಆತನಿಗೆ ಕೆಲವು ಪ್ರಶ್ನೆಗಳನ್ನು ಕೇಳಿ ಅದು ನಿಮಗೆ ಸರಿ ಎನಿಸಿದರೆ ಆತ ಅಥವಾ ಆಕೆಯನ್ನು ಶೀಘ್ರದಲ್ಲಿ ಡೇಟಿಂಗ್ಗೆ ಆಯ್ಕೆ ಮಾಡಿಕೊಳ್ಳುವುದು ಇದರ ಹಿಂದಿನ ಉದ್ದೇಶ. ಈಗ ಎಲ್ಲವೂ ಫಾಸ್ಟ್ ಆಗಬೇಕಲ್ಲ, ಅದು ಆಹಾರದಿಂದ ಹಿಡಿದು ಎಲ್ಲವೂ ಫಾಸ್ಟ್ ಫಾಸ್ಟ್ ಆಗಿಯೇ ಬೇಕು. ಕಾಯುವಷ್ಟು ತಾಳ್ಮೆ ಇಂದಿನವರಿಗೆ ಇಲ್ಲ. ಇದೀಗ ಡೇಟಿಂಗ್ ಕ್ಷೇತ್ರದಲ್ಲೂ ಶುರುವಾಗಿದೆ. ಯುವಕ-ಯುವತಿಯನ್ನು ಆಯ್ಕೆ ಮಾಡಿಕೊಂಡು ಆತನೋ, ಆಕೆಯೋ ಡೇಟಿಂಗ್ಗೆ ಒಪ್ಪುತ್ತಾರೋ ಇಲ್ಲವೋ ಎನ್ನುವ ಕಾಯುವ ಬಯಲು, ಫಾಸ್ಟ್ ಆಗಿ ಡೇಟಿಂಗ್ ಶುರು ಮಾಡುವುದೇ ಫಾಸ್ಟ್ ಡೇಟಿಂಗ್ ಕಲ್ಪನೆ. ಇದೀಗ ಬೆಂಗಳೂರಿನಲ್ಲಿಯೂ (Bangalore) ಇದನ್ನು ಶುರು ಮಾಡಲಾಗಿದೆ. ಇದರ ಜಾಹೀರಾತು ವೈರಲ್ ಆಗಿದ್ದು, ಸಕತ್ ಸುದ್ದಿ ಮಾಡುತ್ತಿದೆ.
ಹೌದು, ಫಾಸ್ಟ್ ಡೇಟಿಂಗ್ ಅನ್ನು ಬೆಂಗಳೂರಿನಲ್ಲಿ ಆಯೋಜಿಸಲಾಗಿದೆ. ಇದು ಬಹಳ ಸುದ್ದಿ ಮಾಡಲು ಕಾರಣ, ಪುರುಷರು ಮತ್ತು ಮಹಿಳೆಯರಿಗೆ ಇಟ್ಟಿರುವ ಟಿಕೆಟ್ ದರದ ವ್ಯತ್ಯಾಸದಿಂದ! ಇದಾಗಲೇ ಬಸ್ಸಿನಲ್ಲಿ ಮಹಿಳೆಯರಿಗೆ ಫ್ರೀ ಮಾಡಿಯಾಗಿದೆ. ಇದೀಗ ಡೇಟಿಂಗ್ನಲ್ಲೂ ಮಹಿಳೆಯರಿಗೆ ಇಷ್ಟು ಕಡಿಮೆ ರೇಟ್ (Ticket Rate) ಇಟ್ಟಿರೋದು ಪುರುಷರಿಗೆ ಸಹಿಸಲು ಆಗ್ತಿಲ್ಲ. ಏಕೆಂದರೆ, ಈ ಈವೆಂಟ್‌ನಲ್ಲಿ ಭಾಗವಹಿಸಲು ಪುರುಷರಿಗೆ 1499 ರೂಪಾಯಿಗಳನ್ನು ಇಟ್ಟಿದ್ದರೆ, ಮಹಿಳೆಯರಿಗೆ ಕೇವಲ ರೂ. 99! ಬುಕ್ ಮೈ ಶೋ ಮೂಲಕ ಟಿಕೆಟ್‌ಗಳನ್ನು ಖರೀದಿಸಬಹುದು ಎಂದು ವೈರಲ್ ಆಗಿರುವ ಜಾಹೀರಾತಿನಲ್ಲಿ ತಿಳಿಸಲಾಗಿದೆ. ಸ್ನೇಹಿತರನ್ನು ವೈಯಕ್ತಿಕವಾಗಿ ಭೇಟಿ ಮಾಡಲು ಇಲ್ಲಿಗೆ ಬನ್ನಿ, ಫಾಸ್ಟ್ ಆಗಿ ಡೇಟಿಂಗ್ಗೆ ಜನರನ್ನು ಆಯ್ಕೆ ಮಾಡಿ ಎಂದು ಹೇಳಲಾಗಿದೆ. ಈ ಈವೆಂಟ್‌ನಲ್ಲಿ ಮೋಜಿನ ಆಟಗಳನ್ನು ಇಡಲಾಗಿದೆ ಎನ್ನಲಾಗಿದೆ.
National Kissing Day: ಮುತ್ತಿಕ್ಕಿದರೆ ಮತ್ತಷ್ಟು ಯೌವನ! ಮತ್ತೇನಾಗುತ್ತೆ ಆರೋಗ್ಯಕ್ಕೆ?
