ಸೆಕೆಂಡ್ ಹ್ಯಾಂಡ್ ಬಟ್ಟೆ ಧರಿಸಿದ ವ್ಯಕ್ತಿಯೊಬ್ಬರಿಗೆ ಮೊಲಸ್ಕಮ್ ಕಾಂಟ್ಯಾಜಿಯೊಸಮ್ ಎಂಬ ಚರ್ಮದ ಸೋಂಕು ತಗುಲಿದೆ.
ಸಾಮಾನ್ಯವಾಗಿ ಕೆಲವು ಮನೆಗಳಲ್ಲಿ ಅಣ್ಣ-ಅಕ್ಕ ಧರಿಸುವ ಬಟ್ಟೆಗಳನ್ನು ಕಿರಿಯ ಮಕ್ಕಳಿಗೆ ಅಂದರೆ ತಮ್ಮ-ತಂಗಿಗೆ ಕೊಡುವುದು ರೂಢಿ. ಇದೇ ಅಭ್ಯಾಸವನ್ನೇ ಬೆಳೆಸಿಕೊಂಡ ಕೆಲವರು ಮುಂದಕ್ಕೂ ಅಂದರೆ ದೊಡ್ಡವರಾದ ನಂತರವೂ ಬಟ್ಟೆಗೆ ಹಣ ಖರ್ಚು ಮಾಡುವುದು ಸರಿಯಲ್ಲ ಎಂದು ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಖರೀದಿಸುತ್ತಾರೆ. ಇತ್ತೀಚಿನ ದಿನಗಳಲ್ಲಂತೂ ಜನರು ಹಣ ಉಳಿಸಲು ಮದುವೆ ಅಥವಾ ಕೆಲವು ಕಾರ್ಯಕ್ರಮಗಳಲ್ಲಿ ಸಹ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುತ್ತಾರೆ. ನೀವು ಸಹ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುತ್ತಿದ್ದರೆ, ಖರೀದಿಸುತ್ತಿದ್ದರೆ ಸಮಯಕ್ಕೆ ಸರಿಯಾಗಿ ಜಾಗರೂಕರಾಗಿರಬೇಕು. ಏಕೆಂದರೆ ಸೆಕೆಂಡ್ ಹ್ಯಾಂಡ್ ಬಟ್ಟೆ ಧರಿಸುವುದರಿಂದ ಒರ್ವ ವ್ಯಕ್ತಿಗೆ ಏನಾಯಿತು ಎಂದು ಮುಂದೆ ತಿಳಿದುಕೊಳ್ಳೋಣ...
ಇತ್ತೀಚೆಗೆ ಸೆಕೆಂಡ್ ಹ್ಯಾಂಡ್ ಅಂಗಡಿಯಿಂದ ಬಟ್ಟೆಗಳನ್ನು ಖರೀದಿಸಿ ಧರಿಸಿದ ಈ ವ್ಯಕ್ತಿಯ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಹೌದು, ಆ ವ್ಯಕ್ತಿ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸಿದ್ದರಿಂದ ವೈರಲ್ ಚರ್ಮದ ಸೋಂಕು ತಗುಲಿತು. ವೈರಲ್ ಆಗಿರುವ ಪೋಸ್ಟ್ವೊಂದರಲ್ಲಿ, ಈ ವ್ಯಕ್ತಿ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸಿದ್ದರಿಂದ ಮೊಲಸ್ಕಮ್ ಕಾಂಟ್ಯಾಜಿಯೊಸಮ್ (Molluscum Contagiosum) ಎಂಬ ಒಂದು ರೀತಿಯ ವೈರಲ್ ಚರ್ಮದ ಸೋಂಕಿನಿಂದ ಬಳಲುತ್ತಿರುವುದಾಗಿ ಬಹಿರಂಗಪಡಿಸಿದ್ದಾನೆ. ಬಟ್ಟೆಗಳಿಂದ ಅವನಿಗೆ ಹೇಗೆ ಸೋಂಕು ತಗುಲಿತು ಎಂಬುದು ಸ್ಪಷ್ಟವಾಗಿಲ್ಲವಾದರೂ, ಮೊಲಸ್ಕಮ್ ಕಾಂಟ್ಯಾಜಿಯೊಸಮ್ನಿಂದಾಗಿ ಭಯಾನಕವಾಗಿ ಕಾಣುತ್ತಿದ್ದಾನೆ.
ಅಪಾಯಕಾರಿ ಚರ್ಮದ ಸೋಂಕು
ಈ ಚರ್ಮದ ಸೋಂಕಿನಿಂದಾಗಿ ಚರ್ಮದ ಮೇಲೆ ಸಣ್ಣ ಮತ್ತು ಉಬ್ಬಿದ ಮೊಡವೆಗಳು ಕಾಣಿಸಿಕೊಳ್ಳುತ್ತವೆ. ಅಷ್ಟೇ ಅಲ್ಲ, ನಿಮ್ಮ ಮುಖದ ಸೌಂದರ್ಯದ ಮೇಲೆ ಕೆಟ್ಟದಾಗಿ ಪರಿಣಾಮ ಬೀರಬಹುದು. ಇವು ಹೆಚ್ಚಾಗಿ ನಿರುಪದ್ರವ ಮತ್ತು ನೋವುರಹಿತವಾಗಿರುತ್ತವೆ. ಸರಿಯಾಗಿ ಚಿಕಿತ್ಸೆ ಪಡೆದರೆ 6 ತಿಂಗಳಿಂದ 2 ವರ್ಷಗಳಲ್ಲಿ ಸಮಸ್ಯೆ ಪರಿಹರಿಸಿಕೊಳ್ಳಬಹುದು. ಸೋಂಕು ಚರ್ಮದಿಂದ ಚರ್ಮಕ್ಕೆ ಅಥವಾ ಸೋಂಕಿತ ವಸ್ತುಗಳೊಂದಿಗೆ ಸಂಪರ್ಕಕ್ಕೆ ಬಂದಾಗ ಹರಡಬಹುದು. ಮೊಲಸ್ಕಮ್ ಕಾಂಟ್ಯಾಜಿಯೊಸಮ್ನ ತುರಿಕೆ ಗುಲಾಬಿ ಬಣ್ಣದ್ದಾಗಿರಬಹುದು, ಸಾಮಾನ್ಯವಾಗಿ ಮಕ್ಕಳಲ್ಲಿ ಮುಖ, ತೋಳುಗಳು ಅಥವಾ ಕಾಲುಗಳ ಮೇಲೆ ಕಾಣಿಸಿಕೊಳ್ಳುತ್ತದೆ. ವಯಸ್ಕರಲ್ಲಿ, ಲೈಂಗಿಕವಾಗಿ ಹರಡಿದರೆ ಅವು ಜನನಾಂಗಗಳು, ಹೊಟ್ಟೆಯ ಕೆಳಭಾಗ ಅಥವಾ ಒಳ ತೊಡೆಯ ಮೇಲೆ ಸಂಭವಿಸಬಹುದು. ಈ ಸೋಂಕಿಗೆ ಒಳಗಾಗುವುದನ್ನು ತಪ್ಪಿಸಲು ನೀವು ಬಯಸಿದರೆ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುವುದನ್ನು ನಿಲ್ಲಿಸಿ.
Related Articles
ನಿದ್ರೆ ಬರ್ತಿಲ್ವಾ, 1 ತಿಂಗಳು ಮಲಗುವ ಮುನ್ನ ಪ್ರತಿ ರಾತ್ರಿ 2 ಕಿವಿ ಹಣ್ಣು ತಿನ್ನಿ..ನಂತರ ಮ್ಯಾಜಿಕ್ ನೋಡಿ!
ಅಡ್ಡಪರಿಣಾಮಗಳು
ಆರೋಗ್ಯ ತಜ್ಞರ ಪ್ರಕಾರ, ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುವುದರಿಂದ ಬ್ಯಾಕ್ಟೀರಿಯಾ, ಶಿಲೀಂಧ್ರ ಮತ್ತು ವೈರಲ್ ಸೋಂಕುಗಳು ಉಂಟಾಗಬಹುದು. ಇದಲ್ಲದೆ, ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುವುದರಿಂದ ಚರ್ಮದ ಕಿರಿಕಿರಿ, ಕೆಂಪು ಮತ್ತು ತುರಿಕೆ ಮುಂತಾದ ಸಮಸ್ಯೆಗಳನ್ನು ಎದುರಿಸಬಹುದು. ನಿಮ್ಮ ಚರ್ಮದ ಆರೋಗ್ಯವನ್ನು ಹದಗೆಡದಂತೆ ರಕ್ಷಿಸಲು ನೀವು ಬಯಸಿದರೆ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸಬಾರದು. ಇರಾನಿಯನ್ ಜರ್ನಲ್ ಆಫ್ ಪಬ್ಲಿಕ್ ಹೆಲ್ತ್ ಪ್ರಕಾರ, ತುರಿಕೆ ಮತ್ತು ಶಿಲೀಂಧ್ರ ರೋಗಗಳಂತಹ ಚರ್ಮ ರೋಗಗಳು ತೊಳೆಯದ ಸೆಕೆಂಡ್ ಹ್ಯಾಂಡ್ ಬಟ್ಟೆಗಳನ್ನು ಧರಿಸುವುದರಿಂದ ಹರಡಬಹುದು. ಇದು ಕೇವಲ ಮಿತವ್ಯಯದ ಬಟ್ಟೆಗಳಿಂದ ಬರುವುದಿಲ್ಲ ಹೊಸ ಬಟ್ಟೆಗಳನ್ನು ಸಹ ತೊಳೆಯದೆ ಧರಿಸುವುದು ಅಷ್ಟು ಸುರಕ್ಷಿತವಲ್ಲ.
ನೆಟ್ಟಿಗರು ಹೇಳಿದ್ದೇನು?
ಈ ಪೋಸ್ಟ್ ವೈರಲ್ ಆಗಿ 1 ಮಿಲಿಯನ್ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ. ಕೆಲವರು ಆ ವ್ಯಕ್ತಿಯ ಕಷ್ಟದ ಬಗ್ಗೆ ಸಹಾನುಭೂತಿ ವ್ಯಕ್ತಪಡಿಸಿದರೆ, ಇನ್ನು ಕೆಲವರು "ಅವನು ಬಟ್ಟೆಗಳನ್ನು ಧರಿಸುವ ಮೊದಲು ಏಕೆ ಒಗೆಯಲಿಲ್ಲ" ಎಂದು ಆಶ್ಚರ್ಯಪಟ್ಟರು. "ನೀವು ಮೊದಲು ನಿಮ್ಮ ಬಟ್ಟೆಗಳನ್ನು ಏಕೆ ತೊಳೆಯಬಾರದು?", "ನೀವು ಬೇಗ ಗುಣಮುಖರಾಗುತ್ತೀರಿ ಮತ್ತು ಮೊದಲಿನಂತೆಯೇ ಆರೋಗ್ಯವಾಗಿರುತ್ತೀರಿ ಎಂದು ನಾನು ಭಾವಿಸುತ್ತೇನೆ" "ಇದು ಕೇವಲ ಬಟ್ಟೆಗಳಿಂದಲ್ಲ ಎಂದು ನಾನು ಭಾವಿಸುತ್ತೇನೆ" ಎಂದೆಲ್ಲಾ ಬಳಕೆದಾರರು Instagram ನಲ್ಲಿ ಕಾಮೆಂಟ್ ಮಾಡಿದ್ದಾರೆ.
