ಫಳ ಫಳ ಹೊಳೆಯುವ ಚರ್ಮಕ್ಕಾಗಿ ಆಲೂಗಡ್ಡೆ ಜೊತೆ ಈ ಫೇಸ್‌ಪ್ಯಾಕ್ ಹಚ್ಚಿ
ಆಲೂಗೆಡ್ಡೆಯಲ್ಲಿರುವ ವಿಟಮಿನ್ ಸಿ, ಬಿ ಮತ್ತು ವಿವಿಧ ಖನಿಜಗಳು ಚರ್ಮದ ಕಪ್ಪು ಕಲೆಗಳನ್ನು ನಿವಾರಿಸಿ, ಚರ್ಮದ ಬಣ್ಣವನ್ನು ಸುಧಾರಿಸಲು ಸಹಾಯ ಮಾಡುತ್ತವೆ. ಆಲೂಗೆಡ್ಡೆಯ ಜೊತೆ ನಿಂಬೆರಸ, ಜೇನುತುಪ್ಪ, ಅರಿಶಿನ, ಕಡಲೆ ಹಿಟ್ಟು ಮುಂತಾದವುಗಳನ್ನು ಬೆರೆಸಿ ಫೇಸ್ ಪ್ಯಾಕ್ ತಯಾರಿಸಬಹುದು.
- FB
- TW
- Linkdin
Follow Us
 "ಚರ್ಮದ ಆರೈಕೆಗೆ ನೈಸರ್ಗಿಕ ವಿಧಾನ")
ಚರ್ಮದ ಆರೈಕೆಗೆ ನೈಸರ್ಗಿಕ ವಿಧಾನ
ರಾಸಾಯನಿಕ ಉತ್ಪನ್ನಗಳ ಬದಲು, ನೈಸರ್ಗಿಕ ವಿಧಾನಗಳನ್ನು ಅನುಸರಿಸುವುದು ಚರ್ಮದ ಆರೈಕೆಗೆ ಉತ್ತಮ. ನಮ್ಮ ಅಡುಗೆ ಮನೆಯಲ್ಲಿ ಸಿಗುವ ಆಲೂಗೆಡ್ಡೆ ಒಂದು ಚರ್ಮದ ಆರೈಕೆಗೆ ಬಳಸಬಹುದಾದ ಒಂದು ಅದ್ಭುತ ಪದಾರ್ಥ. ಇದರಲ್ಲಿ ವಿಟಮಿನ್ ಸಿ, ಬಿ ಮತ್ತು ವಿವಿಧ ಖನಿಜಗಳಿವೆ. ಇವು ಚರ್ಮದ ಕಪ್ಪು ಕಲೆಗಳನ್ನು ನಿವಾರಿಸಿ, ಚರ್ಮದ ಬಣ್ಣವನ್ನು ಸುಧಾರಿಸಿ, ಕಲೆಗಳನ್ನು ತೆಗೆದುಹಾಕಿ, ಹೊಳೆಯುವ ಚರ್ಮವನ್ನು ಪಡೆಯಲು ಸಹಾಯ ಮಾಡುತ್ತವೆ. ಹೀಗಿರುವಾಗ ನಾವಿಲ್ಲಿ, ಆಲೂಗಡ್ಡೆಯ ಜೊತೆ ಬೆರೆಸಿ ಯಾವೆಲ್ಲಾ ವಸ್ತುಗಳನ್ನು ಬೆರೆ ಫೇಸ್‌ಪ್ಯಾಕ್ ಮಾಡಬಹುದು ಎಂಬ ಮಾಹಿತಿಯನ್ನು ಇಲ್ಲಿ ನೀಡಿದ್ದೇವೆ.
ಆಲೂಗೆಡ್ಡೆ ಮತ್ತು ನಿಂಬೆ ರಸ
ಆಲೂಗೆಡ್ಡೆ ಮತ್ತು ನಿಂಬೆ ರಸದ ಮಿಶ್ರಣವು ಕಪ್ಪು ಕಲೆಗಳು, ಗಾಯದ ಗುರುತುಗಳು ಮತ್ತು ವರ್ಣದ್ರವ್ಯದಂತಹ (pigmentation) ಸಮಸ್ಯೆಗಳಿಗೆ ಉತ್ತಮ ಪರಿಹಾರ. ನಿಂಬೆಯಲ್ಲಿರುವ ಸಿಟ್ರಿಕ್ ಆಮ್ಲವು ಚರ್ಮವನ್ನು ಬಿಳುಪುಗೊಳಿಸುವ ಗುಣಗಳನ್ನು ಹೊಂದಿದೆ. ಆಲೂಗೆಡ್ಡೆ ರಸ ಮತ್ತು 1/2 ಟೀ ಚಮಚ ನಿಂಬೆ ರಸವನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಹತ್ತಿಯಿಂದ ಮುಖ ಮತ್ತು ಕುತ್ತಿಗೆಗೆ ಹಚ್ಚಿ. 15-20 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ಈ ವಿಧಾನವನ್ನು ವಾರಕ್ಕೆ 2-3 ಬಾರಿ ಅನುಸರಿಸಿದರೆ ಉತ್ತಮ ಫಲಿತಾಂಶ ಸಿಗುತ್ತದೆ.
ಆಲೂಗೆಡ್ಡೆ ಮತ್ತು ಜೇನುತುಪ್ಪ
ಆಲೂಗೆಡ್ಡೆಗೆ ಜೇನುತುಪ್ಪವನ್ನು ಸೇರಿಸುವುದರಿಂದ ಚರ್ಮಕ್ಕೆ ತೇವಾಂಶ ನೀಡಿ, ಮೃದುಗೊಳಿಸಿ, ನೈಸರ್ಗಿಕ ಹೊಳಪನ್ನು ನೀಡುತ್ತದೆ. ಜೇನುತುಪ್ಪದಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತ ನಿವಾರಕ ಗುಣಗಳಿವೆ. ಇದು ಚರ್ಮದ ಆರೋಗ್ಯವನ್ನು ಸುಧಾರಿಸುತ್ತದೆ. 1 ಚಮಚ ಆಲೂಗೆಡ್ಡೆ ರಸಕ್ಕೆ 1 ಟೀ ಚಮಚ ಶುದ್ಧ ಜೇನುತುಪ್ಪವನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ ನಿಧಾನವಾಗಿ ಮಸಾಜ್ ಮಾಡಿ. 15 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಈ ವಿಧಾನವನ್ನು ವಾರಕ್ಕೆ 2 ಬಾರಿ ಬಳಸಿದರೆ ಚರ್ಮ ಮೃದುವಾಗಿ, ಹೊಳೆಯುವಂತೆ ಆಗುತ್ತದೆ.
ಆಲೂಗೆಡ್ಡೆ ಮತ್ತು ಅರಿಶಿನ
ಅರಿಶಿನವು ಅದರ ಔಷಧೀಯ ಗುಣಲಕ್ಷಣಗಳಿಗಾಗಿ ಮತ್ತು ಚರ್ಮದ ಬಣ್ಣವನ್ನು ಸುಧಾರಿಸುವ ಗುಣಲಕ್ಷಣಗಳಿಗಾಗಿ ಶತಮಾನಗಳಿಂದ ಬಳಸಲ್ಪಡುತ್ತಿದೆ. ಆಲೂಗೆಡ್ಡೆಗೆ ಅರಿಶಿನವನ್ನು ಸೇರಿಸುವುದರಿಂದ ಚರ್ಮದ ಬಣ್ಣವನ್ನು ಹೊಳಪುಗೊಳಿಸುತ್ತದೆ. 1 ಚಮಚ ಆಲೂಗೆಡ್ಡೆ ರಸಕ್ಕೆ ಒಂದು ಚಿಟಿಕೆ ಅರಿಶಿನ ಪುಡಿಯನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ. 20 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ವಿಧಾನವನ್ನು ವಾರಕ್ಕೆ 1-2 ಬಾರಿ ಬಳಸಿದರೆ ಚರ್ಮದ ಬಣ್ಣ ಸುಧಾರಿಸುತ್ತದೆ.
ಆಲೂಗೆಡ್ಡೆ ಮತ್ತು ಕಡಲೆ ಹಿಟ್ಟು
ಕಡಲೆ ಹಿಟ್ಟು ಉತ್ತಮ ಸ್ಕ್ರಬ್ ಆಗಿ ಮತ್ತು ಚರ್ಮವನ್ನು ಶುದ್ಧೀಕರಿಸುವ ಪದಾರ್ಥವಾಗಿ ಕಾರ್ಯನಿರ್ವಹಿಸುತ್ತದೆ. ಇದು ಚರ್ಮದಲ್ಲಿರುವ ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳುತ್ತದೆ, ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ ಮತ್ತು ಚರ್ಮಕ್ಕೆ ತಾಜಾತನವನ್ನು ನೀಡುತ್ತದೆ.
2 ಚಮಚ ಆಲೂಗೆಡ್ಡೆ ರಸ, 1 ಚಮಚ ಕಡಲೆ ಹಿಟ್ಟು, ಒಂದು ಚಿಟಿಕೆ ಅರಿಶಿನ ಪುಡಿ, ಎಲ್ಲಾ ಪದಾರ್ಥಗಳನ್ನು ಮಿಶ್ರಣ ಮಾಡಿ ದಪ್ಪ ಪೇಸ್ಟ್ ತಯಾರಿಸಿ. ಅಗತ್ಯವಿದ್ದರೆ ಸ್ವಲ್ಪ ಗುಲಾಬಿ ನೀರನ್ನು ಸೇರಿಸಿಕೊಳ್ಳಬಹುದು. ಈ ಪೇಸ್ಟ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ 20-25 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ವಿಧಾನವನ್ನು ವಾರಕ್ಕೆ 1 ಬಾರಿ ಬಳಸಿದರೆ ಚರ್ಮ ಶುದ್ಧವಾಗಿ, ಹೊಳೆಯುವಂತೆ ಆಗುತ್ತದೆ.
ಆಲೂಗೆಡ್ಡೆ ತುಂಡು
ಆಲೂಗೆಡ್ಡೆ ಕಣ್ಣುಗಳ ಕೆಳಗಿನ ಕಪ್ಪು ವರ್ತುಲಗಳು ಮತ್ತು ಊತವನ್ನು ಕಡಿಮೆ ಮಾಡಲು ತುಂಬಾ ಪರಿಣಾಮಕಾರಿ. ಇದರಲ್ಲಿರುವ ಉತ್ಕರ್ಷಣ ನಿರೋಧಕಗಳು ಮತ್ತು ತಂಪಾಗಿಸುವ ಗುಣಲಕ್ಷಣಗಳು ಇದಕ್ಕೆ ಸಹಾಯ ಮಾಡುತ್ತವೆ.
ಆಲೂಗೆಡ್ಡೆ ಹೋಳುಗಳು
ಫ್ರಿಡ್ಜ್‌ನಲ್ಲಿಟ್ಟ ತಣ್ಣನೆಯ ಆಲೂಗೆಡ್ಡೆಯನ್ನು ತೆಳುವಾದ ಹೋಳುಗಳಾಗಿ ಕತ್ತರಿಸಿ. ಈ ಹೋಳುಗಳನ್ನು ಕಣ್ಣುಗಳ ಕೆಳಗೆ ಸುಮಾರು 15-20 ನಿಮಿಷಗಳ ಕಾಲ ಇರಿಸಿ. ಅಥವಾ ಆಲೂಗೆಡ್ಡೆ ರಸವನ್ನು ತೆಗೆದುಕೊಂಡು, ಹತ್ತಿಯನ್ನು ಅದರಲ್ಲಿ ಅದ್ದಿ, ಕಣ್ಣುಗಳ ಕೆಳಗಿನ ಭಾಗದಲ್ಲಿ ಇರಿಸಿ. 15-20 ನಿಮಿಷಗಳ ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ವಿಧಾನವನ್ನು ಪ್ರತಿದಿನ ಅಥವಾ ಒಂದು ದಿನ ಬಿಟ್ಟು ಒಂದು ದಿನ ಅನುಸರಿಸಿದರೆ ಕಪ್ಪು ವರ್ತುಲಗಳು ಮತ್ತು ಊತ ಕಡಿಮೆಯಾಗುತ್ತದೆ.
ಇವುಗಳ ಪ್ರಯೋಗಿಸಿ ಹೊಳೆಯುವ ಚರ್ಮ ನಿಮ್ಮದಾಗಿಸಿ
ಆಲೂಗೆಡ್ಡೆ ಅಗ್ಗದ ಮತ್ತು ಪರಿಣಾಮಕಾರಿ ನೈಸರ್ಗಿಕ ಚರ್ಮದ ಆರೈಕೆ ಪದಾರ್ಥವಾಗಿದ್ದು, ಮೇಲೆ ತಿಳಿಸಿದ ವಿಧಾನಗಳನ್ನು ಸರಿಯಾಗಿ ಅನುಸರಿಸಿ, ನೀವೂ ಸ್ಪಷ್ಟ, ಪ್ರಕಾಶಮಾನವಾದ ಮತ್ತು ಹೊಳೆಯುವ ಚರ್ಮವನ್ನು ಪಡೆಯಬಹುದು.
