ತಮ್ಮ ಮದುವೆಯಲ್ಲಿ ಅತೀ ದುಬಾರಿ ಆಭರಣ ಧರಿಸಿದ ಪಾಕಿಸ್ತಾನದ ನಟಿಯರಿವರು

ಭಾರತದಲ್ಲಿ ಸೆಲೆಬ್ರಿಟಿಗಳ ಮದುವೆ ಎಂದಾಗ ಗಮನ ಸೆಳೆಯುವುದು ಅವರ ಅದ್ದೂರಿ ಮದುವೆ ಧಿರಿಸು ಹಾಗೂ ವೈಭೋವೋಪೇತ ಆಭರಣಗಳು, ಅದೇ ರೀತಿ ಪಾಕಿಸ್ತಾನದಲ್ಲೂ ಕೂಡ ಸಾಮಾನ್ಯ ಜನರಿಗೆ ಬಡತನವಿದ್ದರೂ ಶ್ರೀಮಂತರ ಐಷಾರಾಮಿ ಜೀವನಕ್ಕೆ ಅಲ್ಲಿ ಯಾವ ತೊಂದರೆಯೂ ಇಲ್ಲ, ಇದಕ್ಕೆ ಸಾಕ್ಷಿ ಅಲ್ಲಿನ ಸೆಲೆಬ್ರಿಟಿಗಳ ಅದ್ದೂರಿ ಮದುವೆ ಹಾಗೂ ಅವರು ಧರಿಸುವ ಲಕ್ಷಾಂತರ ಮೊತ್ತದ ಬಟ್ಟೆ ಹಾಗೂ ಆಭರಣಗಳು.

ಮೊದಲನೇಯವರಾಗಿ ನಟಿ ಉರ್ವಾ ಹೊಕಾನೆ. 2016ರಲ್ಲಿ  ಲಾಲಿವುಡ್ ನಟ ಹಾಗೂ ಗಾಯ ಫರ್ಹಾನ್ ಸಯೀದ್ ಜೊತೆ ಹಸೆ ಮಣೆ ಏರಿದ ಉರ್ವಾ ಆ ಮದುವೆಯಲ್ಲಿ ಬರೋಬ್ಬರಿ 53 ಲಕ್ಷ ಮೌಲ್ಯದ ನೆಕ್ಲೇಸ್‌ (ಚೋಕರ್‌) ನ್ನು ಧರಿಸಿದ್ದರು.  ಫೇರಿಟೇಲ್ ತರ ಮದುವೆಯಾದ  ಈ ಜೋಡಿ ಪ್ರಸ್ತುತ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.

ಅಲೆಜಿ ಫಾತಿಮಾ ರಜಾ, ಪಾಕಿಸ್ತಾನದ ಉದ್ಯಮರಂಗ ಹಾಗೂ ಸಾಮಾಜಿಕ ಜಾಲತಾಣದಲ್ಲಿ ತಮ್ಮದೇ ಹೆಸರು ಮಾಡಿರುವ ಫಾತಿಮಾ ರಜಾ ಮದುವೆಯಾಗಿದ್ದು 2018ರಲ್ಲಿ. ಪಾಕಿಸ್ತಾನದ ಖ್ಯಾತ ನಟ ಫಿರೋಜ್ ಖಾನ್ ಅವರನ್ನು ಅದ್ದೂರಿ ವಿವಾಹ ಮಹೋತ್ಸವದಲ್ಲಿ ಮದುವೆಯಾದ ಫಾತಿಮಾ ರಜಾ ಅವರು ಆ ಮದುವೆಯಲ್ಲಿ ಧರಿಸಿದ ನೆಕ್ಲೇಸ್ ಬೆಲೆ 45 ಲಕ್ಷ ರೂಪಾಯಿಗಳು. ಬಂಗಾರ, ಮುತ್ತು ಹವಳವನ್ನು ಒಳಗೊಂಡಿತ್ತು ಈ ನೆಕ್ಲೇಸ್, ಆದರೆ ದುರಾದೃಷ್ಟವಶಾತ್ ಈ ಜೋಡಿ ಕಳೆದ ವರ್ಷ ಬೇರೆಯಾಗಿದ್ದಾರೆ.

ಆಯೇಜಾ ಖಾನ್, 2016ರಲ್ಲಿ ಗೆಳೆಯ ದಾನಿಶ್‌ನನ್ನು ಮದುವೆಯಾದ ನಟಿ ಅಯೇಜಾ ಖಾನ್  ತನ್ನ ಮದುವೆಯಲ್ಲಿ 25 ಲಕ್ಷ ಮೌಲ್ಯದ ವಜ್ರದ ನೆಕ್ಲೇಸ್‌ನ್ನು ಧರಿಸಿದ್ದರು. ಪ್ರಸ್ತುತ ಈ ಜೋಡಿ ಎರಡು ಮುದ್ದಾದ ಮಕ್ಕಳನ್ನು ಹೊಂದಿದ್ದಾರೆ.

ಅಯೇಷಾ ಖಾನ್, ಪಾಕಿಸ್ತಾನ ಸೇನೆಯಲ್ಲಿ ಮೇಜರ್ ಆಗಿದ್ದ ಉಕ್ಬಾಹ್‌ರನ್ನು 2018ರಲ್ಲಿ ಮದುವೆಯಾದ ನಟಿ ಅಯೇಷಾ ನಂತರ ನಟನೆಗೆ ಗುಡ್‌ಬಾಯ್ ಹೇಳಿದ್ದರು. ಇವರ ಮದುವೆ ಪಾಕಿಸ್ತಾನದಲ್ಲಿ ನಡೆದ ಬಹಳ ಅದ್ದೂರಿ ಮದುವೆಗಳಲ್ಲಿ ಒಂದೆನಿಸಿದ್ದು, ಈ ವಿಶೇಷ ದಿನದಂದು ಆಯೇಷಾ 23 ಲಕ್ಷ ಮೌಲ್ಯದ ಡೈಮಂಡ್ ನೆಕ್ಲೇಸ್ ಧರಿಸಿದ್ದರು.

ಐಮಾನ್ ಖಾನ್, ಇವರು ಕೂಡ ಪಾಕಿಸ್ತಾನದ ಮತ್ತೊರ್ವ ಫೇಮಸ್‌ ನಟಿ, 2018ರಲ್ಲಿ ನಡೆದ ಅದ್ದೂರಿ ಮದುವೆ ಸಮಾರಂಭದಲ್ಲಿ ಐಮಾನ್ ಖಾನ್ ಮುನೀಬ್ ಭಟ್ ಎಂಬುವರನ್ನು ಮದುವೆಯಾದರು. ಈ ಮದುವೆಯಲ್ಲಿ ಐಮಾನ್ ಧರಿಸಿದ್ದ ನೆಕ್ಲೇಸ್ ಎಲ್ಲರ ಗಮನ ಸೆಳೆದಿತ್ತು. ಚಿನ್ನದಿಂದ ಕೂಡಿದ್ದ ಈ ನೆಕ್ಲೇಸ್ ಬೆಲೆ 18 ಲಕ್ಷ. 

ಹೀರಾ ಖಾನ್, ತನ್ನ ಬಹುಕಾಲದ  ಗೆಳೆಯ ಅರ್ಸ್ಲಾನ್ ಖಾನ್ ಜೊತೆ ಈ ವರ್ಷ ಹಸೆಮಣೆ ತುಳಿದ ಹೀರಾ ಖಾನ್ ತಮ್ಮ ಮದುವೆ ದಿನ ಎರಡು ಎಳೆಯ ನೆಕ್ಲೇಸ್ ಧರಿಸಿದ್ದರು. ಇದರ ಅಂದಾಜು ಮೌಲ್ಯ 15 ಲಕ್ಷ ರೂಪಾಯಿಗಳು