Bhagyalakshmi ಸೀರಿಯಲ್​ ಮುಗಿದೇ ಹೋಯ್ತಾ? ಏನಿದು ಇಷ್ಟು ಖುಷಿ- ಇಲ್ಲೇ ಇರೋದು ಟ್ವಿಸ್ಟ್​!

ಟಿಆರ್‌ಪಿಗಾಗಿ ಭಾಗ್ಯಲಕ್ಷ್ಮಿ ಸೀರಿಯಲ್ ಕಥೆಯನ್ನು ಎಳೆಯಲಾಗುತ್ತಿದ್ದು, ಆದಿ ಪಾತ್ರದ ಎಂಟ್ರಿಯಿಂದ ಹೊಸ ತಿರುವು ಪಡೆದಿದೆ. ಇತ್ತೀಚೆಗೆ ಭಾಗ್ಯ, ಆದಿ, ತಾಂಡವ್, ಶ್ರೇಷ್ಠಾ ಒಟ್ಟಿಗೆ ಕಾಣಿಸಿಕೊಂಡ ವೈರಲ್ ವಿಡಿಯೋ ಕೇವಲ ರೀಲ್ಸ್ ಆಗಿದ್ದು, ಸೀರಿಯಲ್ ಮುಗಿದಿಲ್ಲ ಎಂಬುದನ್ನು ಈ ಲೇಖನ ವಿವರಿಸುತ್ತದೆ.

Image Credit : jiohotstar

ಇನ್ನೂ ನಾಲ್ಕೈದು ವರ್ಷ

ಭಾಗ್ಯಲಕ್ಷ್ಮಿ ಸೀರಿಯಲ್​ (Bhagyalakshmi Serial) ವೀಕ್ಷಕರಿಗೆ ತಿಳಿದಿರುವಂತೆ ಸದ್ಯದ ಪರಿಸ್ಥಿತಿ ನೋಡಿದರೆ, ಇನ್ನೂ ನಾಲ್ಕೈದು ವರ್ಷ ಈ ಸೀರಿಯಲ್​ ಮುಗಿಯುವಂತೆ ಕಾಣಿಸುವುದಿಲ್ಲ. ಕಥೆ ಬೆಳೆಯುತ್ತಲೇ ಸಾಗಿದೆ.

Image Credit : jiohotstar

ಎಳೆಯುತ್ತಿರುವ ಸ್ಟೋರಿ

ಟಿಆರ್​ಪಿ ಹೆಚ್ಚಿರುವ ಕಾರಣದಿಂದ ಕಥೆಯನ್ನು ಎಳೆಯಲಾಗುತ್ತಿದೆ ಎನ್ನುವುದು ಸತ್ಯವಾದರೂ, ಟ್ವಿಸ್ಟ್​ ಮೇಲೆ ಟ್ವಿಸ್ಟ್​ ತಂದು ಈ ಸೀರಿಯಲ್​ ವೀಕ್ಷಕರನ್ನು ಹಿಡಿದಿಟ್ಟುಕೊಳ್ಳುತ್ತಿರುವುದೂ ಅಷ್ಟೇ ಸತ್ಯ.

Image Credit : Instagram

ಅತಿಯಾದ ಗೋಳು

ಭಾಗ್ಯಳ ಅತಿಯಾದ ಗೋಳು, ತಾಂಡವ್​ನ ಅತಿಯಾದ ಕ್ರೂರತನ ಹಲವು ಬಾರಿ ವೀಕ್ಷಕರ ಕೆಂಗಣ್ಣಿಗೆ ಗುರಿಯಾಗಿರುವುದು ಇದೆ. ಇನ್ನೇನು ಒಳ್ಳೆಯದಾಗುತ್ತದೆ ಎಂದಾಗ ಮತ್ತದೇ ಕೆಟ್ಟ ಸ್ಥಿತಿ. ಅದೇ ಇನ್ನೊಂದೆಡೆ ವಿಲನ್​ ಆಗಿರೋ ತಾಂಡವ್​ನ ಅತಿಯಾದ ಕ್ರೂರತನ.

Image Credit : Instagram

ನಿಷ್ಕಲ್ಮಷ ಸ್ನೇಹ

ಇದರ ನಡುವೆಯೇ ಆದಿ ಎಂಟ್ರಿ ಆಗಿದೆ. ಆದಿ ಮತ್ತು ಭಾಗ್ಯ ಮದುವೆಯಾಗಬೇಕು ಎಂದು ಕೆಲವರು ಬಯಸಿದರೆ, ಇವರ ನಿಷ್ಕಲ್ಮಷ ಸ್ನೇಹ ಹಾಗೆಯೇ ಮುಂದುವರೆಯಲಿ ಎಂದು ಹಾರೈಸುವವರು ಇನ್ನು ಕೆಲವರು.

Image Credit : Instagram

ಎಲ್ಲರೂ ಒಟ್ಟಿಗೇ...

ಇದರ ನಡುವೆಯೇ ಈಗ ಭಾಗ್ಯ, ಆದಿ, ತಾಂಡವ್, ಶ್ರೇಷ್ಠಾ ಎಲ್ಲರೂ ಒಟ್ಟಿಗೇ ಇರುವ ವಿಡಿಯೋ ವೈರಲ್​ ಆಗಿದೆ. ಇದನ್ನು ನೋಡಿ ಸೀರಿಯಲ್​ ಮುಗಿದಿದೆ ಎಂದುಕೊಳ್ಳಬೇಡಿ ಮತ್ತೆ. ಇದು ರೀಲ್ಸ್ ಅಷ್ಟೇ.

Image Credit : Instagram

ಭಾಗ್ಯ ರೀಲ್ಸ್​

ಭಾಗ್ಯ ಪಾತ್ರಧಾರಿ ಸುಷ್ಮಾ ಕೆ. ರಾವ್​ ಅವರು ಬಿಡುವಿನ ಸಂದರ್ಭದಲ್ಲಿ ತಮ್ಮ ಸೀರಿಯಲ್​ ತಂಡದಿಂದ ತರ್ಲೆ ಮಾಡುತ್ತಲೇ ರೀಲ್ಸ್​ ಮಾಡುವುದು, ಹಾಡಿಗೆ ಸ್ಟೆಪ್​ ಹಾಕುವುದು ಇದೆ. ಅದೇ ರೀತಿ ಇನ್ನೊಂದು ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ ಅಷ್ಟೇ.

Image Credit : Instagram

ತಾಂಡವ್​ ತರ್ಲೆ

ತಾಂಡವ್​ ಪಾತ್ರಧಾರಿ ಸುದರ್ಶನ್​ ರಂಗಪ್ರಸಾದ್​, ಈ ಸೀರಿಯಲ್​ನಲ್ಲಿ ಎಷ್ಟು ಕ್ರೂರಿಯೋ, ಸೀರಿಯಲ್​ ಆಚೆಗೆ ಬಂದಾಗ ಅಷ್ಟೇ ಜಾಲಿ ಮೂಡ್​ನಲ್ಲಿ ಇರುತ್ತಾರೆ. ರೀಲ್ಸ್​ ಮಾಡುವಾಗಲೆಲ್ಲಾ ತರ್ಲೆ ಮಾಡುತ್ತಲೇ ಇರುತ್ತಾರೆ. ಇದನ್ನೂ ಈ ವಿಡಿಯೋದಲ್ಲಿ ನೋಡಬಹುದಾಗಿದೆ.