ಈ ದೇವಿಯ ಪವಿತ್ರ ಜಲ ಸೋಕಿದ್ರೆ ತೊದಲುವವನು ಸರಿ ಮಾತನಾಡ್ತಾರೆ

ಹಿಂದೂ ಧರ್ಮದಲ್ಲಿ ಉಲ್ಲೇಖಿಸಲಾದ ಅನೇಕ ದೈವಿಕ ದೇವಾಲಯಗಳಿವೆ, ಅವು ನಿಗೂಢ ಮಾತ್ರವಲ್ಲ, ಅವುಗಳಿಗೆ ಸಂಬಂಧಿಸಿದ ನಂಬಿಕೆಗಳು ಅಥವಾ ಕಥೆಗಳು ಬಹಳ ಆಶ್ಚರ್ಯಕರವಾಗಿವೆ. ಅಂತಹ ಒಂದು ದೇವಾಲಯವೆಂದರೆ ಪಾಷಾಣ ದೇವಿಯ ದೇವಾಲಯ (Pashan Devi Temple), ಅಲ್ಲಿ ಬರುವ ಪ್ರತಿ ಭಕ್ತನು ದೇವಿಯ ಪವಾಡಕ್ಕೆ ಸಾಕ್ಷಿ.

ನಂಬಿಕೆಗಳು ಮತ್ತು ಪುರಾಣಗಳ ಪ್ರಕಾರ, ಈ ದೇವಾಲಯಕ್ಕೆ ಭೇಟಿ ನೀಡುವ ವ್ಯಕ್ತಿಯು ಚರ್ಮದ ಕಾಯಿಲೆಗಳಿಂದ (skin problem) ಮುಕ್ತಿ ಪಡೆಯೋದು ಮಾತ್ರವಲ್ಲದೇ, ತೊದಲುವಿಕೆಯ ರೋಗವಿದ್ದರೆ, ಆ ಸಮಸ್ಯೆಯೂ ಶಾಶ್ವತವಾಗಿ ದೂರವಾಗುತ್ತೆ ಎನ್ನಲಾಗುತ್ತದೆ. ಬನ್ನಿ ಈ ವಿಶಿಷ್ಟ ದೈವೀಕ ದೇಗುಲದ ಬಗ್ಗೆ ತಿಳಿಯೋಣ

ದೇವ ಭೂಮಿ ಉತ್ತರಾಖಂಡದಲ್ಲಿರುವ ನೈನಿತಾಲ್ ನ (Nainital) ತಂಪಾದ ರಸ್ತೆಯಲ್ಲಿ ದೇವಿಯ ದೇವಾಲಯವಿದೆ. ಈ ದೇವಾಲಯವನ್ನು ಪಾಷಾಣ ದೇವಿ ಮಂದಿರ ಎಂದು ಕರೆಯಲಾಗುತ್ತದೆ. ಈ ದೇವಾಲಯದ ನೀರನ್ನು ಕುಡಿದರೆ ಮತ್ತು ಈ ನೀರನ್ನು ದೇಹದ ಮೇಲೆ ಚಿಮುಕಿಸಿದರೆ ಎಲ್ಲಾ ರೀತಿಯ ಚರ್ಮದ ಸಮಸ್ಯೆಗಳು ನಿವಾರಣೆಯಾಗುತ್ತವೆ ಎಂದು ನಂಬಲಾಗಿದೆ. 
 

ಇಲ್ಲಿ ಹರಿಯುವ ಈ ಪವಿತ್ರ ನೀರನ್ನು ಸೇವಿಸಿದ್ರೆ ಯಾವುದೇ ರೀತಿಯ ಮಾತಿಗೆ ಸಂಬಂಧಿಸಿದ ಸಮಸ್ಯೆಯಿಂದ, ವಿಶೇಷವಾಗಿ ತೊದಲುವಿಕೆಯಿಂದ (stammering) ಬಳಲುತ್ತಿರುವ ವ್ಯಕ್ತಿ ಶಾಶ್ವತವಾಗಿ ಪರಿಹಾರವನ್ನು ಪಡೆಯುತ್ತಾರೆ. ದೇವಾಲಯದಲ್ಲಿ ಈ ಪವಿತ್ರ ನೀರಿನ ಕಾರಣದಿಂದಾಗಿ, ದೇವಾಲಯದ ಜನಪ್ರಿಯತೆ ಗಳಿಸಿದೆ. 
 

ನೈನಿ ಸರೋವರದ ದಡದಲ್ಲಿರುವ ಬೆಟ್ಟದ ಮೇಲೆ ನಿರ್ಮಿಸಲಾದ ಈ ದೇವಾಲಯದಲ್ಲಿ ತಾಯಿ ಭಗವತಿ ಕುಳಿತಿದ್ದಾಳೆ. ತಾಯಿಯ ನೈಸರ್ಗಿಕ ವಿಗ್ರಹವನ್ನು ಈ ದೇವಾಲಯದಲ್ಲಿ ಸ್ಥಾಪಿಸಲಾಗಿದೆ ಮತ್ತು ತಾಯಿ ಇಲ್ಲಿ ವಾಸಿಸುತ್ತಾಳೆ ಎಂದು ನಂಬಲಾಗಿದೆ. ಈ ದೇವಾಲಯದ ಒಂದು ವೈಶಿಷ್ಟ್ಯವೆಂದರೆ ಇಲ್ಲಿ ದೇವಿಯ ಎಲ್ಲಾ 9 ರೂಪಗಳನ್ನು ಒಟ್ಟಿಗೆ ಕಾಣಬಹುದು. 
 

ಇಲ್ಲಿ ನೈಸರ್ಗಿಕವಾಗಿ ಕಾಣುವ ಒಂಬತ್ತು ಮೂರ್ತಿಗಳನ್ನು ನೀರಿನಿಂದ ಸ್ನಾನ ಮಾಡಿಸಲಾಗುತ್ತದೆ. ನಂತರ ಅದೇ ನೀರನ್ನು ಬಳಸಲಾಗುತ್ತದೆ. ಈ ನೀರಿನ ಪ್ರಾಮುಖ್ಯತೆ ಎಷ್ಟಿದೆಯೆಂದರೆ ಭಕ್ತರು ದೂರ ದೂರದಿಂದ ನೀರನ್ನು ಪಡೆಯಲು ದೇವಾಲಯಕ್ಕೆ ಬರುತ್ತಾರೆ ಮತ್ತು ನೀರನ್ನು ತೆಗೆದುಕೊಳ್ಳದೆ ದೇವಾಲಯದಿಂದ ಹೋಗುವುದಿಲ್ಲ. 

ಈ ದೇವಾಲಯಕ್ಕೆ ಬರುವ ಪ್ರತಿಯೊಬ್ಬರೂ ಇಲ್ಲಿ ಕಂಡುಬರುವ ಈ ಪವಿತ್ರ ನೀರು ಚರ್ಮ ರೋಗಗಳು, ವಾಕ್ ರೋಗಗಳು, ಕೀಲು ನೋವು, ಕೈ ಮತ್ತು ಕಾಲುಗಳಲ್ಲಿ ಊತ, ತೊದಲುವಿಕೆ ಇತ್ಯಾದಿಗಳನ್ನು ತೊಡೆದುಹಾಕಲು ಬಹಳ ಪ್ರಯೋಜನಕಾರಿ ಎಂದು ನಂಬುತ್ತಾರೆ. ಜನರು ಈ ನೀರನ್ನು ಅಮೃತವೆಂದು ಪರಿಗಣಿಸುತ್ತಾರೆ. 
 

ಈ ದೇವಾಲಯದ ಒಂದು ನಂಬಿಕೆಯೆಂದರೆ ಇಲ್ಲಿಗೆ ಬರುವ ಜನರು ತಮ್ಮ ಆಂತರಿಕ ಅಸ್ವಸ್ಥತೆಗಳನ್ನು ಸಹ ತೊಡೆದು ಹಾಕುತ್ತಾರೆ. ಈ ದೇವಾಲಯದಲ್ಲಿ ಮಾ ಭಗವತಿ ಅಂದರೆ ದುರ್ಗಾ ಮಾತೆಯನ್ನು ಪೂಜಿಸುವ ಮೂಲಕ, ವ್ಯಕ್ತಿಯು ಮತ್ತು ಅವನ ಕುಟುಂಬವು ಆರೋಗ್ಯಕರವಾಗಿರುವ ವರವನ್ನು ಪಡೆಯುತ್ತದೆ. ವಿಶೇಷವೆಂದರೆ ತಾಯಿಯ ಈ ನೀರನ್ನು ಪ್ರತಿ 10 ದಿನಗಳಿಗೊಮ್ಮೆ ಹೊರತೆಗೆಯಲಾಗುತ್ತದೆ. ಆ ದಿನಗಳಲ್ಲಿ ಇಲ್ಲಿ ಹೆಚ್ಚಿನ ಜನ ಸೇರುತ್ತಾರೆ.