ಭಾರತದ 9 ಮಿನಿ ಸ್ವಿಟ್ಜರ್ಲ್ಯಾಂಡ್‌ಗಳಲ್ಲಿ ಕರ್ನಾಟಕದ ಈ ಊರು ಸೇರಿದೆ
ಸ್ವಿಟ್ಜರ್ಲ್ಯಾಂಡ್‌ನ ಸೌಂದರ್ಯಕ್ಕೆ ಹೋಲಿಸಬಹುದಾದ ಭಾರತದ 9 ಸುಂದರ ತಾಣಗಳ ಬಗ್ಗೆ ತಿಳಿದುಕೊಳ್ಳಿ. ಹಚ್ಚ ಹಸಿರಿನಿಂದ ಕೂಡಿದ ಹುಲ್ಲುಗಾವಲು ಪ್ರದೇಶ, ಹಿಮಾವೃತ ಶಿಖರಗಳು ಮತ್ತು ಪ್ರಶಾಂತ ವಾತಾವರಣ ಇಲ್ಲಿದ್ದು, ನಿಮ್ಮನ್ನು ಮಂತ್ರಮುಗ್ಧರನ್ನಾಗಿಸುತ್ತವೆ.
Followಸ್ವಿಟ್ಜರ್ಲ್ಯಾಂಡ್ ಅಂದ್ರೆ ಹಿಮಾವೃತ ಪರ್ವತಗಳು ನೆನಪಾಗುತ್ತೆ. ಆದ್ರೆ ಭಾರತದಲ್ಲೂ ಕೆಲವು 'ಮಿನಿ ಸ್ವಿಟ್ಜರ್ಲ್ಯಾಂಡ್'ಗಳಿವೆ. ಹಸಿರು ಹುಲ್ಲುಗಾವಲುಗಳು, ಸುಂದರ ಭೂಪ್ರದೇಶದಿಂದಾಗಿ ಈ ತಾಣಗಳು ಸ್ವಿಟ್ಜರ್ಲ್ಯಾಂಡ್‌ನಂತೆಯೇ ಕಾಣುತ್ತವೆ.
ದೇಶ ಬಿಟ್ಟು ಹೋಗದೇ ಸ್ವಿಸ್ ಅನುಭವ ಪಡೆಯಲು ಬಯಸುವವರಿಗೆ ಈ ತಾಣಗಳು ಸೂಕ್ತ. ಭಾರತದ 9 'ಮಿನಿ ಸ್ವಿಟ್ಜರ್ಲ್ಯಾಂಡ್'ಗಳ ಬಗ್ಗೆ ತಿಳಿದುಕೊಳ್ಳೋಣ.
ಖಜ್ಜಿಯಾರ್, ಹಿಮಾಚಲ ಪ್ರದೇಶ: ಹಸಿರು ಹುಲ್ಲುಗಾವಲು ಮತ್ತು ದಟ್ಟ ಅರಣ್ಯಗಳಿಂದ ಕೂಡಿದ ಈ ತಾಣವನ್ನು ಭಾರತದ ಮಿನಿ ಸ್ವಿಟ್ಜರ್ಲ್ಯಾಂಡ್ ಅಂತ ಕರೆಯುತ್ತಾರೆ.
ಔಲಿ, ಉತ್ತರಾಖಂಡ್: ಉತ್ತರಾಖಂಡದ ಗರ್ವಾಲ್ ಹಿಮಾಲಯದಲ್ಲಿರುವ ಔಲಿ ಭಾರತದ ಅತ್ಯುತ್ತಮ ಚಳಿಗಾಲದ ತಾಣಗಳಲ್ಲಿ ಒಂದು. ಸ್ವರ್ಗ ಎಂದೇ ಕರೆಯಲ್ಪಡುವ ಈ ತಾಣ ಅದ್ಭುತ ನೋಟ ಮತ್ತು ಚಳಿಗಾಲದ ಕ್ರೀಡೆಗಳ ಅನುಭವ ನೀಡುತ್ತದೆ.
ಯುಮ್ಥಾಂಗ್ ಕಣಿವೆ, ಸಿಕ್ಕಿಂ: ಸ್ವಿಟ್ಜರ್ಲ್ಯಾಂಡ್‌ನ ಆಲ್ಪೈನ್ ಸೌಂದರ್ಯವನ್ನು ಹೋಲುವ ಈ ತಾಣ ಪ್ರಕೃತಿ ಪ್ರಿಯರಿಗೆ ಸ್ವರ್ಗ.
ಕೌಸಾನಿ: ನಂದಾದೇವಿ ಮತ್ತು ಇತರ ಹಿಮಾಲಯ ಶಿಖರಗಳ ವಿಹಂಗಮ ನೋಟಕ್ಕಾಗಿ ಕೌಸಾನಿಗೆ ಭೇಟಿ ನೀಡಲೇಬೇಕು. ಹಿಮಾವೃತ ಶಿಖರಗಳು ನಿಮ್ಮನ್ನು ಸ್ವಿಟ್ಜರ್ಲ್ಯಾಂಡ್‌ಗೆ ಕರೆದೊಯ್ದಂತೆ ಭಾಸವಾಗುತ್ತದೆ.
ಪರೋಟ್ ಕಣಿವೆ, ಹಿಮಾಚಲ ಪ್ರದೇಶ: ಹಿಮಾಚಲ ಪ್ರದೇಶದ ಪರೋಟ್ ಕಣಿವೆ ಹಸಿರು ಪರ್ವತಗಳು ಮತ್ತು ಎತ್ತರದ ಪೈನ್ ಮರಗಳಿಂದ ಕೂಡಿದ ಸ್ವಿಸ್‌ನಂತಹ ಭೂದೃಶ್ಯವನ್ನು ಹೊಂದಿದೆ. ಮೀನುಗಾರಿಕೆ ಇಷ್ಟಪಡುವವರಿಗೆ ಮತ್ತು ಸಾಹಸ ಪ್ರಿಯರಿಗೆ ಈ ತಾಣ ಸೂಕ್ತ.
ಚೋಪ್ಟಾ, ಉತ್ತರಾಖಂಡ್: 'ಮಿನಿ ಸ್ವಿಟ್ಜರ್ಲ್ಯಾಂಡ್' ಎಂದೇ ಕರೆಯಲ್ಪಡುವ ಚೋಪ್ಟಾ ಹಸಿರು ಆಲ್ಪೈನ್ ಹುಲ್ಲುಗಾವಲುಗಳು ಮತ್ತು ಹಿಮಾವೃತ ಶಿಖರಗಳಿಂದ ಆವೃತವಾದ ಅದ್ಭುತ ತಾಣ.
ಕಾಶ್ಮೀರ: 'ಭೂಮಿಯ ಮೇಲಿನ ಸ್ವರ್ಗ' ಎಂದೇ ಕರೆಯಲ್ಪಡುವ ಕಾಶ್ಮೀರ ಶಾಂತವಾದ ದಾಲ್ ಸರೋವರ, ಹಸಿರು ಕಣಿವೆಗಳು ಮತ್ತು ಹಿಮಾವೃತ ಶಿಖರಗಳಿಂದ ಕೂಡಿದ್ದು, ಸ್ವಿಟ್ಜರ್ಲ್ಯಾಂಡ್‌ನಷ್ಟೇ ಸುಂದರವಾಗಿದೆ.
ಮುನ್ಸಿಯಾರಿ, ಉತ್ತರಾಖಂಡ್: ಉತ್ತರಾಖಂಡದ ಪಿಥೋರಗಢ್ ಜಿಲ್ಲೆಯಲ್ಲಿರುವ ಈ ತಾಣ ಪಂಚಾಚೂಲಿ ಶಿಖರಗಳು ಮತ್ತು ಹಿಮನದಿಗಳ ಅದ್ಭುತ ನೋಟವನ್ನು ಒದಗಿಸುತ್ತದೆ.
ಕೂರ್ಗ್: ವರ್ಷಪೂರ್ತಿ ಆಹ್ಲಾದಕರ ವಾತಾವರಣ ಹೊಂದಿರುವ ಈ ತಾಣ ಸ್ವಿಟ್ಜರ್ಲ್ಯಾಂಡ್‌ನಂತೆಯೇ ಆಕರ್ಷಕವಾಗಿದೆ. ಮಸಾಲೆಗಳು, ಏಲಕ್ಕಿ, ಕಾಫಿ, ಮೆಣಸು, ಜೇನುತುಪ್ಪ ಮತ್ತು ಚಂದನದ ಸುವಾಸನೆಯನ್ನು ಆನಂದಿಸಬಹುದು.
