ಅಭಿಷೇಕ್ ಅಂಬರೀಶ್ Wedding Anniversary… ರೊಮ್ಯಾಂಟಿಕ್ ಫೋಟೊ ಹಂಚಿಕೊಂಡ ಪತ್ನಿ ಅವಿವಾ

ಅಭಿಷೇಕ್ ಅಂಬರೀಶ್ ತಮ್ಮ ಮೂರನೇ ವರ್ಷದ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿದ್ದು, ಈ ಹಿನ್ನೆಲೆಯಲ್ಲಿ ಜ್ಯೂ. ಅಂಬಿ ಪತ್ನಿ ಅವಿವಾ ಬಿದ್ದಪ್ಪ ಗಂಡನ ಜೊತೆಗಿನ ಮುದ್ದಾದ ಅನ್ ಸೀನ್ ಫೋಟೊಗಳನ್ನು ಹಂಚಿಕೊಂದು ಪತಿ ಆನಿವರ್ಸರಿ ಶುಭಾಶಯ ತಿಳಿಸಿದ್ದಾರೆ.

Image Credit : Instagram

ಅಭಿಷೇಕ್ ಅಂಬರೀಶ್

ರೆಬೆಲ್ ಸ್ಟಾರ್ ಅಂಬರೀಶ್ ಪುತ್ರ ಹಾಗೂ ಚಂದನವನದ ನಟ ಅಭಿಷೇಕ್ ಅಂಬರೀಶ್ ಜೂನ್ 5ರಂದು ತಮ್ಮ ಮೂರನೇ ವರ್ಷದ ವಿವಾಹ ವಾರ್ಷಿಕೋಯ್ಸವವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಪತ್ನಿ ಅವಿವಾ ಬಿದ್ದಪ್ಪ ಪತಿ ಜೊತೆಗಿನ ಒಂದಷ್ಟು ಫೋಟೊಗಳನ್ನ ಹಂಚಿಕೊಂಡು ಶುಭಾಶಯ ತಿಳಿಸಿದ್ದಾರೆ.

Image Credit : Instagram

ವೆಡ್ಡಿಂಗ್ ಆನಿವರ್ಸರಿ

ಅವಿವಾ ಮತ್ತು ಅಭಿಷೇಕ್ ಜೂನ್ 5, 2023ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಈ ಹಿನ್ನೆಲೆಯಲ್ಲಿ ಅವಿವಾ Happy 3 my ಲವ್ ಎಂದು ಕ್ಯಾಪ್ಶನ್ ಕೊಟ್ಟು, ಮುದ್ದಾದ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಕೆಲವು ರೊಮ್ಯಾಂಟಿಕ್ ಫೋಟೊಗಳನ್ನು ಸಹ ಅವಿವಾ ಶೇರ್ ಮಾಡಿದ್ದಾರೆ.

Image Credit : Instagram

ಗಂಡನ ಕೆನ್ನೆಗೆ ಮುತ್ತನ್ನಿಟ್ಟ ಅವಿವಾ

ಅವಿವಾ ಒಂದು ಫೋಟೊದಲ್ಲಿ ಗಂಡನ ಕೆನ್ನೆಗೆ ಮುತ್ತನಿಡುತ್ತಿದ್ದು, ಮತ್ತೊಂದು ಫೋಟೊದಲ್ಲಿ ಮಗುವಿನ ಜೊತೆಗೆ ಇಬ್ಬರು ನಿಂತಿದ್ದಾರೆ. ಇನ್ನೊಂದು ಫೋಟೊದಲ್ಲಿ ಗಂಡನ ಜೊತೆಗೆ ಮುದ್ದಾದ ಪೋಸ್ ಕೊಟ್ಟಿದ್ದಾರೆ. ಅಭಿಮಾನಿಗಳು ಹಾಗೂ ಫ್ಯಾಮಿಲಿ ಈ ಜೋಡಿಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ.

Image Credit : Instagram

ಅದ್ಧೂರಿ ಮದುವೆಯಾಗಿದ್ದ ಮುದ್ದು ಜೋಡಿ

ಅಭಿಷೇಕ್ ಅಂಬರೀಶ್ ಹಾಗೂ ಅವಿವಾ ಬಿದ್ದಪ್ಪ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಜೂನ್ 5ರಂದು ಅದ್ಧೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಗೌಡ ಸಂಪ್ರದಾಯಂತೆ ಈ ಜೋಡಿ ಮದುವೆಯಾಗಿದ್ದು, ಕೇವಲ ಆತ್ಮೀಯರಷ್ಟೇ ಭಾಗಿಯಾಗಿದ್ದರು. ಜೂನ್‌ 7ರಂದು ಗ್ರ್ಯಾಂಡ್‌ ರಿಸೆಪ್ಷನ್‌ ಕೂಡ ನೀಡಿದ್ದರು. .

Image Credit : Instagram

ಪ್ರೀತಿಸಿ ಮದುವೆಯಾದ ಜೋಡಿ

ಅಭಿಷೇಕ್ ಮದುವೆಯಾಗುವ ನಾಲ್ಕೈದು ವರ್ಷಗಳ ಮುಂಚೆಯೇ ಅಭಿಷೇಕ್‌ ಮತ್ತು ಅವಿವ ಬಿದ್ದಪ್ಪ ಪ್ರೀತಿಯಲ್ಲಿ ಬಿದ್ದಿದ್ದರು. ಅಭಿಷೇಕ್ ಅವರು ವಿದೇಶದಲ್ಲಿ ಅಭ್ಯಾಸ ಮಾಡುತ್ತಿದ್ದರು. ಆ ವೇಳೆ ಅಲ್ಲಿ ಅವಿವಾ ಅವರ ಪರಿಚಯ ಆಗಿತ್ತು. ಬಳಿಕ ಸ್ನೇಹಿತರಾಗಿ, ನಂತರ ಪ್ರೀತಿಯಲ್ಲಿ ಬಿದ್ದಿದ್ದರು. 2023ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಈ ಜೋಡಿ ಇದೀಗ ಒಂದು ಗಂಡು ಮಗುವಿನ ಪೋಷಕರು ಕೂಡ ಹೌದು.