ಲೈಂಗಿಕ ಕ್ರಿಯೆಯಲ್ಲಿ Frustration ಕೂಡಾ ಆಗುತ್ತೆ, ಆಗೇನ್ ಮಾಡೋದು?

ದಾಂಪತ್ಯದಲ್ಲಿ ಲೈಂಗಿಕ ಕ್ರಿಯೆ ಪ್ರಮುಖ ಪಾತ್ರ ವಹಿಸುತ್ತದೆ. ದಂಪತಿಗಳಿಗೂ ಪರಸ್ಪರ ಇದು ಖುಷಿ ನೀಡುತ್ತದೆ. ಆದ್ರೆ ಲೈಂಗಿಕ ಜೀವನದಲ್ಲೂ ಹತಾಶೆ ಕಾಣಿಸಿಕೊಳ್ಳುತ್ತೆ. ಇದು ದಾಂಪತ್ಯ ಜೀವನವನ್ನೇ ಮುಳುಗಿಸಬಹುದು. ಈ ಸಮಸ್ಯೆಯಿಂದ ಹೊರಬರಲು ಏನ್ಮಾಡ್ಬೇಕು ?

ದಾಂಪತ್ಯದಲ್ಲಿ (Married life) ಲೈಂಗಿಕತೆಯನ್ನು ಹೊಂದುವುದು ಜೀವನದ ಅತ್ಯಂತ ಆರೋಗ್ಯಕರ ಭಾಗಗಳಲ್ಲಿ ಒಂದಾಗಿದೆ. ಪ್ರೀತಿ (Love), ಉತ್ಸಾಹ ಮತ್ತು ಕಡುಬಯಕೆಗಳನ್ನು ವ್ಯಕ್ತಪಡಿಸಲು ಸಹಾಯ ಮಾಡುವ ಅತ್ಯಂತ ನೈಸರ್ಗಿಕ ಮಾನವ ಪ್ರಚೋದನೆಯಾಗಿದೆ. ಆದರೆ ಕೆಲವೊಮ್ಮೆ ಲೈಂಗಿಕ ಜೀವನದಲ್ಲಿಯೂ ನಿರಾಸಕ್ತಿ ಕಾಣಿಸಿಕೊಳ್ಳುತ್ತದೆ. ಇದಕ್ಕೇನು ಕಾರಣ, ಇದನ್ನು ಬಗೆಹರಿಸಲು ಏನು ಮಾಡಬೇಕು ತಿಳಿದುಕೊಳ್ಳೋಣ.

ಸಮರ್ಪಕ ವ್ಯಾಯಾಮ ಮಾಡಿ
ಕಾರ್ಡಿಯೋ ವ್ಯಾಯಾಮಗಳು (Exercise) ಮನಸ್ಸನ್ನು ತೆರವುಗೊಳಿಸಲು ಮತ್ತು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನೀವು ಲೈಂಗಿಕವಾಗಿ ಹತಾಶೆಗೊಂಡಿದ್ದರೆ ದೇಹವು ನಿಮ್ಮ ಮನಸ್ಥಿತಿಯನ್ನು ಸುಧಾರಿಸಲು ಕೆಲಸ ಮಾಡುವ ಎಂಡಾರ್ಫಿನ್‌ಗಳನ್ನು ಬಿಡುಗಡೆ ಮಾಡುತ್ತದೆ. ಅತೃಪ್ತ ಲೈಂಗಿಕ ಅಗತ್ಯಗಳಿಂದ ನಿರ್ಮಿಸಲಾದ ಎಲ್ಲಾ ಶಕ್ತಿಯನ್ನು ಬಿಡುಗಡೆ ಮಾಡುತ್ತದೆ. ಇದು ಲೈಂಗಿಕ ಹತಾಶೆಯನ್ನು ಸಹ ತೆಗೆದುಹಾಕುತ್ತದೆ.

ಲೈಂಗಿಕತೆ ಇಲ್ಲದೆ ಅನ್ಯೋನ್ಯವಾಗಿರಿ
ಗಂಡ-ಹೆಂಡತಿ (Husband-wife) ಅನ್ಯೋನ್ಯವಾಗಿರಲು ಲೈಂಗಿಕ ಕ್ರಿಯೆಯನ್ನೇ ಮಾಡಬೇಕೆಂದೇನಿಲ್ಲ. ಬದಲಿಗೆ, ನೀವು ಲೈಂಗಿಕ ಖಿನ್ನತೆಯನ್ನು ಅನುಭವಿಸುತ್ತಿದ್ದರೆ, ಇತರ ರೋಮ್ಯಾಂಟಿಕ್ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬಹುದು. ಸಂಗಾತಿಯ (Partner) ಕೈಗಳನ್ನು ಹಿಡಿದುಕೊಳ್ಳುವುದು, ತಬ್ಬಿಕೊಳ್ಳುವುದು ಮತ್ತು ಅವರ ಮುಖವನ್ನು ಮುದ್ದಿಸುವುದು ಮಾಡಬಹುದು. ಸ್ಪರ್ಶವು ನಿಮಗೆ ಉತ್ತಮ ಭಾವನೆಯನ್ನು (Feelings) ನೀಡುತ್ತದೆ. ಸಂಗಾತಿ ಜೊತೆಗೆ ನಿಮಗೆ ಉತ್ತಮವಾಗಿ ಸಂಪರ್ಕ ಸಾಧಿಸಲು ಸಾಧ್ಯವಾಗುತ್ತದೆ.

ಲೈಂಗಿಕ ನಿರಾಸಕ್ತಿಗೆ ಕಾರಣವನ್ನು ತಿಳಿದುಕೊಳ್ಳಿ
ಯಾವುದೇ ಸಮಸ್ಯೆ ಕಾಣಿಸಿಕೊಂಡಾಗ ಅದಕ್ಕೆ ಕಾರಣವನ್ನು ಹುಡುಕುವುದು ಮುಖ್ಯ. ನೀವು ಏಕೆ ಲೈಂಗಿಕವಾಗಿ ನಿರಾಶೆಗೊಂಡಿದ್ದೀರಿ ಎಂಬುದರ ಬಗ್ಗೆ ಯೋಚಿಸಿ. ಅನೇಕ ಬಾರಿ ಆಳವಾದ ಮಾನಸಿಕ, ಭಾವನಾತ್ಮಕ ಕಾರಣಕ್ಕಾಗಿ ಅಥವಾ ಇತರ ವ್ಯಕ್ತಿಯು ಅದನ್ನು ಬಯಸುವುದಿಲ್ಲ ಎಂಬ ಕಾರಣಕ್ಕಾಗಿ ಲೈಂಗಿಕತೆಯ ಬಗ್ಗೆ ನಿರಾಸಕ್ತಿ ಉಂಟಾಗುತ್ತದೆ. ದಂಪತಿ ಇಂಥಾ ಸಮಸ್ಯೆ ಕಾಣಿಸಿಕೊಂಡಾಗ ಕಾರಣವನ್ನು ತಿಳಿದುಕೊಳ್ಳಬೇಕು.

ಏಕಾಂಗಿ ಲೈಂಗಿಕತೆಯನ್ನು ಪ್ರಯತ್ನಿಸಿ
ಸಂಗಾತಿಯೊಂದಿಗೆ ಲೈಂಗಿಕತೆಯಲ್ಲಿ ಖುಷಿ ಸಿಗದಿದ್ದಾಗ ನೀವು ಏಕಾಂಗಿ ಲೈಂಗಿಕತೆಯನ್ನು ಸಹ ಪ್ರಯತ್ನಿಸಬಹುದು. ಲೈಂಗಿಕ ಖಿನ್ನತೆಯು ಸಾಮಾನ್ಯವಾಗಿ ತಾತ್ಕಾಲಿಕವಾಗಿರುತ್ತದೆ. ಇದರಿಂದ ಹೊರಬರಲು ನೀವು ಸಂಗಾತಿಗೆ ವಿಷಯವನ್ನು ತಿಳಿಸಿ ತೊಂದರೆ ಕೊಡಬೇಕೆಂದೇನಿಲ್ಲ. ಬದಲಿಗೆ
ಮಾರುಕಟ್ಟೆಯಲ್ಲಿ ಲಭ್ಯವಿರುವ ಅನೇಕ ಲೈಂಗಿಕ ಆಟಿಕೆಗಳನ್ನು ಬಳಸಬಹುದು. ಇಂಥಾ ಆಟಿಕೆಗಳ ಬಳಕೆಯು ಲೈಂಗಿಕತೆಯ ತಕ್ಷಣದ ಬಯಕೆಯನ್ನು ನಿಗ್ರಹಿಸಲು ಸಹಾಯ ಮಾಡುತ್ತದೆ. ಇದು ಭವಿಷ್ಯದಲ್ಲಿ ಉತ್ತಮ ಲೈಂಗಿಕ ಜೀವನಕ್ಕೆ ಕಾರಣವಾಗಬಹುದು.

ಸಂಗಾತಿಯೊಂದಿಗೆ ಸಂವಹನ ನಡೆಸಿ
ಮಾತನಾಡುವುದರಿಂದ ಬಗೆಹರಿಯದ ಯಾವುದೇ ಸಮಸ್ಯೆಯಿಲ್ಲ. ನೀವೂ ಸಹ ನಿಮ್ಮ ಲೈಂಗಿಕ ಸಮಸ್ಯೆಯನ್ನು ಮಾತುಕತೆಯ (Communication) ಮೂಲಕ ಬಗೆಹರಿಸಿಕೊಳ್ಳಬಹುದು. ಸಂಗಾತಿಯಿಂದ ನಿಮಗೆ ಬೇಕಾದ ಪ್ರೀತಿ ಮತ್ತು ಗಮನ ಸಿಗುತ್ತಿಲ್ಲ ಎಂದು ನೀವು ಭಾವಿಸಿದರೆ. ಆ ಬಗ್ಗೆ ಅವರೊಂದಿಗೆ ಮಾತನಾಡಿ. ನಿಮ್ಮ ಮನಸ್ಸಿನ ಭಾವನೆಗಳನ್ನು ವ್ಯಕ್ತಪಡಿಸಿ. ನಿಮಗೆ ಬೇಕಾದುದನ್ನು ಕೇಳಿ. ಇದು ಲೈಂಗಿಕವಾಗಿಯೂ ಆಗಿರಬಹುದು. ಇದರಲ್ಲಿ ತಪ್ಪೇನಿಲ್ಲ. ಒಂದು ಸಂವಹನ ಅನೇಕ ಸಮಸ್ಯೆಗಳನ್ನು ಪರಿಹರಿಸುತ್ತದೆ.

ಔಷಧಿಗಳನ್ನು ಪರಿಶೀಲಿಸಿ
ಲೈಂಗಿಕ ಅಸಮರ್ಥತೆಯ ಸಮಸ್ಯೆ ಎದುರಾದಾಗ ಹೆಚ್ಚಿನವರು ಅದರ ಕಾರಣವನ್ನು ಹುಡುಕಲು ಹೋಗುವುದಿಲ್ಲ. ಆದರೆ ಇದು ಕೆಲವೊಮ್ಮೆ 
ನೀವು ತೆಗೆದುಕೊಳ್ಳುತ್ತಿರುವ ಔಷಧಿಯ (Medicine) ಪರಿಣಾಮವೂ ಆಗಿರಬಹುದು. ಹೀಗಾಗಿ ಈ ಬಗ್ಗೆ ತಜ್ಞ ವೈದ್ಯರನ್ನು ಸಂಪರ್ಕಿಸುವುದು ಎಲ್ಲಾ ರೀತಿಯಲ್ಲೂ ಒಳ್ಳೆಯದು. ಕೆಲವೊಮ್ಮೆ ಔಷಧಿಗಳಲ್ಲಿರುವ ಕೆಲ ಅಂಶಗಳು ಸಹ ಲೈಂಗಿಕ ಅಸಮರ್ಥತೆಗೆ ಕಾರಣವಾಗುತ್ತದೆ.