ಸುಶಾಂತ್ ಸಿಂಗ್ ಸಾವಿನ ನಂತರ ಮೊದಲ ಬಾರಿಗೆ ಸಹೋದರನೊಂದಿಗೆ ಕಾಣಿಸಿಕೊಂಡ ರಿಯಾ ಚಕ್ರವರ್ತಿ
ಮಹಾನವಮಿಯ ಸಂದರ್ಭದಲ್ಲಿ ಮಂಗಳವಾರ ಮುಂಬೈನ ಉತ್ತರ ಬಾಂಬೆ ಸರ್ಬೋಜನಿನ್ ದುರ್ಗಾಪೂಜಾ ಪಂಡಲ್‌ಗೆ ಅನೇಕ ಗಣ್ಯರು ಆಗಮಿಸಿದರು. ಈ ಸಂದರ್ಭದಲ್ಲಿ ಬಾಲಿವುಡ್ ನಟಿ ರಿಯಾ ಚಕ್ರವರ್ತಿ (Rhea Chakraborty) ತಮ್ಮ ಸಹೋದರ ಶೋವಿಕ್ ಚಕ್ರವರ್ತಿ (Showik Chakraborty) ಅವರೊಂದಿಗೆ ಕಾಣಿಸಿಕೊಂಡರು. ದಿವಂಗತ ನಟ ಸುಶಾಂತ್ ಸಿಂಗ್ ರಜಪೂತ್ (Sushant Singh Rajput) ಆತ್ಮಹತ್ಯೆ ನಂತರ, ರಿಯಾ ಮತ್ತು ಶೋವಿಕ್ ಸಾರ್ವಜನಿಕ ಸಮಾರಂಭದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿರುವುದು ಬಹುಶಃ ಇದೇ ಮೊದಲು. ಇಬ್ಬರೊಂದಿಗೆ ನಟ ಆಶಿಶ್ ಚೌಧರಿ (Ashish Chowdhry) ಕೂಡ ಇಲ್ಲಿ ಕಾಣಿಸಿಕೊಂಡಿದ್ದಾರೆ ಸಾಮಾಜಿಕ ಮಾಧ್ಯಮ ಬಳಕೆದಾರರು ರಿಯಾ ಮತ್ತು ಶೋವಿಕ್ ಅವರನ್ನು ಟ್ರೋಲ್ ಮಾಡಲು ಪ್ರಾರಂಭಿಸಿದ್ದಾರೆ.
Followದುರ್ಗಾ ಮಾತೆಯ ಆಶೀರ್ವಾದ ಪಡೆಯಲು ಬಂದ ರಿಯಾ ಚಕ್ರವರ್ತಿ ಅವರ ಈ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್‌ ವೈರಲ್ ಆಗಿವೆ. ಈ ಫೋಟೋಗಳಲ್ಲಿ ಸಹೋದರ ಶೌವಿಕ್ ಚಕ್ರವರ್ತಿ ಮತ್ತು ನಟ ಆಶಿಶ್ ಚೌಧರಿ ಸಹ ಅವರೊಂದಿಗೆ ಕಾಣಿಸಿಕೊಂಡಿದ್ದಾರೆ.
ಈವೆಂಟ್‌ನಲ್ಲಿ ರಿಯಾ ಮತ್ತು ಶೋವಿಕ್ ಒಟ್ಟಿಗೆ ಇರುವುದನ್ನು ನೋಡಿದ ಅನೇಕರು ಅವರನ್ನು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೋಲ್ ಮಾಡುತ್ತಿದ್ದಾರೆ. ಕೆಲವು ಬಳಕೆದಾರರು ತಮ್ಮ ಪಾಪ ತೊಳೆಯಲು ಇಬ್ಬರೂ ಅಲ್ಲಿಗೆ ಬಂದಿದ್ದಾರೆ ಎಂದು ಬರೆದಿದ್ದಾರೆ.
ಸುಶಾಂತ್ ಸಿಂಗ್ ರಜಪೂತ್ ಅವರ ಅಭಿಮಾನಿಗಳು ನಟನ ಸಾವಿಗೆ ರಿಯಾ ಚಕ್ರವರ್ತಿ ಕಾರಣವೆಂದೇ ಹೇಳುತ್ತಿದ್ದಾರೆ. ಈ ಕಾರಣದಿಂದಾಗಿ ಅವರು ಯಾವಾಗಲೂ ಸಾಮಾಜಿಕ ಮಾಧ್ಯಮದಲ್ಲಿ ಟ್ರೋಲಿಂಗ್‌ಗೆ ಗುರಿಯಾಗುತ್ತಿದ್ದಾರೆ.
ರಿಯಾ ಚಕ್ರವರ್ತಿ ಅವರು ಪಿಂಕ್ ಕಲರ್ ಪ್ರಿಂಟೆಡ್ ಸೀರೆ ಧರಿಸಿ ದುರ್ಗಾಪೂಜಾ ಪೆಂಡಾಲ್‌ಗೆ ಆಗಮಿಸಿದ್ದರು . ಈ ಫೋಟೋಗಳಲ್ಲಿ ರಿಯಾ ತುಂಬಾ ಸುಂದರವಾಗಿ ಕಾಣುತ್ತಿದ್ದಾರೆ. ಮಾತೆ ದುರ್ಗೆಯ ವಿಗ್ರಹದ ಮುಂದೆ ನಿಂತು ಹಲವು ಫೋಟೋಗಳಿಗೆ ಪೋಸ್ ನೀಡಿದರು.
ಈ ಈವೆಂಟ್‌ನ ಆಘಾತಕಾರಿ ವಿಷಯವೆಂದರೆ ರಿಯಾ ಜೊತೆ ನಟ ಆಶಿಶ್ ಚೌಧರಿ ಇದ್ದರು, ಅವರು ರಿಯಾ ಅಥವಾ ಅವರ ಸಹೋದರ ಶೋವಿಕ್ ಅವರೊಂದಿಗೆ ಹಿಂದೆಂದೂ ಕಾನಿಸಿಕೊಂಡಿರಲಿಲ್ಲ. ಕೆಲವು ವರದಿಗಳ ಪ್ರಕಾರ ರಿಯಾ ಮತ್ತು ಆಶಿಶ್ ನಡುವೆ ಉತ್ತಮ ಸಂಬಂಧವಿದೆ.
ಸುಶಾಂತ್ ಪ್ರಕರಣದ ನಂತರ ರಿಯಾ ಅವರ ಯಾವುದೇ ಚಿತ್ರಗಳನ್ನು ಹೊಂದಿಲ್ಲ. ಅವರು ಕೊನೆಯದಾಗಿ 2021 ರಲ್ಲಿ ಬಿಡುಗಡೆಯಾದ ಅಮಿತಾಬ್ ಬಚ್ಚನ್ ಮತ್ತು ಇಮ್ರಾನ್ ಹಶ್ಮಿ ಅಭಿನಯದ 'ಚೆಹ್ರೆ' ಚಿತ್ರದಲ್ಲಿ ಕಾಣಿಸಿಕೊಂಡರು.
