Coronavirus : ಡಿವೋರ್ಸ್ ನಂತರ ಕೊರೋನಾ, ಆಸ್ಪತ್ರೆಯಲ್ಲಿ ಐಶ್ವರ್ಯಾ!
ಧನುಷ್ (Dhanush) ಅವರಿಂದ ಬೇರ್ಪಟ್ಟ ನಂತರ ಈಗ ರಜನಿಕಾಂತ್ ಪುತ್ರಿ ಐಶ್ವರ್ಯಾ (Aishwaryaa Rajinikanth) ಗೆ ಕೊರೋನಾ ಸೋಂಕು ತಗುಲಿದೆ. ಸ್ವತಃ ಐಶ್ವರ್ಯಾ ಅವರೇ ಇನ್ಸ್ಟಾಗ್ರಾಮ್ನಲ್ಲಿ ಫೋಟೋವನ್ನು ಹಂಚಿಕೊಳ್ಳುವ ಮೂಲಕ ಕೊರೋನಾ ಸೋಂಕಿಗೆ ಒಳಗಾಗಿರುವ ಸುದ್ದಿ ತಿಳಿಸಿದ್ದಾರೆ.
Aishwaryaa Rajiniknath
'ಎಲ್ಲಾ ಅಗತ್ಯ ಕ್ರಮಗಳನ್ನು ಅಳವಡಿಸಿಕೊಂಡ ನಂತರವೂ ನಾನು ಕೊರೋನಾ ಪಾಸಿಟಿವ್ ಆಗಿದ್ದೇನೆ. ನಾನು ಅಡ್ಮಿಟ್ ಆಗಿದ್ದೇನೆ. ದಯವಿಟ್ಟು ಮಾಸ್ಕ್ ಧರಿಸಿ ಮತ್ತು ಲಸಿಕೆ ಹಾಕಿಸಿಕೊಳ್ಳಿ ಮತ್ತು ಸುರಕ್ಷಿತವಾಗಿರಿ. ಈ ವರ್ಷ ನನಗಾಗಿ ಇನ್ನೇನು ಕಾದಿದೆ ಎಂದು ನೋಡೋಣ' ಎಂದು ಪೋಟೋ ಜೊತೆ ಐಶ್ವರ್ಯಾ ಬರೆದಿದ್ದಾರೆ
ಅವರನ್ನು ಈ ಸ್ಥಿತಿಯಲ್ಲಿ ನೋಡಿದ ಸಾಮಾಜಿಕ ಜಾಲತಾಣ ಬಳಕೆದಾರರು ಆಕೆ ಶೀಘ್ರ ಗುಣಮುಖರಾಗಲಿ ಎಂದು ಪ್ರಾರ್ಥಿಸುತ್ತಿದ್ದಾರೆ. ಇತ್ತೀಚೆಗೆ ಐಶ್ವರ್ಯಾ ಪತಿ ಧನುಷ್ನಿಂದ ಬೇರ್ಪಟ್ಟಿದ್ದರು.
Image: Getty Images
ಧನುಷ್ ಮತ್ತು ಐಶ್ವರ್ಯಾ ರಜನಿಕಾಂತ್ ಮದುವೆಯಾಗಿ 18 ವರ್ಷವಾಗಿತ್ತು. ಜನವರಿ 17 ರಂದು, ಧನುಷ್ ಮತ್ತು ಐಶ್ವರ್ಯಾ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಅನ್ನು ಹಂಚಿಕೊಂಡು ತಾವು ಬೇರೆಯಾಗುತ್ತಿರುವ ವಿಚಾರ ತಿಳಿಸಿದ್ದರು.
ಮಗಳು ಮತ್ತು ಅಳಿಯನ ಈ ನಿರ್ಧಾರದಿಂದ ಸ್ವತಃ ರಜನಿಕಾಂತ್ ಕೂಡ ತೀವ್ರ ಬೇಸರಗೊಂಡಿದ್ದರು. ಐಶ್ವರ್ಯಾ ಮತ್ತು ಧನುಷ್ ಮತ್ತೊಮ್ಮೆ ಒಂದಾಗಬೇಕು ಎಂದು ಅವರು ಬಯಸಿದ್ದಾರೆ ಎಂದು ವರದಿಯಾಗಿತ್ತು.
ಐಶ್ವರ್ಯಾ ಮತ್ತು ಧನುಷ್ ತಮ್ಮ ಭಿನ್ನಾಭಿಪ್ರಾಯಗಳನ್ನು ಮರೆತು ಮತ್ತೆ ಒಂದಾಗಬೇಕೆಂದು ರಜನಿಕಾಂತ್ ಬಯಸಿತ್ತಾರೆ. ಮಗಳ ವಿಚ್ಛೇದನದಿಂದ ರಜನಿಕಾಂತ್ ನೊಂದಿದ್ದಾರೆ ಎಂಬ ಸಂಗತಿಯೂ ಗೊತ್ತಾಗಿತ್ತು.
ಸಂದರ್ಶನವೊಂದರಲ್ಲಿ, ಇದು ಕೇವಲ ತಾತ್ಕಾಲಿಕವಾಗಿದೆ ಮತ್ತು ಅವರು ತಮ್ಮ ಮದುವೆಯನ್ನು ಸರಿಪಡಿಸಲು ಮಗಳ ಬಳಿ ರಜನಿ ಕೇಳಿಕೊಂಡಿದ್ದಾರಂತೆ.
'ನಾವು 18 ವರ್ಷಗಳಿಂದ ಸ್ನೇಹಿತರು, ಪೋಷಕರು ಮತ್ತು ದಂಪತಿಗಳಾಗಿ ಜೊತೆಗೆ ಇದ್ದೇವೆ. ಪರಸ್ಪರ ತಿಳುವಳಿಕೆಯ ಈ ಪ್ರಯಾಣವು ಭವಿಷ್ಯದಲ್ಲಿಯೂ ಹೀಗೆಯೇ ಮುಂದುವರಿಯುತ್ತದೆ, ಆದರೆ ಇಂದು ನಾವು ಅಂತಹ ಸಂದಿಗ್ಧದಲ್ಲಿ ನಿಂತಿದ್ದೇವೆ, ಅಲ್ಲಿಂದ ನಮ್ಮ ಹಾದಿಗಳು ಬೇರ್ಪಡುತ್ತಿವೆ. ಐಶ್ವರ್ಯಾ ಮತ್ತು ನಾನು ಬೇರೆಯಾಗಲು ನಿರ್ಧರಿಸಿದ್ದೇವೆ. ಪ್ರತಿಯೊಬ್ಬರೂ ನಮ್ಮ ನಿರ್ಧಾರವನ್ನು ಗೌರವಿಸ ಬೇಕು ಮತ್ತು ಗೌಪ್ಯತೆಯನ್ನು ಕಾಪಾಡ ಬೇಕು' ಎಂದು ಜನವರಿ 17 ರಂದು, ಟ್ವಿಟರ್ನಲ್ಲಿ ಪೋಸ್ಟ್ ಅನ್ನು ಹಂಚಿಕೊಳ್ಳುವಾಗ ಧನುಷ್ ಬರೆದಿದ್ದರು.
ಐಶ್ವರ್ಯಾ ಮತ್ತು ಧನುಷ್ 2004 ರಲ್ಲಿ ವಿವಾಹವಾದರು. ಅವರಿಗೆ ಯಾತ್ರಾ ಮತ್ತು ಲಿಂಗ ಎಂಬ ಇಬ್ಬರು ಮಕ್ಕಳಿದ್ದಾರೆ. ಇತ್ತೀಚೆಗೆ, ಧನುಷ್ ಅಕ್ಷಯ್ ಕುಮಾರ್ ಮತ್ತು ಸಾರಾ ಅಲಿ ಖಾನ್ ಅವರೊಂದಿಗೆ ಅತ್ರಂಗಿ ರೇ ಚಿತ್ರದಲ್ಲಿ ಕಾಣಿಸಿಕೊಂಡರು.