ಯಶ್‌ಗೆ ಬಾಲಿವುಡ್‌ನ ನಿರ್ಮಾಪಕರಿಂದ 2 ಮೆಗಾ ಬಜೆಟ್ ಚಿತ್ರಗಳ ಆಫರ್

ಮಾಧ್ಯಮ ವರದಿಗಳ ಪ್ರಕಾರ, ಯಶ್‌ಗೆ ಬಾಲಿವುಡ್‌ನ ಇಬ್ಬರು ನಿರ್ದೇಶಕರಾದ ಅಯಾನ್ ಮುಖರ್ಜಿ ಮತ್ತು ರಾಕೇಶ್ ಓಂಪ್ರಕಾಶ್ ಮೆಹ್ರಾ ಅವರ ಚಿತ್ರಗಳನ್ನು ಆಫರ್ ಮಾಡಿದ್ದಾರೆ. ಆದರೆ, ಈ ಆಫರ್‌ಗಳ ಬಗ್ಗೆ ಯಶ್  ಯಾವುದೇ ಹೇಳಿಕೆ ನೀಡಿಲ್ಲ.

ವರದಿಗಳ ಪ್ರಕಾರ ಕೆಜಿಎಫ್ 2 ಬ್ಲಾಕ್ಬಸ್ಟರ್ ಆದ ನಂತರ ಯಶ್ ತಮ್ಮ ವೇಗವನ್ನು ನಿಧಾನಗೊಳಿಸಿದ್ದಾರೆ. ಕೆಜಿಎಫ್ 2 ಚಿತ್ರದ  ದೊಡ್ಡ ಯಶಸ್ಸಿನ ನಂತರ ಅವರು ಯಾವುದೇ ರಿಸ್ಕ್ ತೆಗೆದುಕೊಳ್ಳಲು ಬಯಸುವುದಿಲ್ಲ. ಅವರು ತಮ್ಮ ಶೇಕಡಾ 100 ಅನ್ನು ನೀಡಲು ಬಯಸುತ್ತಾರೆ. ಆದ್ದರಿಂದ ಅವರು ಬಹಳ ಎಚ್ಚರಿಕೆಯಿಂದ ಮುಂದುವರಿಯುತ್ತಿದ್ದಾರೆ ಎಂದು ಅವರ ಹತ್ತಿರದ ಮೂಲಗಳು ಹೇಳುತ್ತವೆ. 

ಕೆಜಿಎಫ್ 2 ರ ಯಶಸ್ಸಿನಿಂದ ಪ್ರೇಕ್ಷಕರ ನಿರೀಕ್ಷೆಗಳು ಹೆಚ್ಚಿವೆ ಮತ್ತು ಅವರನ್ನು ನಿರಾಶೆಗೊಳಿಸಲು ಅವರು ಬಯಸುವುದಿಲ್ಲ ಎಂದು ಯಶ್ ತಿಳಿದಿದ್ದಾರೆ ಎಂದು ಮೂಲವು ಬಹಿರಂಗಪಡಿಸಿದೆ. ಈ ಕಾರಣದಿಂದಾಗಿ ಅವರು ತಮ್ಮ ಹೊಸ ಯೋಜನೆಯನ್ನು ಘೋಷಿಸಲು ಸಮಯ ತೆಗೆದುಕೊಳ್ಳುತ್ತಿದ್ದಾರೆ .

ಅವರಿಗೆ ಬೇರೆ ಬೇರೆ ಚಿತ್ರರಂಗದ ನಿರ್ಮಾಪಕರಿಂದ ಹಲವು ಆಫರ್‌ಗಳಿವೆ ಎಂದು ಹೇಳಲಾಗುತ್ತಿದೆ. ಆದರೆ ಅವರು ಅವಸರದಲ್ಲಿ ಏನನ್ನೂ ಮಾಡಲು ಬಯಸುವುದಿಲ್ಲ. ಅವರು ತಮ್ಮ ಕೆಜಿಎಫ್ 2 ಚಿತ್ರವದ ಫೇಮ್‌ ಉಳಿಸಿಕೊಳ್ಳಲು ಮತ್ತು ಅದಕ್ಕೆ ನ್ಯಾಯ ಸಲ್ಲಿಸಲು ಬಯಸುತ್ತಾರೆ.

ಹೊರಬರುತ್ತಿರುವ ಸುದ್ದಿಗಳ ಪ್ರಕಾರ, ಅವರಿಗೆ ಇತರ ಆಫರ್‌ಗಳ ಜೊತೆಗೆ ಬಾಲಿವುಡ್‌ನ 2 ಮೆಗಾ ಬಜೆಟ್ ಚಿತ್ರಗಳ ಆಫರ್ ಕೂಡ ಬಂದಿದೆ. ಕೆಜಿಎಫ್ 2 ನಂತರ ಯಶ್ ದೊಡ್ಡ ಮತ್ತು ವಿಶೇಷವಾದದ್ದನ್ನು ಮಾಡುವ ಆಲೋಚನೆಯಲ್ಲಿದ್ದಾರೆ ಎಂದು ಹತ್ತಿರದ ಮೂಲಗಳು ಹೇಳುತ್ತವೆ. 

ಅವರು ಮಹಾಭಾರತವನ್ನು ಆಧರಿಸಿದ ಪೌರಾಣಿಕ ಮಹಾಕಾವ್ಯವಾದ ಮುಂಬರುವ ಪ್ರಾಜೆಕ್ಟ್‌ ಕರ್ಣಕ್ಕಾಗಿ ರಾಕೇಶ್ ಓಂಪ್ರಕಾಶ್ ಮೆಹ್ರಾ ಅವರೊಂದಿಗೆ ಒಪ್ಪಂದ ಮಾಡಿಕೊಳ್ಳಲು ನೋಡುತ್ತಿದ್ದಾರೆ.  ಎರಡು ಭಾಗಗಳ ಪೌರಾಣಿಕ ಚಿತ್ರದಲ್ಲಿ ಯಶ್ ಅವರನ್ನು ಕರ್ಣನ ಪಾತ್ರದಲ್ಲಿ ನಟಿಸಲು  ರಾಕೇಶ್ ಓಂಪ್ರಕಾಶ್ ಮೆಹ್ರಾ ಮತ್ತು ಯಶ್‌  ಬಯಸುತ್ತಾರೆ ಎಂದು ಹೇಳಲಾಗುತ್ತಿದೆ. 
 

ಮತ್ತೊಂದೆಡೆ, ಅಯಾನ್ ಮುಖರ್ಜಿ ಅವರು ತಮ್ಮ ಬ್ರಹ್ಮಾಸ್ತ್ರ 2 ಚಿತ್ರಕ್ಕಾಗಿ ಅವರನ್ನು ಸಂಪರ್ಕಿಸಿದ್ದಾರೆ ಎಂಬ ಸುದ್ದಿ ಇದೆ. ಆದರೆ, ಈ ಎರಡು ಚಿತ್ರಗಳ ಆಫರ್ ಬಗ್ಗೆ ಯಶ್ ಯಾವುದೇ ಹೇಳಿಕೆ ನೀಡಿಲ್ಲ. 2023ರ ಜನವರಿಯಲ್ಲಿ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅವರು ದೊಡ್ಡ ಘೋಷಣೆ ಮಾಡಲು ಯೋಜಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.