ಆಟದಲ್ಲಿ ಸೆಹ್ವಾಗ್, ನೋಟದಲ್ಲಿ ತೆಂಡುಲ್ಕರ್; ಶಫಾಲಿ ಆಟಕ್ಕೆ ಎದುರಾಳಿ ಪಂಚರ್!

ರಮಾಕಾಂತ್ ಆರ್ಯನ್, ಸುವರ್ಣನ್ಯೂಸ್

ಶಫಾಲಿ....

ಇವಳ ಹೆಸರಿಗೆ ಬರುತ್ತೆ world cup

ನೋಡೋಕೆ ಸಚಿನ್ ತೆಂಡುಲ್ಕರ್​ ಥರಾನೇ ಕಾಣಿಸುವ ಹುಡುಗಿ ಇವಳು. ಮೊನ್ನೆ ಮೊನ್ನೆ ಹದಿನಾರು ತುಂಬಿದೆ. ಆಡೋಕೆ ನಿಂತ್ರೆ ಅಪ್ಪಟ ಸೆಹ್ವಾಗ್​ ಆಟ. ಇವಳಿಗೆ ನರ್ವಸ್​ 90, ನರ್ವಸ್​ 45 ನಂತಹ ಸಮಸ್ಯೆಗಳಿಲ್ಲ. ಒಮ್ಮೆ ಸಿಡಿಯೋಕೆ ನಿಂತ್ರೆ ಸರಣಿ ಸ್ಫೋಟ. world cup t20 ಯಲ್ಲಿ ಎಲ್ಲರನ್ನೂ ಚಚ್ಚಿ ಬಿಸಾಡುತ್ತಿದ್ದಾಳೆ. 

ಸದ್ಯ ಶಫಾಲಿ ವರ್ಮ ವಿಶ್ವದ ನಂಬರ್​ ಒನ್​ ಮಹಿಳಾ ಬ್ಯಾಟರ್.  ನಂಬರ್​ ಒನ್​ ಆಗಿದ್ದು ಹೇಗೆ ಗೊತ್ತಾ? ಅಪ್ಪ ಮತ್ತು ಮಗಳ ಅನುಪಮ ಬಾಂಧವ್ಯದ, ಅಪ್ಪಟ ಕ್ರಿಕೆಟ್​ ಹಸಿವಿನ ಕಥೆ ಇದು..

ಇದನ್ನೂ ಓದಿ: ಅಪ್ಪ ತರಕಾರಿ ವ್ಯಾಪಾರಿ, ಮಗಳು ಭಾರತ ಕ್ರಿಕೆಟ್ ತಂಡದ ವೀರ ನಾರಿ!

ಶಫಾಲಿ ಅಪ್ಪ ಸಂಜೀವ್​ ವರ್ಮ. ಅಕ್ಕಸಾಲಿಗ ವೃತ್ತಿ. ಎರಡು ಹೆಣ್ಣು ಮತ್ತು ಒಂದು ಗಂಡು ಮಗ ಇವರಿಗೆ. ಕ್ಲಬ್​ ಕ್ರಿಕೆಟ್​ ನಲ್ಲಿ ಆಡಿದ ಅನುಭವ ಸಂಜೀವ್​ಗಿತ್ತು. ಮಕ್ಕಳನ್ನ ಭಾರತ ತಂಡಕ್ಕೆ ಆಡುವಂತೆ ಮಾಡಬೇಕು ಅಂತ ಒಂದೊಂದು ಪೈಸೆ ಕೂಡಿ ಹಾಕಿ ಏಳೂವರೆ ಲಕ್ಷ ಎತ್ತಿಟ್ಟಿರುತ್ತಾರೆ. ಅದೆಲ್ಲಿದ್ದನೋ ಅವನು ಹಣ ಪಿಶಾಚಿ, ವಕ್ಕರಿಸಿಕೊಳ್ಳುತ್ತಾನೆ. ನನಗೆ ಪ್ರಧಾನಿನೇ ಕ್ಲೋಸ್​, RAW ನಲ್ಲಿ ಕೆಲಸ ಮಾಡ್ತೀನಿ, ನಿಮಗೆ ಏರ್ಪೋರ್ಟ್​ನಲ್ಲಿ ಖಾಯಂ ಕೆಲಸ ಕೊಡಿಸ್ತೀನಿ ಅಂತ ಹೇಳಿ, ಪೋಟೋಶಾಪ್​ ಮಾಡಿದ್ದ ಫೋಟೋನು ತೋರಿಸಿಬಿಡ್ತಾನೆ. ನಂಬಿದ ಸಂಜೀವ್​ ವರ್ಮ ಅಷ್ಟೂ ಹಣವನ್ನ ಅನಾಮತ್ತಾಗಿ ಎತ್ತಿಕೊಟ್ಟುಬಿಡುತ್ತಾರೆ. ಅಷ್ಟೇ ಆಸಾಮಿ ಮಾಯ...ಜೀವಮಾನದಲ್ಲೇ ಅವನು ಸಿಗಲಿಲ್ಲ.

ಇದನ್ನೂ ಓದಿ: ಟೆನಿಸ್ ಲೋಕದ ಸುಂದರಿ ಶರಪೋವಾ; ದಿಢೀರ್ ನಿವೃತ್ತಿ ಹಿಂದಿದೆ ಕಹಿ ಅಧ್ಯಾಯ!

 ಆಗ ವರ್ಮ ಜೇಬಲ್ಲಿ ಉಳಿದಿದ್ದು 280 ರುಪಾಯಿಗಳು ಮತ್ತು ಒಂದು ಬೆಲೆಬಾಳುವ ಅಮೂಲ್ಯ ವಜ್ರ...ಆ ವಜ್ರದ ಹೆಸರು ಶಫಾಲಿ ವರ್ಮ..ಈಗ ಹೊಳೆಯುತ್ತಿದ್ದಾಳೆ.
ಎಲ್ಲವನ್ನೂ ಕಳೆದುಕೊಂಡರೂ ಏನೂ ಕಳೆದುಕೊಳ್ಳದಂತ ಕೆಚ್ಚು ಸಂಜೀವ್​ ವರ್ಮನಿಗೆ. ಹರ್ಯಾಣದ ಮಣ್ಣದು. ಸೂರ್ಯನ ಮೊದಲ ಕಿರಣ ಬೀಳುವುದಕ್ಕೂ ಮುನ್ನವೇ ಶಫಾಲಿ ಮತ್ತು ಮಗ ಸಾಹಿಲ್​ನನ್ನ ಕರೆದುಕೊಂಡು ಅಪ್ಪ ಹೋಗುತ್ತಿದ್ದುದ್ದು ಫ್ಲೈ ಓವರ್​ ಕೆಳಗೆ. 

ಇದನ್ನೂ ಓದಿ: ಸೌಂದರ್ಯದ ಖನಿ ಮಾರ್ಟಿನ್ ಹಿಂಗಿಸ್ ಇನ್ನೊಂದು ಮುಖ

ಅದು ರೋಹ್ಟಕ್​. ಅಲ್ಲಿ ಅಂಗಡಿಗಳು ಇನ್ನೂ ತೆರೆದಿರುತ್ತಿರಲಿಲ್ಲ. ಅದಷ್ಟೇ ಜಾಗದಲ್ಲಿ ಬ್ಯಾಟ್​ ಬಾಲ್​ ಕೊಟ್ಟು ಆಡಿಸುತ್ತಿದ್ದರು. ಅದೊಂತರ ನೇರವಾದ ಜಾಗ. ಆದರೆ ನೆಲ ಸಮತಟ್ಟಿರುತ್ತಿರಲಿಲ್ಲ.  ಆ ಜಾಗದಲ್ಲೇ ಪ್ರಾಕ್ಟೀಸ್​. ನಂಬಿ ಅಲ್ಲಿ ಶಫಾಲಿ ಪ್ರಾಕ್ಟೀಸ್​ ಮಾಡದ ಸ್ಕೂಲ್​, ಪಾರ್ಕಿಂಗ್​ ಏರಿಯಾ, ಪಾರ್ಕ್​ಗಳೇ ಇಲ್ಲ. 
ಕಿತ್ತೇ ಹೋದ ಗ್ರೌಂಡ್​ಗೂ ಕರೆದುಕೊಂಡು ಹೋಗಿ ಶಫಾಲಿಗೆ ಪ್ರಾಕ್ಟೀಸ್​ ಮಾಡಿಸುತ್ತಿದ್ದರು. ಎಂಥ ಪಿಚ್​ನಲ್ಲಾದರೂ ಚಚ್ಚಬೇಕು ಹುಡುಗಿ. ಆ ರೀತಿಯ ಟ್ರೈನಿಂಗ್​ ಶಫಾಲಿಗೆ ಸಿಕ್ಕಿತ್ತು. ಈಗ ಹಾಗೆ ಚಚ್ಚುತ್ತಿದ್ದಾಳೆ.

ಇದನ್ನೂ ಓದಿ: ಲಿಯಾಂಡರ್ ಎನ್ನುವ ವಂಡರ್​ ಹುಡುಗ; ಟೆನಿಸ್ ಜಗತ್ತನ್ನೇ ತನ್ನತ್ತ ತಿರುಗಿಸಿದ ಸಲಗ!

ಶಫಾಲಿ ನೇರ ಸಿಕ್ಸರ್​ ಹೊಡೆಯೋದು ಜಾಸ್ತಿ. ಯಾಕೆ ಗೊತ್ತಾ? ಅವಳು ಪ್ರಾಕ್ಟೀಸ್​ ಮಾಡಬೇಕಾದರೆ ನೇರವಾಗೇ ಹೊಡೆಯಬೇಕಿತ್ತು. ಅಕ್ಕ ಪಕ್ಕ ಹೊಡೆದರೆ ಅಂಗಡಿ, ಮನೆ, ಸ್ಕೂಲ್​ ಕಿಟಕಿ ಗಾಜಿಗೆ ಬಾಲ್​ ಬೀಳುತ್ತಿತ್ತಲ್ಲ ಅದಕ್ಕೆ. ಆ ತಲೆ ಮಾಸಿದವನು ಮೋಸ ಮಾಡಿ ಹೋಗಿದ್ದನಲ್ಲಾ? ಆ ಮೇಲೆ ಜೀವನ ನಿರ್ವಹಣೆಗೂ ಕಷ್ಟ ಆಗಿ ಬಿಟ್ಟಿತ್ತು. ಬಾಲ್​ ಕೊಂಡುಕೊಳ್ಳಲೂ ಅಪ್ಪನ ಬಳಿ ದುಡ್ಡಿರಲಿಲ್ಲ. ಬಾಲ್​ಗೆ ಏನು ಮಾಡುತ್ತಿದ್ದರು ಗೊತ್ತಾ?

ಇವರು ವಾಸ ಮಾಡುತ್ತಿದ್ದ ಪ್ರದೇಶದಲ್ಲಿ ಒಂದು  ಇಂಗ್ಲಿಷ್ school  ಇತ್ತು. ಅಲ್ಲಿ ಅನೇಕ ಮಕ್ಕಳು ಸಂಜೆ ಕ್ರಿಕೆಟ್​ ಆಡುತ್ತಿದ್ದರು. ತೀರ ಅಕ್ಕಪಕ್ಕದ ಪೊದೆಗಳಲ್ಲಿ ಚೆಂಡು ಬಿದ್ದರೆ ಎತ್ತಿಕೊಳ್ಳುವ ಗೋಜಿಗೆ ಆ ಮಕ್ಕಳು ಹೋಗುತ್ತಿರಲಿಲ್ಲ. ಈ ಅಪ್ಪ ಮಗಳು ಬೆಳ್ಳಂಬೆಳಗ್ಗೆ ಹೋಗಿ ಆ ಪೊದೆಗಳಲ್ಲಿ ಚೆಂಡು ಹುಡುಕುತ್ತಿದ್ದರು. ಕೆಲವು ದಿನ ಬಾಲ್​ ಸಿಗುತ್ತಿದ್ದವು. ಆ ದಿನದ ಫಸಲದು.

ಇದನ್ನೂ ಓದಿ:

ಅಭ್ಯಾಸ ಶುರು.
ಶಫಾಲಿಗೆ ಆಗಷ್ಟೇ 10 ವರ್ಷ. ಅವಳ ಸಹೋದರ ಶಾಲಾ ಕ್ರಿಕೆಟ್​ ಟೀಂನಲ್ಲಿರುತ್ತಾನೆ. ಅವನು ಹುಷಾರು ತಪ್ಪಿರುತ್ತಾನೆ. ಶಫಾಲಿ, ನಾನಾಡ್ಲಾ ಅಂತ ಕೇಳ್ತಾಳೆ ಅಪ್ಪನ ಹತ್ತಿರ. ಆಡು ಅಂತಾರೆ. ಥೇಟು ಹುಡುಗನಂತೆ ಹೇರ್​ ಕಟ್​ ಮಾಡಿಸಿಕೊಂಡ ಶಫಾಲಿ ಯಾರಿಗೂ ಅನುಮಾನ ಬರದಂತೆ ಹುಡುಗರ ಟೀಂಗೆ ಆಡುತ್ತಾಳೆ. ಶಾಲಾ ಟೂರ್ನಿಯಲ್ಲಿ ಅವಳು ಮ್ಯಾನ್​ ಆಫ್​ ದ ಟೂರ್ನಿಮೆಂಟ್​...ಅಂತ ದಿಟ್ಟೆ..

ಇದನ್ನೂ ಓದಿ:ದುಬಾರಿ ಕಾರಿಲ್ಲ, ಫೋನಿಲ್ಲ; ಕೋಟಿ ಆದಾಯದ ಮಾನೆ ಹೃದಯ ಶ್ರೀಮಂತಿಕೆಗೆ ಸರಿಸಾಟಿ ಯಾರೂ ಇಲ್ಲ!

ಅದು 2013. ಸಚಿನ್​ ತೆಂಡುಲ್ಕರ್​ ಕಟ್ಟಕಡೆಯ Domestic match. ಹರ್ಯಾಣದ ಲಾಹ್ಲಿ ಗ್ರೌಂಡ್​. ಬಹುಶಃ ಭಾರತದಲ್ಲಿಯೇ ಅತ್ಯಂತ ಟಫ್​ ಪಿಚ್​. ಸಚಿನ್ ಆಟ ನೋಡೋಕೆ ಶಫಾಲಿ ಗ್ರೌಂಡ್​ಗೆ ಹೋಗಿ ಸಚಿನ್​...ಸಚಿನ್​ ಅಂತ ಕಿರುಚಿದ್ದೇ ಕಿರುಚಿದ್ದು.  ಸಚಿನ್​, ಶಫಾಲಿ ಕೂಗಿದ್ದಕ್ಕೋ ಏನೋ ಮುಂಬೈ ತಂಡವನ್ನ ಅಜೇಯ 79 ರನ್​ ಬಾರಿಸಿ ಗೆಲ್ಲಿಸಿರುತ್ತಾರೆ. 

ಇದನ್ನೂ ಓದಿ: ಬಳಸಿದ ಪದಕ್ಕೆ ಕ್ಷಮೆ ಇಲ್ಲ, ಬಾಂಗ್ಲಾ ಪ್ರಶಸ್ತಿ ಗೆದ್ದರೂ ಬುದ್ಧಿ ಬಿಟ್ಟಿಲ್ಲ !

ಸಚಿನ್​ ಜೊತೆ ಒಂದೇ ಒಂದು ಸೆಲ್ಫಿಗಾಗಿ ಅವಳಷ್ಟು ಇನ್ಯಾರೂ ಕಾದಿಲ್ಲವೇನೋ? ಇವತ್ತು ಅದೇ ಶಫಾಲಿ ವರ್ಮ ಅತ್ಯಂತ ಕಿರಿಯ ವಯಸ್ಸಿಗೆ ಭಾರತದ ಪರ ಅರ್ಧ ಶತಕ ಹೊಡೆದಿದ್ದ ಸಚಿನ್​ ದಾಖಲೆಯನ್ನೇ ಪೀಸ್​ ಪೀಸ್​ ಮಾಡಿದ್ದಾಳೆ.

 ಮೊನ್ನೆ ಆಸ್ಟ್ರೇಲಿಯಾದಲ್ಲಿ ಅದೇ ಸಚಿನ್​ ಸಿಕ್ಕಾಗ ಸೆಲ್ಫಿ ಕೇಳಿದ್ದಾಳೆ. ಸ್ವಲ್ಪ ಬೆಳಕಿಗೆ ಹೋಗೋಣ, ಪೋಟೋ ಚೆನ್ನಾಗಿ ಬರುತ್ತೆ ಎಂದ ಸಚಿನ್​ ಸೆಲ್ಫಿ ಕೊಟ್ಟಿದ್ದಾರೆ. ಅದು ಶಫಾಲಿಯ ಜೀವಮಾನದ ಕನಸು ನನಸಾದ ಕ್ಷಣ.
 ಅಪ್ಪ ಕ್ರಿಕೆಟ್​ನ ಬೇಸಿಕ್ಸ್​ ಹೇಳಿಕೊಟ್ಟ ಮೇಲೆ ಶಫಾಲಿ ನೇರ ಬಂದಿದ್ದು ಎಲ್ಲಿಗೆ ಗೊತ್ತಾ?. ರೋಹ್ಟಕ್​ನ ರಾಮ್​ ನಾರಾಯಣ್ ಕ್ರಿಕೆಟ್​ ಕ್ಲಬ್​ಗೆ. ಆಡಿದ್ದೆಲ್ಲಾ ಹುಡುಗರು ಮಾಡಿದ ಬೌಲಿಂಗ್​ಗೆ. ಕೆಲವೊಮ್ಮೆ ರಣಜಿ ಬೌಲರ್​ಗಳಿಗೂ ಆಡಿದ್ದಾಳೆ. ಅದಕ್ಕೆ ಅವಳಿಗೆ ಹೆಣ್ಣು ಮಕ್ಕಳ ಬೌಲಿಂಗ್​ ಎಂದರೆ ಲೀಲಾಜಾಲ.

ಇದನ್ನೂ ಓದಿ: ಯಶಸ್ವಿ ಜೈಸ್ವಾಲ್ ಮಾರಿದ್ದು ಪಾನಿಪುರಿ, ಪಾಕ್‌ ವಿರುದ್ಧ ಹೊಡೆದಿದ್ದು ಸೆಂಚುರಿ..!

ಹೀಗೆ ಆಡುತ್ತಿದ್ದ ಶಫಾಲಿ ಹರ್ಯಾಣ ಅಂಡರ್ 16 ತಂಡಕ್ಕೂ ಆಡುತ್ತಾಳೆ. ರಾಜ್ಯದ ಪರವಾಗಿ 6 ಅರ್ಧಶತಕ ಬಾರಿಸಿದ ಹುಡುಗಿ ಟೀಂ ಇಂಡಿಯಾಗೆ ಆಯ್ಕೆಯಾಗುತ್ತಾಳೆ. 

 ಈಗ ಅದೇ ರಾಮ್​ ನಾರಾಯಣ್ ಕ್ಲಬ್​ನಲ್ಲಿ ಅವಳ ಫೋಟೋಗಳ ಗ್ಯಾಲರಿಯೇ ಇದೆ. ಶಫಾಲಿ ಕೋಚ್​ ಅಶ್ವನಿ ಕುಮಾರ್,​ ಸದ್ಯ ಆಸ್ಟ್ರೇಲಿಯಾದಲ್ಲಿರುವ ಶಫಾಲಿಯ ಹೈ ರೆಸಲ್ಯೂಷನ್ ಫೋಟೋಗಳು ಬೇಕು ಎಂದು ಆರ್ಡರ್​ ಮಾಡಿದ್ದಾರಂತೆ. ಕಲಿತ ಕ್ರಿಕೆಟ್​ ಕ್ಲಬ್​ನ ಹೆಮ್ಮೆ ಅವಳು. ಬೆಳೆಯಬೇಕಿರುವುದೇ ಹಾಗೆ!

ಇದನ್ನೂ ಓದಿ: ಲೈಫ್‌ನಲ್ಲಿ ನೀನು ಏನೂ ಆಗೊಲ್ಲ ಎನಿಸಿಕೊಂಡವರು ಶಾರ್ದೂಲ್ ಕಥೆಯನ್ನೊಮ್ಮೆ ಓದಿ

ವಿಶ್ವಕಪ್​ನಲ್ಲಿ ಶಫಾಲಿ ಅಷ್ಟು ಚೆನ್ನಾಗಿ ಆಡೋದಕ್ಕೆ ಒಂದು ಬಲವಾದ ಕಾರಣ ಇದೆ. ಅದು ಅವರಪ್ಪ ಕೊಟ್ಟಿರುವ ಟಿಪ್ಸ್​. ಒಂದು ತಂಡದ ಅತ್ಯದ್ಭುತ ಬೌಲರ್​ಗೆ ಮನಬಂದಂತೆ ದಂಡಿಸಿಬಿಡು. ಉಳಿದದ್ದು ಇತಿಹಾಸವೇ ಎಂದಿದ್ದರಂತೆ. ಅಪ್ಪನ ಮಾತನ್ನ ಚಾಚೂ ತಪ್ಪದೆ ಪಾಲಿಸುವವಳು ಶಫಾಲಿ.

ಇದನ್ನೂ ಓದಿ 'ಸೂಪರ್' ಓವರ್ ಗೆಲುವಿನ ರೂವಾರಿ, ಕಲ್ಲು ಮುಳ್ಳಿನ ಹಾದಿಯಲ್ಲಿ ಶಮಿ ಸವಾರಿ!

ಅಪ್ಪ , ಶಫಾಲಿಗೆ 75 ಅಂತ ಒಂದು ಕೋಡ್​ ವರ್ಡ್​ ಹೇಳಿಕೊಟ್ಟಿದ್ದರು. ಆಸ್ಟ್ರೇಲಿಯಾದ ದಿ ಬೆಸ್ಟ್​ ಬೌಲರ್​ Meghan Schutt ಎಸೆದ ಬಾಲ್​ಗೆ ನುಗ್ಗಿ ಸಿಕ್ಸರ್​ ಬಾರಿಸಿದ್ದಳು. ಸಿಕ್ಸರ್​ನ ದೂರ 75 ಮೀಟರ್​. ಕಮೆಂಟೇಟರ್ಸ್​ ತಬ್ಬಿಬ್ಬಾಗಿದ್ದರು.. ಲೇಡಿ ವೀರೇಂದ್ರ ಸೆಹ್ವಾಗ್​ ಅವಳು! Meghan Schutt  ಐಸಿಸಿ ಆಲ್​ಸ್ಟಾರ್​ ಟಿ 20 ಟೀಮ್​ಗೆ ಆಯ್ಕೆ ಆಗಿರುವ ಬೌಲರ್​. ಅಂತ ವಿಶ್ವದ ನಂಬರ್​ 1 ಬೌಲರ್ಗೆ 16ರ ಶಫಾಲಿ ಆ ಪರಿ ಚಚ್ಚಿದ್ದು ಈಗ ಇತಿಹಾಸ.

ಇದನ್ನೂ ಓದಿ ಕಡಲೂರಿಗೆ ಮುತ್ತಾದ ರಾಹುಲ್, ಯಶಸ್ಸಿನ ಹಿಂದಿವೆ ನೂರಾರು ಸವಾಲ್.

ಆಸ್ಟ್ರೇಲಿಯಾದ ಹೊಸ ಚೆಂಡಿನ ಮತ್ತೊಬ್ಬ ಜೊತೆಗಾತಿ ಎಲಿಸಾ ಪೆರ್ರಿ. ತ್ರಿಕೋನ ಸರಣಿಯಲ್ಲಿ ಇದೇ ಎಲಿಸಾಗೆ ಶಫಾಲಿ ಬೌಲ್ಡ್​ ಆಗಿದ್ದಳು. ಅಪ್ಪ , ಚೆಂಡಿಗೆ ಬಾಡಿಯನ್ನ ಕ್ಲೋಸ್​ ಆಗಿಟ್ಟು ಆಡು ಎಂಬ ಸಲಹೆ ಕೊಟ್ಟಿದ್ದರು. ಅದೇ ಎಲಿಸಾಗೆ ಒಂದೇ ಓವರ್​ನಲ್ಲಿ 4 ಬೌಂಡರಿ ಚಚ್ಚಿದ್ದಳು. ನಂಬಿ ಶಫಾಲಿ, ತಂಡದ ಅರ್ಧ ಬ್ಯಾಟರ್ ಗಳ ಆಟ ಆಡುತ್ತಿದ್ದಾಳೆ. ಸದ್ಯ ಭಾರತ ಫೈನಲ್​ಗೇರಿದೆ. ಇದೇ ಭಾನುವಾರ ಮತ್ತದೇ ಆಸ್ಟ್ರೇಲಿಯಾ ವಿರುದ್ಧ ಭಾರತದ ಹುಡುಗಿಯರು world cup ಟ್ರೋಫಿಗಾಗಿ ಆಡುತ್ತಿದ್ದಾರೆ. ಶಫಾಲಿ ಮತ್ತೆ ಅಬ್ಬರಿಸಲಿ. t 20 world cup ನಮ್ಮದಾಗಲಿ.