ಮೈ ಹೂಂ ನಾ ಚಿತ್ರದ ‘ತುಮ್ಸೆ ಮಿಲ್ಕೆ ದಿಲ್ ಕಾ ಜೋ ಹಾಲ್’ ಹಾಡಿನಲ್ಲಿ ಇಂಗ್ಲಿಷ್ ಶಬ್ದ ಸೇರಿಸಿದಾಗ ಏನಾಯ್ತು? ಇಂಟರೆಸ್ಟಿಂಗ್ ಸ್ಟೋರಿ ಇಲ್ಲಿದೆ
ಚಿತ್ರ ಯಾವುದೇ ಇರಲಿ, ಕೆಲವೊಂದು ಚಿತ್ರಗಳ ಹಾಡುಗಳು ಸಿಕ್ಕಾಪಟ್ಟೆ ಇಷ್ಟ ಆಗಿಬಿಡುತ್ತವೆ. ಅದು ಯಾಕೆ, ಏನು ಎಂದು ತಿಳಿಯುವುದೇ ಇಲ್ಲ. ಅದೆಷ್ಟೋ ಬಾರಿ ಚಿತ್ರಗಳು ಫ್ಲಾಪ್ ಆದರೂ ಕೆಲವು ಹಾಡುಗಳಿಂದ ಜನಮನ್ನಣೆ ಗಳಿಸುವುದು ಉಂಟು. ಕೆಲವೊಂದು ಸಿನಿಮಾ ಹಾಡುಗಳನ್ನು ರಚಿಸುವ ಸಂದರ್ಭದಲ್ಲಿ ಕುತೂಹಲ ಘಟನೆಗಳೂ ನಡೆಯುವುದು ಉಂಟು. ಇಂತಹ ಹಾಡುಗಳು ಬರೆಯುವಾಗ ಸಾಹಿತಿಗಳು ಏನೆಲ್ಲಾ ಯೋಚನೆಗಳನ್ನು ಹೊಂದಿರುತ್ತಾರೆ ಮತ್ತು ಈ ಹಾಡಿನ ಸಾಹಿತ್ಯವನ್ನು ಬರೆದ ನಂತರ ಇದಕ್ಕೆ ಸಂಗೀತವನ್ನು ಸಂಯೋಜಿಸುವಾಗ ಸಂಗೀತ ನಿರ್ದೇಶಕರು (Music Director) ಹೇಗೆ ಪ್ರತಿಕ್ರಿಯಿಸಿರುತ್ತಾರೆ ಎಂಬ ಅನೇಕ ವಿಚಾರಗಳು ಹೊರ ಜಗತ್ತಿಗೆ ಗೊತ್ತಾಗುವುದಿಲ್ಲ. ಅಂಥದ್ದೇ ಒಂದು ಇಂಟರೆಸ್ಟಿಂಗ್ ಹಾಡಿನ ಕಥೆಯನ್ನು ಹೊಂದಿದೆ 2004 ರಲ್ಲಿ ತೆರೆಕಂಡ ಶಾರುಖ್ ಖಾನ್ ಮತ್ತು ಸುಶ್ಮಿತಾ ಸೇನ್ ನಟಿಸಿದ 'ಮೈ ಹೂಂ ನಾ' ಚಿತ್ರದ ಹಾಡು.
ಹೌದು. 'ಮೈ ಹೂಂ ನಾ' (Main Hu Na) ಚಿತ್ರದ ‘ತುಮ್ಸೆ ಮಿಲ್ಕೆ ದಿಲ್ ಕಾ ಜೋ ಹಾಲ್’ ಎಂಬ ಹಾಡು ಸಿಕ್ಕಾಪಟ್ಟೆ ಹಿಟ್ ಆಗಿದೆ. ಫರಾಹ್ ಖಾನ್, ಗೌರಿ ಖಾನ್ ಮತ್ತು ಶಾರುಖ್ ಖಾನ್ ಇದರ ನಿರ್ಮಾಪಕರಾಗಿರುವ ಈ ಚಿತ್ರದ ಕವ್ವಾಲಿ ಮಿಕ್ಸ್ ಹಾಡಾಗಿರುವ ‘ತುಮ್ಸೆ ಮಿಲ್ಕೆ ದಿಲ್ ಕಾ ಜೋ ಹಾಲ್’ನಲ್ಲಿನ ಶಾರುಖ್ ಮತ್ತು ಸುಶ್ಮಿತಾ ಅವರ ಕೆಮೆಸ್ಟ್ರಿಯನ್ನು ಫ್ಯಾನ್ಸ್ ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದಾರೆ. ಈ ಹಾಡು, ಬ್ಲಾಕ್ಬಸ್ಟರ್ ಆಗಿ ಹೊರಹೊಮ್ಮಿತು. ಚಿತ್ರದಲ್ಲಿ ಅಳವಡಿಸಲಾಗಿರುವ ಕವ್ವಾಲಿಯ ಚಮತ್ಕಾರದಿಂದ ಹಾಡನ್ನು ಎಲ್ಲರೂ ಇಷ್ಟಪಡುತ್ತಿದ್ದಾರೆ. ಇದರಲ್ಲಿ ಶಾರುಖ್ ಖಾನ್, ಸುಶ್ಮಿತಾ ಸೇನ್, ಜಾಯೇದ್ ಖಾನ್ ಮತ್ತು ಅಮೃತಾ ರಾವ್ ಕಾಣಿಸಿಕೊಂಡಿದ್ದರು. ಇದನ್ನು ಸಾಂಪ್ರದಾಯಿಕ ಕವ್ವಾಲಿಯಂತೆ ಚಿತ್ರೀಕರಿಸಲಾಗಿದ್ದು, ವಿಶೇಷ ಮನ್ನಣೆ ಗಳಿಸಿದೆ. ಹೆಚ್ಚಿನ ಫಂಕ್ಷನ್ಗಳಲ್ಲಿಯೂ ಈ ಹಾಡು ಇಂದಿಗೂ ಪ್ರಚಲಿತ. ಸ್ವಲ್ಪ ಕಾಮಿಡಿ, ಪ್ರೀತಿ, ಪ್ರಣಯ ಮತ್ತು ದೇಶಭಕ್ತಿಯ ಟಚ್ ಇರುವ ಈ ಚಿತ್ರದ ಕಥಾಹಂದರಲ್ಲಿ ಈ ಹಾಡು ಸಕತ್ ಸ್ಯೂಟ್ ಆಗಿದ್ದು, ಲಕ್ಷಾಂತರ ಹೃದಯಗಳನ್ನು ಗೆದ್ದಿದೆ.
24 ಸೆಕೆಂಡ್ ಚಿಕನ್ ತಿನ್ನಲು ಜ್ಯೂ.ಎನ್ಟಿಆರ್ ಪಡೆದಿದ್ದು 8 ಕೋಟಿ ರೂ!
ಆದರೆ ಒಂದು ಇಂಟರೆಸ್ಟಿಂಗ್ ವಿಷಯ ಗೊತ್ತಾ? ಮಲಿಕ್ ಸಂಗೀತ ಸಂಯೋಜನೆಯಲ್ಲಿ ಸೋನು ನಿಗಮ್ ಹಾಡಿರುವ ಫರಾ ಖಾನ್ ನಿರ್ದೇಶನದ ತುಮ್ಸೆ ಮಿಲ್ಕೆ ದಿಲ್ ಕಾ (Tum Se milke Dil ka) ಹಾಡು ತಯಾರಾಗುವಾಗ ಜಾವೇದ್ ಅಖ್ತರ್ ಅವರು ಅನು ಮಲಿಕ್ ಸಂಯೋಜಿಸಿದ ಈ ಹಾಡನ್ನು ಕೇಳಿ ಸ್ಟುಡಿಯೋದಿಂದ ಹೊರ ಹೋಗಿದ್ದ ವಿಷಯ ಈಗ ಬೆಳಕಿಗೆ ಬಂದಿದೆ. ಫರ್ಹಾ ಖಾನ್ ಅವರನ್ನು ಹಿಂತಿರುಗಲು ಮನವರಿಕೆ ಮಾಡಿಕೊಟ್ಟ ಬಳಿಕ ವಾಪಸ್ ಆಗಿದ್ದರಂತೆ. ಇದಕ್ಕೆ ಕಾರಣ, ಜಾವೇದ್ ಅಖ್ತರ್ ಅವರು ಈ ಹಾಡನ್ನು ಬದಲಾಯಿಸುವ ಹಠಕ್ಕೆ ಬಿದ್ದಿದ್ದರಂತೆ. ಒಂದು ವೇಳೆ ಅವರು ಹೇಳಿದಂತೆ ಹಾಡನ್ನು ಬದಲಾಯಿಸಿದರೆ ಇಂದು ಈ ಹಾಡು ಇಷ್ಟೊಂದು ಜನಪ್ರಿಯತೆಯನ್ನು ಗಳಿಸುತ್ತಿರಲಿಲ್ಲ ಎಂದೂ ಹೇಳಲಾಗುತ್ತಿದೆ.
ಅಷ್ಟಕ್ಕೂ ಈ ಹಾಡನ್ನು ಬದಲಾಯಿಸಲು ಪ್ರಸಿದ್ಧ ಗೀತರಚನೆಕಾರ ಜಾವೇದ್ (Jawed Akthar) ಅವರು ಹಠ ಮಾಡಿದ್ದರ ಹಿಂದೆಯೂ ಕುತೂಹಲವಿದೆ. ಅದೇನೆಂದರೆ, ಇದನ್ನು ಕವ್ವಾಲಿ ರೀತಿಯಲ್ಲಿ ಸಂಗೀತ ಸಂಯೋಜನೆ ಮಾಡಲಾಗಿತ್ತು. ಆದರೆ ಈ ಹಾಡಿಗೆ "ಚೆಕ್ ದಟ್, ಲೈಕ್ ದಟ್" ಎಂಬ ಎರಡು ಇಂಗ್ಲೀಷ್ ಪದಗಳನ್ನು ಸೇರಿಸಲಾಗಿತ್ತು. ಇದೇ ಅವರ ಅಸಮಾಧಾನಕ್ಕೆ ಕಾರಣವಾಗಿ ಈ ಹಾಡು ಬೇಡವೇ ಬೇಡ ಎಂದು ಹೊರನಡೆದಿದ್ದರು ಎನ್ನುವ ಬಗ್ಗೆ ಅನು ಮಲಿಕ್ ಹೇಳಿದ್ದಾರೆ. 'ನೀವು ಎಂತಹ ಪದಗಳನ್ನು ಬಳಸುತ್ತೀರಿ. ನನಗೆ ಸ್ವಲ್ಪವೂ ಇಷ್ಟವಾಗಲಿಲ್ಲ' ಎಂದು ಜಾವೇದ್ ಸಾಬ್ ನನಗೆ ಕೇಳಿ ಅಲ್ಲಿಂದ ಹೊರ ಹೋಗಿದ್ದರು ಎಂದು ಅನು ಮಲಿಕ್ ಹೇಳಿದ್ದಾರೆ. ನಂತರ ಈ ಚಿತ್ರದ ನಿರ್ದೇಶಕಿ ಫರ್ಹಾ ಖಾನ್ ಸಮಾಧಾನ ಪಡಿಸಿ ಅವರನ್ನು ವಾಪಸ್ ಕರೆ ತಂದರಂತೆ.
ಈ ಬಗ್ಗೆ ಮಾತನಾಡಿದ ಸಂಗೀತ ಸಂಯೋಜಕರಾದ ಅನು ಮಲಿಕ್ ಅವರು 'ಕವ್ವಾಲಿಯು ಅದರದ್ದೇ ಆದ ಒಂದು ಮಾದರಿಯನ್ನು ಹೊಂದಿರುತ್ತದೆ ಮತ್ತು ಜಾವೇದ್ ಸಾಬ್ ಅದ್ಭುತವಾಗಿ ಬರೆದಿದ್ದಾರೆ. ಅವರು, ನಾನು, ಸೋನು ಮತ್ತು ಹಾಡಿನಲ್ಲಿ ನಟಿಸಿದ ಎಲ್ಲರೂ ಒಗ್ಗೂಡಿ ಈ ಹಾಡನ್ನು ಒಂದು ಸ್ಮರಣೀಯವಾದ ಹಾಡಾಗಿ ಮಾಡಿದೆವು' ಎಂದು ಹೇಳಿದರು. ಇದೊಂದು ಫಂಕಿ ಕವ್ವಾಲಿ ಎಂದು ಫರ್ಹಾ ಖಾನ್ ಹೇಳಿ ಅವರನ್ನು ಸಮಾಧಾನಪಡಿಸಿದ್ದರು. ನಂತರ ಕವ್ವಾಲಿಯಲ್ಲಿ ಈ ರೀತಿಯ ಫಂಕಿ ಕವ್ವಾಲಿ ಟ್ರೆಂಡ್ ಆಗಿ ಬೆಳೆಯಿತು ಎಂದು ಅವರು ಹೇಳಿದ್ದಾರೆ. ಕುತೂಹಲಕಾರಿಯಾಗಿ, ಮೂರು ವರ್ಷಗಳ ಮೈನ್ ಹೂ ನಾ ನಂತರ, ಜಾವೇದ್ ಅಖ್ತರ್ ದರ್ದ್-ಎ-ಡಿಸ್ಕೋದಲ್ಲಿ ಫರಾ ಮತ್ತು ಶಾರುಖ್ ಖಾನ್ ಅವರೊಂದಿಗೆ ಓಂ ಶಾಂತಿ ಓಂನಲ್ಲಿ ಉರ್ದು ಡಿಸ್ಕೋ ಹಾಡನ್ನು ಬರೆದಿದ್ದಾರೆ. 1996 ರ ಸಂಗಮ್ ಆಲ್ಬಂನಲ್ಲಿ ನುಸ್ರತ್ ಫತೇಹ್ ಅಲಿ ಖಾನ್ ಹಾಡಿದ ಕವ್ವಾಲಿ ಶೆಹರ್ ಕೆ ಡುಕಂದರ್ಸ್ ಅನ್ನು ಅಖ್ತರ್ ಅತ್ಯಂತ ಸುಂದರವಾಗಿ ಬರೆದಿದ್ದಾರೆ.
Gehana Vasisth: ಮುಸ್ಲಿಂ ಯುವಕನ ಜೊತೆ ಪೋರ್ನ್ ಕೇಸ್ ನಟಿ ಮದ್ವೆ: ಇಸ್ಲಾಂಗೆ ಮತಾಂತರ?
