National Safe Motherhood Day: 35 ವರ್ಷ ವಯಸ್ಸಿನ ನಂತರ ಗರ್ಭಧಾರಣೆಗೆ ಉಂಟಾಗುವ ಅಪಾಯವೇನು?
ಭಾರತದಲ್ಲಿ ರಾಷ್ಟ್ರೀಯ ಸುರಕ್ಷಿತ ಮಾತೃತ್ವ ದಿನವನ್ನು ಪ್ರತಿ ವರ್ಷ ಏಪ್ರಿಲ್ 11ರಂದು ಆಚರಣೆ ಮಾಡಲಾಗುತ್ತದೆ. 35 ವರ್ಷ ವಯಸ್ಸಿನ ನಂತರ ಗರ್ಭಧಾರಣೆಯ ವಿಷಯಕ್ಕೆ ಬಂದಾಗ, ಮಹಿಳೆಯರು ಹಲವಾರು ಸಮಸ್ಯೆಯನ್ನು ಎದುರಿಸುತ್ತಾರೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
 )
Followಭಾರತದಲ್ಲಿ ರಾಷ್ಟ್ರೀಯ ಸುರಕ್ಷಿತ ಮಾತೃತ್ವ ದಿನವನ್ನು ಪ್ರತಿ ವರ್ಷ ಏಪ್ರಿಲ್ 11ರಂದು ಆಚರಣೆ ಮಾಡಲಾಗುತ್ತದೆ. ತಾಯಂದಿರು ಎದುರಿಸುತ್ತಿರುವ ಸವಾಲುಗಳ ಬಗ್ಗೆ ಜನಸಾಮಾನ್ಯರಿಗೆ ಶಿಕ್ಷಣ ನೀಡಲು ಮತ್ತು ಸುರಕ್ಷಿತ ಗರ್ಭಧಾರಣೆ ಮತ್ತು ಪ್ರಸವಾನಂತರದ ಬೆಂಬಲದ ಬಗ್ಗೆ ಜಾಗೃತಿ ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ. ಗರ್ಭಾವಸ್ಥೆಯು ಮಹಿಳೆಯ ಜೀವನ-ಪರಿವರ್ತನೆಯ ಪ್ರಯಾಣವಾಗಿದೆ. ಈ ಸಮಯದಲ್ಲಿ ತಾಯಿಯ ಆರೋಗ್ಯವು ಸುರಕ್ಷಿತ ಮತ್ತು ತೊಡಕು ಮುಕ್ತ ಹೆರಿಗೆಯ ಮೇಲೆ ಪರಿಣಾಮ ಬೀರುತ್ತದೆ. ಉತ್ತಮ ಪೋಷಣೆಯಿಂದ ನಿಯಮಿತ ತಪಾಸಣೆಗಳವರೆಗೆ, ನಿರೀಕ್ಷಿತ ತಾಯಿಯು ಪರಿಗಣನೆಗೆ ತೆಗೆದುಕೊಳ್ಳಬೇಕಾದ ಗರ್ಭಧಾರಣೆಯ ವಿವಿಧ ಅಂಶಗಳಿವೆ. ಆ ಬಗ್ಗೆ ಇಲ್ಲಿದೆ ಮಾಹಿತಿ.
35 ವರ್ಷ ವಯಸ್ಸಿನ ನಂತರ ಗರ್ಭಧಾರಣೆಯ ವಿಷಯಕ್ಕೆ ಬಂದಾಗ, ಮಹಿಳೆ ಹಲವು ಸವಾಲುಗಳನ್ನು ಎದುರಿಸುವಂತಾಗಬಹುದು. ಮಹಿಳೆಯರಿಗೆ ವಯಸ್ಸಾದಂತೆ, ಗರ್ಭಧಾರಣೆಯ ಸಂಬಂಧಿತ ತೊಡಕುಗಳ ಅಪಾಯವು ಹೆಚ್ಚಾಗಬಹುದು. ಗರ್ಭಾವಸ್ಥೆಯ ಮಧುಮೇಹ, ಮತ್ತು ಅಧಿಕ ರಕ್ತದೊತ್ತಡದಂತಹ ಪರಿಸ್ಥಿತಿಗಳಿಗೆ ಕಾರಣವಾಗುತ್ತದೆ. ಇದು ಅಕಾಲಿಕ ಜನನ ಅಥವಾ ಕಡಿಮೆ ತೂಕದ ಮಗುವಿನ ಜನನದ ಅಪಾಯವನ್ನೂ ಹೆಚ್ಚು ಮಾಡುತ್ತದೆ. ಸುರಕ್ಷಿತ ಗರ್ಭಧಾರಣೆಯನ್ನು ಹೊಂದಲು, ಆರೋಗ್ಯಕರ ಜೀವನಶೈಲಿಯನ್ನು ದಿನಚರಿಯಲ್ಲಿ ಅಳವಡಿಸಿಕೊಳ್ಳುವುದು ಮುಖ್ಯವಾಗಿದೆ.
ದಾನಿಗಳ ಅಂಡಾಣು, ವೀರ್ಯಾಣು ಪಡೆಯಲು ಕೇಂದ್ರ ಸರ್ಕಾರ ಅಸ್ತು
35ರ ನಂತರ ಗರ್ಭಧಾರಣೆಯ ಸವಾಲುಗಳು
35ರ ನಂತರ ಗರ್ಭಧಾರಣೆಗೆ ಮುಂದಾದಾಗ ಫಲವತ್ತತೆಯ ಕುಸಿತವಾಗುವುದು ಒಂದು ಮುಖ್ಯವಾದ ಸಮಸ್ಯೆಯಾಗಿದೆ. ಮಹಿಳೆಯರು ವಯಸ್ಸಾದಂತೆ, ಮೊಟ್ಟೆಗಳ ಸಂಖ್ಯೆ ಮತ್ತು ಗುಣಮಟ್ಟವು ಕಡಿಮೆಯಾಗುತ್ತದೆ. ಇದು ಗರ್ಭಧಾರಣೆಯಾಗಲು ತೊಂದರೆಗೆ ಕಾರಣವಾಗಬಹುದು. ಮಗುವಿನಲ್ಲಿನ ಅಸಹಜತೆಗಳು, ಡೌನ್ ಸಿಂಡ್ರೋಮ್‌ನಂತಹ ಸಮಸ್ಯೆಗೂ ಕಾರಣವಾಗುತ್ತದೆ. ವಯಸ್ಸಾದ ತಾಯಂದಿರಲ್ಲಿ ಗರ್ಭಾವಸ್ಥೆಯ ದೈಹಿಕ ಅಂಶಗಳು ಸಹ ಭಿನ್ನವಾಗಿರಬಹುದು.
35 ವರ್ಷಕ್ಕಿಂತ ಮೇಲ್ಪಟ್ಟ ತಾಯಂದಿರ ಸಂಖ್ಯೆ ಈಗ ವಿಶ್ವಾದ್ಯಂತ ಹೆಚ್ಚುತ್ತಿದೆ. ಅಮೇರಿಕನ್ ಕಾಲೇಜ್ ಆಫ್ ಪ್ರಸೂತಿ ಮತ್ತು ಸ್ತ್ರೀರೋಗತಜ್ಞರ ಪ್ರಕಾರ (ACOG), 35 ವರ್ಷಗಳ ನಂತರ ಗರ್ಭಧಾರಣೆಯು ಕೆಲವು ಅಪಾಯಗಳು ಮತ್ತು ಪರಿಗಣನೆಗಳೊಂದಿಗೆ ಬರುತ್ತದೆ.
ತಾಯ್ತನದಿಂದ… ಋತುಬಂಧದವರೆಗೆ, ಮಹಿಳೆಯರಲ್ಲಿ ಕಾಮಾಸಕ್ತಿ ಕುಂದೋದು ಯಾವಾಗ?
1. ಅನೆಪ್ಲೋಯಿಡೀಸ್ ಅಥವಾ ಡೌನ್ ಸಿಂಡ್ರೋಮ್‌ನಂತಹ ಕ್ರೋಮೋಸೋಮಲ್ ಅಸಹಜತೆಗಳ ಅಪಾಯವನ್ನು ಹೆಚ್ಚಿಸುವುದು.
2. ಕಡಿಮೆಯಾದ ಫಲವತ್ತತೆ: 35 ವರ್ಷಗಳ ನಂತರ ಫಲವತ್ತತೆಯು ಗಮನಾರ್ಹವಾಗಿ ಕ್ಷೀಣಿಸುತ್ತದೆ. ಇದು ಮೂವತ್ತರ ದಶಕದ ಕೊನೆಯಲ್ಲಿ ಮತ್ತು ನಲವತ್ತರ ಆರಂಭದಲ್ಲಿ ಹೆಚ್ಚು ಸವಾಲನ್ನು ಉಂಟುಮಾಡುತ್ತದೆ.
3. ಸ್ವಾಭಾವಿಕ ಮತ್ತು ತಪ್ಪಿದ ಗರ್ಭಪಾತಗಳ ಹೆಚ್ಚಿನ ಅಪಾಯ.
4. 35 ವರ್ಷಕ್ಕಿಂತ ಮೇಲ್ಪಟ್ಟ ಮಹಿಳೆಯರಲ್ಲಿ ಗರ್ಭಾವಸ್ಥೆಯ ಮಧುಮೇಹದ ಸಾಧ್ಯತೆ ಹೆಚ್ಚು.
5. ಅಧಿಕ ರಕ್ತದೊತ್ತಡ ಮತ್ತು ಪ್ರಿಕ್ಲಾಂಪ್ಸಿಯಾ ಅಪಾಯವೂ ಹೆಚ್ಚಾಗುತ್ತದೆ.
6. ಫಲವತ್ತತೆ ಚಿಕಿತ್ಸೆಗಳ ಪರಿಣಾಮವಾಗಿ ಬಹು ಗರ್ಭಧಾರಣೆಗಳು ಇದರಿಂದ ಪ್ರಿಕ್ಲಾಂಪ್ಸಿಯಾ ಮತ್ತು ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತವೆ.
8. ಹೆಚ್ಚುವರಿ ವೈದ್ಯಕೀಯ ತೊಡಕುಗಳಿಂದಾಗಿ ಸಿಸೇರಿಯನ್ ಹೆರಿಗೆಯ ಸಾಧ್ಯತೆಗಳು ಹೆಚ್ಚು.
