Kitchen Tips: ಕಲೆಯಿರೋ ಟೀ ಸ್ಟ್ರೈನರ್ ಕ್ಲೀನ್ ಮಾಡೋಕೆ ಸಿಂಪಲ್ ಟಿಪ್ಸ್‌
ಚಹಾ ಕುಡಿಯುವುದು ಭಾರತೀಯ ಸಂಸ್ಕೃತಿಯ ಭಾಗವಾಗಿದೆ. ಬೆಳಗ್ಗೆದ್ದು ಬಿಸಿ ಬಿಸಿ ಟೀ ಕುಡಿದರಷ್ಟೇ ಹೆಚ್ಚಿನವರಿಗೆ ಸಮಾಧಾನ. ಹಾಗೆಯೇ ಸಂಜೆ ಹೊತ್ತು ಸಹ ಟೀ, ಸ್ನ್ಯಾಕ್ಸ್ ಇರಲೇಬೇಕು. ಆದ್ರೆ ಹೀಗೆ ಆಗಾಗ ಟೀ ಕುಡಿಯುವುದೇನೋ ಸರಿ. ಆದ್ರೆ ಹೀಗೆ ತಯಾರಿಸೋ ಟೀ ಕುಡಿಯುವಾಗ ಟೀಯನ್ನು ಖಂಡಿತವಾಗಿಯೂ ಸ್ಟ್ರೈನರ್‌ನಲ್ಲಿ ಸೋಸಲೇಬೇಕು. ಆದ್ರೆ ಈ ಟೀ ಸ್ಟ್ರೈನರ್ ಕ್ಲೀನ್ ಮಾಡೋದು ನಿಮ್ಗೆ ಗೊತ್ತಿದ್ಯಾ?
 )
Followಭಾರತೀಯ ಜೀವನಪದ್ಧತಿಯಲ್ಲಿ ಟೀಗೆ ಮಹತ್ವದ ಸ್ಥಾನವಿದೆ. ಬೆಳಗ್ಗೆದ್ದು, ಸಂಜೆ ಹೊತ್ತು ಹೆಚ್ಚಿನವರು ಟೀ ಕುಡಿಯುತ್ತಾರೆ. ಟೀ ಕುಡಿಯುವುದರಿಂದ ಮನಸ್ಸು ರಿಫ್ರೆಶ್ ಆಗುತ್ತದೆ. ಸ್ಟ್ರೆಸ್‌ ಕಡಿಮೆಯಾಗಿ ಮನಸ್ಸು ಖುಷಿಯಾಗಿರುತ್ತದೆ. ಇದಲ್ಲದೆ ಕೆಲವೊಬ್ಬರು ತಲೆನೋವು (Headache) ಶಮನಕ್ಕೂ ಟೀ ಕುಡಿಯುತ್ತಾರೆ. ಚಹಾ (Tea) ಕುಡಿಯುವುದರಿಂದ ಆರೋಗ್ಯಕ್ಕೆ (Health) ಕೆಲವೊಂದು ಪ್ರಯೋಜನವಿದೆ, ಆದರೆ ಟೀ ಕುಡಿಯೋ ರೀತಿ ಸರಿಯಾಗಿರಬೇಕು ಅಷ್ಟೆ. ಅದರಲ್ಲೂ ಟೀ ತಯಾರಿಸುವ ರೀತಿ, ಸೋಸುವ ರೀತಿ ಎಲ್ಲವೂ ಸರಿಯಾಗಿರಬೇಕು. ಆದರೆ ಹೆಚ್ಚಿನವರು ಟೀ ಪಾತ್ರೆ ಹಳತಾಗಿದೆ ಎಂದು ಬದಲಾಯಿಸಿದರೂ ಟೀ ಸೋಸುವ ಉಪಕರಣವನ್ನು ಬದಲಾಯಿಸುವ ಬಗ್ಗೆ ಯೋಚನೆ ಮಾಡುವುದಿಲ್ಲ. ಆದ್ರೆ ಕಲೆ (Mark)ಯಿಂದ ಕೂಡಿರೋ ಸ್ಟ್ರೈನರ್‌ನಿಂದ ಟೀ ಸೋಸಿ ಕುಡಿದರೆ ಆರೋಗ್ಯಕ್ಕೆ ಹಾನಿಯಾಗುತ್ತೆ ಅನ್ನೋ ವಿಚಾರ ನಿಮ್ಗೆ ಗೊತ್ತಿದ್ಯಾ ?
ಬಣ್ಣದ ಟೀ ಸ್ಟ್ರೈನರ್ ಬಳಸುವುದನ್ನು ಯಾಕೆ ತಪ್ಪಿಸಬೇಕು ?
ಚಹಾವನ್ನು ಸೋಸುವಾಗ ಟೀ ಸ್ಟ್ರೈನರ್‌ನಲ್ಲಿರುವ ಕಲೆಗಳು ಚಹಾದ ಮೇಲಿನ ಆಸಕ್ತಿ (Interest)ಯನ್ನು ಕಳೆದುಕೊಳ್ಳುವಂತೆ ಮಾಡಬಹುದು. ಇದರಿಂದ ಆರೋಗ್ಯ ಸಮಸ್ಯೆಯೂ (Health problem) ಉಂಟಾಗಬಹುದು. ಮಾತ್ರವಲ್ಲ ಈ ಟೀ ಸ್ಟ್ರೈನರ್‌ನಲ್ಲಿ ಬ್ಯಾಕ್ಟಿರೀಯಾ ಹಾಗೂ ಸೂಕ್ಷ್ಮಜೀವಿಗಳು ಸಹ ಇರಬಹುದು. ಇವು ಚಹಾದ ರುಚಿಯ ಮೇಲೆ ಪರಿಣಾಮ ಬೀರಬಹುದು. ಹೀಗಾಗಿ ಇಂಥಾ ಟೀ ಸ್ಟ್ರೈನರ್ ಬಳಸುವುದನ್ನು ಕಡ್ಡಾಯವಾಗಿ ತಪ್ಪಿಸಬೇಕು.
ಚಹಾ ರಾಷ್ಟ್ರೀಯ ಪಾನೀಯವಾಗಿ ಘೋಷಿಸಲು ಸಂಸತ್ತಿನಲ್ಲಿ ಅಸ್ಸಾಂ ಸಂಸದರ ಒತ್ತಾಯ
ಪ್ಲಾಸ್ಟಿಕ್ ಅಥವಾ ಸ್ಟೀಲ್, ಯಾವ ಸ್ಟ್ರೈನರ್ ಬಳಸುವುದು ಉತ್ತಮ
ಪ್ಲಾಸ್ಟಿಕ್ ಅಗ್ಗವಾಗಿರಬಹುದು. ಆದರೆ ಅವು ಆರೋಗ್ಯದ ದೃಷ್ಟಿಯಿಂದ ಸುರಕ್ಷಿತವಲ್ಲ. ಹೀಗಾಗಿ ಸ್ಟೇನ್‌ಲೆಸ್ ಸ್ಟೀಲ್ ಟೀ ಸ್ಟ್ರೈನರ್‌ಗಳು, ಸಿಲ್ವರ್ ಬ್ರಾಸ್ ಟೀ ಸ್ಟ್ರೈನರ್‌ಗಳು, ಇತ್ಯಾದಿಗಳಂತಹ ಹಲವು ವಿಧದ ಟೀ ಸ್ಟ್ರೈನರ್‌ಗಳು/ಇನ್‌ಫ್ಯೂಸರ್‌ಗಳು ಇವೆ, ಅವುಗಳನ್ನು ಬಳಸಬಹುದು. ಟೀ ಕುಡಿದು ಆರೋಗ್ಯಕರವಾಗಿರಬೇಕಂದ್ರೆ ಟೀ ಸ್ಟ್ರೈನರ್‌ಗಳನ್ನು ಆಗಾಗ ಸರಿಯಾಗಿ ಸ್ವಚ್ಛ (Clean)ಗೊಳಿಸುವುದು ಸಹ ಒಳ್ಳೆಯದು.
ಪಾತ್ರೆ ತೊಳೆಯುವ ದ್ರವವನ್ನು ಬಳಸಿ: ಟೀ ಸ್ಟ್ರೈನರ್ ಬಳಸಲು ಹಲವು ವಿಧಾನವನ್ನು ಅನುಸರಿಸಬಹುದು. ಸಾಮಾನ್ಯ ಡಿಶ್ ವಾಶಿಂಗ್‌ ದ್ರವದಿಂದ ಸ್ವಚ್ಛಗೊಳಿಸುವುದು ಸರಳವಾದ ವಿಧಾನಗಳಲ್ಲಿ ಒಂದಾಗಿದೆ. ಹರಿಯುವ ನೀರಿನ ಅಡಿಯಲ್ಲಿ ಹಿಡಿದು ಟೀ ಸ್ಟ್ರೈನರ್‌ನ್ನು ಸ್ವಚ್ಛಗೊಳಿಸಬಹುದು ಮತ್ತು ಸುಮಾರು 5 ನಿಮಿಷಗಳ ಕಾಲ ಬಿಸಿ ನೀರಿನಲ್ಲಿ ನೆನೆಸಿ. ನಂತರ, ಅದನ್ನು ತಣ್ಣೀರಿನಿಂದ ತೊಳೆಯಿರಿ. ಇದು ದೀರ್ಘಕಾಲದವರೆಗೆ ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ. ನೀವು ಸ್ಟ್ರೈನರ್ ಅನ್ನು ಗಂಟೆಗಳ ಕಾಲ ತೊಳೆಯದೆ ಇರಿಸಿದಾಗ ಕಲೆಗಳು ಇರುತ್ತವೆ. ಇದು ಮೇಲ್ಮೈಯಲ್ಲಿ ಕಲೆಗಳನ್ನು ಒಣಗಿಸುವಂತೆ ಮಾಡುತ್ತದೆ ಮತ್ತು ಇದರಿಂದ ಟೀ ಸ್ಟ್ರೈನರ್ ಅನ್ನು ಸ್ವಚ್ಛಗೊಳಿಸಲು ಕಷ್ಟವಾಗುತ್ತದೆ. ಮತ್ತು, ಇದು ಲೋಹದ ಸ್ಟ್ರೈನರ್‌ಗಳೊಂದಿಗೆ ರಾಸಾಯನಿಕವಾಗಿ ಪ್ರತಿಕ್ರಿಯಿಸಬಹುದು.
ಸಿಕ್ಕಾಪಟ್ಟೆ ಟೀ ಕುಡಿಯೋ ಅಭ್ಯಾಸನಾ ? ಸ್ಪಲ್ಪ ಕಪ್ ಬಗ್ಗೆನೂ ಗಮನ ಇರ್ಲಿ
ಅಡುಗೆ ಸೋಡಾವನ್ನು ಬಳಸಿ: ಪ್ಲಾಸ್ಟಿಕ್ ಮತ್ತು ಸ್ಟೀಲ್ ಟೀ ಸ್ಟ್ರೈನರ್/ಇನ್ಫ್ಯೂಸರ್ ಎರಡನ್ನೂ ಸ್ವಚ್ಛಗೊಳಿಸಲು ಅಡುಗೆ ಸೋಡಾವನ್ನು ಬಳಸಬಹುದು. ಸಣ್ಣ ಬೌಲ್ ಅನ್ನು ತೆಗೆದುಕೊಂಡು 1 ಟೀಸ್ಪೂನ್ ಅಡಿಗೆ ಸೋಡಾವನ್ನು 4-5 ಚಮಚ ಬೆಚ್ಚಗಿನ ನೀರಿನಲ್ಲಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ದೊಡ್ಡ ಪಾತ್ರೆಯಲ್ಲಿ ಸುರಿಯಿರಿ, ಅದರಲ್ಲಿ ನೀವು ಕೆಲವು ಗಂಟೆಗಳ ಕಾಲ (5-6 ಗಂಟೆಗಳ) ಸ್ಟ್ರೈನರ್ ಅನ್ನು ಅದರಲ್ಲಿ ಮುಳುಗಿಸಬಹುದು. ಅದರ ನಂತರ, ಸ್ಟ್ರೈನರ್ ಅನ್ನು ಸರಿಯಾಗಿ ಉಜ್ಜಲು ಮತ್ತು ತೊಳೆಯಲು ಹಳೆಯ ಟೂತ್ ಬ್ರಷ್ ಅನ್ನು ಬಳಸಿ. ಹೀಗೆ ಮಾಡುವುದರಿಂದ ಗಾಢವಾದ ಕಲೆಗಳು ಸಹ ಇಲ್ಲವಾಗುತ್ತದೆ.
ಬ್ಲೀಚ್ ದ್ರಾವಣವನ್ನು ಬಳಸಿ: ಟೀ ಸ್ಟ್ರೈನರ್ ಅನ್ನು ಸ್ವಚ್ಛಗೊಳಿಸಲು ಬ್ಲೀಚ್ ದ್ರಾವಣವನ್ನು ಸಹ ಬಳಸಬಹುದು. ಈ ವಿಧಾನವನ್ನು ಬಳಸಲು, 1 ಕಪ್ ತಣ್ಣೀರಿನ ಜೊತೆಗೆ 1 ಚಮಚ ಬ್ಲೀಚ್ ಮಿಶ್ರಣ ಮಾಡಿ. ಅಡಿಡುಗೆ ಸೋಡಾ ವಿಧಾನದಂತೆಯೇ, ಸ್ಟ್ರೈನರ್ ಅನ್ನು ಬ್ಲೀಚ್-ವಾಟರ್ ದ್ರಾವಣದಲ್ಲಿ ಕೆಲವು ನಿಮಿಷಗಳವರೆಗೆ ನೆನೆಸಿಡಿ. ನಂತರ, ಟೀ ಸ್ಟ್ರೈನರ್ ಅನ್ನು ಸ್ವಚ್ಛಗೊಳಿಸಲು ಟೂತ್ ಬ್ರಷ್ ಅಥವಾ ಅಂತಹುದೇ ಉಪಕರಣವನ್ನು ಬಳಸಿ. ಅದರ ನಂತರ, ಉಳಿದಿರುವ ಬ್ಲೀಚ್ ದ್ರಾವಣವನ್ನು ತೆಗೆದುಹಾಕಲು ನೀರಿನಿಂದ ಸರಿಯಾಗಿ ಸ್ವಚ್ಛಗೊಳಿಸಿ.
ಟೀ ಕುಡಿದ್ರೆ ಬೊಜ್ಜು ಹೆಚ್ಚುತ್ತಾ? ಅಷ್ಟಕ್ಕೂ ಏನಿರಲಿದೆ ಇದರಲ್ಲಿ ತೂಕ ಹೆಚ್ಚಿಸೋ ಅಂಶ?
ಅಲ್ಕೋಹಾಲ್ ಬಳಸಿ: ಈ ಶುದ್ಧೀಕರಣ ವಿಧಾನವು ತುಂಬಾ ಪರಿಣಾಮಕಾರಿಯಾಗಿದೆ. ಕಲೆಗಳು ಮತ್ತು ಇತರ ಕೊಳಕುಗಳನ್ನು ಸ್ವಚ್ಛಗೊಳಿಸುವಲ್ಲಿ ಅಲ್ಕೋಹಾಲ್ ಅದ್ಭುತ ಗುಣಗಳನ್ನು ಹೊಂದಿದೆ. ಅಲ್ಕೋಹಾಲ್ ಮತ್ತು ನೀರನ್ನು 1: 4 ಅನುಪಾತದಲ್ಲಿ ಮಿಶ್ರಣ ಮಾಡಿ ಮತ್ತು ಟೀ ಸ್ಟ್ರೈನರ್ ಅನ್ನು ರಾತ್ರಿಯಿಡೀ ಮುಳುಗಿಸಿಡಿ. ಬೆಳಗ್ಗೆ, ಅದನ್ನು ನೀರಿನಿಂದ ಸ್ವಚ್ಛವಾಗಿ ತೊಳೆಯಿರಿ.
ಗ್ಯಾಸ್ ಬರ್ನರ್ ಮೇಲೆ ಟೀ ಸ್ಟ್ರೈನರ್ ಹಾಕಿ: ಕಲೆಗಳನ್ನು ತೆಗೆದುಹಾಕಲು ಅತ್ಯಂತ ಪರಿಣಾಮಕಾರಿ ವಿಧಾನವೆಂದರೆ ಬರ್ನರ್ ಮೇಲೆ ಟೀ ಸ್ಟ್ರೈನರ್ ಇಟ್ಟು ಗ್ಯಾಸ್ ಆನ್ ಮಾಡುವುದು. ಇದು ಸ್ಟ್ರೈನರ್‌ನಲ್ಲಿರುವ ಹಾಲು ಅಥವಾ ಚಹಾದ ಕಲೆಗಳನ್ನು ತೆಗೆದುಹಾಕುತ್ತದೆ. ನಂತರ ಸಾಮಾನ್ಯ ಪಾತ್ರೆ ತೊಳೆಯುವ ದ್ರವದಿಂದ ಇದನ್ನು ತೊಳೆದರೆ ಕಲೆಗಳು ಸುಲಭವಾಗಿ ಹೋಗುತ್ತದೆ.
