ಸಾಧನೆಗೆ ವಯಸ್ಸಿನ ಹಂಗಿಲ್ಲ..87ನೇ ವಯಸ್ಸಿನಲ್ಲಿ ಸ್ನಾತಕೋತ್ತರ ಪದವಿ ಪಡೆದ ವೃದ್ಧೆ!
ಅರವತ್ತಾದ್ರೆ ಅರಳು ಮರಳು ಅಂತಾರೆ. ಆದ್ರೆ ಇಲ್ಲೊಬ್ಬ ವೃದ್ಧೆ ವಯಸ್ಸು 87 ಆದ್ರೂ ಸ್ನಾತಕೋತ್ತರ ಪದವಿ ಪಡೆದು ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದ್ದಾರೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ವಯಸ್ಸಾದ ಮಹಿಳೆ (Woman) ತನ್ನ ತಾಯ್ನಾಡಿನಿಂದ ಮೈಲುಗಟ್ಟಲೆ ದೂರ ಹೋದರೂ ಶಿಕ್ಷಣದ (Education) ದೃಢಸಂಕಲ್ಪ ಮತ್ತು ಉತ್ಸಾಹದಿಂದಾಗಿ ಈಗ ಎಲ್ಲರ ದೃಷ್ಟಿ ತನ್ನ ಮೇಲೆ ಬೀಳುವಂತೆ ಮಾಡಿದ್ದಾರೆ. 87 ವರ್ಷ ವಯಸ್ಸಿನ ವರತ ಷಣ್ಮುಗನಾಥನ್ ಅವರು ಯಾರ್ಕ್ ವಿಶ್ವವಿದ್ಯಾಲಯದಿಂದ ಎರಡನೇ ಸ್ನಾತಕೋತ್ತರ ಪದವಿ (Post graduation) ಪಡೆದಿದ್ದಾರೆ. ಆಕೆಯ ಸಾಧನೆಯು (Achievement) ಯಾರ್ಕ್ ವಿಶ್ವವಿದ್ಯಾನಿಲಯದಿಂದ ಸ್ನಾತಕೋತ್ತರ ಪದವಿಯನ್ನು ಗಳಿಸಿದ ಅತ್ಯಂತ ಹಿರಿಯ ವ್ಯಕ್ತಿ ಮತ್ತು ಕೆನಡಾದಲ್ಲಿ ಪದವಿ ಪಡೆದ ಅತ್ಯಂತ ಹಿರಿಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗುವಂತೆ ಮಾಡಿದೆ. ಷಣ್ಮುಗನಾಥನ್ ಅವರನ್ನು ಒಂಟಾರಿಯೊ ಶಾಸಕಾಂಗದಲ್ಲಿ ಗೌರವಿಸಲಾಯಿತು.
ಒಂಟಾರಿಯೊದ ಪ್ರಾಂತೀಯ ಸಂಸತ್ತಿನ ಸದಸ್ಯರಾದ ವಿಜಯ್ ಥನಿಗಸಲಂ, ತಮ್ಮ ಭಾಷಣದಲ್ಲಿ, ವಯಸ್ಸಾದ ಮಹಿಳೆಯು ತನ್ನ 50ರ ದಶಕದ ಮಧ್ಯಭಾಗದಲ್ಲಿ ಯುಕೆ ಯ ಲಂಡನ್‌ನ ಬಿರ್ಕ್‌ಬೆಕ್ ಕಾಲೇಜಿನಲ್ಲಿ ತನ್ನ ಮೊದಲ ಸ್ನಾತಕೋತ್ತರ ಪದವಿಯನ್ನು ಪಡೆದರು ಎಂದು ಹೇಳಿದ್ದಾರೆ. ಅವರು 2004ರಲ್ಲಿ ಕೆನಡಾಕ್ಕೆ ಸ್ಥಳಾಂತರಗೊಂಡರು. ಇದಲ್ಲದೆ ಅವರು, ವರತ ಷಣ್ಮುಗನಾಥನ್‌ರನ್ನು 'ಯುವ ಪೀಳಿಗೆಗೆ ತಮ್ಮ ಪ್ರಯಾಣವನ್ನು ಪ್ರಾರಂಭಿಸಲು ಅಥವಾ ನಮ್ಮ ಹಿರಿಯರಿಗೆ ಮುಂದಿನ ಸಾಧನೆಗಾಗಿ ಸ್ಫೂರ್ತಿ' ಎಂದು ಉಲ್ಲೇಖಿಸಿದ್ದಾರೆ.
ಮಗುವಿನ ತಾಯಿ, ವಯಸ್ಸಿನ್ನೂ ಚಿಕ್ಕದು, ಆದರೆ ಸ್ತನವೇ ಬೇಡವೆಂದು ನಿರ್ಧಿರಿಸದ್ದೇಕೆ?
ಮಹಿಳೆಯ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್
ಷಣ್ಮುಗನಾಥನ್ ಅವರು ದೇಶದ ಹಿರಿಯ ನಾಗರಿಕರಿಗೆ ಬೋಧನಾ ಮನ್ನಾ ಪ್ರೋತ್ಸಾಹದ ಬಗ್ಗೆ ತಿಳಿದ ನಂತರ ಎರಡನೇ ಸ್ನಾತಕೋತ್ತರ ಪದವಿಯೊಂದಿಗೆ ಮುಂದುವರಿಯಲು ನಿರ್ಧರಿಸಿದರು. ಪರಿಣಾಮವಾಗಿ, ಮಗಳ ಪ್ರೋತ್ಸಾಹದಿಂದ, ಅವರು ಕೊರೊನಾವೈರಸ್ ಸಾಂಕ್ರಾಮಿಕದ ನಡುವೆ ಸ್ನಾತಕೋತ್ತರ ಪದವಿಯನ್ನು ಪಡೆದರು. ವಯಸ್ಸಾದ ಮಹಿಳೆಯ ವೀಡಿಯೊ ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗಿದೆ. Instagram ಕ್ಲಿಪ್ 1.5 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಮತ್ತು ಅನೇಕ ಕಾಮೆಂಟ್‌ಗಳನ್ನು ಗಳಿಸಿದೆ.
ಆಕೆಯ ದೃಢ ನಿರ್ಧಾರಕ್ಕೆ ನೆಟಿಜನ್ಸ್ ಮೆಚ್ಚುಗೆ ಸೂಚಿಸಿದ್ದಾರೆ. ಅನೇಕರು ಅವರನ್ನು ಅಭಿನಂದಿಸಿದರು ಮತ್ತು ಅನೇಕರಿಗೆ ಸ್ಫೂರ್ತಿ ಎಂದು ಕರೆದರು. ಒಬ್ಬ ಟ್ವಿಟ್ಟರ್ ಬಳಕೆದಾರರು 'ಸ್ವಯಂ-ಅನುಮಾನ ಹೊಂದಿರುವವರಿಗೆ ಮತ್ತು ಜೀವನದಲ್ಲಿ ಏನನ್ನಾದರೂ ಪ್ರಾರಂಭಿಸಲು ತಡವಾಗಿದೆ ಎಂದು ಭಾವಿಸುವವರಿಗೆ, ಈ ಕಥೆಯು ತುಂಬಾ ಸ್ಫೂರ್ತಿಯಾಗಿದೆ. 87 ಮತ್ತು ಇನ್ನೂ ರಾಕಿಂಗ್' ಎಂದು ತಿಳಿಸಿದ್ದಾರೆ.
90 ವರ್ಷದ ವೃಯೋವೃದ್ಧೆಗೆ ಸಿಕ್ಕಿತು ಕಾಲೇಜು ಪದವಿ ಭಾಗ್ಯ
ಇನ್ನೊಂದೆಡೆ, 60 ವರ್ಷಕ್ಕೆ ಅರಳೋ ಮರಳೋ ಎನ್ನುವ ಹೊತ್ತಿನಲ್ಲಿ ಅಮೆರಿಕದಲ್ಲಿ 90 ವರ್ಷದ ವೃದ್ಧೆಯೊಬ್ಬರು ಕಾಲೇಜಿನಿಂದ ಪದವಿ ಪಡೆದುಕೊಂಡಿದ್ದಾರೆ. ಜೋಯಿಸ್ ಎಂಬ ಮಹಿಳೆ 1950ರಲ್ಲಿ ಉತ್ತರ ಇಲಿನಾಯ್ಸ್‌ ವಿವಿಗೆ ಸೇರಿದ್ದರು. ಆದರೆ ಈ ವೇಳೆ ಸಹ ವಿದ್ಯಾರ್ಥಿಯ ಮೇಲೆ ಪ್ರೇಮವಾಗಿ 1955ರಲ್ಲಿ ವಿದ್ಯಾಭ್ಯಾಸಕ್ಕೆ ಎಳ್ಳುನೀರು ಬಿಟ್ಟು ಮದುವೆಯಾಗಿ 3 ಮಕ್ಕಳು ಮಾಡಿಕೊಂಡಿದ್ದರು.
ಬರಲಿದ್ದಾರೆ ಮಹಿಳಾ ಕಮಾಂಡೋ..! ಇತಿಹಾಸದಲ್ಲಿ ಮೊದಲ ಬಾರಿಗೆ ನೌಕಾ ಪಡೆಯಲ್ಲಿ ಅವಕಾಶ
ಸ್ವಲ್ಪ ಸಮಯದಲ್ಲೆ ಪತಿ ತೀರಿಕೊಂಡಾಗ, ಅವರ ಬಾಲ್ಯ ಸ್ನೇಹಿತನನ್ನು ಮರುವಿವಾಹವಾಗಿ ಒಟ್ಟು 9 ಮಕ್ಕಳ ತಾಯಿ 17 ಮೊಮ್ಮಕ್ಕಳ ಅಜ್ಜಿ 24 ಮರಿಮಕ್ಕಳ ಮುತ್ತಜ್ಜಿಯಾದರು. 2019ರಲ್ಲಿ ವಿಶ್ವವಿದ್ಯಾಲಯಕ್ಕೆ ತಮ್ಮ ಆಗಿನ ಗುರುತಿನಚೀಟಿಯೊಂದಿಗೆ ಮರಳಿ ಆನ್ಲೈನ್‌ ಮೂಲಕ ಪರೀಕ್ಷೆ ತಯಾರಿ ನಡೆಸಿ ಬ್ಯಾಚುಲರ್‌ ಆಫ್‌ ಜನರಲ್‌ ಸ್ಟಡೀಸ್‌ನಲ್ಲಿ ಉತ್ತೀರ್ಣರಾಗಿ ಪದವಿ ಪಡೆದುಕೊಂಡಿದ್ದಾರೆ.
