ಗುಟ್ಟಾಗಿ ನಡೆದೇಹೋಯ್ತಾ ಸತ್ಯ ಸೀರಿಯಲ್ ಲವರ್ಸ್ ರೀತು- ರಾಖಿ ಮದ್ವೆ? ವಿಡಿಯೋ ವೈರಲ್
ಸತ್ಯ ಸೀರಿಯಲ್ ಲವರ್ಸ್ ರೀತು ಮತ್ತು ರಾಖಿ ಜೋಡಿಯ ಮದುವೆಗೆ ನಿಜ ಜೀವನದಲ್ಲಿ ನಡೆದೇ ಹೋಯ್ತಾ? ವೈರಲ್ ವಿಡಿಯೋ ಹೇಳ್ತಿರೋದೇನು?
 )
ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗ್ತಿದ್ದ ಸತ್ಯ ಸೀರಿಯಲ್ ಮುಗಿದು ಕೆಲ ವಾರಗಳೇ ಕಳೆದಿವೆ. ಈ ಸೀರಿಯಲ್ ತರಾತುರಿಯಲ್ಲಿ ಮುಗಿಸದೇ ಎಲ್ಲರಿಗೂ ನ್ಯಾಯ ಒದಗಿಸಿ, ಒಳ್ಳೆಯ ರೀತಿಯಲ್ಲಿ ಮುಗಿಸಿರೋ ಸಮಾಧಾನ ವೀಕ್ಷಕರದ್ದು. ಆದರೆ ಇದರಲ್ಲಿ ಮಿಸ್ ಆದ ಕೆಲವು ಪಾತ್ರಗಳು ಮಾತ್ರ ಹೈಲೈಟ್ ಆದವು. ಸತ್ಯಾಳ ಮಾವ, ಊರ್ಮಿಯ ಗಂಡ ಲಕ್ಷ್ಮಣ, ಆತನ ಎರಡನೆಯ ಪತ್ನಿ ಹಾಗೂ ರೀತುವಿನ ಸ್ನೇಹಿತ ರಾಕಿ ಸೇರಿದಂತೆ ಕೆಲವು ಕಲಾವಿದರು ಕೊನೆಯ ಸಂಚಿಕೆಯಲ್ಲಿ ಮಿಸ್ ಆಗಿದ್ದಾರೆ. ಆದರೆ ವಿಶೇಷವೆಂದರೆ ಈ ಸೀರಿಯಲ್ನಲ್ಲಿ ಹೈಲೈಟ್ ಎನಿಸಿದರುವ ಕೀರ್ತನಾ ಪಾತ್ರಧಾರಿ ಬಿಟ್ಟರೆ ಬಹುತೇಕ ಎಲ್ಲರೂ ಮೊದಲಿನಿಂದಲೂ ಅವರೇ ಇರುವುದು. ಕೆಲವು ಸೀರಿಯಲ್ಗಳಲ್ಲಿ ನಾಯಕ-ನಾಯಕಿಯರೇ ಬದಲಾಗಿ ವೀಕ್ಷಕರ ಬೇಸರಕ್ಕೆ ಕಾರಣವಾಗುವುದು ಇದೆ. ಆದರೆ ಸತ್ಯ ಸೀರಿಯಲ್ನಲ್ಲಿ ಮೇನ್ ಕ್ಯಾರೆಕ್ಟರ್ಗಳು ಅವರೇ ಇರುವುದೇ ಸಮಾಧಾನ ಎನ್ನುತ್ತಿದ್ದಾರೆ ವೀಕ್ಷಕರು. ಜೊತೆಗೆ ಎಲ್ಲರೂ ಒಳ್ಳೆಯವರಾಗಿ ಮಾಡಿ ಸೀರಿಯಲ್ಮುಗಿಸಿರುವುದಕ್ಕೂ ಸಮಾಧಾನ ತಂದಿದೆ.
ಆದರೆ ಇಲ್ಲಿ ಮಿಸ್ ಆದ ರೀತು ಲವರ್ ರಾಕಿ ಅಂದ್ರೆ ಸತ್ಯ ತಮ್ಮ ಎಂದೇ ಕರೆಯುತ್ತಿದ್ದ ರಾಕಿ ಕೊನೆಗೆ ಎಲ್ಲಿ ಹೋದ ಎನ್ನುವುದು ತಿಳಿಯಲಿಲ್ಲ. ಇದರಿಂದಾಗಿ ನಿಮ್ಮ ಮದುವೆ ಕಥೆ ಏನಾಯಿತು ಎಂದು ರೀತುಗೆ ಸೋಷಿಯಲ್ ಮೀಡಿಯಾಗಳಲ್ಲಿ ಪ್ರಶ್ನೆ ಮಾಡುತ್ತಲೇ ಇದ್ದಾರೆ ಅಭಿಮಾನಿಗಳು. ಅವರಿಬ್ಬರ ಮದುವೆಯಾಗುವುದನ್ನು ತೋರಿಸಿಬಿಟ್ಟಿದ್ದರೆ ಸೀರಿಯಲ್ಗೆ ಒಂದು ಅರ್ಥ ಬರುತ್ತಿತ್ತು. ಅದನ್ನು ಅಪೂರ್ಣ ಮಾಡಲಾಗಿದೆ ಎಂದು ಹೇಳಲಾಯಿತು. ಆದರೆ ಸೀರಿಯಲ್ನಲ್ಲಿ ಮದುವೆಯಾಗದ ಈ ಜೋಡಿ ನಿಜವಾಗ್ಲೂ ಮದ್ವೆ ಆಗಿಬಿಟ್ರಾ ಎನ್ನುವಂಥ ವಿಡಿಯೋ ಒಂದು ವೈರಲ್ ಆಗಿದೆ.
ಮುಂಗಾರು ಮಳೆಯೇ... ಗಾಯಕ ಸೋನು ನಿಗಮ್ ಕನ್ನಡ ಹಾಡು ಕಲಿಯಲು ಎಷ್ಟೆಲ್ಲಾ ಕಷ್ಟ ಪಡ್ತಾರೆ ನೋಡಿ...
ಅಷ್ಟಕ್ಕೂ ಈ ವಿಡಿಯೋ ಶೇರ್ ಮಾಡಿಕೊಂಡಿರುವುದು ಮತ್ಯಾರೂ ಅಲ್ಲ, ಖುದ್ದು ರೀತು ಪಾತ್ರಧಾರಿಯಾಗಿರೋ ರಕ್ಷಿತಾ ಭಾಸ್ಕರ್. ರೀತು-ರಾಕಿ ಮದ್ವೆ ಯಾವಾಗ ಎಂದು ಪ್ರಶ್ನೆ ಮಾಡ್ತಿದ್ರಲ್ಲ, ನೋಡಿ ನಮ್ಮ ಮದ್ವೆಯಾಯ್ತು ಎಂದು ರಕ್ಷಿತಾ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ. ಇದನ್ನು ನೋಡಿ ಅಭಿಮಾನಿಗಳು ಒಂದು ಕ್ಷಣ ಅವಕ್ಕಾಗಿರೋದು ಗ್ಯಾರೆಂಟಿ. ಆದರೆ ಇದೇ ವಿಡಿಯೋದಲ್ಲಿ ಕಲರ್ಸ್ ಕನ್ನಡ ಎಂದು ಬರೆದಿರುವ ಕಾರಣ, ಇದು ಯಾವುದೇ ಸೀರಿಯಲ್ ಪಾರ್ಟ್ದು ಎಂದು ತಿಳಿದಿದೆ. ಅದಕ್ಕಾಗಿ ಹಲವರು ನಟಿಯ ಕಾಲೆಳೆದಿದ್ದಾರೆ. ಜೀ ಟಿವಿಯಲ್ಲಿ ಶುರುವಾದ ಲವ್, ಕಲರ್ಸ್ ಕನ್ನಡದಲ್ಲಿ ಮದ್ವೆವರೆಗೂ ಬಂತು ಎಂದು ತಮಾಷೆ ಮಾಡುತ್ತಿದ್ದಾರೆ. ಅಂದಹಾಗೆ ಈ ಜೋಡಿ ಹೂಮಳೆ ಸೀರಿಯಲ್ನಲ್ಲಿ ಕಾಣಿಸಿಕೊಂಡಿದ್ದು, ಈ ಕ್ಯಾರೆಕ್ಟರ್ ನಮಗೆ ತುಂಬಾ ಇಷ್ಟವಾಗಿದೆ ಎಂದು ಕೆಲವರು ಕಮೆಂಟ್ ಮೂಲಕ ತಿಳಿಸುತ್ತಿದ್ದಾರೆ.
ಅಂದಹಾಗೆ ರಕ್ಷಿತಾ ಅವರು, ಇದಾಗಲೇ ಕೆಲವು ಕಿರುತೆರೆಗಳಲ್ಲಿ ನಟಿಸಿದ್ದಾರೆ. ʻರಾಜಾ ರಾಣಿʼ ಸೀರಿಯಲ್ ಮೂಲಕ ಖ್ಯಾತಿ ಪಡೆದ ನಟಿ ಚಂದನಾ ಅನಂತಕೃಷ್ಣ ಮತ್ತು ರಕ್ಷಿತಾ ಹೂಮಳೆ ಧಾರಾವಾಹಿಯಲ್ಲಿ ಜತೆಯಾಗಿ ನಟಿಸಿದ್ದರು. ಇದಾದ ಬಳಿಕ ಸತ್ಯ ಸೀರಿಯಲ್ ಇವರಿಗೆ ಅಪಾರ ಕೀರ್ತಿ ತಂದುಕೊಟ್ಟಿದೆ. ಕ್ಲಾಸಿಕಲ್ ಡ್ಯಾನ್ಸರ್ ಕೂಡ ಆಗಿರುವ ರಕ್ಷಿತಾ ಇದಾಗಲೇ ಹಲವು ಕಡೆಗಳಲ್ಲಿ ಕಾರ್ಯಕ್ರಮ ಕೊಟ್ಟು ಸೈ ಎನಿಸಿಕೊಂಡಿದ್ದಾರೆ. ಇವರ ಈ ಪ್ರತಿಭೆಯನ್ನು ಅವರ ಸೋಷಿಯಲ್ ಮೀಡಿಯಾ ಖಾತೆಗಳಲ್ಲಿ ನೋಡಬಹುದು. ಡ್ಯಾನ್ಸ್‌ ವಿಡಿಯೋ ಜೊತೆ ಸುಮಧುರ ಹಾಡುಗಳನ್ನು ಅವರು ಶೇರ್ ಮಾಡಿಕೊಳ್ಳುತ್ತಿರುತ್ತಾರೆ. ರಾಕಿ ಪಾತ್ರಧಾರಿಯ ಹೆಸರು ಅಮೋಘ್. ಅವರು ಇದಾಗಲೇ ಕೆಲವು ಧಾರಾವಾಹಿಗಳಲ್ಲಿ ನಟಿಸಿದ್ದು, ಇದೀಗ ಶ್ರಾವಣಿ ಸುಬ್ರಹ್ಮಣ್ಯದಲ್ಲಿ ಸುಬ್ಬು ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಈಡೇರಲೇ ಇಲ್ಲ ಡಾ.ರಾಜ್‌ ಕೊನೆಯ ಆಸೆ! ಅಂತಿಮ ಕನಸು ಹೇಳಿದ್ದ ವಿಡಿಯೋ ವೈರಲ್- ಅದರಲ್ಲೇನಿದೆ?
