Asianet Suvarna News Asianet Suvarna News

Big Fat Indian Wedding: ಡಿ.2ರಂದು ಹಸೆಮಣೆ ಏರಲಿದ್ದಾರೆ ಕಿರುತೆರೆ ನಟಿ ಕಾವ್ಯಾ ಗೌಡ!

ಹಸೆಮಣೆ ಏರಲು ಸಜ್ಜಾಗಿರುವ ನಟಿ ಕಾವ್ಯಾ ಗೌಡ ಕನಸಿನ ಮದುವೆ ಬಗ್ಗೆ ರಿವೀಲ್ ಮಾಡಿದ್ದಾರೆ. ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಮದುವೆ ಬಗ್ಗೆ ಅಪ್ಡೇಟ್ ನೀಡುತ್ತಿದ್ದಾರೆ. 
 

Kannada actress Kavya Gowda shares about her Big fat Indian wedding dreams vcs
Author
Bangalore, First Published Nov 26, 2021, 3:37 PM IST
  • Facebook
  • Twitter
  • Whatsapp

ಕನ್ನಡ ಕಿರುತೆರೆ ಜನಪ್ರಿಯ ನಟಿ ಕಾವ್ಯಾ ಗೌಡ (Kavya Gowda) ಮತ್ತು ಉದ್ಯಮಿ ಸೋಮಶೇಖರ್ (Somashekar) ರವರು ಡಿಸೆಂಬರ್ 2ರಂದು ದಾಂಪತ್ಯ ಜೀವನಕ್ಕೆ (Marriage) ಕಾಲಿಡಲು ಸಜ್ಜಾಗಿದ್ದಾರೆ. ಮದುವೆ ತಯಾರಿಯಲ್ಲಿ ಬ್ಯುಸಿಯಾಗಿರುವ ನಟಿ ತಮ್ಮ ಮದುವೆ ಹೇಗಿರಬೇಕು ಎಂದು ಕನಸು ಕಂಡಿದ್ದರು, ಎಂಬುದನ್ನು ರಿವೀಲ್ ಮಾಡಿದ್ದಾರೆ. ಅಲ್ಲದೆ ಇತ್ತೀಚಿಗೆ ನಡೆದ ಬ್ಯಾಚುಲರ್ ಪಾರ್ಟಿ (Bachelor Party) ಹೇಗಿತ್ತು ಈ ಥೀಮ್ ಆಯ್ಕೆ ಮಾಡಿಕೊಳ್ಳಲು ಕಾರಣವೇನು ಎಂದು ತಿಳಿಸಿದ್ದಾರೆ. 

'ಈ ಹಿಂದೆಯೇ ಮದುವೆ ಆಗಬೇಕಿತ್ತು. ಆದರೆ ಕೊರೋನಾದಿಂದ (Covid19) ದಿನಾಂಕ ಮುಂದೂಡಲಾಗಿತ್ತು. ನನ್ನ ಕುಟುಂಬದಲ್ಲಿ ಮದುವೆ ಆಗುತ್ತಿರುವ ಕೊನೆ ಹುಡುಗಿ ನಾನೇ. ಹಾಗೇ ಸೋಮಶೇಖರ್ ಕುಟುಂಬದಲ್ಲಿ ಅವರೇ ಕಿರಯವರು. ಹೀಗಾಗಿ ಮದುವೆಯ ಸಣ್ಣ ಪುಟ್ಟ ಕಾರ್ಯಕ್ರಮಗಳನ್ನೂ ನಾವು ಅದ್ಧೂರಿಯಾಗಿ ಮಾಡಬೇಕು ಎಂದು ಪ್ಲಾನ್ ಮಾಡಿದೆವು. ಸಂಗೀತ್ (Sangeeth, ಮೆಹೆಂದಿ (Mehendi), ಆರತಕ್ಷತೆ (Reception), ಮುಹೂರ್ತ ಮತ್ತು ಕಾಕ್‌ಟೇಲ್ ಪಾರ್ಟಿ (Cocktail party) ಎಲ್ಲವೂ ಪ್ಲಾನ್ ಆಗಿದೆ. ಇದು ಒಂದು ಬಿಗ್ ಫ್ಯಾಟ್ ಇಂಡಿಯನ್ (Big fat Indian wedding) ಮದುವೆ ಆಗಬೇಕು, ಇದರ ಬಗ್ಗೆ ನಾನು ಸದಾ ಕನಸು ಕಾಣುತ್ತಿದ್ದೆ. ಸಮಯ, ಸಂದರ್ಭ ಸರಿ ಹೋಗಲಿ ಎಂದು ಕಾಯುತ್ತಿದ್ದೆವು...ಕೊನೆಗೂ ದಿನಾಂಕ ಫಿಕ್ಸ್ ಮಾಡಿದ್ದೀವಿ,' ಎಂದು ಕಾವ್ಯಾ ಗೌಡ ಟೈಮ್ಸ್ ಆಫ್ ಇಂಡಿಯಾಗೆ ನೀಡಿರುವ ಸಂದರ್ಶನದಲ್ಲಿ ಹೇಳಿ ಕೊಂಡಿದ್ದಾರೆ.

Kannada actress Kavya Gowda shares about her Big fat Indian wedding dreams vcs

ಇನ್ನು ಕೆಲವು ದಿನಗಳ ಹಿಂದೆ ಕ್ರಿಶ್ಚಿಯನ್ (Christian) ರೀತಿಯಲ್ಲಿ ಬ್ಯಾಚುಲರ್ ಪಾರ್ಟಿ ಹಮ್ಮಿಕೊಂಡ ಕಾವ್ಯಾ ಗೌಡ ಮತ್ತು ಸ್ನೇಹಿತರು ಡಿಸೈನರ್ ಔಟ್‌ಫಿಟ್‌ನಲ್ಲಿ ಕಾಣಿಸಿಕೊಂಡಿದ್ದರು.  ಸಹೋದರಿ ಭವ್ಯಾ ಗೌಡ (Bhavya Gowda) ಮತ್ತು ಅವರು ಪುತ್ರಿ ಮತ್ತು ಭಾವಿ ಪತಿ ಸೋಮಶೇಖರ್ ಕೂಡ ಈ ಪಾರ್ಟಿಯಲ್ಲಿ ಭಾಗಿಯಾಗಿದ್ದರು.  'ನನ್ನ ಮದುವೆಯ ಎಲ್ಲಾ ಕಾರ್ಯಕ್ರಮಗಳಿಗೂ ಒಂದೊಂದು ಥೀಮ್ (Theme Wedding) ಬಗ್ಗೆ ನಾನು ಚಿಂತಿಸಿದ್ದೆ. ಇದಾದ ಮೇಲೆ ಮೆಹೆಂದಿ, ಬಳೆ ಶಾಸ್ತ್ರ ಆನಂತರ ಸಂಗೀತ್.  ಆರತಕ್ಷತೆ ಡಿಸೆಂಬರ್ 1ರಂದು ನಡೆಯಲಿವೆ. 2ರಂದು ಮುಹೂರ್ತ. ಇವೆಲ್ಲಾ ಆದ ನಂತರ ಪಾರ್ಟಿ ಹಮ್ಮಿಕೊಂಡಿದ್ದೀವಿ,' ಎಂದು ಕಾವ್ಯಾ ತಿಳಿಸಿದ್ದಾರೆ. 

Bride to be: ಕಿರುತೆರೆ ನಟಿ ಕಾವ್ಯಾ ಗೌಡ ಬ್ಯಾಚುಲರ್ ಪಾರ್ಟಿ ಹೇಗಿತ್ತು ನೋಡಿ...

ಸ್ಕಿನ್ ಕೇರ್ (Skin care),ಮೇಕಪ್, ಬಟ್ಟೆ ಹೀಗೆ ತಯಾರಿಯಲ್ಲಿರುವ ನಟಿ ಕ್ಯಾವ್ಯಾ ಗೌಡ ಕೆಲವು ತಿಂಗಳುಗಳ ಹಿಂದೆ ಫ್ಯಾಮಿಲಿ ಜೊತೆ ಜಾಲಿ ಟ್ರಿಪ್ (Trip) ಮಾಡಿದ್ದರು. ಕುಟುಂಬಸ್ಥರ ಜೊತೆ ಭಾವಿ ಪತಿ ಸೋಮಶೇಖರ್ ಕೂಡ ಭಾಗಿಯಾಗಿದ್ದರು. ಇಬ್ಬರೂ ಕೆಲವು ಸ್ಪೂರ್ಟ್ಸ್‌ ಗೇಮ್ ಜೊತೆಗೆ ಟ್ರೆಕ್ಕಿಂಗ್ (trecking) ಮಾಡಿದ್ದಾರೆ. 

ಭಾವಿ ಪತಿ ಜೊತೆ ಕಾವ್ಯಾ ಗೌಡ ಜಾಲಿ ಟ್ರಿಪ್; ಫೋಟೋಗಳಿವು!

ಮದುವೆ ವಿಚಾರ ಅನೌನ್ಸ್ ಮಾಡಲು ಕಾವ್ಯಾ ಮತ್ತು ಸೋಮಶೇಖರ್ ದುಬೈನಲ್ಲಿ (Dubai) ವಿಭಿನ್ನ ಶೈಲಿಯಲ್ಲಿ ಫೋಟೋಶೂಟ್ ಮಾಡಿಸಿದ್ದರು. ಆರಂಭದಲ್ಲಿ ಬಹುತೇಕ ಕೂಲಿಂಗ್ ಗ್ಲಾಸ್ (Cooling glass) ಹಾಕಿಕೊಂಡ ಭಾವೀ ಪತಿ ಫೋಟೋಗಳನ್ನು ಹಂಚಿಕೊಳ್ಳುತ್ತಿದ್ದ ಕಾವ್ಯಾಗೆ, ಅಭಿಮಾನಿಗಳು ಪೂರ್ತಿ ಮುಖ ಕಾಣುವಂತೆ ಫೋಟೋ ಹಾಕಲು ಡಿಮ್ಯಾಂಡ್ ಮಾಡಿದ್ದರು. ಹೀಗಾಗಿ ಸೋಷಿಯಲ್ ಮೀಡಿಯಾ (Social Media) ತುಂಬಾ ಭಾವಿ ಪತಿ ಜೊತೆಗಿರುವ ಫೋಟೋಗಳು ಹೆಚ್ಚಿವೆ. ಕಾವ್ಯಾ ಆಮಂತ್ರಣ ಪತ್ರಿಕೆ (Wedding Invitation) ಅಥವಾ ಡಿಜಿಟಲ್ ಕಾರ್ಡ್ ಯಾವುದೂ ರಿವೀಲ್ ಅಗಿಲ್ಲ, ಯಾರೆಲ್ಲ ಆಗಮಿಸಿ ನವ ಜೋಡಿಗೆ ಆಶೀರ್ವಾದ ಮಾಡಲಿದ್ದಾರೆ ಎಂದು ಕಾದು ನೋಡಬೇಕಿದೆ.

Follow Us:
Download App:
  • android
  • ios