ಬಿಗ್ಬಾಸ್ ನನಗೆ ಸ್ಪೆಷಲ್ ಪವರ್ ಕೊಟ್ರೆ... ಅನ್ನೋ ಪ್ರಶ್ನೆ ಕೇಳಿದ್ರೆ ನೆಟ್ಟಿಗರು ಹೀಗೆಲ್ಲಾ ಹೇಳೋದಾ?
ಬಿಗ್ಬಾಸ್ ನನಗೆ ಸ್ಪೆಷಲ್ ಪವರ್ ಕೊಟ್ರೆ ಎಂದು ಕಲರ್ಸ್ ಕನ್ನಡ ವಾಹಿನಿ ಪ್ರಶ್ನೆ ಕೇಳಿದ್ರೆ, ಅದಕ್ಕೆ ಬಂದಿರೋ ಕಮೆಂಟ್ಸ್ ನೋಡಿ...
![If Bigg Boss gave special power to them many netizens wants to stop show suc If Bigg Boss gave special power to them many netizens wants to stop show suc](https://static-ai.asianetnews.com/images/01hgaq74cbky92zg4gjbrdr7g6/bigg-boss-special-power_363x203xt.jpg)
ಕಳೆದ ಅಕ್ಟೋಬರ್ 8ರಿಂದ ಶುರುವಾಗಿರುವ ಕನ್ನಡದ ಬಿಗ್ಬಾಸ್ನಲ್ಲಿ ಇದಾಗಲೇ ಕೆಲವು ಸ್ಪರ್ಧಿಗಳು ಮನೆಯಿಂದ ಹೊರಗೆ ಹೋಗಿದ್ದಾರೆ. ಇಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಬಿಗ್ಬಾಸ್ ಮನೆ ಪ್ರವೇಶ ಮಾಡಿದ್ದಾರೆ. ದಿನದಿಂದ ದಿನಕ್ಕೆ ಬಿಗ್ಬಾಸ್ ವೀಕ್ಷಕರು ಹೆಚ್ಚುತ್ತಲೇ ಇದ್ದು ಟಿಆರ್ಪಿ ರೇಟೂ ಹೆಚ್ಚುತ್ತಲೇ ಸಾಗಿದೆ. ಬಿಗ್ಬಾಸ್ ಮನೆಯಲ್ಲಿನ ಕಾದಾಟ, ಹುಚ್ಚಾಟಗಳೂ ಮಿತಿ ಮೀರುತ್ತಲೇ ಇದ್ದು, ಜನರು ಬೈದುಕೊಳ್ಳುತ್ತಲೇ ಈ ಷೋದ ಮಜಾ ತೆಗೆದುಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಎರಡು ತಂಡಗಳನ್ನು ಮಾಡಲಾಗಿತ್ತು. ಗಜಕೇಸರಿ ತಂಡ ಹಾಗೂ ಸಂಪತ್ತಿಗೆ ಸವಾಲ್ ತಂಡಗಳ ನಡುವೆ ಫೈಟಿಂಗ್ ಭರ್ಜರಿಯಾಗಿ ನಡೆದಿತ್ತು. ಗಜಕೇಸರಿ ತಂಡದಲ್ಲಿ ಡ್ರೋನ್ ಪ್ರತಾಪ್, ಸಿರಿ, ಸಂಗೀತಾ, ವಿನಯ್, ಸ್ನೇಹಿತ್ ಹಾಗೂ ನಮ್ರತಾ ಇದ್ದರೆ, ಇನ್ನೊಂದು ತಂಡವಾಗಿರುವ ಸಂಪತ್ತಿಗೆ ಸವಾಲ್ನಲ್ಲಿ ವರ್ತೂರು ಸಂತೋಷ್, ಮೈಕಲ್, ತನಿಷಾ, ತುಕಾಲಿ ಸಂತೋಷ್, ಕಾರ್ತಿಕ್ ಹಾಗೂ ನೀತು ಇದ್ದರು. ಬ್ರಹ್ಮಾಂಡ ಗುರೂಜಿ ಆಗಮನ ಕೂಡ ಆಗಿತ್ತು. ಅವರ ನೇತೃತ್ವದಲ್ಲಿಯೇ ಭಾರಿ ಫೈಟ್ ಕೂಡ ನಡೆದಿತ್ತು.
ಇದೀಗ ಇಬ್ಬರು ವೈಲ್ಡ್ ಕಾರ್ಡ್ ಎಂಟ್ರಿ ಆಗಿದೆ. ಒಬ್ಬರು ಫ್ಯಾಷನ್ ಮಾಡೆಲ್ ಪವಿ ಪೂವಪ್ಪ ಮತ್ತೊಬ್ಬರು ಕ್ರಿಕೆಟರ್, ಫ್ಯಾಷನ್ ಮಾಡೆಲ್ ಅವಿನಾಶ್ ಶೆಟ್ಟಿ. ಇದರ ಬೆನ್ನಲ್ಲೇ ಬಿಗ್ಬಾಸ್ ಸ್ಪರ್ಧಿಗಳಿಗೆ ಆಟದ ಟಾಸ್ಕ್ ನೀಡಿದ್ದು, ಭರ್ಜರಿ ಹೊಡೆದಾಟವೂ ನಡೆದಿದೆ. ಇದರ ನಡುವೆಯೇ ಆಗಾಗ್ಗೆ ಕಲರ್ಸ್ ಕನ್ನಡ ವಾಹಿನಿ ಸೋಷಿಯಲ್ ಮೀಡಿಯಾದಲ್ಲಿ ಷೋನ ಹೊರತಾಗಿ ಕೆಲವೊಂದು ವಿಡಿಯೋಗಳನ್ನು ರಿಲೀಸ್ ಮಾಡುವ ಮೂಲಕ ಬಿಗ್ಬಾಸ್ ಪ್ರಿಯರಿಗೆ ಎಂಟರ್ಟೇನ್ಮೆಂಟ್ ನೀಡುತ್ತಿದೆ.
ಆಟದ ಹೆಸರಲ್ಲಿ ಭಾರಿ ಹೊಡೆದಾಟ! ವೈಲ್ಡ್ ಕಾರ್ಡ್ ಎಂಟ್ರಿ ಆಗ್ತಿದ್ದಂತೆಯೇ ಬಿಗ್ಬಾಸ್ ಮನೆಯಲ್ಲಿ ಇದೇನಿದು?
ಇದೀಗ ಅಂಥದ್ದೇ ಮತ್ತೊಂದು ಪ್ರಶ್ನೆಯನ್ನು ವಾಹಿನಿ ನೆಟ್ಟಿಗರ ಮುಂದೆ ಇಟ್ಟಿದೆ. ಅದೇನೆಂದರೆ, ಬಿಗ್ಬಾಸ್ ಒಂದು ವೇಳೆ ನನಗೆ ಸ್ಪೆಷಲ್ ಪವರ್ ಕೊಟ್ಟಿದ್ರೆ...? ಎನ್ನುವ ಪ್ರಶ್ನೆ. ಈ ಪ್ರಶ್ನೆ ಕೇಳಿದ ಕೆಲವೇ ನಿಮಿಷಗಳಲ್ಲಿ ಐದುವರೆ ಸಾವಿರಕ್ಕೂ ಅಧಿಕ ಮಂದಿ ಕಮೆಂಟ್ ಮಾಡಿದ್ದಾರೆ. ಹೆಚ್ಚಿನವರು ತಮ್ಮ ನೆಚ್ಚಿನ ಸ್ಪರ್ಧಿಯ ಹೆಸರು ಹೇಳಿ ಇವರೇ ವಿನ್ನರ್ ಎಂದು ಘೋಷಿಸುವುದಾಗಿ ಹೇಳುತ್ತಿದ್ದಾರೆ. ಇವರ ಪೈಕಿ, ಸಂಗೀತಾ, ವಿನಯ್ ಮತ್ತು ಪ್ರತಾಪ್ ಅಭಿಮಾನಿಗಳ ಪಾಲು ಸ್ವಲ್ಪ ದೊಡ್ಡದ್ದೇ ಇದೆ. ಡ್ರೋನ್ ಪ್ರತಾಪ್ ಅವರಿಗೆ ಫ್ಯಾನ್ಸ್ ಇದ್ದಂತೆಯೇ ಅವರ ವಿರುದ್ಧವೂ ಸಾಕಷ್ಟು ಕಮೆಂಟ್ ಬಂದಿದೆ. ಅವರ ನಾಟಕ ಎಲ್ರಿಗೂ ಗೊತ್ತಾಗೋ ತರ ಮಾಡ್ತೀನಿ ಎಂದು ಹಲವರು ಕಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ಸಂಗೀತಾನನ್ನು ಸೀಕ್ರೇಟ್ ರೂಮ್ಗೆ ಕರೆಸಿ ಯಾರು ಫೇಕ್ ಅಂತ ಹೇಳ್ತಿದ್ದೆ ಎಂದಿದ್ದಾರೆ.
ಆದರೆ ಎಲ್ಲರ ಗಮನ ಸೆಳೆದಿರುವುದು ಏನೆಂದರೆ, ಬಿಗ್ಬಾಸ್ ನನಗೇನಾದ್ರೂ ಪವರ್ ಕೊಟ್ಟಿದ್ರೆ, ಬಿಗ್ಬಾಸ್ ಷೋ ಅನ್ನೇ ಬ್ಯಾನ್ ಮಾಡುತ್ತಿದ್ದೆ ಎನ್ನುವುದು. ಇದಕ್ಕೆ ಹಲವಾರು ಮಂದಿ ರಿಪ್ಲೈ ಮಾಡಿದ್ದು, ನನ್ನ ಆಸೆಯೂ ಇದೆ ಎಂದು ಹೇಳಿದ್ದಾರೆ. ಇನ್ನು ಕೆಲವರು ಎಲ್ಲರನ್ನೂ ಎಲಿಮಿನೇಟ್ ಮಾಡಿ ಮನೆಗೆ ಕಳುಹಿಸಿ ಈ ಸೀಸನ್ ಅನ್ನು ಮುಗಿಸುತ್ತಿದ್ದೆ ಎಂದಿದ್ದಾರೆ. ಆದರೆ ಅಸಲಿಯತ್ತು ಏನೆಂದರೆ, ಹೀಗೆ ದಿನವೂ ಸೋಷಿಯಲ್ ಮೀಡಿಯಾದಲ್ಲಿ ಬೈದುಕೊಳ್ಳುತ್ತಲೇ ಬಿಗ್ಬಾಸ್ನ ಒಂದೂ ಕಂತನ್ನು ಮಿಸ್ ಮಾಡದೇ ನೋಡುವವರೇ ಹೆಚ್ಚು. ಇದೇ ಕಾರಣಕ್ಕೆ ಬಿಗ್ಬಾಸ್ ರಿಯಾಲಿಟಿ ಷೋ, ಕನ್ನಡದಲ್ಲಿ ಮಾತ್ರವಲ್ಲದೇ ಬಹುತೇಕ ಎಲ್ಲಾ ಭಾಷೆಗಳಲ್ಲಿಯೂ ಟಿಆರ್ಪಿ ರೇಟ್ನಲ್ಲಿ ನಂಬರ್ 1 ಆಗಿಯೇ ಮಿಂಚುತ್ತಿದೆ!
ನಾಮಿನೇಟ್ ಆದವರ ಪೈಕಿ ಇಬ್ಬರನ್ನು ಸೇವ್ ಮಾಡಲಿದ್ದಾರೆ ವೈಲ್ಡ್ಕಾರ್ಡ್ ಸ್ಪರ್ಧಿ: ಬಚಾವಾಗುವವರು ಯಾರು?