Asianet Suvarna News Asianet Suvarna News

ರೋಮ್ಯಾಂಟಿಕ್‌ ಹನಿಮೂನ್‌ ಗಾಗಿ ಭಾರತದಲ್ಲಿರುವ 5 ಐಷಾರಾಮಿ ರೈಲುಗಳಿವು!

ಭಾರತದಲ್ಲಿ   ಐಷಾರಾಮಿ ರೈಲುಗಳಿವೆ. ಇದು ಹನಿಮೂನ್‌ ತೆರಳುವ ಜೋಡಿಗಂತು ಹೇಳಿ ಮಾಡಿಸಿದಂತಿದೆ. ಹನಿಮೂನ್‌ ಮೂಡ್‌ ನಲ್ಲಿ ರಾಜವೈಭವದ ಜೊತೆಗೆ ತಮಗಿಷ್ಟದ ರಾಯಲ್‌ ಫುಡ್‌ ಜೊತೆಗೆ ಅತ್ಯುತ್ತಮ ಸ್ಥಳಗಳನ್ನು ಸುತ್ತಬಹುದು.

India Luxury Trains for a royal honeymoon from golden chariot to maharajas express gow
Author
First Published May 28, 2024, 4:45 PM IST

ಇತ್ತೀಚಿಗೆ ಭಾರತೀಯ ರೈಲ್ವೆಯು ಭಾರತದ ವಿವಿಧ ಭಾಗಗಳಲ್ಲಿ ಸಂಚರಿಸುವ ಅತ್ಯಾಧುನಿಕ ಐಷಾರಾಮಿ ರೈಲುಗಳನ್ನು ಹೊರತಂದಿದೆ. ಈ ರೈಲುಗಳು  ರಾಜಮನೆತನ ವೈಭವಕ್ಕಿಂತ, ಭವ್ಯವಾದ ಹೋಟೆಲ್‌ಗಳಲ್ಲಿ ವಾಸಿಸುವುದಕ್ಕಿಂತ ಕಡಿಮೆಯಿಲ್ಲ. ಫ್ಯಾಂಟಸಿಯನ್ನು ಮರು-ಜೀವಂತಗೊಳಿಸುವ ಮೂಲಕ, ಈ ಐಷಾರಾಮಿ ರೈಲುಗಳು ಪ್ರವಾಸಿಗರಿಗೆ ದೇಶದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಅತ್ಯಂತ ಸೌಕರ್ಯ ಮತ್ತು ಐಷಾರಾಮಿಗಳೊಂದಿಗೆ ವೀಕ್ಷಿಸಲು ಅವಕಾಶ ನೀಡುತ್ತವೆ. ಈ ರೈಲುಗಳು ಮತ್ತು ಸೇವೆಗಳು ಅದ್ದೂರಿ ಒಳಾಂಗಣಗಳು, ಭವ್ಯವಾದ ವಾತಾವರಣ ಮತ್ತು ವಿವಿಧ ಬಗೆಯ ಭಕ್ಷ್ಯಗಳನ್ನು ನೀಡುತ್ತದೆ. ಹನಿಮೂನ್‌ ಗೆ ತೆರಳುವ ಜೋಡಿಗೆ ಈ ಟ್ರೈನ್ ಹೇಳಿ ಮಾಡಿಸಿದಂತಿದೆ.

ಪ್ರಸಿದ್ಧ ರೆಸ್ಟೋರೆಂಟ್‌ ಹೊಂದಿರುವ ಭಾರತದ ಕ್ರಿಕೆಟಿಗರು, ಬೆಂಗಳೂರಿನಲ ...

ಪ್ಯಾಲೇಸ್ ಆನ್ ವೀಲ್ಸ್ (Palace On Wheels)
ಮೊದಲನೆಯದು ಐಕಾನಿಕ್ ಪ್ಯಾಲೇಸ್ ಆನ್ ವೀಲ್ಸ್ ರಾಜಸ್ಥಾನದ ರಾಜವೈಭವದ ಸುತ್ತ ಇದು ಸುತ್ತುತ್ತದೆ. ರಾಜ್ಯದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಭಾರತೀಯ ರೈಲ್ವೆ ಮತ್ತು ರಾಜಸ್ಥಾನ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದ  ಜಂಟಿಯಾಗಿ ಹೊರತಂದ ಐಶಾರಾಮಿ ರೈಲು ಇದಾಗಿದೆ. ದೆಹಲಿಯಿಂದ ಪ್ರಾರಂಭವಾಗುವ ಈ ರೈಲು ರಾಜಸ್ಥಾನದ ಪ್ರಮುಖ ಸ್ಥಳಗಳನ್ನು ಒಳಗೊಂಡಿರುವ ಸರ್ಕ್ಯೂಟ್ ಮಾರ್ಗವನ್ನು ಒಳಗೊಂಡಿದೆ. 2009 ರಲ್ಲಿ ಇದರ ಸೇವೆಗಳನ್ನು ನವೀಕರಿಸಲಾಯಿತು.   ರೈಲನ್ನು ಬೆರಗುಗೊಳಿಸುವ ಹೊಸ ಅಲಂಕಾರಗಳು ಮತ್ತು ಐಷಾರಾಮಿ ಆತಿಥ್ಯದ ಭರವಸೆಯೊಂದಿಗೆ ಮರು ಪ್ರಾರಂಭಿಸಲಾಯಿತು. ಇದರ ಟಿಕೆಟ್‌ ದರ 3 ಲಕ್ಷದಿಂದ ಆರಂಭ.

ಪ್ರೇಯಸಿಯಿಂದಲೇ ಪಂದ್ಯದಲ್ಲಿ ಕೆಟ್ಟ ಪ್ರದರ್ಶನ ನೀಡಿದ್ದಾರೆಂದು ದೂಷಿಸಲ ...

ಮಹಾರಾಜ ಎಕ್ಸ್‌ಪ್ರೆಸ್ (Maharaja’s Express)
ಎರಡನೆಯದಾಗಿ ಮಹಾರಾಜ ಎಕ್ಸ್‌ಪ್ರೆಸ್ ಇದು ಸಂಪೂರ್ಣ ಭವ್ಯತೆ ಮತ್ತು ಅತ್ಯಂತ ಐಷಾರಾಮಿ ಸವಾರಿಗಾಗಿ ಅತ್ಯುತ್ತಮ ಸೌಕರ್ಯವನ್ನು ಒದಗಿಸುತ್ತದೆ. ಇದು ದೇಶದ ವಾಯುವ್ಯ ಮತ್ತು ಮಧ್ಯ ಭಾಗಗಳಲ್ಲಿ ನಾಲ್ಕು ಆಯ್ದ ಮಾರ್ಗಗಳಲ್ಲಿ ಚಲಿಸುತ್ತದೆ. ಈ ರೈಲು ಅತ್ಯಂತ ನುರಿತ ಮತ್ತು ತರಬೇತಿ ಪಡೆದ ಆತಿಥ್ಯ ಉದ್ಯಮದ ವೃತ್ತಿಪರರನ್ನು ಹೊಂದಿದೆ,. ಪ್ರತಿಯೊಬ್ಬ ಪ್ರವಾಸಿಗರು ದೇಶದ ವಿವಿಧ ಭಾಗಗಳನ್ನು ಅನ್ವೇಷಿಸುವ ವಿಶಿಷ್ಟ ಅನುಭವವನ್ನು ಇಲ್ಲಿ ಪಡೆಯುತ್ತಾರೆ. ಅದ್ದೂರಿ ಸೂಟ್‌ಗಳಿಂದ ವೈಯಕ್ತಿಕ ಬಟ್ಲರ್‌ವರೆಗೆ, ನೀವು ಕಲ್ಪನೆಗೆ ಮೀರಿದ ಎಲ್ಲವನ್ನೂ ಈ ರೈಲಿನಲ್ಲಿ ಪಡೆಯಬಹುದು. ಇದರ ಆರಂಭಿಕ ಟಿಕೆಟ್‌ ಬೆಲೆ 4 ಲಕ್ಷ, ನಿಮ್ಮ ಅನುಕೂಲಕ್ಕೆ ತಕ್ಕಂತೆ ನಿಮ್ಮ ಬೆಲೆ ಹೆಚ್ಚುತ್ತಾ ಹೋಗುತ್ತದೆ.

ಡೆಕ್ಕನ್ ಒಡಿಸ್ಸಿ (The Deccan Odyssey)
ಮಹಾರಾಷ್ಟ್ರದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಉದ್ದೇಶಿಸಿರುವ ಡೆಕ್ಕನ್ ಒಡಿಸ್ಸಿಯು ಅತ್ಯಾಧುನಿಕ ಐಷಾರಾಮಿ ರೈಲು ಆಗಿದ್ದು ಅದು ನಿಮಗೆ ಪಂಚತಾರಾ ಹೋಟೆಲ್‌ಗಳಲ್ಲಿ ಅಥವಾ ಪಾರಂಪರಿಕ ಅರಮನೆಗಳಲ್ಲಿ ವಾಸಿಸುವ ಅನುಭವವನ್ನು ನೀಡುತ್ತದೆ.  ಇದು ಏಳು ರಾತ್ರಿಗಳು, ಎಂಟು ದಿನಗಳು ಮಹಾರಾಷ್ಟ್ರದಾದ್ಯಂತ ವಿವಿಧ ಪ್ರವಾಸ ಮಾಡಲು ಅವಕಾಶ ಕಲ್ಪಿಸುತ್ತದೆ. ತಾಜ್ ಗ್ರೂಪ್ ಆಫ್ ಹೊಟೇಲ್‌ಗಳು, ಗ್ರ್ಯಾಂಡ್ ಲಾಂಜ್‌ಗಳು ಮತ್ತು ಆನ್‌ಬೋರ್ಡ್ ಸ್ಪಾ ಕೂಡ ಇರಲಿದ್ದು, ಸೊಗಸಾದ ವಿವಿಧ ಖಾದ್ಯ, ರೆಸ್ಟೋರೆಂಟ್‌ನ ವಸತಿ ಸಿಗಲಿದೆ.

ಗೋಲ್ಡನ್‌ ಚಾರಿಟ್ (Golden Chariot)
ದಕ್ಷಿಣ ಭಾರತದ ವೈಭವವನ್ನು  ಅನ್ವೇಷಿಸಲು   ಗೋಲ್ಡನ್‌ ಚಾರಿಟ್ ಅತ್ಯಂತ ಐಶಾರಾಮಿ ಆತಿಥ್ಯವನ್ನು ಹೊಂದಿದೆ. 2008 ರಲ್ಲಿ ಇದನ್ನು ಪ್ರಾರಂಭಿಸಲಾಯ್ತು. ಇದು ದಕ್ಷಿಣ ಭಾರತದ ಅತ್ಯಂತ ಆಫ್-ಬೀಟ್ ಸ್ಥಳಗಳನ್ನು ಪ್ರವಾಸ ಮಾಡಲು ಒಂದು ವಿಶಿಷ್ಟವಾದ ಪ್ರಯಾಣವನ್ನು ನೀಡುತ್ತದೆ. ದಕ್ಷಿಣದ ರಾಜ್ಯಗಳ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯ ತಿಳಿಯಲು ವಿಶ್ವ ದರ್ಜೆಯ ಐಷಾರಾಮಿ ಸೌಕರ್ಯದೊಂದಿಗೆ, ಈ ಐಷಾರಾಮಿ ರೈಲು  ತನ್ನ ಪ್ರತಿಯೊಬ್ಬ ಪ್ರಯಾಣಿಕರಿಗೆ ಸ್ಮರಣೀಯವಾದದ್ದನ್ನು ಒದಗಿಸಲು ಪ್ರತಿಜ್ಞೆ ಮಾಡುತ್ತದೆ. ಆರಂಭಿಕ ಬೆಲೆ 3 ಲಕ್ಷವಾಗಿದೆ.

ರಾಯಲ್ ರಾಜಸ್ಥಾನ್ ಆನ್ ವೀಲ್ಸ್ (Royal Rajasthan On Wheels)
ರಾಜಸ್ಥಾನದಾದ್ಯಂತ ಕೆಲವು ಪ್ರಮುಖ ಪ್ರವಾಸಿ ಸ್ಥಳಗಳ ವೀಕ್ಷಣೆಗೆ ಸಂತೋಷಕರ ಅನುಭವ ನೀಡುವುದು ರಾಯಲ್ ರಾಜಸ್ಥಾನ್ ಆನ್ ವೀಲ್ಸ್. ತನ್ನ ನೆಲದ ಪರಂಪರೆಯ ಬೇರಿನಂತೆ ರೈಲಿನಲ್ಲಿ ಪ್ರಯಾಣಿಸುವ ಪ್ರತಿಯೊಬ್ಬ ಪ್ರಯಾಣಿಕರಿಗೆ ರಾಜಮನೆತನದ ಆತಿಥ್ಯ ನೀಡುತ್ತದೆ. ಅರಮನೆಗಳಿಂದ ವನ್ಯಜೀವಿ ಕೇಂದ್ರಗಳವರೆಗೆ ಈ ರೈಲು ನಗರದ ಎಲ್ಲಾ ಪ್ರಮುಖ ಪ್ರವಾಸಿ ಆಕರ್ಷಣೆಗಳನ್ನು ಒಳಗೊಂಡಿದೆ. ಆರಂಭಿಕ ಬೆಲೆ 3.60 ಲಕ್ಷದಿಂದ ಆರಂಭವಾಗುತ್ತದೆ.

Latest Videos
Follow Us:
Download App:
  • android
  • ios