ರಾಕಿಂಗ್ ಸ್ಟಾರ್‌ಗೆ ತುಂಬಾ ಹಠ: ಯಶ್ ಜೊತೆಗಿನ ಮುನಿಸಿನ ಬಗ್ಗೆ ಉತ್ತರ ಕೊಟ್ಟ ಪ್ರಶಾಂತ್ ನೀಲ್!
ಯಶ್ ಪ್ರಶಾಂತ್ ನೀಲ್.. ಇವರಿಬ್ಬರದ್ದು 7 ವರ್ಷದ ಪರಿಚಯ. ಈ ಏಳು ವರ್ಷದಲ್ಲಿ ಕೆಜಿಎಫ್ ಚಾಪ್ಟರ್ 1 ಹಾಗು ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಮಾಡಿ ಸಾವಿರ ಕೋಟಿ ಕಲೆಕ್ಷನ್ ಮಾಡಿದ್ರು. ಇಬ್ಬರ ಪರಿಶ್ರಮ ಮ್ಯಾಚ್ ಆಗಿದ್ದಕ್ಕೆ ದೊಡ್ಡ ಸಕ್ಸಸ್ಫುಲ್ ಸಿನಿಮಾ ಸಿಕ್ತು.
 )
Followಯಶ್ ಪ್ರಶಾಂತ್ ನೀಲ್.. ಇವರಿಬ್ಬರದ್ದು 7 ವರ್ಷದ ಪರಿಚಯ. ಈ ಏಳು ವರ್ಷದಲ್ಲಿ ಕೆಜಿಎಫ್ ಚಾಪ್ಟರ್ 1 ಹಾಗು ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಮಾಡಿ ಸಾವಿರ ಕೋಟಿ ಕಲೆಕ್ಷನ್ ಮಾಡಿದ್ರು. ಇಬ್ಬರ ಪರಿಶ್ರಮ ಮ್ಯಾಚ್ ಆಗಿದ್ದಕ್ಕೆ ದೊಡ್ಡ ಸಕ್ಸಸ್ಫುಲ್ ಸಿನಿಮಾ ಸಿಕ್ತು. ಇಂತಹ ಹಿಟ್ ಸಿನಿಮಾ ಕೊಟ್ಟ ಜೋಡಿ ಮೇಲೆ ಅದ್ಯಾರ ಕಣ್ಣು ಬಿದ್ದಿತ್ತೋ ಗೊತ್ತಿಲ್ಲ. ಕಾರಣ ಇಲ್ಲದೆ ಇಬ್ಬರ ಮಧ್ಯೆ ವಾರ್ ನಡೆಯುತ್ತಿದೆ. ಇಬ್ಬರು ಮುನಿಸಿಕೊಂಡಿದ್ದಾರೆ ಮಾತು ಬಿಟ್ಟಿದ್ದಾರೆ ಅಂತೆಲ್ಲ ಸುದ್ದಿ ಹಬ್ಬಿತ್ತು. ಈಗ ಅವರಿಬ್ಬರ ಮಧ್ಯೆ ಇದ್ದ ಮನಿಸು ನಿಜವೇ ಅನ್ನೋದಕ್ಕೆ ಉತ್ತರ ಸಿಕ್ಕಿದೆ. ಪ್ರಶಾಂತ್ ನೀಲ್ ರಾಕಿಂಗ್ ಸ್ಟಾರ್ ಯಶ್.
ಸ್ಯಾಂಡಲ್ವುಡ್ ಬೆಳ್ಳಿತೆರೆಯ ಜೋಡೆತ್ತುಗಳು. ಇವರಿಬ್ಬರು ಒಟ್ಟಿಗೆದ್ರೆ ಅಲ್ಲೊಂದು ಮ್ಯಾಜಿಕ್ ಆಗ್ತಿತ್ತು. ಇದು ಕೆಜಿಎಫ್ನಲ್ಲೇ ಗೊತ್ತಾಗಿತ್ತು. ಐದು ವರ್ಷ ಜೊತೆಗಿದ್ದು, ಕೆಜಿಎಫ್ ಹಾಗು ಕೆಜಿಎಫ್ ಚಾಪ್ಟರ್2 ಸಿನಿಮಾ ಮಾಡಿ ಗೆದ್ದಿರೋ ಈ ಜೋಡೆತ್ತುಗಳ ಮಧ್ಯೆ ವಾರ್ ಆಗಿತ್ತಾ.? ಇಬ್ಬರು ಮುನಿಸಿಕೊಂಡಿದ್ರಾ. ಕೆಜಿಎಫ್ ಚಾಪ್ಟರ್2 ಸಿನಿಮಾ ರಿಲೀಸ್ ಆದ ಮೇಲೆ ಇಂತಹದ್ದೊಂದು ಗುಲ್ಲು ಇಡೀ ಚಿತ್ರರಂಗದಲ್ಲಿತ್ತು. ಈಗ ನೀಲ್ ಯಶ್ ಮುನಿಸಿನ ಸುದ್ದಿಗೆ ಉತ್ತರ ಸಿಕ್ಕಿದೆ. ಯಶ್ ಈಗ ನ್ಯಾಷನಲ್ ಸ್ಟಾರ್, ಆ ಕಡೆ ಕರ್ನಾಟಕದ ಹೆಮ್ಮೆ ಅಂತ ಕರೆಸಿಕೊಳ್ತಿರೋ ಪ್ರಶಾಂತ್ ನೀಲ್ ಇಂಡಿಯನ್ ಸಿನಿಮಾ ಜಗತ್ತಿನ ಟಾಪ್ ಡೈರೆಕ್ಟರ್.
ಇವರಿಬ್ಬರ ಸಾಧನೆ ಸಾಧ್ಯವಾಗಿದ್ದು ಇಬ್ಬರು ಒಟ್ಟಿಗೆ ಸೇರಿ ಮಾಡಿದ್ದ ಕೆಜಿಎಫ್ ಸಿನಿಮಾ. ಆದ್ರೆ ಯಶ್ ನೀಲ್ ಮಧ್ಯೆ ಎಲ್ಲವೂ ಸರಿ ಇಲ್ಲ ಅನ್ನೋ ವಿಚಾರ ಬಹಳ ದಿನಗಳಿಂದ ಚಾಲ್ತಿಯಲ್ಲಿತ್ತು. ಈಗ ಸಲಾರ್ ಸಿನಿಮಾದ ಪ್ರಚಾರದಲ್ಲಿರೋ ಡೈರೆಕ್ಟರ್ ನೀಲ್ ಯಶ್ ಜೊತೆಗಿನ ಮನಿಸಿನ ವಿಷಯಕ್ಕೆ ಉತ್ತರ ಕೊಟ್ಟಿದ್ದಾರೆ. ಸಂದರ್ಶನ ಒಂದರಲ್ಲಿ ಮಾತನಾಡಿರೋ ನೀಲ್ ನನ್ನ ಯಶ್ ಸ್ನೇಹ ಬಿಡುವಂತದಲ್ಲ. ನನ್ನ ಯಶ್ ಸ್ನೇಹ ಜೀವನ ಪರ್ಯಂತ ಇರುತ್ತೆ ಎಂದಿದ್ದಾರೆ. ಐದು ಬೆರಳು ಒಂದೇ ತರ ಇರೋಲ್ಲ. ಹಾಗೆ ಒಂದ್ ಸಿನಿಮಾ ಮಾಡ್ತಿದ್ದಾರೆ ಅಂದ್ರೆ ಇಡೀ ತಂಡದಲ್ಲಿ ವರ್ಕ್ ಮಾಡೋರ ಮನಸ್ಸು ಒಂದೇಯಾಗಿರಲ್ಲ.
ಅವರ ಮಧ್ಯೆ ಭಿನ್ನಾಭಿಪ್ರಾಯ ಬರೋದು ಸಹಜ. ಹಾಗೆ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಶೂಟಿಂಗ್ ಮುಗಿಯೋ ಹೊತ್ತಿಗೆ ಯಶ್ ಹಾಗು ನಿರ್ದೇಶಕ ಪ್ರಶಾಂತ್ ನೀಲ್ ಮಧ್ಯೆ ಕೆಲವು ಭಿನ್ನಾಭಿಪ್ರಾಯಗಳು ಆಗಿತ್ತು. ಇದರ ಪರಿಣಾಮ ಯಶ್ ಪ್ರಶಾಂತ್ ನೀಲ್ ಇಬ್ಬರು ನಾಲ್ಕು ತಿಂಗಳು ಮಾತನಾಡೇ ಇರಲಿಲ್ಲವಂತೆ. ಇದನ್ನ ಸ್ವತಹ ಯಶ್ ಹೇಳಿಕೊಂಡಿದ್ರು. ನಿರ್ದೇಶಕ ಪ್ರಶಾಂತ್ ನೀಲ್ಗೆ ತುಂಬಾ ಕೋಪ ಅಂತ ಯಶ್ ಹೇಳಿದ್ರೆ, ಯಶ್ಗೆ ಸಿಕ್ಕಾಪಟ್ಟೆ ಹಠ ಇದೆ. ಬೇಡ ಅಂತ ಡಿಸೈಡ್ ಮಾಡಿದ್ರೆ ಅದೇ ಹಠದಲ್ಲೇ ಯಶ್ ಇರ್ತಾರೆ ಅಂತ ನಿರ್ದೇಶಕ ನೀಲ್ ಹೇಳಿದ್ರು. ಈ ಹಠ ಮತ್ತು ಕೋಪ ಸೇರೋ ಸೇರೊಕೆ ಸಾಧ್ಯನಾ. ಕಂಡಿತ ಇಲ್ಲ. ಹೀಗಾಗೆ ಯಶ್ ನೀಲ್ ಇಬ್ಬರು ನಾಲ್ಕು ತಿಂಗಳು ಮಾತು ಬಿಟ್ಟಿದ್ರು. ಕೊನೆಗೆ ಕಾಂಪ್ರಮೈಸ್ ಮಾಡಿಕೊಂಡು ಕೆಜಿಎಫ್ 2 ಬಿಡುಗಡೆ ಮಾಡಿದ್ರು.
'ಸಲಾರ್' ಟ್ರೇಲರ್ ಪಂಚ್‌ಗೆ ಅಭಿಮಾನಿಗಳು ಫುಲ್ ಫಿದಾ: ಪ್ರಭಾಸ್‌ ಸಕ್ಸಸ್‌ಗೆ ಬ್ರೇಕ್ ಹಾಕಲಿದೆಯಾ ಶಾರುಖ್ 'ಡಂಕಿ'
ಕೆಜಿಎಫ್ ಚಾಪ್ಟರ್ 2 ಸಿನಿಮಾ ರಿಲೀಸ್ ಆಯ್ತು. ದೊಡ್ಡ ಸಕ್ಸಸ್ಸೂ ಪಡೀತು. ಕೊನೆಗೆ ಕೆಜಿಎಫ್ ಸಕ್ಸಸ್ ಪಾರ್ಟಿಯನ್ನೂ ಒಟ್ಟಿಗೆ ಮಾಡಿದ್ದ ನೀಲ್ ಹಾಗು ಯಶ್ ಕೆಜಿಎಫ್ ಗುಂಗಿಂದ ಹೊರ ಬಂದು ತಮ್ಮ ತಮ್ಮ ಬೇರೆ ಕೆಲಸಗಳಲ್ಲಿ ಬ್ಯುಸಿ ಆದ್ರು. ಆ ನಂತರ ಯಶ್ ಹಾಗು ನೀಲ್ ಎಲ್ಲೋ ಒಟ್ಟಿಗೆ ಕಾಣಿಸಲಿಲ್ಲ. ಇದ್ರಿಂದ ಕೆಜಿಎಫ್ ಸಕ್ಸಸ್ ವಿಷಯದಲ್ಲಿ ಇಬ್ಬರ ಮಧ್ಯೆ ಗಲಾಟೆ ಆಗಿದೆ ಹೀಗಾಗಿ ಒಬ್ಬರಿಗೊಬ್ಬರು ಮಾತಾಡ್ತಿಲ್ಲ ಅಂತ ಹೇಳಲಾಗಿತ್ತು. ಈಗ ಆ ಗಾಸಿಪ್ಗೆ ನಿರ್ದೇಶಕ ನೀಲ್ ಉತ್ತರಿಸಿದ್ದಾರೆ. ನನ್ನ ಯಶ್ ಸ್ನೇಹ ಜೀವನ ಪರ್ಯಂತ ಇರುತ್ತೆ ಎಂದಿದ್ದಾರೆ ಪ್ರಶಾಂತ್ ನೀಲ್. ಹೀಗಾಗಿ ಯಶ್ ಮತ್ತು ನೀಲ್ ಜೊತೆ ಮತ್ತೊಮ್ಮೆ ಮ್ಯಾಜಿಕ್ ಮಾಡೋಕೆ ಸಧ್ಯದಲ್ಲೇ ಜೊತೆಯಾಗ್ತಾರೆ ಅನ್ನೋ ಟಾಕ್ ಶುರುವಾಗಿದೆ.
