ಮದ್ವೆಯಾಗಿ ಬೇಗ ಗರ್ಭ ಧರಿಸಬೇಕು ಅನ್ನೋ ಪ್ಲಾನ್ ಇದ್ರೆ ಇವಿಷ್ಟನ್ನು ತಪ್ಪದೇ ಮಾಡಿ
ಕೆಲವೊಬ್ಬರು ಮದುವೆಯಾದ ಕೆಲವು ವರ್ಷಗಳ ವರೆಗೆ ಮಕ್ಕಳು ಬೇಡವೆಂದು ಲೇಟ್‌ ಪ್ರೆಗ್ರೆನ್ಸಿ ಪ್ಲಾನ್ ಮಾಡುತ್ತಾರೆ. ಆದರೆ ಇನ್ನು ಕೆಲವೊಬ್ಬರು ಮದ್ವೆಯಾದ ವರ್ಷದಲ್ಲೇ ಮಕ್ಕಳು ಪಡೆಯಬೇಕೆಂದು ಅಂದುಕೊಳ್ಳುತ್ತಾರೆ. ನೀವು ಸಹ ಬೇಗ ಪ್ರೆಗ್ನೆನ್ಸಿ ಪ್ಲಾನ್ ಮಾಡಿದ್ರೆ ಇವಿಷ್ಟು ವಿಚಾರಗಳನ್ನು ತಿಳ್ಕೊಂಡಿರ್‌ಬೇಕು.
ನವವಿವಾಹಿತರು ತಮ್ಮ ವೈವಾಹಿಕ ಜೀವನದ ನಂತರ ಮಗುವನ್ನು ಹೊಂದುವ ಮೂಲಕ ತಮ್ಮ ಜೀವನದ ಮುಂದಿನ ಭಾಗವನ್ನು ಪ್ರಾರಂಭಿಸಲು ಕಾತುರದಿಂದ ಕಾಯುತ್ತಾರೆ. ಗರ್ಭಧಾರಣೆಯನ್ನು ಸರಿಯಾಗಿ ಯೋಜಿಸಿದರೆ ಮಗುವು ಸಂತೋಷದ ಜಗತ್ತನ್ನು ತರಬಹುದು. ಆದರೆ ಕೆಲವೊಮ್ಮೆ ಗರ್ಭಿಣಿಯಾಗಲು ಅತಿ ಹೆಚ್ಚು ಸಮಯ ಕಾಯಬೇಕಾಗುತ್ತದೆ. ಹಲವು ಅಡೆತಡೆಗಳಿಂದ ಹಲವೊಬ್ಬರಿಗೆ ದೀರ್ಘ ಸಮಯಗಳ ಕಾಲ ಮಕ್ಕಳಾಗುವುದೇ ಇಲ್ಲ. ಹೀಗಾಗಿ ಬೇಗ ಮಕ್ಕಳಾಗಬೇಕೆಂದು ಪ್ಲಾನ್ ಮಾಡಿದ್ದರೆ ದಂಪತಿಗಳು ಮೊದಲೇ ಕೆಲವೊಂದು ವಿಚಾರಗಳನ್ನು ತಿಳಿದುಕೊಳ್ಳಬೇಕು. ವೇಗವಾಗಿ ಗರ್ಭಿಣಿಯಾಗಲು ವೈದ್ಯರು ಶಿಫಾರಸು ಮಾಡಿದ ಕೆಲವು ಮಾರ್ಗಗಳು ಇಲ್ಲಿವೆ.
ಬೇಗ ಗರ್ಭಧಾರಣೆಗೆ ಧರಿಸಲು ಸಲಹೆಗಳು
1. ಋತುಚಕ್ರದ ಮೇಲೆ ಗಮನ ಕೇಂದ್ರೀಕರಿಸಿ: ಗರ್ಭಿಣಿ (Pregnant)ಯಾಗಲು, ಮಹಿಳೆಯರು ಮೊದಲು ತಮ್ಮ ಋತುಚಕ್ರ (Menstraution)ವನ್ನು ಅರ್ಥಮಾಡಿಕೊಳ್ಳಬೇಕು ವೀರ್ಯವು (Spern) ಮೊಟ್ಟೆಯನ್ನು ಸಂಧಿಸಿದಾಗ ಭ್ರೂಣವು ಆರೋಗ್ಯಕರ ಮಗುವಾಗಿ ಬೆಳೆಯುತ್ತದೆ. ಸಾಮಾನ್ಯ ಋತುಚಕ್ರದಲ್ಲಿ, ಅಂಡೋತ್ಪತ್ತಿ ಸಮಯದ ಪ್ರಕ್ರಿಯೆಯ 13ನೇ ಮತ್ತು 18ನೇ ದಿನದ ನಡುವೆ ಸಂಭವಿಸುತ್ತದೆ. ಈ ಅವಧಿಯಲ್ಲಿ ದಂಪತಿಗಳು ಲೈಂಗಿಕತೆ (Sex)ಯನ್ನು ಹೊಂದಿರಬೇಕು, ಏಕೆಂದರೆ ಇದು ಅವರ ಅತ್ಯಂತ ಫಲವತ್ತಾದ ಅವಧಿಯಾಗಿದೆ.
ಲೇಟ್‌ ಪ್ರೆಗ್ರೆನ್ಸಿ ಪ್ಲಾನ್ ಮಾಡಿದ್ದೀರಾ ? ಹಾಗಿದ್ರೆ ಈ ಟೆಸ್ಟ್ ಮರೀದೆ ಮಾಡಿಸ್ಕೊಳ್ಳಿ
ಸಮಯವನ್ನು ತಿಳಿದುಕೊಳ್ಳುವುದು ಯಾವಾಗಲೂ ಸುಲಭವಲ್ಲ, ಅಂಡೋತ್ಪತ್ತಿಯನ್ನು ಟ್ರ್ಯಾಕಿಂಗ್ ಮಾಡುವುದನ್ನು ವಿವಿಧ ಆನ್‌ಲೈನ್ ಅಪ್ಲಿಕೇಶನ್‌ಗಳು ಸುಲಭವಾಗಿಸಿವೆ. ಈ ಬಗ್ಗೆ ಮಹಿಳೆಯರು ಫೋಲಿಕ್ಯುಲಾರ್ ಅಧ್ಯಯನಗಳನ್ನು ಸಹ ಮಾಡಬಹುದು ಅಥವಾ ಅವರ ಫಲವತ್ತಾದ ಚಕ್ರವನ್ನು ಪರೀಕ್ಷಿಸಲು ಅಂಡೋತ್ಪತ್ತಿ ಕಿಟ್‌ಗಳನ್ನು ತಮ್ಮ ಹತ್ತಿರದ ಯಾವುದೇ ವೈದ್ಯಕೀಯ ಮಳಿಗೆಗಳಿಂದ ಪಡೆಯಬಹುದು.
2. ಸಂಭೋಗದ ಸಮಯದಲ್ಲಿ ಈ ವಿಷಯಗಳನ್ನು ನೆನಪಿನಲ್ಲಿಡಿ: ಲೈಂಗಿಕ ಸಂಭೋಗದ ನಂತರ ದಂಪತಿಗಳು (Couple) ತಕ್ಷಣವೇ ಜನನಾಂಗವನ್ನು ತೊಳೆಯಲು ಮತ್ತು ಸ್ವಚ್ಛಗೊಳಿಸಲು ಮುಂದಾಗಬಾರದು. ಕಾಂಡೋಮ್‌ಗಳನ್ನು ಒಳಗೊಂಡಂತೆ ನಿಯಂತ್ರಿತ ಗರ್ಭನಿರೋಧಕಗಳು ಗರ್ಭಾವಸ್ಥೆಗೆ ತಡೆಗೋಡೆಗಳಾಗಿ ಕಾರ್ಯನಿರ್ವಹಿಸಬಹುದು. ಆದ್ದರಿಂದ ಗರ್ಭಿಣಿಯಾಗಲು ಬಯಸುವ ದಂಪತಿಗಳು ಈ ವಿಧಾನಗಳನ್ನು ತಪ್ಪಿಸಬೇಕು. ಅಲ್ಲದೆ, ಸಂಭೋಗದ ಸಮಯದಲ್ಲಿ ಯಾವುದೇ ಎಣ್ಣೆ ಅಥವಾ ಕೆನೆ ಬಳಸದಂತೆ ಸಲಹೆ ನೀಡಲಾಗುತ್ತದೆ.
3. ಫೋಲಿಕ್ ಆಸಿಡ್ ಮಾತ್ರೆಗಳನ್ನು ತೆಗೆದುಕೊಳ್ಳಿ: ಮಹಿಳೆಯರಿಗೆ ಶೀಘ್ರವಾಗಿ ಗರ್ಭಿಣಿಯಾಗುವುದಕ್ಕೆ ಸಂಬಂಧಿಸಿದ ಮೂರನೇ ಸಲಹೆಯೆಂದರೆ, ಗರ್ಭಧಾರಣೆಯ ಯೋಜನೆಗೆ ಮೂರು ತಿಂಗಳ ಮೊದಲು ಅವರು ಫೋಲಿಕ್ ಆಸಿಡ್ ಮಾತ್ರೆಗಳನ್ನು ಸೇವಿಸಲು ಪ್ರಾರಂಭಿಸಬಹುದು. ಅದು ಅವರ ಗರ್ಭಧಾರಣೆಯ ಸಾಧ್ಯತೆಗಳನ್ನು ಸುಧಾರಿಸುತ್ತದೆ. ಫೋಲಿಕ್ ಆಸಿಡ್ ಮಾತ್ರೆಗಳು ಅಂಡೋತ್ಪತ್ತಿಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ, ಫಲೀಕರಣವನ್ನು ಉತ್ತೇಜಿಸುತ್ತದೆ ಮತ್ತು ಆರಂಭಿಕ ಭ್ರೂಣದ ಬದುಕುಳಿಯುವಿಕೆಯನ್ನು ಬೆಂಬಲಿಸುತ್ತದೆ. ಈ ಪೂರಕಗಳು ದಂಪತಿಗಳು ತಮ್ಮ ಗರ್ಭಧಾರಣೆಯ ಗುರಿಗಳನ್ನು ಸಾಧಿಸಲು ಸಹಾಯ ಮಾಡುವಲ್ಲಿ ಹೆಚ್ಚು ನೆರವಾಗುತ್ತವೆ.
Tips for Pregnants: ಹೆರಿಗೆಯ ನಂತರ ಇವು ಬೇಕೇ ಬೇಕು… ಇಲ್ಲಾಂದ್ರೆ, ನರ್ಸ್ ಸಹ ಸಹಾಯಕ್ಕೆ ಬರೋದಿಲ್ಲ!
4. ವೈದ್ಯಕೀಯ ಸಮಸ್ಯೆಗಳಿಗೆ ರೋಗನಿರ್ಣಯವನ್ನು ಪಡೆಯಿರಿ: ಗರ್ಭಧಾರಣೆಯ ಪ್ಲಾನ್ ಮಾಡಿದ್ದರೆ ನಿಯಮಿತವಾಗಿ ವೈದ್ಯರನ್ನು ಸಂಪರ್ಕಿಸುವುದನ್ನು ಮರೆಯದಿರಿ. ಮುಟ್ಟಿನ ಕ್ರಮಗಳು, ಯೋನಿಯಲ್ಲಿ ಬಿಳಿ ಸ್ರವಿಸುವಿಕೆ ಅಥವಾ ಕ್ಷಯರೋಗದ ಇತಿಹಾಸ ಮತ್ತು ಯಾವುದೇ ಕಿಬ್ಬೊಟ್ಟೆಯ ಶಸ್ತ್ರಚಿಕಿತ್ಸೆಯಂತಹ ವೈದ್ಯಕೀಯ ಸಮಸ್ಯೆಗಳಿಗೆ ಒಳಗಾಗಿದ್ದರೆ, ಅವರು ತಮ್ಮ ಗರ್ಭಧಾರಣೆಯನ್ನು ಸರಿಯಾಗಿ ಯೋಜಿಸಲು ಸಹಾಯ ಮಾಡುವ ವೈದ್ಯರು ಅಥವಾ ವಿಶೇಷ ತಜ್ಞರನ್ನು ಸಂಪರ್ಕಿಸಬೇಕು.
5. ನಿಯಮಿತ ವೈದ್ಯಕೀಯ ತಪಾಸಣೆ: ತಮ್ಮ ಋತುಚಕ್ರದ ಸಮಯದಲ್ಲಿ, ಮಹಿಳೆಯರು ತಮ್ಮ ಹಾರ್ಮೋನ್ ಮೌಲ್ಯಮಾಪನ ಮತ್ತು ಹಿಸ್ಟರೊಸಲ್ಪಿಂಗೋಗ್ರಫಿಗೆ ಒಳಗಾಗಬೇಕು. ಇದರಿಂದಾಗಿ ಅವರ ಫಾಲೋಪಿಯನ್ ಟ್ಯೂಬ್ ಪೇಟೆನ್ಸಿ ತಿಳಿಯುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಫಲೋಪಿಯನ್ ಟ್ಯೂಬ್‌ಗಳು ಫಲೀಕರಣಕ್ಕೆ ಹೆಚ್ಚು ನಿರ್ಣಾಯಕವಾಗಿರುವುದರಿಂದ, ಯಾವುದೇ ಸೋಂಕು ಅಥವಾ ಕಿಬ್ಬೊಟ್ಟೆಯ ಶಸ್ತ್ರಚಿಕಿತ್ಸೆಯು (Operation) ಗರ್ಭಾವಸ್ಥೆಯ ಫಲಿತಾಂಶಗಳ ಮೇಲೆ ಪರಿಣಾಮ ಬೀರಬಹುದು. ಅಲ್ಲಿ ಫಲೀಕರಣ ನಡೆಯುವುದರಿಂದ ಫಾಲೋಪಿಯನ್ ಟ್ಯೂಬ್‌ಗಳು ಆರೋಗ್ಯಕರವಾಗಿರಬೇಕು.
6. ಆರೋಗ್ಯಕರ ಜೀವನಶೈಲಿಯನ್ನು ಹೊಂದಿರಿ: ಪುರುಷನ (Men) ವೀರ್ಯವು ಸಾಮಾನ್ಯ ಮತ್ತು ಆರೋಗ್ಯಕರವಾಗಿರುವುದು ಸಹ ಅಗತ್ಯವಾಗಿದೆ. ಅದರಲ್ಲಿ ಯಾವುದೇ ಹೈಡ್ರೋಸಿಲ್ ಇದ್ದರೆ, ಅವರು ಆದಷ್ಟು ಬೇಗ ವಿಶೇಷ ವೈದ್ಯರನ್ನು ಸಂಪರ್ಕಿಸಬೇಕು. ದಂಪತಿಗಳು ಉತ್ತಮ ಆಹಾರ (Food), ಸರಿಯಾದ ವ್ಯಾಯಾಮ (Exercise) ಮತ್ತು ಧೂಮಪಾನ (Smoking) ಮತ್ತು ಮದ್ಯಪಾನವನ್ನು ತ್ಯಜಿಸುವುದು ಸೇರಿದಂತೆ ಉತ್ತಮ ಜೀವನಶೈಲಿ (Lifestyle)ಯನ್ನು ಅನುಸರಿಸುವುದು ಅಷ್ಟೇ ಮುಖ್ಯ, ಇದರಿಂದಾಗಿ ವೀರ್ಯದ ಗುಣಮಟ್ಟ ಮತ್ತು ಪ್ರಮಾಣವು ಚೆನ್ನಾಗಿರುತ್ತದೆ.
