ಮಾಸ್ಟರ್ ಆನಂದ್ ಮತ್ತು ಯಶಸ್ವಿನಿ ದಂಪತಿಗಳ ಡಿವೋರ್ಸ್ ಸುದ್ದಿಗೆ ಯಶಸ್ವಿನಿ ಅವರ ಸಾಮಾಜಿಕ ಜಾಲತಾಣದ ಕಮೆಂಟ್ಗೆ ನೀಡಿದ ಪ್ರತಿಕ್ರಿಯೆಯೇ ಕಾರಣ ಎಂದು ತಿಳಿದುಬಂದಿದೆ. ಯಶಸ್ವಿನಿ ಅವರು ಡಿವೋರ್ಸ್ ಕುರಿತ ಕಮೆಂಟ್ಗೆ ಪ್ರತಿಕ್ರಿಯಿಸಿದ್ದಕ್ಕೆ ಆನಂದ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಯಶಸ್ವಿನಿ ಚಿಕ್ಕ ಉಡುಪಿನಲ್ಲಿ ರೀಲ್ಸ್ ಮಾಡುವುದಕ್ಕೆ ಅಭಿಮಾನಿಗಳಿಂದ ವಿರೋಧ ವ್ಯಕ್ತವಾಗಿದೆ.
ಅವ್ರು ಮಸಾಲೆ ಹಿಡ್ಕೊಂಡು ಕಾಯ್ತಾ ಇದ್ರು, ಇವಳು ನಾನು ಮ್ಯಾಗಿ, ನಾನು ಮ್ಯಾಗಿ ಅಂತ ಹೋದ್ಲು... ಅವ್ರು ಮ್ಯಾಗಿ ಮಾಡಿಕೊಂಡು ತಿಂದ್ರು... ಅಷ್ಟೇ ಆಗಿದ್ದು ಕಥೆ ಇಲ್ಲಿ ಎನ್ನುತ್ತಲೇ ತಮ್ಮ ಡಿವೋರ್ಸ್ ಸುದ್ದಿ ಹರಡಲು ಕಾಯ್ತಾ ಕೂತವರಿಗೆ ಪತ್ನಿ ಯಶಸ್ವಿನಿ ದಾರಿ ಮಾಡಿಕೊಟ್ಟ ಬಗ್ಗೆ ಅಸಮಾಧಾನದಿಂದ ಮಾಸ್ಟರ್ ಆನಂದ್ ಹೇಳಿದ್ದಾರೆ. ಮಾಧ್ಯಮವೊಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ಮಾಸ್ಟರ್ ಆನಂದ್ ಮತ್ತು ಪತ್ನಿ ಯಶಸ್ವಿನಿ ಮಾತನಾಡಿದ್ದು, ಡಿವೋರ್ಸ್ ಸುದ್ದಿ ಹರಡಲು ಕಾರಣವನ್ನು ತಿಳಿಸಿದ್ದಾರೆ. ಈ ಸಂದರ್ಭದಲ್ಲಿ, ಯಾವುದೋ ಪೋಸ್ಟ್ಗೆ ಕಮೆಂಟ್ ಮಾಡಿದ ಪತ್ನಿ ಮೇಲೆ ಆನಂದ್ ಅಸಮಾಧಾನ ಹೊರಹಾಕಿದ್ದಾರೆ.
ಅಷ್ಟಕ್ಕೂ ಮಾಸ್ಟರ್ ಆನಂದ್ ಮತ್ತು ಪತ್ನಿ ಯಶಸ್ವಿನಿ ಅವರ ನಡುವಿನ ವಿಚ್ಛೇದನ ಸುದ್ದಿ ಕೆಲ ತಿಂಗಳಿನಿಂದ ಸ್ಯಾಂಡಲ್ವುಡ್ ಅನ್ನು ಬರಸಿಡಿಲಿನಂತೆ ಬಡಿದಿತ್ತು. ಸಿನಿ ಇಂಡಸ್ಟ್ರಿಯಲ್ಲಿ ಮದುವೆಯಷ್ಟೇ ವೇಗದಲ್ಲಿ ಡಿವೋರ್ಸ್ ಕೂಡ ಆಗುತ್ತಿರುವ ಕಾರಣ ಯಾವುದೇ ಜೋಡಿ ವಿಚ್ಛೇದನ ಪಡೆಯುತ್ತಿದ್ದಾರೆ ಎಂದರೆ, ಅದು ಅಚ್ಚರಿ ತರುವ ವಿಷಯವಾಗಿ ಉಳಿಯುತ್ತಿಲ್ಲ. ಸ್ಥಿತಿ ಹೀಗಿರುವಾಗ ಮಾಸ್ಟರ್ ಆನಂದ್ ಮತ್ತು ಪತ್ನಿ ನಡುವೆ ಬಿರುಕು ಮೂಡಿರುವ ಸುದ್ದಿ ಕ್ಷಣ ಮಾತ್ರದಲ್ಲಿ ವೈರಲ್ ಆಗಿ ಹೋಗಿತ್ತು. ಇದು ಹೇಗೆ ವೈರಲ್ ಆಯಿತೋ ಗೊತ್ತಿಲ್ಲ. ಆದರೆ ಇದರ ಮಧ್ಯೆಯೇ, ಯಶಸ್ವಿನಿ ಅವರು ಷಾರ್ಟ್ ಡ್ರೆಸ್ ಧರಿಸಿ ಹಾಟ್ ಡಾನ್ಸ್ ರೀಲ್ಸ್ ಮಾಡುವ ಮೂಲಕ ಮತ್ತಷ್ಟು ಸದ್ದು ಮಾಡಿಬಿಟ್ಟರು. ಕೊನೆಗೆ ಇದೇ ವಿಚ್ಛೇದನಕ್ಕೆ ಕಾರಣ ಎನ್ನುವಷ್ಟರ ಮಟ್ಟಿಗೆ ಸದ್ದು ಮಾಡಿತು.
ಈಗ ಅದರ ಬಗ್ಗೆ ದಂಪತಿ ಮಾತನಾಡಿದ್ದಾರೆ. ಕಪ್ಪು ಬಣ್ಣದ ಚಿಕ್ಕ ಶಾರ್ಟ್ಸ್ ಹಾಗೂ ನೀಲಿ ಬಣ್ಣದ ಟಾಪ್ ತೊಟ್ಟು,'ಈ ಹಾರ್ಟಿಗೆ ಏನಾಗಿದೆ..' ಅನ್ನೋ ಹಾಡಿಗೆ ಮಾದಕವಾಗಿ ಡಾನ್ಸ್ ಮಾಡಿದ್ದ ಯಶಸ್ವಿನಿ ಅವರ ರೀಲ್ಸ್ಗೆ ಡಿವೋರ್ಸ್ ಬಗ್ಗೆ ಕಮೆಂಟ್ ಹಾಕಿದ್ದ ಮಹಿಳೆಯೊಬ್ಬಳಿಂದು ಇದು ಶುರುವಾಗಿತ್ತು. ಮುಂದಿನ ಡಿವೋರ್ಸ್ಗೆ ದಾರಿ ಎಂದು ಕಮೆಂಟ್ ಹಾಕಲಾಗಿತ್ತು. ಅದಕ್ಕೆ ನಾನು ರಿಪ್ಲೈ ಮಾಡಿ, ಇದು ಸಾಧ್ಯವಿಲ್ಲ. ನಾನು ಮಕ್ಕಳಿಗಿಂತಲೂ ಹೆಚ್ಚಾಗಿ ಆನಂದ್ ಅವರನ್ನು ಪ್ರೀತಿಸುತ್ತೇನೆ ಎಂದೆ. ಇಂಥದ್ದನ್ನ ದಯವಿಟ್ಟು ಹೇಳಬೇಡಿ ಮತ್ತು ಇಲ್ಲಸಲ್ಲದ್ದನ್ನ ರೂಮರ್ ಮಾಡಬೇಡಿ ಎಂದು ಹೇಳಿದ್ದೆ. ಆದರೆ ಡಿವೋರ್ಸ್ ಎನ್ನುವ ಪದವನ್ನೇ ಇಟ್ಟುಕೊಂಡು ಮುಂದೆ ಏನೇನೋ ಗಾಳಿ ಸುದ್ದಿಗಳನ್ನು ಮಾಡಲಾಯಿತು. ಅಲ್ಲಿಂದ ಅದು ಏನೇನೋ ತಿರುವು ಪಡೆದುಕೊಂಡಿತು ಎಂದಿದ್ದಾರೆ.
ಡಿವೋರ್ಸ್ ಸುದ್ದಿ ನಡುವೆಯೇ 'ನನ್ನ ಮುದ್ದಿನ ಗಂಡ' ಎಂದ ಮಾಸ್ಟರ್ ಆನಂದ್ ಪತ್ನಿ- ವಿಡಿಯೋ ವೈರಲ್
ಅದಕ್ಕೆ ಮಾಸ್ಟರ್ ಆನಂದ್ ಅವರು, ಅದು ಯಾರದ್ದೋ ಪೋಸ್ಟ್ ಗೊತ್ತಿಲ್ಲ. ಅಂಥವರು ಇಂಥ ಸುದ್ದಿ ಮಾಡಲು, ಕಮೆಂಟ್ ಹಾಕಲು ಕಾಯುತ್ತಿರುತ್ತಾರೆ. ಯಾರ್ಯಾರಿಗೋ ಇವಳು ರಿಪ್ಲೈ ಮಾಡುವುದು ಏನಿತ್ತು? ಸುಮ್ಮನೇ ಇಂಥವರ ಕಮೆಂಟ್ಗೆ ರಿಪ್ಲೈ ಮಾಡಲು ಹೋಗಿ ಸಿಕ್ಕಾಕಿಕೊಂಡಳು ಎಂದಿದ್ದಾರೆ. ಹಾಗೆ ಕಮೆಂಟ್ ಮಾಡಿದವರ ಬಗ್ಗೆ ಫುಲ್ ಡಿಟೇಲ್ಸ್ ಪಡೆದ್ದಿದ್ದೇನೆ. ವಕೀಲರು ಮತ್ತು ಪೊಲೀಸರು ಅವರ ವಿರುದ್ಧ ಕೇಸ್ ಹಾಕಲು ಹೇಳಿದ್ದರು. ಆದರೆ ಅದೆಲ್ಲಾ ಯಾಕೆ ಎಂದು ಬೇಡ ಎಂದು ಸುಮ್ಮನಾದೆ. ಅವರು ಮಸಾಲೆ ಸ್ಟೋರಿ ಮಾಡಲು ಕಾಯ್ತಾ ಇದ್ರೆ ಇವಳು ನಾನೇ ಮ್ಯಾಗಿ, ಮಸಾಲೆ ಸೇರಿಸಿ ಎಂದು ದಾರಿ ಮಾಡಿಕೊಟ್ರೆ ಇನ್ನೇನಾಗತ್ತೆ ಎಂದು ಮಾಸ್ಟರ್ ಆನಂದ್ ಪತ್ನಿ ಮೇಲೆ ಕೋಪಗೊಂಡರು.
ಅದೇನೇ ಇದ್ದರೂ, ಚಿಕ್ಕ ಚಿಕ್ಕಡ್ರೆಸ್ನಲ್ಲಿ ಹಾಟ್ ಆಗಿ ಯಶಸ್ವಿನಿ ಅವರು ರೀಲ್ಸ್ ಮಾಡುವುದನ್ನು ಆನಂದ್ ಅವರ ಫ್ಯಾನ್ಸ್ ಸಹಿಸುತಿಲ್ಲ. 'ಯಶಸ್ವಿನಿ ಅವರೇ ಆಡ್ಕೊಂಡವರ ಬಾಯಿಗೆ ತುತ್ತಾಗಬಾರದು. ಅದೇ ನೀವು ಸೀರೆ ಉಟ್ಟು ಡಾನ್ಸ್ ಮಾಡಿ ನೋಡಿ. ರೆಸ್ಪಾನ್ಸ್ ಹೆಂಗಿರುತ್ತೆ ಅಂಥ. ಚಿಕ್ಕ ಚಿಕ್ಕ ಬಟ್ಟೆ ಹಾಕ್ಕೊಂಡು ಪಬ್ಲಿಕ್ ಮೀಡಿಯಾದಲ್ಲಿ ಇದೆಲ್ಲಾ ತುಂಬಾ ಜನ ನೋಡತಾರೆ. ಎಲ್ಲರ ಯೋಚನೆನೂ ಒಂದೇ ತರ ಇರಲ್ಲ ಅಲ್ವಾ. ನಿಮಗೆ ಅದೆಲ್ಲಾ ಇಷ್ಟ ಅಂದ್ರೆ ಫ್ಯಾಮಿಲಿ ಗ್ರೂಪ್ನಲ್ಲಿ ಫ್ರೆಂಡ್ಸ್ ಗ್ರೂಪ್ನಲ್ಲಿ ಹಾಕಿ. ಯಾಕಂದ್ರೆ ಕೆಲವೊಂದ್ಸಲ ನಾವು ಮಾಡೋ ಗೊತ್ತಿಲ್ಲದ ತಪ್ಪಿಗೆ ಮನೆಯವರಿಗೂ ಮಾತು ಬರುತ್ತೆ. ಗಂಡದ್ರು ತಲೆ ಎತ್ತಿ ನಡಿಬೇಕಾದ್ರೆ ನಾವು ಕೆಲವೊಂದ್ಸಲ ತಲೆ ಬಗ್ಸೋದು ತಪ್ಪೇನಿಲ್ಲ. ಇದು ನನ್ನ ಅಭಿಪ್ರಾಯ' ಎಂದು ಸಲಹೆ ನೀಡುತ್ತಲೇ ಇದ್ದಾರೆ.
ಜನರು ಸುತ್ತುವರೆದ್ರೂ, ಪೊಲೀಸಪ್ಪ ಎಂಟ್ರಿ ಕೊಟ್ರೂ ನಡು ರಸ್ತೆಯಲಿ ಮೈಮರೆತ ಪ್ರೇಮಿಗಳು! ವಿಡಿಯೋ ವೈರಲ್
