ಮೋಸ ಮಾಡಿದ ಅಧಿಕಾರಿಗಳು, ಒಂದು ಮರದಿಂದ ರೈತನಿಗೆ ಬಂತು 1 ಕೋಟಿ!
Follow Us
Synopsis
ಮಹಾರಾಷ್ಟ್ರದ ರೈತನೊಬ್ಬನ ಜಮೀನಿನಲ್ಲಿ ನೂರು ವರ್ಷಗಳಷ್ಟು ಹಳೆಯದಾದ ರಕ್ತ ಚಂದನದ ಮರವಿದ್ದು, ರೈಲ್ವೆ ಯೋಜನೆಯಿಂದಾಗಿ ಅದರ ಮೌಲ್ಯ ಕೋಟಿ ರೂಪಾಯಿ ಎಂದು ತಿಳಿದುಬಂದಿದೆ. ನ್ಯಾಯಾಲಯವು ರೈತನಿಗೆ ಪರಿಹಾರ ನೀಡುವಂತೆ ಆದೇಶಿಸಿದೆ, ಇದು ರೈತನ ಜೀವನವನ್ನೇ ಬದಲಾಯಿಸಿದೆ.
ಮಹಾರಾಷ್ಟ್ರದ ಯವತ್ಮಾಲ್ ಜಿಲ್ಲೆಯ ಗ್ರಾಮವೊಂದರಲ್ಲಿ ಮರವೊಂದು ರೈತನ ಜೀವನವನ್ನೇ ಬದಲಾಯಿಸಿದೆ. ಖುರ್ಶಿ ಗ್ರಾಮದಲ್ಲಿ ರೈತನ ಜಮೀನಿನಲ್ಲಿ ನೂರು ವರ್ಷಗಳಷ್ಟು ಹಳೆಯದಾದ ರಕ್ತ ಚಂದನದ ಮರವಿದೆ. ರೈತನಿಗೆ ಇದರ ಬಗ್ಗೆ ಮಾಹಿತಿಯೂ ಇರಲಿಲ್ಲ. ರೈಲ್ವೆ ಹಳಿ ಯೋಜನೆ ಅಡಿಯಲ್ಲಿ ರೈಲ್ವೆ ಅಧಿಕಾರಿಗಳು ಈ ಮರವನ್ನು ಗುರುತಿಸಿದಾಗ ಅದರ ಬೆಲೆ ಕೋಟಿ ರೂಪಾಯಿಗೂ ಹೆಚ್ಚು ಎಂದು ತಿಳಿದುಬಂದಿದೆ. ಖುರ್ಶಿ ಗ್ರಾಮದ ಕೇಶವ್ ಶಿಂಧೆ ಅವರ ಜಮೀನಿನಲ್ಲಿ ಈ ಮರ ದಶಕಗಳಿಂದ ನಿಂತಿದೆ. ಆದರೆ ಈ ಮರದ ಬಗ್ಗೆ ಕುಟುಂಬಕ್ಕೆ ಮಾಹಿತಿಯೂ ಇರಲಿಲ್ಲ ಮತ್ತು ಅದರ ಬೆಲೆಯೂ ತಿಳಿದಿರಲಿಲ್ಲ.
ಮಹಾರಾಷ್ಟ್ರದ ಯಾವತ್ಮಾಲ್‌ನ ಕೇಶವ್ ಶಿಂಧೆ ಎಂಬ ರೈತ, ತನ್ನ ಜಮೀನಿನಲ್ಲಿರುವ ಶತಮಾನದಷ್ಟು ಹಳೆಯದಾದ ರಕ್ತ ಚಂದನದ ಮರದಿಂದಾಗಿ ಕೋಟ್ಯಾಧಿಪತಿಯಾಗಿದ್ದಾರೆ. ಬಾಂಬೆ ಹೈಕೋರ್ಟ್ ಭಾರತೀಯ ರೈಲ್ವೆಗೆ ಆ ಮರಕ್ಕೆ ₹1 ಕೋಟಿ ಪರಿಹಾರ ನೀಡುವಂತೆ ಆದೇಶಿಸಿತು, ಇದರ ಮೌಲ್ಯ ಹೆಚ್ಚು. ಈ ಪ್ರಕರಣವು ಭೂಮಾಲೀಕರಿಗೆ ನ್ಯಾಯಯುತ ಪರಿಹಾರದ ಮಹತ್ವ ಮತ್ತು ಕೆಂಪು ಚಂದನದ ಮೌಲ್ಯವನ್ನು ಎತ್ತಿ ತೋರಿಸುತ್ತದೆ.
Red sandalwood smuggling: ತಿರುಪತಿ to ಬೆಂಗಳೂರು ರಕ್ತ ಚಂದನ ರಹಸ್ಯ! ಪೋಲೀಸರ ಭರ್ಜರಿ ಕಾರ್ಯಾಚರಣೆ! SuvarnaNews
ಮರದ ಬೆಲೆ ತಿಳಿದು ಕುಟುಂಬವೇ ದಂಗಾಯಿತು
2013-14ರಲ್ಲಿ ಸಮೀಕ್ಷೆ ನಡೆಸಲು ಬಂದ ರೈಲ್ವೆ ತಂಡದ ಅಧಿಕಾರಿಗಳು, ಇದು ರಕ್ತ ಚಂದನದ ಮರವಾಗಿದ್ದು, ಬಹಳ ಬೆಲೆಬಾಳುವ ಮರ ಎಂದು ಕುಟುಂಬಕ್ಕೆ ತಿಳಿಸಿದರು. ರೈಲ್ವೆ ಇಲಾಖೆ ಭೂಮಿಯನ್ನು ಸ್ವಾಧೀನಪಡಿಸಿಕೊಂಡಿತು ಆದರೆ ಮರದ ಬೆಲೆಯನ್ನು ನೀಡಲು ನಿರಾಕರಿಸಿತು. ಶಿಂಧೆ ಕುಟುಂಬ ರೈಲ್ವೆ ಇಲಾಖೆಯ ಈ ವರ್ತನೆಯಿಂದ ನ್ಯಾಯಾಲಯ ಮೊರೆ ಹೋಯ್ತು. ಕಾನೂನು ಹೋರಾಟ ಸುಮಾರು ಒಂದು ದಶಕಗಳ ಕಾಲ ನಡೆಯಿತು. ಇದಾದ ನಂತರ ಯವತ್ಮಾಲ್ ಜಿಲ್ಲೆಯ ಖಾರ್ಸಿ ಗ್ರಾಮದ ರೈತ ಕೇಶವ್ ಶಿಂಧೆ ಮತ್ತು ಅವರ ಐವರು ಪುತ್ರರು ಅಕ್ಟೋಬರ್ 7, 2024 ರಂದು ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದರು. ವಾರ್ಧಾ-ಯವತ್ಮಾಲ್-ಪುಸಾದ್-ನಾಂದೇಡ್ ರೈಲ್ವೆ ಮಾರ್ಗ ಯೋಜನೆಗಾಗಿ ಭೂಸ್ವಾಧೀನದಿಂದ ಪರಿಣಾಮ ಬೀರುವ ಕೆಂಪು ಶ್ರೀಗಂಧದ ಮರ ಮತ್ತು ಇತರ ಆಸ್ತಿಗಳಿಗೆ ಪರಿಹಾರವನ್ನು ಕೋರುವುದು ಅರ್ಜಿಯಾಗಿತ್ತು.
ಪುಸದ್ ತಾಲೂಕಿನಲ್ಲಿ ಶಿಂಧೆ 2.29 ಹೆಕ್ಟೇರ್ ಕೃಷಿಭೂಮಿಯನ್ನು ಹೊಂದಿದ್ದಾರೆ. ಈ ಭೂಮಿಯ ಒಂದು ಭಾಗವನ್ನು ಕೇಂದ್ರ ರೈಲ್ವೆ ಮಾರ್ಗಕ್ಕಾಗಿ ಸ್ವಾಧೀನಪಡಿಸಿಕೊಂಡಿತು. ಶಿಂಧೆ ಕುಟುಂಬದ ವಕೀಲೆ ಅಂಜನಾ ರಾವುತ್ ನರ್ವಾಡೆ, ಹೇಳುವ ಪ್ರಕಾರ ಆ ಹಳೆಯ ಮರದ ಮೌಲ್ಯವು ಸುಮಾರು 5 ಕೋಟಿ ರೂ. ನಷ್ಟಾಬಹುದು ಎಂದಿದ್ದಾರೆ.
ಆಂಧ್ರಪ್ರದೇಶದವ ಕೆಲವರಿಂದ 94 ವರ್ಷ ವಯಸ್ಸಿನ ಕೇಶವ್ ಶಿಂಧೆ ಮತ್ತು ಅವರ ಪುತ್ರರು ತಮ್ಮ ಜಮೀನಿನಲ್ಲಿರುವ ಕೆಂಪು ಶ್ರೀಗಂಧದ ಮರದ ಬಗ್ಗೆ ತಿಳಿದುಕೊಂಡರು. ಆ ಮರವನ್ನು ಕೆಂಪು ಶ್ರೀಗಂಧ ಎಂದು ಗುರುತಿಸಿ ಅದರ ಹೆಚ್ಚಿನ ಮೌಲ್ಯದ ಬಗ್ಗೆ ಕುಟುಂಬಕ್ಕೆ ತಿಳಿಸಿದರು. ಶಿಂಧೆ ಕುಟುಂವು ಯೂಟ್ಯೂಬ್ ಬಳಸಿಕೊಂಡು ತಮ್ಮದೇ ಆದ ಸಂಶೋಧನೆ ನಡೆಸಿ ತಜ್ಞರನ್ನು ಸಂಪರ್ಕಿಸಿ, ಮರದ ಗುರುತನ್ನು ದೃಢಪಡಿಸಿದರು. ನಂತರ ಅವರು ಕಾನೂನು ಪ್ರಕ್ರಿಯೆಯ ಮೂಲಕ ಸೂಕ್ತ ಪರಿಹಾರವನ್ನು ಕೋರಿದರು.
ರೈತನ ಕುಟುಂಬದಲ್ಲಿ ಸಂತಸ
ಈಗ ನ್ಯಾಯಾಲಯವು ಶಿಂಧೆ ಕುಟುಂಬಕ್ಕೆ ಒಂದು ಕೋಟಿ ರೂಪಾಯಿ ಮೊತ್ತವನ್ನು ನ್ಯಾಯಾಲಯದಲ್ಲಿ ಠೇವಣಿ ಇಡುವಂತೆ ಆದೇಶಿಸಿದೆ. ಈ ಮೊತ್ತದಲ್ಲಿ ಐವತ್ತು ಲಕ್ಷ ರೂಪಾಯಿಗಳನ್ನು ಶಿಂಧೆ ಕುಟುಂಬಕ್ಕೆ ನೀಡಲಾಗಿದೆ. ಏಪ್ರಿಲ್ 9, ರೈಲ್ವೆ ಇಲಾಖೆ ಠೇವಣಿ ಇಟ್ಟಿದೆ. ಉಳಿದ ಮೊತ್ತವನ್ನು ಮರದ ಬೆಲೆಯನ್ನು ನಿರ್ಣಯಿಸಿದ ನಂತರ ನೀಡಲಾಗುಗುತ್ತದೆ. ಶಿಂಧೆ ಕುಟುಂಬದ ಪರವಾಗಿ ನ್ಯಾಯಾಲಯದ ತೀರ್ಪು ಬಂದಿದೆ. ಇದರಿಂದ ರೈತನ ಕುಟುಂಬದಲ್ಲಿ ಸಂತಸದ ಅಲೆ ಎದ್ದಿದೆ. ರಕ್ತ ಚಂದನದ ಈ ಮರ ರೈತ ಕುಟುಂಬವನ್ನು ರಾತ್ರೋರಾತ್ರಿ ಕೋಟ್ಯಾಧಿಪತಿಯನ್ನಾಗಿಸಿದೆ.
ಆಂಧ್ರದಿಂದ ತುಮಕೂರಿಗೆ ಸಾಗಾಟ ವೇಳೆ ದಾಳಿ: ಒಂದು ಕೋಟಿ ಮೌಲ್ಯದ ರಕ್ತಚಂದನ ವಶ..!
ರಕ್ತ ಚಂದನದ ಬೆಲೆ 5 ರಿಂದ 25 ಸಾವಿರ ರೂ
ರಕ್ತ ಚಂದನದ ಮರ ಬಹಳ ಅಪರೂಪ ಮತ್ತು ಇದರ ಮರವು ತುಂಬಾ ವಿಶೇಷವಾಗಿದೆ. ಭಾರತದಲ್ಲಿ ಈ ಮರಕ್ಕೆ ಧಾರ್ಮಿಕ ಮಹತ್ವ ಕೂಡ ಇದೆ, ಮಾತ್ರವಲ್ಲ ಆರೋಗ್ಯದ ದೃಷ್ಠಿಯಿಂದಲೂ ಒಳ್ಳೆಯದು. ಹೀಗಾಗಿ ಇದು ಮತ್ತಷ್ಟು ಬೆಲೆಬಾಳುತ್ತದೆ. ಅಂದಾಜಿನ ಪ್ರಕಾರ ಭಾರತೀಯ ಮಾರುಕಟ್ಟೆಯಲ್ಲಿ ಒಂದು ಕೆಜಿ ರಕ್ತ ಚಂದನದ ಬೆಲೆ ಐದು ಸಾವಿರದಿಂದ ಇಪ್ಪತ್ತೈದು ಸಾವಿರ ರೂಪಾಯಿಗಳವರೆಗೆ ಇದೆ, ಆದರೆ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಈ ಬೆಲೆ ಇನ್ನೂ ಹೆಚ್ಚಾಗುತ್ತದೆ.
ಈ ಮರ ಏಕೆ ವಿಶೇಷ?
ಈ ಮರದ ಮರವು ಗಾಢ ಕೆಂಪು ಬಣ್ಣದ್ದಾಗಿದ್ದು, ಇದು ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ಮುಖ್ಯವಾಗಿ ಈ ಮರ ಬಹಳ ಅಪರೂಪ ಮತ್ತು ಕೆಲವು ಕಡೆಗಳಲ್ಲಿ ಮಾತ್ರ ಕಂಡುಬರುತ್ತದೆ. ಇದನ್ನು ಧಾರ್ಮಿಕ ಕಾರ್ಯಗಳಲ್ಲದೆ, ಅತ್ಯುನ್ನತ ಗುಣಮಟ್ಟದ ಪೀಠೋಪಕರಣಗಳನ್ನು ತಯಾರಿಸಲು ಸಹ ಬಳಸಲಾಗುತ್ತದೆ. ರಕ್ತ ಚಂದನದ ಮರದ ಮರವು ಔಷಧೀಯ ಗುಣಗಳನ್ನು ಸಹ ಹೊಂದಿದೆ ಮತ್ತು ಈ ಕಾರಣದಿಂದಾಗಿ ಇದಕ್ಕೆ ಬೇಡಿಕೆ ಇದೆ. ಇದರ ಮರದ ಪುಡಿಯನ್ನು ಕಾಸ್ಮೆಟಿಕ್ ಉತ್ಪನ್ನಗಳಲ್ಲಿಯೂ ಬಳಕೆ ಮಾಡುತ್ತಾರೆ.
ದಕ್ಷಿಣದ ಈ ರಾಜ್ಯಗಳಲ್ಲಿ ಹೆಚ್ಚು ಕಂಡು ಬರುತ್ತದೆ.
ಸಾಮಾನ್ಯವಾಗಿ ಈ ಮರ ಆಂಧ್ರಪ್ರದೇಶ, ತಮಿಳುನಾಡು ಮತ್ತು ಕರ್ನಾಟಕದಲ್ಲಿ ಹೆಚ್ಚು ಕಂಡುಬರುತ್ತದೆ. ಕಳ್ಳಸಾಗಣೆದಾರರು ಈ ಮರವನ್ನು ದೊಡ್ಡ ಪ್ರಮಾಣದಲ್ಲಿ ಕಡಿದಿದ್ದಾರೆ, ಇದರಿಂದಾಗಿ ಇತ್ತಿಚೆಗೆ ಇದು ಇನ್ನಷ್ಟು ಅಪರೂಪವಾಗಿದೆ. ಜಪಾನ್ ಮತ್ತು ಚೀನಾ ಸೇರಿದಂತೆ ವಿಶ್ವದ ಹಲವು ದೇಶಗಳಲ್ಲಿ ಈ ಮರಕ್ಕೆ ಹೆಚ್ಚಿನ ಬೇಡಿಕೆ ಇರುವುದರಿಂದ ಇದರ ಕಳ್ಳಸಾಗಣೆಯೂ ನಡೆಯುತ್ತದೆ. ಯಾವುದೇ ರಕ್ತ ಚಂದನದ ಮರದ ವಯಸ್ಸು ಐವತ್ತು ವರ್ಷಕ್ಕಿಂತ ಹೆಚ್ಚಿದ್ದರೆ, ಅದು ಉಳಿದವುಗಳಿಗಿಂತ ಹೆಚ್ಚು ಮೌಲ್ಯಯುತವಾಗಿರುತ್ತದೆ. ಯವತ್ಮಾಲ್‌ನ ರೈತ ಕುಟುಂಬದ ಈ ಮರದ ನಿಜವಾದ ಬೆಲೆ ಎಷ್ಟು ಎಂದು ಮೌಲ್ಯಮಾಪನದ ನಂತರವೇ ತಿಳಿಯುತ್ತದೆ.
