ಕಾಲಿಗೆ ಚಕ್ರ ಕಟ್ಟಿಕೊಂಡು ಓಡುವ ಜಗತ್ತಿನಲ್ಲಿ ನಾವಿದ್ದೇವೆ. ಇಲ್ಲಿ ನಾವು ಏನನ್ನಾದರೂ ಸಾಧಿಸಬೇಕಾದರೆ ಎಲ್ಲಕ್ಕಿಂತ ಮುಖ್ಯವಾಗಿ ಕಾನ್ಫಿಡೆನ್ಸ್ ಇರಲೇಬೇಕು. ನೀವು ಆತ್ಮವಿಶ್ವಾಸದಿಂದ ಕಾಣುವುದು ಹೇಗೆ ಎಂದು ತಿಳಿಯಲು ಬಯಸಿದರೆ ತಜ್ಞರು ಶಿಫಾರಸು ಮಾಡಿದ ಸಲಹೆಗಳನ್ನು ಫಾಲೋ ಮಾಡ್ಬೋದು.
ಜೀವನದಲ್ಲಿ ನಾವು ಮುನ್ನಡೆ ಕಾಣಬೇಕಾದರೆ ನಮ್ಮ ವ್ಯಕ್ತಿತ್ವ ಹೇಗಿದೆ ಎಂಬುದು ತುಂಬಾ ಮುಖ್ಯವಾಗುತ್ತದೆ. ಉತ್ತಮ ವ್ಯಕ್ಯಿತ್ವ ಹೊಂದಲು ಆತ್ಮವಿಶ್ವಾಸ ಇರಬೇಕು. ಇದು ವೃತ್ತಿಪರ ಜೀವನದಲ್ಲಿ ಮಾತ್ರವಲ್ಲ, ನಿಮ್ಮ ವೈಯಕ್ತಿಕ ಬೆಳವಣಿಗೆಗೂ ಅನ್ವಯಿಸುತ್ತದೆ. ನೀವು ಏನು ಹೇಳುತ್ತೀರಿ ಎಂಬುದು ಮುಖ್ಯ, ಆದರೆ ನೀವು ಅದನ್ನು ಹೇಗೆ ಹೇಳುತ್ತೀರಿ ಎಂಬುದು ಅಷ್ಟೇ ಮುಖ್ಯ. ಅಲ್ಲಿ ದೇಹ ಭಾಷೆ ದೊಡ್ಡ ಪಾತ್ರವನ್ನು ವಹಿಸುತ್ತದೆ. ಆದ್ದರಿಂದ, ಆತ್ಮವಿಶ್ವಾಸ ಬೆಳೆಸಿಕೊಳ್ಳುವುದು ಹೇಗೆ ? ಆತ್ಮವಿಶ್ವಾಸದಿಂದ ಕಾಣಲು ದೇಹ ಭಾಷೆ ಯಾವ ರೀತಿ ಇರಬೇಕು ಎಂಬುದನ್ನು ತಿಳಿದುಕೊಳ್ಳೋಣ. ಆತ್ಮವಿಶ್ವಾಸವನ್ನು ಆನುವಂಶಿಕವಾಗಿ ಪಡೆಯಲಾಗುವುದಿಲ್ಲ. ನೀವು ಜನರೊಂದಿಗೆ ವ್ಯವಹರಿಸುವಾಗ ಅದನ್ನು ನಿರ್ಮಿಸಲು ಮತ್ತು ಹೊರಹಾಕಲು ನೀವು ಕೆಲಸ ಮಾಡಬೇಕು. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಆತ್ಮವಿಶ್ವಾಸದಿಂದ ಕಾಣಲು ಈ ಐದು ವಿಧಾನಗಳನ್ನು ಪ್ರಯತ್ನಿಸಿ
1. ನೇರವಾಗಿ ನಿಂತುಕೊಳ್ಳಿ: ಆತ್ಮವಿಶ್ವಾಸ (Confidence) ದಿಂದ ಕಾಣಲು ಯಾವಾಗಲೂ ನೇರವಾಗಿ ನಿಲ್ಲುವುದು, ಕುಳಿತುಕೊಳ್ಳುವುದು ಮುಖ್ಯ. ನಿಮ್ಮ ಭುಜಗಳನ್ನು ಹೊರತುಪಡಿಸಿ ಮತ್ತು ಬೆನ್ನುಮೂಳೆಯನ್ನು ಸ್ಟ್ರೈಟ್ ಆಗಿ ಇಟ್ಟುಕೊಳ್ಳಿ. ಯೋಗ ಗುರು ಡಾ.ಹಂಸಜಿ ಯೋಗೇಂದ್ರ ಅವರ ಪ್ರಕಾರ, ಅಚ್ಚುಕಟ್ಟಾಗಿ, ನೇರವಾದ ಭಂಗಿಯನ್ನು ಕಾಪಾಡಿಕೊಳ್ಳುವುದು ನಿಮ್ಮ ಒಟ್ಟಾರೆ ದೇಹದ ಆರೋಗ್ಯ (Health)ವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ನಿಮ್ಮ ಬೆನ್ನುಮೂಳೆಯಲ್ಲಿ ವಕ್ರರೇಖೆಯೊಂದಿಗೆ ನೀವು ನಿಂತಿರುವಾಗ ಅಥವಾ ಕುಳಿತುಕೊಳ್ಳುವಾಗ, ಅದನ್ನು ಒಬ್ಬರ ವ್ಯಕ್ತಿತ್ವದಲ್ಲಿನ ದೌರ್ಬಲ್ಯವೆಂದು ಪರಿಗಣಿಸಬಹುದು. ನಿಮ್ಮ ಭಂಗಿಯು ನಿಮ್ಮ ಆತ್ಮವಿಶ್ವಾಸದ ಮಟ್ಟವನ್ನು ಸೂಚಿಸುತ್ತದೆ.
Personality Development: ನೀವು ನಿಂತುಕೊಳ್ಳುವ ರೀತಿ ನಿಮ್ಮ ವ್ಯಕ್ತಿತ್ವದ ಬಗ್ಗೆ ಹೇಳುತ್ತದೆ
2. ಮಾತನಾಡುವಾಗ ಕಣ್ಣಿನ ಸಂಪರ್ಕವಿರಲಿ: ಯಾರಾದರೂ ನಿಮ್ಮನ್ನು ನೋಡದೆ ನಿಮ್ಮೊಂದಿಗೆ ಮಾತನಾಡುವಾಗ ಅದು ನಮಗೆ ವಿಚಿತ್ರವಾಗಿ ಅನಿಸುತ್ತದೆ. ಇದು ಕಾನ್ಫಿಡೆಂಟ್ ಇಲ್ಲ ಎಂಬುದನ್ನು ಸಹ ಸೂಚಿಸುತ್ತದೆ. ಹೀಗಾಗಿ ಎದುರಿನ ವ್ಯಕ್ತಿಯೊಂದಿಗೆ ಮಾತನಾಡುವಾಗ ಕಣ್ಣಿನ ಸಂಪರ್ಕ (Eye contact)ವನ್ನು ಕಾಪಾಡಿಕೊಳ್ಳಲು ಪ್ರಯತ್ನಿಸಿದರೆ ವ್ಯಕ್ತಿಯು ಆತ್ಮವಿಶ್ವಾಸದಿಂದ ಕಾಣುತ್ತಾನೆ ಎಂದು ತಜ್ಞರು ಒಪ್ಪಿಕೊಳ್ಳುತ್ತಾರೆ. ವಾಸ್ತವವಾಗಿ, ಇದನ್ನು ತಪ್ಪಿಸುವುದು ಸಂಭಾಷಣೆಯ ಮೇಲೆ ಆಸಕ್ತಿ ಅಥವಾ ನಿಯಂತ್ರಣದ ಕೊರತೆಯಿರಬಹುದು ಎಂದು ತೋರುತ್ತದೆ. ಸರಿಯಾದ ಕಣ್ಣಿನ ಸಂಪರ್ಕದೊಂದಿಗೆ, ನೀವು ನಿಮ್ಮ ಆಲೋಚನೆಗಳನ್ನು ಉತ್ತಮವಾಗಿ ವ್ಯಕ್ತಪಡಿಸಬಹುದು ಮತ್ತು ಕೇಳುಗರ ಪ್ರತಿಕ್ರಿಯೆಯನ್ನು ತಕ್ಷಣವೇ ಅಳೆಯಬಹುದು. ಇದಲ್ಲದೆ, ನೀವು ಹೇಳುವುದು ಹೆಚ್ಚು ಪರಿಣಾಮಕಾರಿಯಾಗಿದೆ ಮತ್ತು ನೀವು ಆತ್ಮವಿಶ್ವಾಸದಿಂದ ಕಾಣುತ್ತೀರಿ.
3. ನಿಮ್ಮ ಕೈ ಸನ್ನೆಗಳನ್ನು ಗಮನಿಸಿ: ಮಾತನಾಡುವಾಗ ನಿಮ್ಮ ಕೈಗಳನ್ನು ನಿಮ್ಮ ಮುಂದೆ ಅಥವಾ ನಿಮ್ಮ ಬೆನ್ನಿನ ಹಿಂದೆ ಇಟ್ಟುಕೊಳ್ಳುತ್ತೀರಾ? ನೀವು ಆತ್ಮವಿಶ್ವಾಸವನ್ನು ತೋರ್ಪಡಿಸುಲ್ಲಿ ನಿಮ್ಮ ಕೈ ಸನ್ನೆಗಳು ಪ್ರಮುಖ ಪಾತ್ರವಹಿಸುತ್ತವೆ. ನಿಮ್ಮ ಕೈ ಸನ್ನೆಗಳನ್ನು ಸಾಧ್ಯವಾದಷ್ಟು ಸಾಮಾನ್ಯವಾಗಿರಿಸಿಕೊಳ್ಳಿ. ನಿಮ್ಮ ಅಂಗೈಗಳು ಆರಾಮವಾಗಿರುವುದನ್ನು ಖಚಿತಪಡಿಸಿಕೊಳ್ಳಿ. ಕೈ ಚಲನೆಗಳು ನಿಮ್ಮ ದೃಢತೆ ಅಥವಾ ಆಕ್ರಮಣಶೀಲತೆಯನ್ನು ಪ್ರದರ್ಶಿಸಬಹುದು. ಆದ್ದರಿಂದ, ಅವುಗಳನ್ನು ಬುದ್ಧಿವಂತಿಕೆಯಿಂದ ಬಳಸಿ.
ಕ್ಷಮಿಸುವುದು ದೊಡ್ಡ ಗುಣ, Sorry ಕೇಳಿದರೆ ಮನ್ನಿಸಿ ಬಿಡಿ
4. ಸ್ಪಷ್ಟವಾಗಿ ಮಾತನಾಡಿ: ನಿಮ್ಮ ಮಾತುಗಳು (Talk) ನಿಮ್ಮ ವ್ಯಕ್ತಿತ್ವದ ಪ್ರತಿಬಿಂಬವಾಗಿದೆ. ಹೀಗಾಗಿ ಆಡುವ ಮಾತುಗಳು ಯಾವಾಗಲೂ ಸ್ಪಷ್ಟವಾಗಿರಲಿ. ನೀವು ಗೊಣಗುತ್ತಿದ್ದರೆ ಮತ್ತು ಮಾತನಾಡುವಾಗ ತೊದಲಿದರೆ ಇದು ನೀವು ಏನು ಹೇಳಲು ಬಯಸುತ್ತೀರಿ ಎಂಬುದರ ಕುರಿತು ನಿಮಗೆ ಖಚಿತತೆಯಿಲ್ಲದ ಸಂಕೇತವಾಗಿದೆ. ಇದು ನಿಮ್ಮ ಆತ್ಮವಿಶ್ವಾಸದ ಕೊರತೆಯನ್ನು ಸೂಚಿಸುತ್ತದೆ. ಹೀಗಾಗಿ ಮಾತನಾಡುವ ರೀತಿ, ಬಳಸುವ ಪದಗಳ ಬಗ್ಗೆ ಎಚ್ಚರಿಕೆಯಿರಲಿ. ಮಾತ್ರವಲ್ಲ, ಅತಿಯಾಗಿ ಮಾತನಾಡಲು ಸಹ ಹೋಗದಿರಿ. ಇದು ಸಹ ವ್ಯಕ್ತಿತ್ವದ ದೌರ್ಬಲ್ಯವನ್ನು ಸೂಚಿಸುತ್ತದೆ.
5. ಹೆದರಿಕೆಯನ್ನು ಬಿಟ್ಟುಬಿಡಿ: ಹೆದರಿಕೆಯು (Fear) ಸಂಪೂರ್ಣವಾಗಿ ಆರೋಗ್ಯಕರವಾಗಿದೆ. ಆದರೆ ಎಲ್ಲಾ ಸಂದರ್ಭಗಳಲ್ಲಿ ಇದು ಸರಿಹೊಂದುವುದಿಲ್ಲ. ಹೆದರಿಕೆ ಮುಖದಲ್ಲಿ ವ್ಯಕ್ತವಾಗುವ ಕಾರಣ ಇದು ನಿಮ್ಮ ಆತ್ಮವಿಶ್ವಾಸ ಕಡಿಮೆಯಾಗಿರುವುದನ್ನು ಸೂಚಿಸುತ್ತದೆ.
ಕೆಲವು ಜನರೊಂದಿಗೆ ಮಾತನಾಡುವುದು ನಿಮಗೆ ಆತಂಕವನ್ನು ಉಂಟುಮಾಡಿದರೆ, ಅದನ್ನು ಹೇಗೆ ಜಯಿಸುವುದು ಎಂಬುದನ್ನು ನೀವು ಕಲಿಯಬೇಕು. ಭಯವನ್ನು ಕಡಿಮೆ ಮಾಡಲು ನೀವು ಆಳವಾದ, ನಿಧಾನವಾದ ಉಸಿರಾಟವನ್ನು ತೆಗೆದುಕೊಳ್ಳಬಹುದು. ನಿಧಾನವಾಗಿ ಮತ್ತು ಸ್ಥಿರವಾಗಿ, ನೀವು ಆತ್ಮ ವಿಶ್ವಾಸವನ್ನು ಗಳಿಸಲು ಸಾಧ್ಯವಾಗುತ್ತದೆ.
