'ಮಂಡೇ' ಬಂದ್ರೆ ಮಂಡೆಬಿಸಿ ಹೆಚ್ಚು, ಹೃದಯಾಘಾತಾನೂ ಅಧಿಕ; ಅಧ್ಯಯನದಲ್ಲಿ ಶಾಕಿಂಗ್ ಮಾಹಿತಿ!
ವೀಕೆಂಡ್ ಮುಗಿದು ಮಂಡೇ ಬಂತು ಅಂದ್ರೆ ಸಾಕು ಹೆಚ್ಚಿನವರಿಗೆ ತಲೆಬಿಸಿ ಶುರುವಾಗುತ್ತೆ. ಮತ್ತದೇ ಕೆಲಸದ ಒತ್ತಡ, ರಿಪೋರ್ಟ್‌, ಟಾರ್ಗೆಟ್ ತಲೆಯೊಳಗೆ ಗಿರಕಿ ಹೊಡೆಯೋಕೆ ಶುರು ಮಾಡುತ್ತೆ. ಹೀಗಿರುವಾಗ ಅಧ್ಯಯನವೊಂದರಲ್ಲಿ ಶಾಕಿಂಗ್ ಮಾಹಿತಿ ಬಹಿರಂಗಗೊಂಡಿದೆ. ಹೊಸ ಸಂಶೋಧನೆಯ ಪ್ರಕಾರ ಸೋಮವಾರ, ಹೃದಯಾಘಾತವಾಗೋದು ಸಹ ಹೆಚ್ಚಂತೆ.
ಹೊಸ ಸಂಶೋಧನೆಯ ಪ್ರಕಾರ, ಜನರು ವಾರದ ಯಾವುದೇ ದಿನಕ್ಕಿಂತ ಸೋಮವಾರದಂದು ಗಂಭೀರ ಹೃದಯಾಘಾತವನ್ನು ಅನುಭವಿಸುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ. ಅಧ್ಯಯನದ ಸಂಶೋಧನೆಗಳನ್ನು ಮ್ಯಾಂಚೆಸ್ಟರ್‌ನಲ್ಲಿ ನಡೆದ ಬ್ರಿಟಿಷ್ ಕಾರ್ಡಿಯೋವಾಸ್ಕುಲರ್ ಸೊಸೈಟಿ (BCS) ಸಮ್ಮೇಳನದಲ್ಲಿ ಪ್ರಸ್ತುತಪಡಿಸಲಾಗಿದೆ. ಬೆಲ್‌ಫಾಸ್ಟ್ ಹೆಲ್ತ್ ಅಂಡ್ ಸೋಶಿಯಲ್ ಕೇರ್ ಟ್ರಸ್ಟ್ ಮತ್ತು ಐರ್ಲೆಂಡ್‌ನ ರಾಯಲ್ ಕಾಲೇಜ್ ಆಫ್ ಸರ್ಜನ್ಸ್‌ನ ವೈದ್ಯರು ಈ ಅಧ್ಯಯನವನ್ನು ಮಾಡಿದ್ದಾರೆ. ಈ ಉದ್ದೇಶಕ್ಕಾಗಿ 20,000ಕ್ಕೂ ಹೆಚ್ಚು ರೋಗಿಗಳನ್ನು ಅಧ್ಯಯನ ಮಾಡಲಾಯಿತು. ಇದರಲ್ಲಿ ಸೋಮವಾರದಂದು ಹೆಚ್ಚಿನ ರೋಗಿಗಳಿಗೆ ಹೃದಯಾಘಾತವಾಗಿರುವುದು ತಿಳಿದುಬಂತು.
2013ರಿಂದ 2018ರ ನಡುವೆ ಐರ್ಲೆಂಡ್ ನಲ್ಲಿ ಗಂಭೀರ ರೀತಿಯ ಹೃದಯಾಘಾತಕ್ಕೆ (Heartattack) ಒಳಗಾದ 10,528 ರೋಗಿಗಳ ದತ್ತಾಂಶಗಳ ವಿಶ್ಲೇಷಣೆ ನಡೆಸಿ ಈ ಅಭಿಪ್ರಾಯಕ್ಕೆ ಬರಲಾಗಿದೆ. ಹೃದಯಾಘಾತದ ಅತ್ಯಂತ ಗಂಭೀರ ವಿಧಗಳಲ್ಲಿ ಒಂದಾದ ST-ಸೆಗ್ಮೆಂಟ್ ಎಲಿವೇಶನ್ ಮಯೋಕಾರ್ಡಿಯಲ್ ಇನ್ಫಾರ್ಕ್ಷನ್ (STEMI) ರೋಗಿಗಳಲ್ಲಿ (Patients) ಕಂಡುಬರುತ್ತದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. STEMI ಹೃದಯಾಘಾತದ ಪ್ರಮಾಣವು ಸೋಮವಾರ ಅಧಿಕವಾಗಿತ್ತು ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. STEMI ಎಂದರೆ, ಪ್ರಮುಖ ಪರಿಧಮನಿಯು ಸಂಪೂರ್ಣವಾಗಿ ನಿರ್ಬಂಧಿಸಲ್ಪಡುವ ಪ್ರಕ್ರಿಯೆಯಾಗಿದೆ. ಇದು ಆಮ್ಲಜನಕ (Oxygen) ಮತ್ತು ರಕ್ತ ಪೂರೈಕೆಯನ್ನು ಕಡಿತಗೊಳಿಸುತ್ತದೆ.
ಬರ್ತ್‌ಡೇ ದಿನವೇ ಹಾರ್ಟ್ಅಟ್ಯಾಕ್ ಆಗಿ ಬಾಲಕ ಸಾವು, ಮೃತದೇಹದ ಪಕ್ಕದಲ್ಲೇ ಕೇಕ್ ಕತ್ತರಿಸಿದ ಪೋಷಕರು!
'ಈ ಬದಲಾವಣೆಗಳಿಗೆ ನಿಖರವಾದ ಕಾರ್ಯವಿಧಾನವು ತಿಳಿದಿಲ್ಲ ಆದರೆ ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳ ಮೇಲೆ ಪ್ರಭಾವ ಬೀರುವ ರಕ್ತಪರಿಚಲನೆಯ ಹಾರ್ಮೋನುಗಳ ಮೇಲೆ ಸರ್ಕಾಡಿಯನ್ ಲಯವು ಹೇಗೆ ಪರಿಣಾಮ ಬೀರುತ್ತದೆ ಎಂಬುದಕ್ಕೆ ಏನಾದರೂ ಸಂಬಂಧವಿದೆ ಎಂದು ನಾವು ಭಾವಿಸುತ್ತೇವೆ' ಎಂದು ಬೆಲ್‌ಫಾಸ್ಟ್ ಹೆಲ್ತ್ ಅಂಡ್ ಸೋಶಿಯಲ್ ಕೇರ್‌ನಲ್ಲಿ ಸಂಶೋಧನೆಯ ನೇತೃತ್ವ ವಹಿಸಿದ್ದ ಹೃದ್ರೋಗ ತಜ್ಞರು ಹೇಳಿದ್ದಾರೆ. ಇಂಥಾ ಬದಲಾವಣೆಗಳು ಚಳಿಗಾಲದಲ್ಲಿ ಮತ್ತು ಮುಂಜಾನೆ (Morning) ಹೃದಯಾಘಾತದಲ್ಲಿ ಕಂಡುಬರುತ್ತವೆ ಎಂಬುದಾಗಿ ತಿಳಿಸಲಾಗಿದೆ.
'ಇದು ಕೆಲಸಕ್ಕೆ ಮರಳುವ ಒತ್ತಡದ ಕಾರಣದಿಂದಾಗಿರಬಹುದು. ಹೆಚ್ಚಿದ ಒತ್ತಡವು ಒತ್ತಡದ ಹಾರ್ಮೋನ್ ಕಾರ್ಟಿಸೋಲ್ನ ಹೆಚ್ಚಳಕ್ಕೆ ಕಾರಣವಾಗುತ್ತದೆ, ಇದು ಹೃದಯಾಘಾತದ ಹೆಚ್ಚಿನ ಅಪಾಯಕ್ಕೆ ಸಂಬಂಧಿಸಿದೆ' ಎಂದು ಅವರು ಹೇಳಿದರು. ಭಾನುವಾರ ಕೂಡ ಹೃದಯಾಘಾತದ ಪ್ರಮಾಣ ನಿರೀಕ್ಷೆಗಿಂತ ಹೆಚ್ಚಾಗಿರುತ್ತದೆ ಎಂದು ಅಧ್ಯಯನದಲ್ಲಿ ಗೊತ್ತಾಗಿದೆ.
ಹೃದಯಾಘಾತ ಹೇಗೆ ಮತ್ತು ಏಕೆ ಸಂಭವಿಸುತ್ತವೆ?
ಪ್ರತಿ ಐದು ನಿಮಿಷಗಳಿಗೊಮ್ಮೆ ಮಾರಣಾಂತಿಕ ಹೃದಯಾಘಾತದಿಂದ ಒಬ್ಬ ವ್ಯಕ್ತಿ ಆಸ್ಪತ್ರೆಗೆ ದಾಖಲಾಗುತ್ತಾರೆ. ಆದ್ದರಿಂದ ಹೃದಯಾಘಾತಗಳು ಹೇಗೆ ಮತ್ತು ಏಕೆ ಸಂಭವಿಸುತ್ತವೆ ಎಂಬುದರ ಕುರಿತು ತಿಳಿದುಕೊಳ್ಳುವುದು ಅತ್ಯಗತ್ಯ. ಈ ಅಧ್ಯಯನವು ವಿಶೇಷವಾಗಿ ಗಂಭೀರ ಹೃದಯದ ಸಮಯದ ಬಗ್ಗೆ ಪುರಾವೆಗಳನ್ನು ಸೇರಿಸುತ್ತದೆ. ಅದರಲ್ಲೂ STEMI ನಿಂದಾಗಿ 30,000 ಕ್ಕೂ ಹೆಚ್ಚು ರೋಗಿಗಳು UK ಯಲ್ಲಿ ಆಸ್ಪತ್ರೆಗಳಿಗೆ ದಾಖಲಾಗುತ್ತಾರೆ ಎಂದು ತಿಳಿದುಬಂದಿದೆ.
ಅರ್ಧ ಗಂಟೆಗೂ ಹೆಚ್ಚು ಮೊಬೈಲ್‌ನಲ್ಲಿ ಮಾತನಾಡ್ತೀರಾ, ಹಾರ್ಟ್ಅಟ್ಯಾಕ್ ಆಗೋದು ಖಂಡಿತ!
STEMI ಸಮಯದಲ್ಲಿ ಏನಾಗುತ್ತದೆ?
STEMI ಸಮಯದಲ್ಲಿ ಹೃದಯದ ಮುಖ್ಯ ಪೂರೈಕೆ ಅಪಧಮನಿಗಳ ಸಂಪೂರ್ಣ ತಡೆಗಟ್ಟುವಿಕೆ ಇರುತ್ತದೆ ಮತ್ತು ಈ ಕಾರಣದಿಂದಾಗಿ ಕುಹರದ ಸ್ನಾಯುಗಳು ಸಾಯುತ್ತವೆ.STEMI ಹೃದಯಾಘಾತದ ಅತ್ಯಂತ ನಿರ್ಣಾಯಕ ವಿಧಗಳಲ್ಲಿ ಒಂದಾಗಿದೆ ಎಂದು ಪರಿಗಣಿಸಲಾಗಿದೆ ಏಕೆಂದರೆ ಇವುಗಳು ಶ್ವಾಸಕೋಶಗಳಿಗೆ ರಕ್ತವನ್ನು ಪಂಪ್ ಮಾಡುವ ಹೃದಯದ ಕೋಣೆಗಳಾಗಿವೆ ಮತ್ತು ಈ ಸ್ನಾಯುಗಳಲ್ಲಿ ಹೆಚ್ಚಿನ ಹಾನಿಯು ದೇಹಕ್ಕೆ ರಕ್ತವನ್ನು ಪಂಪ್ ಮಾಡುವ ಹೃದಯದ ಸಾಮರ್ಥ್ಯವನ್ನು ದುರ್ಬಲಗೊಳಿಸುತ್ತದೆ. ಹೃದಯ ಸ್ನಾಯುಗಳು ಪುನರುತ್ಪಾದಿಸದ ಕಾರಣ, ಸ್ನಾಯುಗಳು ಶಾಶ್ವತವಾಗಿ ಹಾನಿಗೊಳಗಾಗುತ್ತವೆ.
STEMI ಹೃದಯಾಘಾತದಿಂದ ಹೇಗೆ ಭಿನ್ನವಾಗಿದೆ?
ಪರಿಧಮನಿಯ ಸಂಪೂರ್ಣ ಅಡಚಣೆ ಉಂಟಾದಾಗ ಮತ್ತು ಹೃದಯ ಸ್ನಾಯು ಸಾಯುತ್ತಿರುವಾಗ STEMI ಸಂಭವಿಸುತ್ತದೆ. ಇತರ ಹೃದಯಾಘಾತಗಳು ಅಪಧಮನಿಯ ಭಾಗಶಃ ತಡೆಗಟ್ಟುವಿಕೆಯನ್ನು ಒಳಗೊಂಡಿರುತ್ತವೆ. ತಂಬಾಕು ಸೇವನೆ, ಧೂಮಪಾನ, ಮಧುಮೇಹ, ಕೊಲೆಸ್ಟ್ರಾಲ್, ಆಲ್ಕೋಹಾಲ್, ಆಂಫೆಟಮೈನ್‌ಗಳಂತಹ ಔಷಧಗಳು, ಕೊಕೇನ್ ಮತ್ತು ಕಡಿಮೆ ದೈಹಿಕ ಚಟುವಟಿಕೆಗಳು STEMI ಯನ್ನು ಪ್ರಚೋದಿಸುವ ಜೀವನಶೈಲಿ ಅಭ್ಯಾಸಗಳು ಎಂದು ಪರಿಗಣಿಸಲಾಗುತ್ತದೆ.
