ಕ್ಯಾನ್ಸರ್, ಹೃದ್ರೋಗ ಸಂಬಂಧಿತ ಮೆಡಿಸಿನ್ ಸೇರಿ 384 ಜೀವರಕ್ಷಕ ಔಷಧಗಳು ಅಗ್ಗ
ಆರೋಗ್ಯ ಸೇವಾ ವಲಯದಲ್ಲಿ ಕೇಂದ್ರ ಸರ್ಕಾರ ಮಹತ್ವದ ಹೆಜ್ಜೆಯಿಟ್ಟಿದೆ. ಕ್ಯಾನ್ಸರ್, ಹೃದ್ರೋಗ, ನರ ಸಂಬಂಧಿತ ಕಾಯಿಲೆ, ಮಧುಮೇಹ, ಕ್ಷಯ ಸೇರಿದಂತೆ 384 ಜೀವರಕ್ಷಕ ಔಷಧಗಳು ದರವನ್ನು ಇಳಿಕೆ ಮಾಡಲಾಗಿದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಸೆಪ್ಟೆಂಬರ್‌ನಲ್ಲಿ ಕೇಂದ್ರ ಆರೋಗ್ಯ ಸಚಿವಾಲಯವು ಬಿಡುಗಡೆ ಮಾಡಿದ ಹೊಸ ರಾಷ್ಟ್ರೀಯ ಅಗತ್ಯ ಔಷಧಿಗಳ ಪಟ್ಟಿಯನ್ನು (NLEM) ಈಗ ಔಷಧ ಬೆಲೆ ನಿಯಂತ್ರಣ ಆದೇಶದ ಅಡಿಯಲ್ಲಿ ತರಲಾಗಿದೆ. ಆರೋಗ್ಯ ಸೇವಾ ವಲಯದಲ್ಲಿ ಮಹತ್ತರ ಬದಲಾವಣೆಗಳನ್ನು ತರುತ್ತಿರುವ ಕೇಂದ್ರ ಸರ್ಕಾರ ಕ್ಯಾನ್ಸರ್, ಹೃದ್ರೋಗ, ನರ ಸಂಬಂಧಿತ ಕಾಯಿಲೆ, ಮಧುಮೇಹ (Diabetes), ಕ್ಷಯ ಸೇರಿದಂತೆ 384 ಜೀವರಕ್ಷಕ ಔಷಧಗಳು (Essential medicines) ದರವನ್ನು ಇಳಿಕೆ ಮಾಡಿದೆ. ನವೆಂಬರ್ 12ರಂದು ಹೊರಡಿಸಲಾದ ಅಧಿಸೂಚನೆಯಲ್ಲಿ ಪರಿಷ್ಕೃತ ಪಟ್ಟಿಯನ್ನು ಪ್ರಕಟಿಸಲಾಗಿದೆ.
ಈ ಪ್ರಸ್ತುತ ಪರಿಷ್ಕರಣೆಯು 2022ರ ಪಟ್ಟಿಯಲ್ಲಿ ಸೇರಿಸಲಾದ ಟೆನೆಲಿಗ್ಲಿಪ್ಟಿನ್ ಔಷಧ ಮತ್ತು ಇನ್ಸುಲಿನ್ ಗ್ಲಾರ್ಜಿನ್‌ನಂತಹ ಮಧುಮೇಹಕ್ಕೆ ಹೊಸ ಚಿಕಿತ್ಸೆಗಳ (Treatment) ವೆಚ್ಚವನ್ನು ತಗ್ಗಿಸುವ ಸಾಧ್ಯತೆಯಿದೆ. 1% ಕ್ಕಿಂತ ಹೆಚ್ಚು ಮಾರುಕಟ್ಟೆ ಪಾಲನ್ನು ಹೊಂದಿರುವ ಎಲ್ಲಾ ಜೆನೆರಿಕ್ಸ್ ಮತ್ತು ಬ್ರಾಂಡೆಡ್ ಜೆನೆರಿಕ್‌ಗಳ ಚಿಲ್ಲರೆ ವ್ಯಾಪಾರಿಗಳಿಗೆ ಸರಾಸರಿ ಬೆಲೆಯನ್ನು ಲೆಕ್ಕಹಾಕುವ ಮೂಲಕ ಸೀಲಿಂಗ್ ಬೆಲೆಯನ್ನು ನಿರ್ಧರಿಸಲಾಗುತ್ತದೆ. ಸರ್ಕಾರಿ ಮತ್ತು ಖಾಸಗಿ ಸೇರಿದಂತೆ ಎಲ್ಲಾ ಆಸ್ಪತ್ರೆಗಳು ಈ ಔಷಧಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸಂಗ್ರಹಿಸಿಟ್ಟುಕೊಳ್ಳಬೇಕಾಗಿದೆ.
ಕೆಮ್ಮಿನ ಸಿರಪ್‌ ತೆಗೆದುಕೊಳ್ಳುವ ಮುನ್ನ ಇವಿಷ್ಟು ವಿಚಾರ ಗೊತ್ತಿರಲಿ
ಪರಿಷ್ಕೃತ ಪಟ್ಟಿಯಲ್ಲಿ ಹೊಸದಾಗಿ 34 ಔಷಧಿಗಳ ಸೇರ್ಪಡೆ
ಪರಿಷ್ಕೃತ ಪಟ್ಟಿಯು ಕೆಲವು ರೀತಿಯ ರಕ್ತ ಮತ್ತು ದುಗ್ಧರಸ ಗ್ರಂಥಿಯ ಕ್ಯಾನ್ಸರ್‌ಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುವ ಬೆಂಡಾಮುಸ್ಟಿನ್ ಹೈಡ್ರೋಕ್ಲೋರೈಡ್‌ನಂತಹ ಹೆಚ್ಚಿನ ಕ್ಯಾನ್ಸರ್-ವಿರೋಧಿ ಚಿಕಿತ್ಸಕಗಳನ್ನು ಒಳಗೊಂಡಿದೆ. ಕೊಲೊರೆಕ್ಟಲ್ ಮತ್ತು ಮೇದೋಜ್ಜೀರಕ ಗ್ರಂಥಿಯ ಕ್ಯಾನ್ಸರ್‌ಗಳಿಗೆ ಚಿಕಿತ್ಸೆ ನೀಡಲು ಇರಿನೊಟೆಕನ್ ಎಚ್‌ಸಿಐ ಟ್ರೈಹೈಡ್ರೇಟ್ ಅನ್ನು ಏಕಾಂಗಿಯಾಗಿ ಅಥವಾ ಇತರ ಔಷಧಿಗಳ ಸಂಯೋಜನೆಯಲ್ಲಿ ಬಳಸಲಾಗುತ್ತದೆ; ವಿವಿಧ ರೀತಿಯ ಕ್ಯಾನ್ಸರ್ ಚಿಕಿತ್ಸೆಗಾಗಿ ಲೆನಾಲಿಡೋಮೈಡ್; ಮತ್ತು ಲ್ಯುಪ್ರೊಲೈಡ್ ಅಸಿಟೇಟ್, ಪ್ರಾಸ್ಟೇಟ್ ಕ್ಯಾನ್ಸರ್ ಚಿಕಿತ್ಸೆಗಾಗಿ ಬಳಸಲಾಗುತ್ತದೆ.
ಪಟ್ಟಿಯಲ್ಲಿ ಹೊಸದಾಗಿ 34 ಔಷಧಿಗಳನ್ನು ಸೇರ್ಪಡೆ ಮಾಡಲಾಗಿದ್ದು, ರಾನಿಟಿಡಿನ್, ಅಡನೊಲೊಲ್ ಮತ್ತು ಮೆಥೈಲೋಪಾದಂತಹ 26 ಔಷಧಗಳನ್ನು ತೆಗೆದುಹಾಕಲಾಗಿದೆ.. ಔಷಧಗಳನ್ನು ಅವುಗಳ ವೆಚ್ಚ, ಪರಿಣಾಮಕಾರತ್ವ ಮತ್ತು ತ್ವರಿತ ಲಭ್ಯತೆಯ ಆಧಾರದ ಪಟ್ಟಿಗೆ ಸೇರಿಸುವುದು ಮತ್ತು ತೆಗೆದುಹಾಕುವ ಪ್ರಕ್ರಿಯೆಯನ್ನು ಮಾಡಲಾಗುತ್ತದೆ. ಪರಿಷ್ಕೃತ ವೇಳಾಪಟ್ಟಿಯ ನಂತರದ ವಿವರಣೆ ವಿಭಾಗದಲ್ಲಿ, ಅದೇ ಚಟುವಟಿಕೆಯೊಂದಿಗೆ ಯಾವುದೇ ಡೋಸೇಜ್ ಅಥವಾ ಔಷಧದ ರೂಪವು ಬೆಲೆ ಸೀಲಿಂಗ್ ಅಡಿಯಲ್ಲಿ ಬರುತ್ತದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ. ಇದೇ ರೀತಿಯ ಲವಣಗಳು, ಸಕ್ರಿಯ ಘಟಕಾಂಶದ ಸಾದೃಶ್ಯಗಳು ಅಥವಾ ವಿವಿಧ ಪ್ರಕ್ರಿಯೆಗಳಿಂದ ತಯಾರಿಸಲಾದ ಲಸಿಕೆಗಳು ವೇಳಾಪಟ್ಟಿಯಲ್ಲಿ ಸ್ಪಷ್ಟವಾಗಿ ನಮೂದಿಸದಿದ್ದರೂ ಸಹ ಬೆಲೆ ನಿಯಂತ್ರಣಕ್ಕೆ ಬರುತ್ತವೆ.
ನೀವು ಸೇವಿಸೋ ಔಷಧಿ ನಕಲಿಯಾಗಿರಬಹುದು…. ಹುಷಾರ್ !
ಕಳೆದ ಸೆಪ್ಟೆಂಬರ್‌ನಲ್ಲಿ ಘೋಷಿಸಿದ್ದ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ
ಸಂಧಿವಾತ ಅಸ್ವಸ್ಥತೆಗೆ ಬಳಸುವ ನರರೋಗ ಹಾಗೂ ಹೃದಯ ರಕ್ತನಾಳ, ವಿಷ ಮತ್ತು ವಿಷ ನಿರ್ವಹಣೆಯಲ್ಲಿ ಬಳಸುವ ಯನ್ನು ಔಷಧಗಳು, ಸೋಂಕು ನಿವಾರಣೆ, ಕುಷ್ಠರೋಗ, ದಂತೆ ಕ್ಷಯರೋಗ, ಅರಿವಳಿಕೆ, ನೇತ್ರ ಚಿಕಿತ್ಸೆಗೆ ನೀಡುವ ಔಷಧಗಳು, ಷಧಗಳ ಇಮ್ಯೂನೊಸಪ್ರೆಸ್ಸಿವ್ ಸೇರಿದಂತೆ ಕ್ಯಾನ್ಸರ್ ಪ್ರತಿಬಂಧಕ ಮತ್ತು ಉಪಶಾಮಕ ಆರೈಕೆಯಲ್ಲಿ ಬಳಸುವ ಔಷಧಗಳು, ಎಚ್‌ಐವಿ, ಹೆಪಟೈಟಿಸ್ ಬಿ ಮತ್ತು ಇದಲ್ಲಿ ಹೆಪಟೈಟಿಸ್ ಸಿಯಲ್ಲಿ ಬಳಸುವ ಔಷಧಗಳ ದರ ಕೂಡ ಇಳಿಕೆಯಾಗಲಿದೆ ಎಂದು ಅಧಿಸೂಚನೆಯಿಂದ ತಿಳಿದುಬಂದಿದೆ. ಈ ಬಗ್ಗೆ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಕಳೆದ ಸೆಪ್ಟೆಂಬರ್‌ನಲ್ಲಿ ಘೋಷಿಸಿದ್ದರು.
ಇತ್ತೀಚೆಗೆ ಪ್ರಕಟವಾದ DPCO ತಿದ್ದುಪಡಿ ಅಧಿಸೂಚನೆಯು ಈಗಾಗಲೇ ಸರ್ಕಾರದ ಸಾರ್ವತ್ರಿಕ ಪ್ರತಿರಕ್ಷಣೆ ಕಾರ್ಯಕ್ರಮದ ಅಡಿಯಲ್ಲಿ ಲಸಿಕೆ (Vaccine)ಗಳನ್ನು ಹೊರತುಪಡಿಸಿ, ಪರಿಗಣನೆಯಲ್ಲಿರುವ ನ್ಯುಮೋಕೊಕಲ್ ಮತ್ತು HPV (ಗರ್ಭಕಂಠದ ಕ್ಯಾನ್ಸರ್‌ಗೆ ಕಾರಣವಾಗುವ ಹ್ಯೂಮನ್ ಪ್ಯಾಪಿಲೋಮಾ ವೈರಸ್) ನಂತಹ ಲಸಿಕೆಗಳನ್ನು ಸಹ ಬೆಲೆ ನಿಯಂತ್ರಣಕ್ಕೆ ತರಲಾಗುವುದು ಎಂದು ಹೇಳುತ್ತದೆ. ಅವುಗಳನ್ನು ರೋಗನಿರೋಧಕ ಔಷಧಿಗಳ ಪಟ್ಟಿಯಲ್ಲಿ ಸೇರಿಸಲಾಗಿದೆ.
