ತೂಕ ಹೆಚ್ಚಾಗಿದೆಯೇ ಅಥವಾ ಕಡಿಮೆಯಾಗಿದೆಯೇ ಎಂದು ತಿಳಿಯಲು ತೂಕದ ಯಂತ್ರ ನೋಡುವ ಕುತೂಹಲ ಸಹಜ. ಆದರೆ ಯಾವಾಗ ತೂಕ ನೋಡಬೇಕು ಎಂಬುದು ಮುಖ್ಯ. ಈ ಲೇಖನದಲ್ಲಿ ತೂಕ ಪರಿಶೀಲಿಸಲು ಸರಿಯಾದ ಸಮಯದ ಬಗ್ಗೆ ತಿಳಿಯಿರಿ.
ಇತ್ತೀಚಿನ ದಿನಗಳಲ್ಲಿ, ಫಿಟ್ ಆಗಿರಲು ಎಲ್ಲರೂ ವ್ಯಾಯಾಮ ಮತ್ತು ಆಹಾರಕ್ರಮಗಳನ್ನು ಅನುಸರಿಸುತ್ತಿದ್ದಾರೆ. ವಾಕಿಂಗ್, ಜಾಗಿಂಗ್, ಜಿಮ್ಗೆ ಹೋಗುವವರ ಸಂಖ್ಯೆ ಹೆಚ್ಚುತ್ತಿದೆ. ತೂಕದ ಯಂತ್ರ ನೋಡಿದಾಗ ತೂಕ ಹೆಚ್ಚಾಗಿದೆಯೋ ಕಡಿಮೆಯಾಗಿದೆಯೋ ಎಂದು ನೋಡುವ ಕುತೂಹಲ ಹೆಚ್ಚುತ್ತದೆ.
ತೂಕ ಹೆಚ್ಚಳಕ್ಕೆ ಕಾರಣ?
ಕೆಲವು ದಿನಗಳ ಹಿಂದೆ ತೂಕ ನೋಡಿದ್ದರೂ ಮತ್ತೆ ನೋಡಿದಾಗ ತೂಕ ಹೆಚ್ಚಾಗಿದೆ ಎಂದು ತೋರಿಸುತ್ತದೆ. ಕಡಿಮೆ ಅವಧಿಯಲ್ಲಿ ತೂಕ ಹೇಗೆ ಹೆಚ್ಚಾಗುತ್ತದೆ ಎಂಬ ಗೊಂದಲ ಮೂಡುತ್ತದೆ. ನೀವು ಯಾವಾಗ ತೂಕ ನೋಡುತ್ತೀರಿ ಎಂಬುದಕ್ಕೂ ತೂಕಕ್ಕೂ ಸಂಬಂಧವಿದೆ. ಊಟದ ನಂತರ ತೂಕ ನೋಡಿದರೆ ಹೆಚ್ಚಾಗಿದೆ ಎಂದು ತೋರಿಸುತ್ತದೆ.
ಇದನ್ನೂ ಓದಿ: ಸೀತಾಫಲ ಆರೋಗ್ಯಕ್ಕೆ ಒಳ್ಳೆಯದು, ಆದರೆ ಈ ಸಮಸ್ಯೆ ಇರೋರು ತಿನ್ನದಿರೋದೇ ಒಳ್ಳೇದು!
ನಾವು ತಿನ್ನುವ ಆಹಾರ, ಟೀ, ಔಷಧಿ, ನೀರು ತಕ್ಷಣ ತೂಕದಲ್ಲಿ ಪ್ರತಿಫಲಿಸುತ್ತದೆ. ಮಧ್ಯಾಹ್ನ, ಸಂಜೆ ತೂಕ ನೋಡಿದರೆ ನಿಖರವಾಗಿ ತಿಳಿಯುವುದಿಲ್ಲ. ಒಂದು-ಎರಡು ಕೆಜಿ ಹೆಚ್ಚಿರಬಹುದು ಅಥವಾ ಕಡಿಮೆಯಾಗಿರಬಹುದು.
ತೂಕ ಪರಿಶೀಲಿಸಲು ಸರಿಯಾದ ಸಮಯ
ಹಾಗಾದರೆ ಯಾವಾಗ ತೂಕ ನೋಡಬೇಕು ಎಂಬ ಪ್ರಶ್ನೆ ಮೂಡುತ್ತದೆ. ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ತೂಕ ನೋಡುವುದು ಒಳ್ಳೆಯದು. ಪ್ರತಿದಿನ 45 ನಿಮಿಷ ವ್ಯಾಯಾಮ ಮಾಡುವವರು ಸಂಜೆ ತೂಕ ನೋಡಿದರೆ ಸ್ವಲ್ಪ ಹೆಚ್ಚಾಗಿದೆ ಎಂದು ಅನಿಸುತ್ತದೆ. ಏಕೆಂದರೆ ನಾವು ತಿಂದ ಆಹಾರ, ಕುಡಿದ ನೀರು ಅದರಲ್ಲಿ ಸೇರಿರುತ್ತದೆ.
ಇದನ್ನೂ ಓದಿ: ದೇಶವಾಸಿಗಳು ಫಿಟ್ ಆಗಿರಲು ಪ್ರಧಾನಿ ಮೋದಿ ಕೊಟ್ಟ ಎರಡು ಸಲಹೆಗಳೇನು?
ಆದರೆ ಕ್ರೀಡಾಪಟುಗಳು ಮತ್ತು ದೈಹಿಕವಾಗಿ ಸಕ್ರಿಯರಾಗಿರುವವರು, ತೋಟದ ಕೆಲಸ, ಕಟ್ಟಡ ಕೆಲಸ ಮಾಡುವವರು ಸಂಜೆ ತೂಕ ನೋಡಿದರೆ ಸಾಮಾನ್ಯಕ್ಕಿಂತ ಕಡಿಮೆ ಇರುತ್ತದೆ. ಏಕೆಂದರೆ ಅವರ ದೈಹಿಕ ಶ್ರಮಕ್ಕೆ ತಕ್ಕಂತೆ ಕ್ಯಾಲೊರಿಗಳು ಖರ್ಚಾಗಿರುತ್ತವೆ. ಆದ್ದರಿಂದ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ತೂಕ ನೋಡುವುದು ಎಲ್ಲರಿಗೂ ನಿಖರವಾದ ತೂಕವನ್ನು ತೋರಿಸುತ್ತದೆ. ಬೆಳಿಗ್ಗೆ ತೂಕ ನೋಡಲು ಉತ್ತಮ ಸಮಯವಾದರೂ, ಪ್ರತಿದಿನ ತೂಕ ಪರಿಶೀಲಿಸಬೇಕಾಗಿಲ್ಲ. ತಿಂಗಳಿಗೊಮ್ಮೆ ತೂಕ ನೋಡಬಹುದು. ಆಸಕ್ತಿ ಇದ್ದವರು ವಾರಕ್ಕೊಮ್ಮೆ ತೂಕ ನೋಡಬಹುದು. ಆದರೆ ಹಿಂದಿನ ದಿನ ತಿಂದ ಆಹಾರವನ್ನು ಅವಲಂಬಿಸಿ ತೂಕ ಬದಲಾಗುತ್ತದೆ ಎಂಬುದನ್ನು ನೆನಪಿನಲ್ಲಿಡಿ.
