ದಿನವಿಡೀ ಒಂದೇ ಸ್ಯಾನಿಟರಿ ಪ್ಯಾಡ್ ಧರಿಸೋ ಅಭ್ಯಾಸವಿದ್ಯಾ? ಹೆಲ್ತ್ ಹಾಳಾಗೋದು ಗ್ಯಾರಂಟಿ

ಋತುಚಕ್ರದ ಸಮಯದಲ್ಲಿ ಮಹಿಳೆಯರು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಹೊಟ್ಟೆ ನೋವು, ಸೆಳೆತ, ಮೂಡ್ ಸ್ವಿಂಗ್, ಆಯಾಸ, ದೌರ್ಬಲ್ಯ ಸಮಸ್ಯೆ. ಮೊದಲಾದವು. ಈ ಎಲ್ಲಾ ಸಮಸ್ಯೆಯಿದ್ದರೂ ಪಿರಿಯಡ್ ಟೈಮ್ ನಲ್ಲಿ ನೈರ್ಮಲ್ಯವನ್ನು ಪಾಲಿಸಬೇಕು. ಇಲ್ಲದಿದ್ದರೆ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. ಮುಟ್ಟಿನ ಸಮಯದಲ್ಲಿ ದೇಹದಿಂದ ಬ್ಯಾಕ್ಟೀರಿಯಾಗಳು ಬಿಡುಗಡೆಯಾಗುತ್ತವೆ. ಅದರಲ್ಲೂ ಪ್ರತಿ 4 ಗಂಟೆಗೊಮ್ಮೆ ಸ್ಯಾನಿಟರಿ ಪ್ಯಾಡ್ ಬದಲಾಯಿಸದಿದ್ದರೆ ಹಲವು ಕಾಯಿಲೆಗಳು ಕಾಡಬಹುದು.

ತಜ್ಞರ ಪ್ರಕಾರ, ಅನೇಕ ಮಹಿಳೆಯರು ತಮ್ಮ ರಕ್ತದ ಹರಿವನ್ನು ಅವಲಂಬಿಸಿ ಪ್ಯಾಡ್‌ಗಳನ್ನು ಬದಲಾಯಿಸುತ್ತಾರೆ. ಆದರೆ ತಜ್ಞರು ಹೇಳುವಂತೆ ರಕ್ತದ ಹರಿವು ಹೆಚ್ಚಿರಲಿ ಅಥವಾ ಕಡಿಮೆಯಾಗಿರಲಿ ಪ್ರತಿ 4 ಗಂಟೆಗಳಿಗೊಮ್ಮೆ ಪ್ಯಾಡ್‌ನ್ನು ಬದಲಾಯಿಸಬೇಕು. ಏಕೆಂದರೆ ಹೀಗೆ ಮಾಡುವುದರಿಂದ ಬ್ಯಾಕ್ಟೀರಿಯಾದ ಸೋಂಕಿನ ಅಪಾಯ ಕಡಿಮೆಯಾಗುತ್ತದೆ. ರಕ್ತಸ್ರಾವವಾಗದೆ ದಿನವಿಡೀ ಪ್ಯಾಡ್ ಇಟ್ಟರೆ ಸೋಂಕುಗಳು ಬರುತ್ತವೆ. ಮೇಲಾಗಿ ಯೋನಿಯ ಸಂಬಂಧಿ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ.

ಲ್ಯುಕೋರಿಯಾ: ಲ್ಯುಕೇರಿಯಾವು ಯೋನಿಯಿಂದ ಬಿಳಿ ಅಥವಾ ಹಳದಿ ಸ್ರವಿಸುವಿಕೆಯಾಗಿದೆ. ಇದರಿಂದ ಮಹಿಳೆಯರು ದುರ್ಬಲರಾಗುತ್ತಾರೆ. ತುಂಬಾ ಆಯಾಸವನ್ನು ಅನುಭವಿಸುತ್ತಾರೆ. ತಜ್ಞರ ಪ್ರಕಾರ, ಸಮಯಕ್ಕೆ ಸರಿಯಾಗಿ ಪ್ಯಾಡ್ ಬದಲಾಯಿಸದ ಕಾರಣ ಲ್ಯುಕೇಮಿಯಾ ಉಂಟಾಗುತ್ತದೆ.

ಯೋನಿ ತುರಿಕೆ: ಚರ್ಮದ ತುರಿಕೆ ಚರ್ಮದ ಸೋಂಕಿನ ಏಕೈಕ ಕಾರಣವಾಗಿದೆ. ಒಂದೇ ಪ್ಯಾಡ್ ಅನ್ನು ದಿನವಿಡೀ ಅಥವಾ 4 ಗಂಟೆಗಳಿಗಿಂತ ಹೆಚ್ಚು ಕಾಲ ಬಳಸಿದರೆ, ಅದು ಚರ್ಮದ ಮೇಲೆ ದದ್ದುಗಳು ಮತ್ತು ಕಿರಿಕಿರಿಯನ್ನು ಉಂಟುಮಾಡಬಹುದು. ಪರಿಣಾಮವಾಗಿ ಅಸಹನೀಯ ತುರಿಕೆ ಅಥವಾ ಸುಡುವ ಸಂವೇದನೆಯ ಅನುಭವವಾಗವಬಹುದು.

ಚರ್ಮದ ದದ್ದು: ಯೋನಿಯ ಅಥವಾ ಅದರ ಸುತ್ತ ಗುಳ್ಳೆಗಳಾಗಲು ಮುಖ್ಯ ಕಾರಣಗಳಲ್ಲಿ ಅಸಮರ್ಪಕ ನೈರ್ಮಲ್ಯವೂ ಒಂದು. ವಿಶೇಷವಾಗಿ ಪಿರಿಯಡ್ಸ್ ಸಮಯದಲ್ಲ. ಪ್ಯಾಡ್ ಬದಲಾಯಿಸದಿರುವುದು ಶಿಲೀಂಧ್ರ ಮತ್ತು ಬ್ಯಾಕ್ಟೀರಿಯಾದ ಸೋಂಕುಗಳಿಗೆ ಕಾರಣವಾಗಬಹುದು. ಇದು ದದ್ದುಗಳು ಮತ್ತು ಕಿರಿಕಿರಿಯನ್ನು ಉಂಟುಮಾಡುತ್ತದೆ.

ಮೂತ್ರನಾಳದ ಸೋಂಕಿನ ಅಪಾಯ: ತಜ್ಞರ ಪ್ರಕಾರ, ಸಮಯಕ್ಕೆ ಸರಿಯಾಗಿ ಪ್ಯಾಡ್‌ಗಳನ್ನು ಬದಲಾಯಿಸದಿದ್ದರೆ ಯುಟಿಐ ಸಮಸ್ಯೆಯ ಅಪಾಯವೂ ಇದೆ. ಯುಟಿಐಗಳ ತೊಡಕುಗಳು ಮೂತ್ರಪಿಂಡಗಳು, ಮೂತ್ರನಾಳಗಳು, ಮೂತ್ರಕೋಶ ಮತ್ತು ಮೂತ್ರದ ವ್ಯವಸ್ಥೆಯ ಸೋಂಕನ್ನು ಒಳಗೊಂಡಿವೆ. ಇದು ಮೂತ್ರ ವಿಸರ್ಜನೆಯ ಸಮಯದಲ್ಲಿ ಉರಿ, ಹೊಟ್ಟೆ ನೋವು ಮತ್ತು ಯೋನಿಯಿಂದ ಕೆಟ್ಟ ವಾಸನೆಯಂತಹ ಸಮಸ್ಯೆಗಳನ್ನು ಉಂಟುಮಾಡುತ್ತದೆ.

ದುರ್ವಾಸನೆ: ಸಮಯಕ್ಕೆ ಸರಿಯಾಗಿ ಪ್ಯಾಡ್‌ನ್ನು ಬದಲಾಯಿಸದಿದ್ದರೆ, ಪ್ಯಾಡ್ ಕೆಟ್ಟ ವಾಸನೆ ಬರಲು ಪ್ರಾರಂಭಿಸುತ್ತದೆ. ಯೋನಿಯಿಂದ ಹಲವಾರು ದಿನಗಳವರೆಗೆ ಕೆಟ್ಟ ವಾಸನೆ ಬರುತ್ತದೆ. ಆದರೆ ಪಿರಿಯಡ್ಸ್ ಸಮಯದಲ್ಲಿ ಬಿಡುಗಡೆಯಾಗುವ ಬ್ಯಾಕ್ಟೀರಿಯಾ ಕೊಳೆತ ವಾಸನೆಯನ್ನು ನೀಡುತ್ತದೆ. ಇದರಿಂದ ದೇಹದಿಂದ ಕೆಟ್ಟ ದುರ್ಗಂಧ ಬರಬಹುದು.