ಉಪ್ಪಿನಿಂದ ಪ್ರಯತ್ನಿಸಬಹುದಾದ ನಂಬಲಸಾಧ್ಯ ಹ್ಯಾಕ್ ಗಳು!!!

First Published Jan 4, 2021, 7:44 PM IST

ಅಡುಗೆ ರುಚಿ ಹೆಚ್ಚಿಸಲು ಉಪ್ಪು ಬೇಕೇ ಬೇಕು. ಇಲ್ಲದಿದ್ದರೆ ಅಡುಗೆಯನ್ನು ತಿನ್ನಲು ಸಾಧ್ಯವೇ ಇಲ್ಲ. ಆದರೆ ಉಪ್ಪು ಕೇವಲ ಅಡುಗೆ ಮನೆಯ ಕ್ಯಾಬಿನೆಟ್ ನಲ್ಲಿ ಮಾತ್ರ ಇರಬೇಕಾದ ಒಂದು ಪದಾರ್ಥವಲ್ಲ. ಇದರಲ್ಲಿ ಕೆಲವು ಅದ್ಭುತವಾದ ಉಪಯೋಗಗಳಿವೆ, ಅವು ಅಡುಗೆಗೆ ಅಲ್ಲ. ಮತ್ತೆ ಇದರಿಂದ ಏನೆಲ್ಲಾ ಪ್ರಯೋಜನಗಳಿವೆ ತಿಳಿಯಬೇಕೇ? ಹಾಗಿದ್ದರೆ ಮುಂದೆ ಓದಿ..

ಸ್ಮೆಲ್ಲಿ ಶೂಸ್? ನಿಮ್ಮ ಪಾದರಕ್ಷೆಯಿಂದ ವಿಪರೀತ ವಾಸನೆ ಬರುತ್ತಿದ್ದರೆ, ಅದನ್ನು ಹೋಗಲಾಡಿಸಲು ನಿಮ್ಮ ಶೂಗಳಲ್ಲಿ ಸ್ವಲ್ಪ ಉಪ್ಪನ್ನು ಚಿಮುಕಿಸಿ. ಇದರಿಂದ ವಾಸನೆ ನಿವಾರಣೆಯಾಗುತ್ತದೆ.

ಬಟ್ಟೆಯಲ್ಲಿ ಕಲೆ? ಈ ಕಲೆಯಿಂದ ಮುಕ್ತಿ ಪಡೆಯಲು ಒಂದು ತ್ವರಿತ ವಿಧಾನವೆಂದರೆ ನಿಮ್ಮ ಕಲೆ ಇರುವ ಬಟ್ಟೆಗಳನ್ನು ತಣ್ಣನೆಯ ಉಪ್ಪು ನೀರಿನಲ್ಲಿ ನೆನೆಸಿ. ನಂತರ ಸೋಪಿನ ಬಿಸಿ ನೀರಿನಿಂದ ತೊಳೆಯಿರಿ.

ಕಾಫಿ ಜಾಸ್ತಿ ಕಹಿ ಆಗಿದ್ಯಾ? ಕೆಲವೊಮ್ಮೆ ಕಾಫಿ ನಿಜವಾಗಿಯೂ ಕಹಿಯಾಗಿರಬಹುದು, ಮತ್ತು ಅದನ್ನು ಕಡಿಮೆ ಕಹಿಯನ್ನಾಗಿ ಮಾಡಲು, ಒಂದು ಚಿಟಿಕೆ ಉಪ್ಪನ್ನು ಸೇರಿಸಿ, ಅದರ ರುಚಿಯನ್ನು ಹೆಚ್ಚಿಸಬಹುದು.