ಅನಗತ್ಯ ಗರ್ಭಧಾರಣೆ ತಪ್ಪಿಸಲು ನೀವು ಈ ತಪ್ಪು ಮಾಡ್ತಿಲ್ಲ ತಾನೆ?

ತಾಯಿಯಾಗುವುದು ಪ್ರತಿಯೊಬ್ಬ ಮಹಿಳೆಯ ದೊಡ್ಡ ಕನಸು. ಒಂದೆಡೆ, ಜನರು ತಾಯಿಯಾಗಲು ವಿಭಿನ್ನ ವಿಧಾನಗಳನ್ನು ಅಳವಡಿಸಿಕೊಳ್ಳುತ್ತಾರೆ. ಅದೇ ಸಮಯದಲ್ಲಿ, ಕೆಲವು ಮಹಿಳೆಯರು ಅನಗತ್ಯ ಗರ್ಭಧಾರಣೆ (unwanted pregnancy) ತಪ್ಪಿಸಲು  ಗರ್ಭಪಾತ ಮಾತ್ರೆ ಬಳಸುತ್ತಾರೆ. ಇದು ಅಪಾಯಕಾರಿ. ಆದ್ದರಿಂದ, ಗರ್ಭಪಾತದ ಮಾತ್ರೆ ತೆಗೆದುಕೊಳ್ಳುವ ಮೊದಲು ವೈದ್ಯರ ಸಲಹೆ ತೆಗೆದುಕೊಳ್ಳಬೇಕು. ಗರ್ಭಪಾತದ ಮಾತ್ರೆಯನ್ನು ನೀವೇ ತೆಗೆದುಕೊಳ್ಳುವುದು ಅಪಾಯಕಾರಿ. ಅದರ ಅಡ್ಡಪರಿಣಾಮಗಳನ್ನು ತಿಳಿದುಕೊಳ್ಳೋಣ.

ಗರ್ಭಪಾತದ ಕಾನೂನುಗಳು
ಪ್ರತಿಯೊಂದು ದೇಶವು ಗರ್ಭಪಾತಕ್ಕಾಗಿ ಕಾನೂನುಗಳನ್ನು (abortion law) ಹೊಂದಿದೆ. ಭಾರತದಲ್ಲಿ, ಗರ್ಭಧಾರಣೆಯ 24 ವಾರಗಳವರೆಗೆ ಗರ್ಭಪಾತವನ್ನು ಕಾನೂನುಬದ್ಧವೆಂದು ಪರಿಗಣಿಸಲಾಗುತ್ತದೆ, ಅಂದರೆ, ಯಾವುದೇ ಮಹಿಳೆ ಅನಗತ್ಯ ಗರ್ಭಧಾರಣೆಯನ್ನು ದೀರ್ಘಕಾಲದವರೆಗೆ ತೊಡೆದು ಹಾಕಬಹುದು.

ಗರ್ಭಪಾತ ಮಾತ್ರೆಗಳು ಏಕೆ ಅಪಾಯ (abortion pills are dangerous)?
ಸ್ತ್ರೀರೋಗತಜ್ಞರ ಪ್ರಕಾರ, ಗರ್ಭಪಾತ ಮಾತ್ರೆಗಳನ್ನು ಗರ್ಭಧಾರಣೆಯನ್ನು ತೊಡೆದು ಹಾಕಲು ಬಳಸಬೇಕಾಗುತ್ತದೆ. ಎಂಟಿಪಿ ಕಿಟ್ ಗಳಂತಹ ವಸ್ತುಗಳನ್ನು ಸಹ ಬಳಸಬಹುದು. ಅನೇಕ ಸಂದರ್ಭಗಳಲ್ಲಿ, ಇದು ಸಣ್ಣ ಅಡ್ಡಪರಿಣಾಮಗಳನ್ನು ಉಂಟುಮಾಡಬಹುದು, ಆದರೆ ಕೆಲವು ಸಂದರ್ಭಗಳಲ್ಲಿ ಇದು ಸಮಸ್ಯೆ ಹೆಚ್ಚಿಸಬಹುದು.

ಕೆಲವು ಸಂದರ್ಭಗಳಲ್ಲಿ, ಭ್ರೂಣ ಮಹಿಳೆಯ ಫೆಲೋಪಿಯನ್ ಟ್ಯೂಬಲ್ಲಿ ಸಿಲುಕಿಕೊಳ್ಳುತ್ತದೆ. ಇದನ್ನು ಎಕ್ಟೋಪಿಕ್ ಗರ್ಭಧಾರಣೆ ಎಂದು ಕರೆಯಲಾಗುತ್ತದೆ. ಇದರರ್ಥ ಭ್ರೂಣ ಗರ್ಭಾಶಯದ ಬದಲು ಫೆಲೋಪಿಯನ್ ಟ್ಯೂಬ್ ನಲ್ಲಿ ಉಳಿದುಕೊಂಡಿದೆ ಎಂದು. 

ಗರ್ಭಪಾತ ಮಾತ್ರೆ ಮಾರಣಾಂತಿಕ
ಎಕ್ಟೋಪಿಕ್ ಗರ್ಭಾವಸ್ಥೆಯಲ್ಲಿ ಗರ್ಭಪಾತ ಮಾತ್ರೆ ತೆಗೆದುಕೊಳ್ಳುವುದು ರಕ್ತಸ್ರಾವದ ಅಪಾಯ ಹೆಚ್ಚಿಸುತ್ತದೆ. ರಕ್ತಸ್ರಾವವು ಅಂಗಾಂಶವನ್ನು ತೆಗೆದು ಹಾಕುತ್ತದೆ ಮತ್ತು ಫೆಲೋಪಿಯನ್ ಟ್ಯೂಬ್ ನ ಗೋಡೆಗೆ ಹಾನಿಯನ್ನುಂಟು ಮಾಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಫೆಲೋಪಿಯನ್ ಟ್ಯೂಬ್ ಛಿದ್ರಗೊಳ್ಳುವ ಅಪಾಯವಿದೆ. ಈ ಸ್ಥಿತಿಯಲ್ಲಿ, ಸಾಕಷ್ಟು ನೋವು ಮತ್ತು ರಕ್ತ ಸ್ರಾವ ಇರುತ್ತದೆ. ತಕ್ಷಣವೇ ಶಸ್ತ್ರಚಿಕಿತ್ಸೆ ಮಾಡದಿದ್ದರೆ, ಸಾವಿನ ಅಪಾಯವಿದೆ.

ವೈದ್ಯರ ಸಲಹೆಯ ಮೇರೆಗೆ ಮಾತ್ರ ಗರ್ಭಪಾತದ ಮಾತ್ರೆ ತೆಗೆದುಕೊಳ್ಳಿ.
ಗರ್ಭಪಾತಕ್ಕಾಗಿ (abortion) ಬಂದ ಯಾವುದೇ ಮಹಿಳೆಗೆ ಗರ್ಭಪಾತದ ಮಾತ್ರೆ ನೀಡುವ ಮೊದಲು, ಎಕ್ಟೋಪಿಕ್ ಗರ್ಭಧಾರಣೆಯ ಪ್ರಕರಣವಲ್ಲ ಎಂದು ಖಚಿತಪಡಿಸಿಕೊಳ್ಳಲಾಗುತ್ತೆ ಎಂದು ಸ್ತ್ರೀರೋಗ ತಜ್ಞರು ಹೇಳುತ್ತಾರೆ. ಇದಕ್ಕಾಗಿ, ಅಲ್ಟ್ರಾಸೌಂಡ್ ನಂತಹ ಪರೀಕ್ಷೆಗಳ ಸಹಾಯವನ್ನು ತೆಗೆದುಕೊಳ್ಳಲಾಗುತ್ತದೆ.

ತನಿಖೆಯ ಸಮಯದಲ್ಲಿ, ಎಕ್ಟೋಪಿಕ್ ಗರ್ಭಧಾರಣೆಯ ರೋಗಲಕ್ಷಣಗಳು ಕಾಣಿಸಿಕೊಂಡರೆ ವೈದ್ಯರು ಗರ್ಭಪಾತ ಮಾತ್ರೆಗಳನ್ನು ನೀಡಲು ನಿರಾಕರಿಸುತ್ತಾರೆ, ಏಕೆಂದರೆ ಇದು ರೋಗಿಯ ಜೀವಕ್ಕೂ ಅಪಾಯವನ್ನುಂಟು ಮಾಡುತ್ತದೆ. ಅದರಿಂದ ಹಲವಾರು ಅಡ್ಡಪರಿಣಾಮಗಳು ಉಂಟಾಗುತ್ತೆ.
 

ಗರ್ಭಪಾತ ಮಾತ್ರೆಯ ಅಡ್ಡಪರಿಣಾಮಗಳು
 
ಹೊಟ್ಟೆ ನೋವು
ಸೆಳೆತಗಳು
ಬೆನ್ನು ನೋವು (back pain)
ತಲೆತಿರುಗುವಿಕೆ
ತಲೆ ನೋವು
ವಾಂತಿ, ವಾಕರಿಕೆ
ನೋವು ಅಥವಾ ರಕ್ತಸ್ರಾವದಲ್ಲಿ ಹಠಾತ್ ಹೆಚ್ಚಳ