ವೈಟ್‌ಹೌಸ್ ಡಿನ್ನರ್‌ಗೆ ನೀತಾ ಅಂಬಾನಿ ಧರಿಸಿದ್ದ ಸೀರೆ ತಯಾರಿಸೋಕೆ ಬರೋಬ್ಬರಿ 1 ತಿಂಗ್ಳು ಬೇಕಾಯ್ತಂತೆ!

ಉದ್ಯಮಿ ಮುಕೇಶ್ ಅಂಬಾನಿಯವರ ಪತ್ನಿ ನೀತಾ ಅಂಬಾನಿ ಯಾವಾಗಲೂ ತಮ್ಮ ಅತ್ಯಾಕರ್ಷಕ ಉಡುಪು, ಆಭರಣಗಳಿಂದಲೇ ಸುದ್ದಿಯಲ್ಲಿರುತ್ತಾರೆ. ಯಾವುದೇ ಕಾರ್ಯಕ್ರಮಕ್ಕೆ ಹೋದರೂ ಅವರು ಹೆಚ್ಚು ಬೆಲೆಬಾಳುವ, ವಿಭಿನ್ನ ಕಸೂತಿಯ ಉಡುಪನ್ನು ಧರಿಸಿ ಎಲ್ಲರ ಹುಬ್ಬೇರುವಂತೆ ಮಾಡುತ್ತಾರೆ. ಸದ್ಯ ನೀತಾ ಅಂಬಾನಿ ವೈಟ್‌ಔಸ್‌ ಡಿನ್ನರ್‌ಗೆ ಧರಿಸಿದ ಸೀರೆ ಎಲ್ಲರ ಗಮನ ಸೆಳೆಯುತ್ತಿದೆ. 

ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಅಮೇರಿಕಾ ಭೇಟಿಯ ಗೌರವಾರ್ಥವಾಗಿ ಶ್ವೇತಭವನವು ರಾಜ್ಯ ಭೋಜನವನ್ನು ಆಯೋಜಿಸಿತ್ತು. ವಿಶ್ವದ ಕೆಲವು ಪ್ರಭಾವಿ ವ್ಯಕ್ತಿಗಳು ಭಾಗವಹಿಸಿದ್ದರು. ಈ ಕಾರ್ಯಕ್ರಮಕ್ಕೆ ಆಗಮಿಸಿದ ಅನೇಕರಲ್ಲಿ ಬಿಲಿಯನೇರ್ ಮುಕೇಶ್ ಅಂಬಾನಿ ಮತ್ತು ಅವರ ಪತ್ನಿ ನೀತಾ ಅಂಬಾನಿ ಸಹ ಸೇರಿದ್ದಾರೆ. 

ನೀತಾ ಅಂಬಾನಿ ಬಹುತೇಕ ಕಾರ್ಯಕ್ರಮಗಳಲ್ಲಿ ಧರಿಸುವ ಸೀರೆ ಭಾರತೀಯ ಜವಳಿ ಲೋಕಗಳ ವೈಭವವನ್ನು ತೋರಿಸುತ್ತಾರೆ. ಸದ್ಯ ಅವರು ವೈಟ್‌ಔಸ್‌ ಡಿನ್ನರ್‌ಗೆ ಧರಿಸಿದ ಸೀರೆ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಕಾರ್ಯಕ್ರಮಕ್ಕಾಗಿ, ಅವರು  ದಂತ ಮತ್ತು ಚಿನ್ನದ ಬನಾರಸಿ ರೇಷ್ಮೆ ಸೀರೆಯನ್ನು ಧರಿಸಿದ್ದರು.
ಈ ರೇಷ್ಮೆ ಸೀರೆಯನ್ನು ಬರೋಬ್ಬರಿ ಒಂದು ತಿಂಗಳ ಕಾಲ ಶ್ರಮ ವಹಿಸಿ ತಯಾರಿಸಲಾಗಿದೆ ಎಂದು ತಿಳಿದುಬಂದಿದೆ.

ರಿಲಯನ್ಸ್ ಫೌಂಡೇಶನ್‌ನ ಸ್ವದೇಶ್ ಪ್ರದರ್ಶನದಲ್ಲಿ ಇದನ್ನು ತಯಾರಿಸಲಾಯಿತು, ಇದು ಜವಳಿಗಳ ಭಾರತದ ವಿಶಾಲವಾದ ಮತ್ತು ನಿಖರವಾದ ಕರಕುಶಲತೆಯನ್ನು ಪ್ರದರ್ಶಿಸುತ್ತದೆ. ಪರಿಮಳಯುಕ್ತ ಗಜ್ರಾ, ಸರಳ ಮೇಕಪ್‌ನಲ್ಲಿ ನೀತಾ ಅಂಬಾನಿ ಕಾಣಿಸಿಕೊಂಡರು. 

ಲೇಯರ್ಡ್ ಮುತ್ತಿನ ಹಾರ,  ಮತ್ತು ಸೊಗಸಾದ ಮುತ್ತು ಮತ್ತು ವಜ್ರದ ಸ್ಟಡ್ ಕಿವಿಯೋಲೆಗಳು,  ಬೆರಗುಗೊಳಿಸುವ ಕಡ ಮತ್ತು ಅಲಂಕೃತ ಉಂಗುರ ಅತ್ಯಾಕರ್ಷಕವಾಗಿ ಹೊಂದಿಕೆಯಾಗುತ್ತಿದ್ದವು. ಆಕ್ಸೆಸರಿಗಳಿಗಾಗಿ ಪೋಟ್ಲಿ ಅವರ ಆಯ್ಕೆಯಾಗಿತ್ತು.

ಶ್ವೇತಭವನದ ಔತಣಕೂಟದಲ್ಲಿ ನೀತಾ ಅಂಬಾನಿ ಮತ್ತು ಮುಖೇಶ್ ಅಂಬಾನಿ ಅವರೊಂದಿಗೆ ಸುಂದರ್ ಪಿಚೈ ಮತ್ತು ಅಂಜಲಿ ಪಿಚೈ ಸಹ ಭಾಗವಹಿಸಿದ್ದರು.  ಆನಂದ್ ಮಹೀಂದ್ರಾ, ಇಂದ್ರಾ ನೂಯಿ, ನಿಖಿಲ್ ಕಾಮತ್, ಸತ್ಯ ನಾಡೆಲ್ಲಾ ಮತ್ತು ಫ್ಯಾಷನ್ ಡಿಸೈನರ್ ಕರಿಷ್ಮಾ ಸ್ವಾಲಿ ಅವರು ಯುಎಸ್ ಸ್ಟೇಟ್ ಡಿನ್ನರ್‌ನಲ್ಲಿ ಭಾಗವಹಿಸಿದ್ದರು.

ಯುಎಸ್ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಹೋಸ್ಟ್ ಮಾಡಿದ್ದ ಕಾರ್ಯಕ್ರಮದಲ್ಲೂ ಸಹ ಭಾರತೀಯ ಜವಳಿ ಹೆಮ್ಮೆಯ ಸ್ಥಾನವನ್ನು ಕಂಡುಕೊಂಡಿದೆ. ಈ ಭೋಜನಕೂಟಕ್ಕೆ ನೀತಾ ಅಂಬಾನಿ ಶತಮಾನಗಳಷ್ಟು ಹಳೆಯದಾದ ಭಾರತೀಯ ಕರಕುಶಲತೆಯನ್ನು ಪ್ರತಿನಿಧಿಸುವ ಪ್ರಕಾಶಮಾನವಾದ ಗುಲಾಬಿ ಪಟೋಲಾ ಸೀರೆಯನ್ನು ಧರಿಸಿದ್ದರು. ಇದರ ಬೆಲೆ ಒಂದೂವರೆ ಲಕ್ಷ. ಪ್ರಾಣಿಗಳ ಮಾದರಿಗಳು ಮತ್ತು ಜ್ಯಾಮಿತೀಯ ಪರಿಪೂರ್ಣತೆಯೊಂದಿಗೆ ಈ ಸುಂದರವಾದ ಪ್ರಕಾಶಮಾನವಾದ ನೇಯ್ಗೆ ಪರಿಪೂರ್ಣತೆಗೆ ಪೂರ್ಣಗೊಳ್ಳಲು 6 ತಿಂಗಳ ಕಠಿಣ ಪರಿಶ್ರಮವನ್ನು ತೆಗೆದುಕೊಂಡಿತು.