ವಿದೇಶದಲ್ಲಿ ಲಕ್ಷಗಟ್ಟಲೆ ಸಂಪಾದನೆಯ ಕೆಲಸ ಬಿಟ್ಟು ದೇಶ ಸೇವೆಗಾಗಿ ಪೊಲೀಸ್‌ ಆದ Neha Pachisia

ದಬಾಂಗ್ ಲೇಡಿ ಆಫೀಸರ್ ನೇಹಾ ಪಚಿಸಿಯಾ ಅವರು ಮಧ್ಯಪ್ರದೇಶದ ರಾಜ್‌ಗಢ್ ಜಿಲ್ಲೆಯ ಪಚೋರ್ ತೆಹಸಿಲ್‌ನಿಂದ ಬಂದವರು. ನೇಹಾ ಮಧ್ಯಮ ವರ್ಗದ ಕುಟುಂಬದ ನಾಲ್ಕು ಸಹೋದರಿಯರಲ್ಲಿ  ಹಿರಿಯರು.

ಅವರ ತಂದೆ ಶಿಕ್ಷಕ ಮತ್ತು ತಾಯಿ ಗೃಹಿಣಿ. ಅಕ್ಕ, ನೇಹಾ ಬಾಲ್ಯದಿಂದಲೂ ತನ್ನ ಹೆಗಲ ಮೇಲೆ ಸಾಕಷ್ಟು ಜವಾಬ್ದಾರಿಗಳನ್ನು ಹೊಂದಿದ್ದರು. ನಾಲ್ಕು ಸಹೋದರಿಯರನ್ನು ನೋಡಿಕೊಳ್ಳುವುದು ಅವರ ಆದ್ಯತೆಯಾಗಿತ್ತು. 

ಇದಕ್ಕಾಗಿ ಅವರು ಆರಂಭದಿಂದಲೂ ಸಾಕಷ್ಟು ಹೋರಾಟ ನಡೆಸಿದ್ದರು. ಪಚೋರೆಯಂತಹ ಚಿಕ್ಕ ಜಾಗದಲ್ಲಿ ಉತ್ತಮ ಶಾಲೆಗಳು ಇರಲಿಲ್ಲ, ಆದ್ದರಿಂದ ನೇಹಾ ಅವರ ತಾಯಿ ಮತ್ತು ತಂದೆ ಮಕ್ಕಳಿಗೆ ಶಿಕ್ಷಣ ನೀಡಲು ಸಾಕಷ್ಟು ಕಷ್ಟಪಡಬೇಕಾಯಿತು

12 ನೇ ತೇರ್ಗಡೆಯಾದ ನಂತರ, ನೇಹಾ ಪಚಿಸಿಯಾ ಅವರು ವಿಮಾನಯಾನದಲ್ಲಿ ಡಿಪ್ಲೊಮಾ ಮಾಡಿದರು. ಮತ್ತು ನಂತರ ಅವರು ಏರ್ ಇಂಡಿಯಾದಲ್ಲಿ ಏರ್ ಹೋಸ್ಟೆಸ್ ಆದರು. ಈ ವೇಳೆ ಹಲವು ವಿದೇಶಿ ಕಂಪನಿಗಳಿಂದ ಲಕ್ಷಗಟ್ಟಲೆ ಸಂಬಳದ ಉದ್ಯೋಗ (Job)ದ ಆಫರ್ ಕೂಡ ಸಿಕ್ಕಿತ್ತು.

ಆದರೆ ನೇಹಾ 'ನನ್ನ ದೇಶ ಮತ್ತು ನನ್ನ ಪ್ರದೇಶದ ಹುಡುಗಿಯರನ್ನು ಮುನ್ನಡೆಸಲು ಏನಾದರೂ ಮಾಡಬೇಕು' ಎಂದು ನಂಬಿದ್ದರು. ಇದಾದ ನಂತರ ನೇಹಾ ಏರ್ ಇಂಡಿಯಾ (Airindia)ದ ಕೆಲಸವನ್ನು ತೊರೆದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಲ್ಲಿ ಕೆಲಸ ಮಾಡಿದರು.

ಈ ಸಮಯದಲ್ಲಿ, ಅವರು 2012ರಿಂದ 2016 ರವರೆಗಿನ ಪಿಎಸ್‌ಸಿ ಪರೀಕ್ಷೆಗಳನ್ನು ಸಹ ನೀಡಿದರು ಮತ್ತು ಅವರು ಎಲ್ಲಾ ಪರೀಕ್ಷೆ (Exam)ಗಳಲ್ಲಿ ಆಯ್ಕೆಯಾದರು. ಎಂಪಿಪಿಎಸ್‌ಸಿಯಲ್ಲಿ 20ನೇ ರ್ಯಾಂಕ್ ಗಳಿಸಿದ್ದಾರೆ.

ನೇಹಾ ಪಚಿಸಿಯಾ ಗುಣಾದಲ್ಲಿ ಸಿಎಸ್‌ಪಿಯಾಗಿ ಪೋಸ್ಟ್ ಮಾಡಿದಾಗ, ಕೋವಿಡ್‌ ಸಮಯದಲ್ಲಿ ಜನರನ್ನು ಪ್ರೇರೇಪಿಸಲು ಅವರು ದೇಶಭಕ್ತಿ ಗೀತೆಗಳ ಮೇಲೆ ನೃತ್ಯ ಮಾಡಿದರು, ಇದು ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವೈರಲ್ (Viral) ಆಯಿತು. ಅಷ್ಟೇ ಅಲ್ಲ, ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಕೂಡ ಅವರನ್ನು ಸನ್ಮಾನಿಸಿದ್ದಾರೆ.

ನೇಹಾ ಪಚಿಸಿಯಾ ಅವರು ಪ್ರಸ್ತುತ ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್‌ನಲ್ಲಿರುವ ಪೊಲೀಸ್ ಪ್ರಧಾನ ಕಚೇರಿಯಲ್ಲಿ ಡಿಎಸ್‌ಪಿ (DSP)ಯಾಗಿ ನೇಮಕಗೊಂಡಿದ್ದಾರೆ. ತನ್ನ ಪ್ರದೇಶದ ಭದ್ರತೆಯ ಜೊತೆಗೆ, ನೇಹಾ ಸಾಮಾಜಿಕ ಮಾಧ್ಯಮದಲ್ಲಿ ತುಂಬಾ ಸಕ್ರಿಯವಾಗಿದ್ದಾರೆ ಮತ್ತು ಎಲ್ಲರ ಮುಂದೆ ತನ್ನ ವಿಷಯವನ್ನು ಮುಕ್ತವಾಗಿ ಇಡುತ್ತಾರೆ.

ಗುಣಾದಲ್ಲಿ ಕೆಲಸಮಾಡುವ ಸಮಯದಲ್ಲಿ ಡಿಐಜಿಯೊಂದಿಗಿನ ಘರ್ಷಣೆಯ ಕಾರಣದಿಂದ ನೇಹಾ ಪಚಿಸಿಯಾ ಅವರನ್ನು ಭೋಪಾಲ್‌ (Bhopal)ಗೆ ವರ್ಗಾಯಿಸಲಾಯಿತು.