ದೈಹಿಕ ಸಂಬಂಧಗಳಿಂದ ಮಾತ್ರವಲ್ಲ, STI ಹೀಗೂ ಸಂಭವಿಸುತ್ತೆ!

ಲೈಂಗಿಕವಾಗಿ(Sex) ಹರಡುವ ಸೋಂಕುಗಳ ಬಗ್ಗೆ ಮಾತನಾಡಿದ ಕೂಡಲೇ ಜನರು ನೋಡೋ ನೋಟ ಬೇರೆಯಾಗುತ್ತೆ. ಇದು ಭಾರತದಲ್ಲಿ ನಿಷೇಧಿತ ವಿಷಯ. ಆದರೆ ಜಾಗೃತಿ ನೀಡುವ ಹಿನ್ನೆಲೆಯಲ್ಲಿ ಈ ಅನಾರೋಗ್ಯದ ಬಗ್ಗೆ ಹೆಚ್ಚಿನ ಅರಿವು ಅಗತ್ಯ. ಇಲ್ಲಿದೆ. ಹೆಚ್ಚಿನ ಮಾಹಿತಿ. 

ಎಸ್‌ಟಿಐ (STI) ಬಗ್ಗೆ ದೊಡ್ಡ ಮಿಥ್ಯೆ ಎಂದರೆ ಅದು ಲೈಂಗಿಕತೆಯ ಮೂಲಕ ಮಾತ್ರ ಸಂಭವಿಸುತ್ತೆ. ಅದು ನಿಜವಲ್ಲ. ಇದಕ್ಕೆ ಅನೇಕ ಕಾರಣಗಳಿರಬಹುದು. ಈ ರೀತಿಯ ವೈಯಕ್ತಿಕ ಸೋಂಕಿಗೆ ಇತರ ಕೆಲವು ಕಾರಣಗಳಿರಬಹುದು ಎಂದು ಸೂಚಿಸುವ ಅನೇಕ ಸಂಶೋಧನೆಗಳನ್ನು ಸಹ ಮಾಡಲಾಗಿದೆ. 

STI ಕಾರಣಗಳ ಬಗ್ಗೆ ಸಂಶೋಧನೆ ಏನು ಹೇಳುತ್ತೆ ?
ನ್ಯಾಷನಲ್ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ಇನ್ಫರ್ಮೇಷನ್ (ಎನ್ಸಿಬಿಐ) ನಡೆಸಿದ ಸಂಶೋಧನೆಯು STI ಗಳಿಗೆ ಕಾರಣಗಳನ್ನು ವಿವರಿಸುತ್ತೆ. ಸೋಂಕು ಕೇವಲ ಲೈಂಗಿಕ ಕ್ರಿಯೆ ನಡೆಸುವ ಮೂಲಕ ಮಾತ್ರ ಸಂಭವಿಸೋದಿಲ್ಲ ಎಂದು ಈ ಸಂಶೋಧನೆ ಸ್ಪಷ್ಟವಾಗಿ ಹೇಳುತ್ತೆ. ಇದು ಓರಲ್ ಟ್ರಾನ್ಸ್ಮಿಷನ್, ಅತಿಯಾದ ಆಲ್ಕೋಹಾಲ್ (Alcohol) ಬಳಕೆ, ವೇಶ್ಯಾವಾಟಿಕೆ, ಆನುವಂಶಿಕ ಸಮಸ್ಯೆ, ಮಾದಕ ವಸ್ತುಗಳ ಬಳಕೆ, ರೇಜರ್ ಅಥವಾ ಟೂತ್ ಬ್ರಷ್, ಬ್ಯಾಕ್ಟೀರಿಯಾ ಟ್ರಾನ್ಸ್ಮಿಷನ್, ಚರ್ಮದಿಂದ ಚರ್ಮದ ಸೋಂಕಿನಿಂದ ಉಂಟಾಗಬಹುದು. 

ಅಸುರಕ್ಷಿತ ಲೈಂಗಿಕತೆಯಿಂದ (Unsafe sex) ಸೋಂಕು ಹೊಂದುವ ಸಾಧ್ಯತೆಗಳು ಹೆಚ್ಚು, ಆದರೆ ಮೌಖಿಕ ವಿಷಯಗಳು ಯಾವುದೇ ರೀತಿಯಲ್ಲಿ ಕಾರ್ಯನಿರ್ವಹಿಸೋದಿಲ್ಲ ಎಂದು ಅರ್ಥವಲ್ಲ. ಎಸ್ ಟಿ ಐ ಯಾವ ರೀತಿಯಲ್ಲಿ ಸಂಭವಿಸಬಹುದು? ಈ ಅಪಾಯವನ್ನು ಯಾವುದು ಹೆಚ್ಚಿಸುತ್ತೆ  ಎಂಬುದನ್ನು ವಿವರವಾಗಿ ವಿವರಿಸೋಣ. 
 

1. ಕಿಸ್ಸಿಂಗ್(Kissing)  ಮತ್ತು ಓರಲ್ ಸೆಕ್ಸ್
ನಿಮ್ಮ ಜನನಾಂಗದಲ್ಲಿ ಯಾವುದೇ ರೀತಿಯ ಬ್ಯಾಕ್ಟೀರಿಯಾ ಇದ್ದರೆ, ಅದನ್ನು ಓರಲ್ ಸೆಕ್ಸ್ ಆಕ್ಟ್  ಮೂಲಕವೂ ವರ್ಗಾಯಿಸಬಹುದು ಎಂದು ಸಂಶೋಧನೆಗಳು ಹೇಳುತ್ತವೆ. ಹಾಗೆಯೇ, ನಿಮ್ಮ ಬಾಯಿ ಸುತ್ತಲೂ ದದ್ದು ಅಥವಾ ಗಾಯವಿದ್ದರೆ, ಬ್ಯಾಕ್ಟೀರಿಯಾ ಅದರ ಮೂಲಕ ವರ್ಗಾಯಿಸಬಹುದು. ಅನೇಕ ಸಂದರ್ಭಗಳಲ್ಲಿ ಅಂಥ ದದ್ದುಗಳು ಓರಲ್ ಹರ್ಪಿಸ್ ಅನ್ನು ಪ್ರತಿಬಿಂಬಿಸುತ್ತವೆ. ಆದರೆ ನಾವು ಅವುಗಳ ಬಗ್ಗೆ ಗಮನ ಹರಿಸಲು ಸಾಧ್ಯವಾಗೋದಿಲ್ಲ. ಇದು  ಬಹಳ ಸುಲಭವಾಗಿ ಹರಡಬಹುದು. ಅಂತಹ ದದ್ದು ಅಥವಾ ಗಾಯ ಬಾಯಿ ಸುತ್ತಲೂ ಇದ್ದರೆ, ಕಿಸ್ಸಿಂಗ್ ಮತ್ತು ಓರಲ್ ಸೆಕ್ಸ್  ಆ್ಯಕ್ಟ್ಸ್ ತಪ್ಪಿಸಬೇಕು. 

2. ಬ್ಲಡ್ ಟ್ರಾನ್ಸ್ಮಿಷನ್ 
ಈ ಸೋಂಕು   ಬ್ಲಡ್ ಟ್ರಾನ್ಸ್ಮಿಷನ್  ಮೂಲಕವೂ ಸಂಭವಿಸಬಹುದು. ಇದುವೇ ಏಡ್ಸ್(AIDS) ಬ್ಯಾಕ್ಟೀರಿಯಾ ಹರಡಲು ಕಾರಣ. ಗಾಯ, ಕಡಿತ ಅಥವಾ  ಬ್ಲಡ್ ಟ್ರಾನ್ಸ್ಮಿಷನ್  ಮೂಲಕ, ಎಸ್‌ಟಿಐ ಬ್ಯಾಕ್ಟೀರಿಯಾ ನೇರವಾಗಿ ರಕ್ತದ ಹರಿವನ್ನು ತಲುಪಬಹುದು.  

3. ಡ್ರಗ್ಸ್(Drugs) ಮತ್ತು ಆಲ್ಕೋಹಾಲ್ ಬಳಕೆ 
ರಕ್ತದ ಹರಿವಿನಲ್ಲಿ ಶಾಶ್ವತ ಬದಲಾವಣೆಗಳನ್ನು ಮಾಡುವ ಕೆಲವು ಔಷಧಿಗಳಿವೆ. ಸಂಶೋಧನೆ ಪ್ರಕಾರ, ಮಹಿಳೆ ಹೆಚ್ಚು ಡ್ರಗ್ಸ್ ಅಥವಾ ಆಲ್ಕೋಹಾಲ್ ಸೇವಿಸಿದರೆ, ಹೆಣ್ಣು ಸೋಂಕಿನ ಅಪಾಯದಲ್ಲಿರುತ್ತಾಳೆ. ಅಂತಹ ಸಂದರ್ಭಗಳಲ್ಲಿ, ಅನೇಕ ಬಾರಿ ದೇಹವು ತನ್ನದೇ ಆದ ವಿಭಿನ್ನ ರೀತಿಯ ಬ್ಯಾಕ್ಟೀರಿಯಾವನ್ನು ಅಭಿವೃದ್ಧಿಪಡಿಸುತ್ತೆ .  

4. ಟೂತ್ ಬ್ರಷ್(Tooth brush) ಅಥವಾ ರೇಜರ್ ಹಂಚಿಕೊಳ್ಳೋದು 
ಖಾಸಗಿ ವಸ್ತುವನ್ನು ಹಂಚಿಕೊಳ್ಳುವುದರಿಂದ ಸೋಂಕು ಹರಡುವ ಅಪಾಯವಿದೆ. ಚರ್ಮದ ಮೇಲೆ ಗಾಯವಾಗಿದ್ದರೆ, ರಕ್ತದ ಹರಿವಿನಲ್ಲಿ ಬ್ಯಾಕ್ಟೀರಿಯಾ ಹರಡಬಹುದು. ಹೆಪಟೈಟಿಸ್ ಬಿ, ಸಿ ಮತ್ತು ಎಚ್ಐವಿಯಂತಹ ಸೋಂಕುಗಳಿಗೆ ಇದೇ ಸಮಸ್ಯೆ ಉಂಟಾಗುತ್ತೆ.  

5. ಚರ್ಮದ ಸೋಂಕು (Skin infection)
ಜನನಾಂಗದ ಮೊಡವೆ, ದೈಹಿಕ ಸಂಪರ್ಕವಿದ್ದರೆ, ಅದು ಎಸ್ ಟಿ ಐ ಹರಡುವಿಕೆಗೆ ಕಾರಣವಾಗಬಹುದು. ಯಾರಾದರೂ ದೇಹದಲ್ಲಿ ತುರಿಕೆ ಹೊಂದಿದ್ದರೆ ಅಥವಾ ಗಾಯಗಳನ್ನು ಹೊಂದಿದ್ದರೆ, ಅದನ್ನು ತಪ್ಪಿಸಬೇಕು. ಇದು ಸಿಫಿಲಿಸ್‌ನ ಮಾರ್ಗವೂ ಆಗಿರಬಹುದು. 

ಕೆಲವು ಸಂದರ್ಭಗಳಲ್ಲಿ ಇದು ಕೆಲವು ರೀತಿಯ ಔಷಧಿಗಳ(Medicines) ಮಿತಿ ಮೀರಿದ ಸೇವನೆಯಿಂದ ಉಂಟಾಗಬಹುದು. ಜನನಾಂಗದ ಪ್ರದೇಶದಲ್ಲಿ ತುರಿಕೆ ಅಥವಾ ವಿಸರ್ಜನೆ, ಚರ್ಮದ ಸೋಂಕು, ಯಾವುದೇ ರೀತಿಯ ಮೊಡವೆ ಜನನಾಂಗದ ಪ್ರದೇಶದಲ್ಲಿ ಕಂಡುಬಂದರೆ, ವೈದ್ಯರ ಬಳಿಗೆ ಹೋಗಿ.