ಅಂಟಿಕೊಳ್ಳುತ್ತಾ?

ಹೊಸದಾಗಿ ಕುಕ್ಕರ್ ಅಥವಾ ಯಾವುದೇ ಪಾತ್ರೆಗಳನ್ನು ಖರೀದಿಸಿದಾಗ, ಅದರ ಮೇಲಿರುವ ಬೆಲೆಪಟ್ಟಿ ಅಥವಾ ಬ್ರ್ಯಾಂಡ್ ಸ್ಟಿಕ್ಕರ್ ಅನ್ನು ಕೈಯಿಂದ ಎಳೆದರೆ ಹರಿದು ಅಸಹ್ಯವಾಗಿ ಅಂಟಿಕೊಳ್ಳುತ್ತದೆ.

ಹತ್ತು ಬಾರಿ ಸೋಪು ಹಾಕಿ ತಿಕ್ಕಿದರೂ ಆ ಅಂಟು ಹೋಗುವುದಿಲ್ಲ. ಆದರೆ, ಈ ಸರಳ ಉಪಾಯ ಅನುಸರಿಸಿದರೆ ಯಾವುದೇ ಶ್ರಮವಿಲ್ಲದೆ ಸ್ಟಿಕ್ಕರ್ ಕ್ಲೀನ್ ಆಗಿ ಕಿತ್ತು ಬರುತ್ತದೆ!

ಹೊಸ ಪಾತ್ರೆ ತಂದ ತಕ್ಷಣ ಸ್ಟಿಕ್ಕರ್ ಅನ್ನು ನೀರಿನಲ್ಲಿ ನೆನೆಸಿ, ಸ್ಕ್ರಬ್ಬರ್ ಹಾಕಿ ತಿಕ್ಕಲು ಹೋಗಬೇಡಿ. ಹಾಗೆ ಮಾಡಿದರೆ ಕಾಗದ ಮಾತ್ರ ಬರುತ್ತದೆ, ಅಂಟು ಪಾತ್ರೆಗೆ ಗಟ್ಟಿಯಾಗಿ ಹಿಡಿದುಕೊಳ್ಳುತ್ತದೆ.

ಹೊಸ ಪಾತ್ರೆ ಅಥವಾ ಕುಕ್ಕರ್ ಅನ್ನು ಖಾಲಿಯಾಗಿ ಗ್ಯಾಸ್ ಒಲೆಯ ಮೇಲಿಟ್ಟು ಸಣ್ಣ ಉರಿಯಲ್ಲಿ (Low flame) ಕೆಲವೇ ಸೆಕೆಂಡುಗಳ ಕಾಲ ಬಿಸಿ ಮಾಡಿ.

ಪಾತ್ರೆ ಸ್ವಲ್ಪ ಬಿಸಿಯಾಗುತ್ತಿದ್ದಂತೆ, ಸ್ಟಿಕ್ಕರ್‌ನ ಕೆಳಗಿರುವ ಗಮ್ (ಅಂಟು) ಕರಗಲು ಆರಂಭವಾಗುತ್ತದೆ.

ಪಾತ್ರೆ ಬಿಸಿಯಿರುವಾಗಲೇ ಚಾಕು ಅಥವಾ ಕೈಯಿಂದ ಸ್ಟಿಕ್ಕರ್‌ನ ಒಂದು ತುದಿಯನ್ನು ಹಿಡಿದು ಎಳೆದರೆ, ಇಡೀ ಸ್ಟಿಕ್ಕರ್ ಒಂದೇ ತುಂಡಾಗಿ ಅಚ್ಚುಕಟ್ಟಾಗಿ ಕಳಚಿಕೊಳ್ಳುತ್ತದೆ. ಪಾತ್ರೆಯ ಮೇಲೆ ಕಿಂಚಿತ್ತೂ ಅಂಟು ಉಳಿಯುವುದಿಲ್ಲ!