ಮಂಗಳಮುಖಿಯರಿಗೂ ಪಿರಿಯಡ್ಸ್ ಆಗುತ್ತಾ? ಹೆಣ್ಣಿನ ದೇಹದ ಗುಟ್ಟಿದು!

ಮಹಿಳೆಯರ ದೇಹದ (women body secrets) ಬಗ್ಗೆ ಮಹಿಳೆಯರಿಗೆ ತಿಳಿದಿಲ್ಲದ ಅನೇಕ ವಿಷಯಗಳಿವೆ. ಈ ಕಾರಣಕ್ಕಾಗಿ ಅನೇಕ ಬಾರಿ, ಅವರು ತಮ್ಮ ರೋಗಗಳ ಬಗ್ಗೆ ಹೇಳೊದಕ್ಕೂ ನಾಚಿಕೆ ಪಡುತ್ತಾರೆ. ವಾಸ್ತವವಾಗಿ, ನಮ್ಮ ದೇಹವು ವಿಭಿನ್ನವಾಗಿದೆ ಎಂದು ಭಾವಿಸಲಾಗಿದೆ. ನಮ್ಮ ದೇಹದಲ್ಲಿನ ಕೆಲವೊಂದು ಸೂಕ್ಷ್ಮ ವಿಷಯಗಳನ್ನು ಮಾತ್ರ ಯಾರೂ ಮಾತನಾಡೋದೆ ಇಲ್ಲ. ಇಲ್ಲಿ ನಿಮ್ಮ ದೇಹದ ಬಗ್ಗೆ ನಿಮಗೆ ತಿಳಿಯದೇ ಇರುವ ಕೆಲವೊಂದು ಅಂಶಗಳು ಇವೆ. ಅವುಗಳ ಬಗ್ಗೆ ತಿಳಿಯೋಣ. 

ವಿಶ್ವ ಪ್ರಸಿದ್ಧ ಸ್ತ್ರೀರೋಗತಜ್ಞ ಮತ್ತು ಸಾಮಾಜಿಕ ಮಾಧ್ಯಮ ಪ್ರಭಾವಶಾಲಿ ಡಾ.ತನುಸ್ ಅಲಿಯಾಸ್ ಡಾ.ಕಟಾರೆಸ್ ಇತ್ತೀಚೆಗೆ ಮಹಿಳೆಯರ ದೇಹದ ಬಗ್ಗೆ ಪೋಸ್ಟ್ ಹಂಚಿ ಕೊಂಡಿದ್ದಾರೆ. ಈ ಪೋಸ್ಟಲ್ಲಿ ಮಹಿಳೆಯರ ದೇಹಗಳು ಹೇಗೆ ಭಿನ್ನವಾಗಿವೆ ಮತ್ತು ಅದಕ್ಕೆ ಸಂಬಂಧಿಸಿದ ಕೆಲವು ಸಂಗತಿಗಳು ಅವರಿಗೆ ತಿಳಿದಿಲ್ಲ ಎಂದು ಅವರು ಹೇಳಿದರು. 

ಸ್ತನ ಇನ್ನೊಂದಕ್ಕಿಂತ ದೊಡ್ಡದಾಗಿರುತ್ತೆ
ಮಹಿಳೆಯರ ಎರಡೂ ಸ್ತನಗಳು (breast size) ಒಂದೇ ಗಾತ್ರವನ್ನು ಹೊಂದಿರಬೇಕು ಎಂಬುದು ದೊಡ್ಡ ಮಿಥ್ಯೆ. ವ್ಯತ್ಯಾಸ ಇರುತ್ತದೆ. ದೇಹದ ಎಲ್ಲಾ ಭಾಗಗಳು ಒಟ್ಟಿಗೆ ಕೆಲಸ ಮಾಡುವುದಿಲ್ಲ. ಈ ಕಾರಣಕ್ಕಾಗಿಯೇ ಒಂದು ಸ್ತನವು ದೊಡ್ಡದಾಗಿರುತ್ತದೆ ಮತ್ತು ನಂತರ ಇನ್ನೊಂದು ಸ್ತನ ಚಿಕ್ಕದಾಗಿರುತ್ತದೆ. ಸ್ತನ ಮೃದು ಅಂಗಾಂಶವೂ ಇದೇ ರೀತಿಯಲ್ಲಿ ಬೆಳೆಯುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ, ನಮ್ಮ ಎಡ ಸ್ತನವು ಬಲ ಭಾಗಕ್ಕಿಂತ ದೊಡ್ಡದಾಗಿರುತ್ತದೆ. ಇದರ ಆಕಾರ ಮತ್ತು ಗಾತ್ರವೂ ಬದಲಾಗಬಹುದು.  
 

ಪುರುಷರಿಗಿಂತ ಮಹಿಳೆಯರಿಗೆ ವಾಸನೆಯ ಪ್ರಜ್ಞೆ ಹೆಚ್ಚು.
ಆಹಾರವು ಹಾಳಾಗುತ್ತಿದೆ ಅಥವಾ ಮನೆಯ ಯಾವ ಮೂಲೆಯಿಂದ ದುರ್ವಾಸನೆ ಬೀರುತ್ತಿದೆ ಅನ್ನೋದನ್ನು ವಾಸನೆಯಿಂದ ನೀವೆಷ್ಟು ಬಾರಿ ಕಂಡು ಹಿಡಿದಿದ್ದೀರಿ. ಆದರೆ ಮಹಿಳೆಯರು ಇಂತಹ ವಾಸನೆಗಳನ್ನು ಬೇಗ ಕಂಡು ಹಿಡಿಯುತ್ತಾರೆ. ಈ ಕಾರಣದಿಂದಾಗಿ, ಮಹಿಳೆಯರು ತಮಗಾಗಿ ಉತ್ತಮ ಸಂಗಾತಿಯನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ ಎಂದು ಅನೇಕ ಅಧ್ಯಯನಗಳು ತೋರಿಸುತ್ತವೆ. 

ಒಂದು ಅಧ್ಯಯನವನ್ನು ಯುರೋಪಿನಲ್ಲಿ ನಡೆಸಲಾಯಿತು, ಇದರಲ್ಲಿ ಮಹಿಳೆಯರು ಮತ್ತು ಪುರುಷರನ್ನು ವಿಭಿನ್ನ ವಾಸನೆಗಳ ಆಧಾರದ ಮೇಲೆ ಪರೀಕ್ಷಿಸಲಾಯಿತು. ಇದರಲ್ಲಿ,  ಮಹಿಳೆಯರ ಮೂಗು ಸುವಾಸನೆ ಮತ್ತು ವಾಸನೆಗೆ ಹೆಚ್ಚು ಸಂವೇದನಾಶೀಲವಾಗಿರುವುದು ತಿಳಿದು ಬಂದಿದೆ. ಮಹಿಳೆಯರಿಗೆ ಮೊದಲು ಕೆಟ್ಟ ವಾಸನೆ ಮತ್ತು ನಂತರ ಒಳ್ಳೆಯ ವಾಸನೆ ಬರುತ್ತದೆ ಎಂದು ಅಧ್ಯಯನದಲ್ಲಿ ವರದಿಯಾಗಿದೆ.  
 

ಮಹಿಳೆಯರು ಹೆಚ್ಚು ಬಣ್ಣಗಳನ್ನು ನೋಡುತ್ತಾರೆ 
ಮಹಿಳೆಯರು ವಿವಿಧ ಬಣ್ಣಗಳ (identifieing shades) ಬಗ್ಗೆ ಸುಲಭವಾಗಿ ತಿಳಿದುಕೊಳ್ಳುವುದು ಹೇಗೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಮಹಿಳೆಯರು ಒಂದೇ ಬಣ್ಣದ 25 ಶೇಡ್ ಗಳನ್ನು ಗುರುತಿಸಬಹುದು, ಆದರೆ ಪುರುಷರಿಗೆ ಅದೆಲ್ಲವೂ ಒಂದೇ ಬಣ್ಣ. ಹೇರ್ಮ್ಯಾಕ್ಸ್ ನಡೆಸಿದ ಅಧ್ಯಯನವು ಪ್ರತಿ 12 ಪುರುಷರಲ್ಲಿ ಒಬ್ಬರು ಒಂದು ರೀತಿಯ ಕಲರ್ ಬ್ಲೈಂಡ್ ನೆಸ್ ಗೆ ಒಳಗಾಗುತ್ತಾರೆ ಮತ್ತು ಮಹಿಳೆಯರ ವಿಷಯದಲ್ಲಿ ಅದೇ ಸಂಖ್ಯೆ 255 ಎಂದು ತೋರಿಸುತ್ತದೆ. ಮಹಿಳೆಯರು ಪುರುಷರಿಗಿಂತ 99 ಮಿಲಿಯನ್ ಹೆಚ್ಚು ಬಣ್ಣಗಳನ್ನು ನೋಡಬಹುದು ಮತ್ತು ಎರಡರ ನಡುವಿನ ವ್ಯತ್ಯಾಸವನ್ನು ಸ್ಪಷ್ಟವಾಗಿ ಅರ್ಥಮಾಡಿಕೊಳ್ಳಬಹುದು ಎಂದು ಸಂಶೋಧಕರು ನಂಬಿದ್ದಾರೆ. 

ಋತುಚಕ್ರವು ಸುಮಾರು 400 ಬಾರಿ ಸಂಭವಿಸುತ್ತದೆ  
ಋತುಚಕ್ರವು 12 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನಲ್ಲಿ ಪ್ರಾರಂಭವಾದರೆ, ಮಹಿಳೆಯರು ಜೀವಿತಾವಧಿಯಲ್ಲಿ 400 ಕ್ಕಿಂತ ಹೆಚ್ಚು ಋತುಚಕ್ರಗಳನ್ನು (periods) ಹೊಂದಿರಬಹುದು. ಹೌದು, ಹುಡುಗಿಯರ ಋತುಚಕ್ರವು 8 ನೇ ವಯಸ್ಸಿನಲ್ಲಿಯೂ ಪ್ರಾರಂಭವಾಗುತ್ತದೆ ಮತ್ತು ಋತುಬಂಧದ ವಯಸ್ಸು ಸಹ ಹೆಚ್ಚಾಗಬಹುದು ಅಥವಾ ಕಡಿಮೆಯಾಗಬಹುದು.
 

ನೀವು 12 ರಿಂದ 52 ವರ್ಷಗಳ ಅವಧಿಗಳ ಬಗ್ಗೆ ಯೋಚಿಸಿದರೆ, 480 ಸಲ ಪಿರಿಯಡ್ಸ್ ಆಗುತ್ತದೆ. ಇದರಲ್ಲಿ ಗರ್ಭಧಾರಣೆ ಇದ್ದರೆ, ಈ ಸಂಖ್ಯೆಯನ್ನು ಕಡಿಮೆ ಮಾಡಬಹುದು. ಋತುಚಕ್ರವು ಮಹಿಳೆಯರಿಗೆ ಮಾತ್ರ ಸಂಭವಿಸುತ್ತದೆ ಎಂಬುದು ಒಂದು ಮಿಥ್ಯೆಯಾಗಿದೆ. ಟ್ರಾನ್ಸ್ ವುಮೆನ್, ಟ್ರಾನ್ಸ್ ಮೆನ್ ಮತ್ತು ಇತರ ಕೆಲವು ಲಿಂಗಗಳ ಜನರಿಗೆ ಸಹ ಋತುಸ್ರಾವವಾಗಬಹುದು.  

ಯೋನಿ ತುಂಬಾ ಆಸಿಡಿಕ್ ಆಗಿರುತ್ತೆ
ಯೋನಿಯ ಪಿಎಚ್ ಮಟ್ಟವು ಬಿಯರ್ ನಂತೆಯೇ ಇರುತ್ತದೆ. ಯೋನಿಯ ಪರಿಸರವು ಯಾವಾಗಲೂ ಆಸಿಡಿಕ್ ಆಗಿರುತ್ತೆ. ಇದಕ್ಕೆ ಕಾರಣ ಆರೋಗ್ಯಕರ ಬ್ಯಾಕ್ಟೀರಿಯಾ, ಇದರಿಂದಾಗಿ ಯೋನಿ ಆರೋಗ್ಯಕರವಾಗಿ ಉಳಿಯುತ್ತದೆ ಮತ್ತು ಈ ಆಮ್ಲೀಯ ವಾತಾವರಣವು ಕೆಟ್ಟ ಬ್ಯಾಕ್ಟೀರಿಯಾಗಳನ್ನು ನಮ್ಮಿಂದ ದೂರವಿರಿಸುತ್ತದೆ. ಈ ಆಮ್ಲದಿಂದಾಗಿ, ಯೋನಿ ಪ್ಯಾಂಟಿಯನ್ನು ಬ್ಲೀಚ್ ಮಾಡುತ್ತದೆ. ಇದರಿಂದಾಗಿಯೇ ಗಾಢ ಒಳ ಉಡುಪುಗಳ (innewear) ಬಣ್ಣವು ಮಸುಕಾಗುತ್ತದೆ ಮತ್ತು ಕಿತ್ತಳೆ ಅಥವಾ ಹಳದಿ ಶೇಡ್ ಕಾಣಿಸಿಕೊಳ್ಳುತ್ತದೆ.