Parenting Tips: ಮಕ್ಕಳ ಕೆಟ್ಟ ಅಭ್ಯಾಸಗಳನ್ನು ಸುಧಾರಿಸೋದು ಹೇಗೆ? ಇಲ್ಲಿವೆ ಸಿಂಪಲ್‌ ಟಿಪ್ಸ್‌

ಮಕ್ಕಳು ಹಸಿ ಮಣ್ಣಿನಂತೆ ಎಂದು ಹೇಳಲಾಗುತ್ತೆ,  ಅವುಗಳನ್ನು ಯಾವ ಅಚ್ಚಿನಲ್ಲಿ ಹಾಕುತ್ತೇವೋ ಅದೇ ಶೇಪ್ ತೆಗೆದುಕೊಳ್ಳುತ್ತೆ. ಆದರೆ, ಅನೇಕ ಬಾರಿ ಅಚ್ಚಿನ ಕೈಗಳು ನಿಮ್ಮದಾಗಿರುವುದಿಲ್ಲ, ಇದರಿಂದ ಮಕ್ಕಳು ದಾರಿ ತಪ್ಪುವ ಚಾನ್ಸ್ ಇದೆ. ಹಾಗೆ ಅನೇಕ ಹೊಸ ಅಭ್ಯಾಸಗಳು ಮಕ್ಕಳು ಕೆಟ್ಟ ಸಹವಾಸಕ್ಕೆ ಬೀಳುವಂತೆ ಮಾಡುತ್ತೆ. ಮಕ್ಕಳ ಈ ಅಭ್ಯಾಸಗಳು ವಯಸ್ಸಿಗೆ ಅನುಗುಣವಾಗಿ ತಪ್ಪು ಮಾತ್ರವಲ್ಲ, ನೈತಿಕವಾಗಿಯೂ ಈ ಅಭ್ಯಾಸಗಳನ್ನು ಉತ್ತಮವಾಗಿರೋದಿಲ್ಲ. ಪೋಷಕರು ವಿಶೇಷ ಗಮನ ಹರಿಸಬೇಕಾದ ಈ ಅಭ್ಯಾಸ ಅಥವಾ ಮಕ್ಕಳ ವಿಷಯಗಳು ಯಾವುವು ಮತ್ತು ಮಕ್ಕಳಿಗೆ ಸರಿಯಾದ ಮಾರ್ಗವನ್ನು ಹೇಗೆ ತೋರಿಸಬೇಕು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.  

ಮಕ್ಕಳು ಮಾಡುವಂತಹ ಕೆಲವೊಂದು ಕೆಲಸಗಳು., ಅವರ ಕೆಲವು ಅಭ್ಯಾಸಗಳನ್ನು ನೀವು ಬಾಲ್ಯದಲ್ಲಿಯೇ ಚಿವುಟಿ ಹಾಕಿದರೆ ಸರಿ, ಇಲ್ಲವಾದರೆ ಮಕ್ಕಳು ದೊಡ್ಡವರಾಗುತ್ತಾ ಅದೇ ಅಭ್ಯಾಸವನ್ನು ಬೆಳೆಸಿಕೊಂಡು ಹೋಗುತ್ತದೆ. ಅಂದರೆ ಮಕ್ಕಳು ಕೆಟ್ಟವರಾಗಿ ಬೆಳೆಯಲು ಆರಂಭಿಸುತ್ತೆ. ಹಾಗಿದ್ರೆ ಬನ್ನಿ ಮಕ್ಕಳ ದುಶ್ಚಟಗಳನ್ನು(Bad habits) ಗುರುತಿಸೋದು ಮತ್ತು ಸುಧಾರಿಸೋದು ಹೇಗೆ ಅನ್ನೋದನ್ನು ನೋಡೋಣ.

ಎಲ್ಲದಕ್ಕೂ ಪ್ರತಿಕ್ರಿಯಿಸಿ: ಮಗು ಎಲ್ಲದಕ್ಕೂ ಉತ್ತರಿಸಲು ಪ್ರಾರಂಭಿಸಿದರೆ, ನೀವು ಅದನ್ನು ಗಂಭೀರವಾಗಿ ಪರಿಗಣಿಸೋದು ಉತ್ತಮ. ಯಾಕಂದ್ರೆ ಮಗು ಎಲ್ಲದಕ್ಕೂ ಉತ್ತರಿಸಲು ಪ್ರಾರಂಭಿಸಿದರೆ, ಪೋಷಕರೊಂದಿಗೆ(Parents) ವಾದಿಸಲು ಪ್ರಾರಂಭಿಸಿದ್ರೆ, ಅವನು ಶಾಲೆಯಲ್ಲಿ ಮತ್ತು ಸ್ನೇಹಿತರ ನಡುವೆ ಅದನ್ನು ಬಳಸಲು ಪ್ರಾರಂಭಿಸುತ್ತಾನೆ. ಇದು ಮಗುವಿನಲ್ಲಿ ಕೆಟ್ಟ ಅಭ್ಯಾಸ ಬೆಳೆಯಲು ಪ್ರಾರಂಭಿಸಿವೆ ಎಂಬುದರ ಸಂಕೇತವಾಗಿರಬಹುದು. 

ಪರಿಹಾರ: ಈ ಅಭ್ಯಾಸವನ್ನು ಸುಧಾರಿಸಲು, ನೀವು ಸ್ವತಃ ಮಗುವಿಗೆ ಅದೇ ವಿಷಯಗಳನ್ನು ಹೇಳಿ ಅಥವಾ ಅವನ ಸಾಮರ್ಥ್ಯದಲ್ಲಿರುವ ಕೆಲಸವನ್ನು ಅವನಿಗೆ ಹೇಳಿ. ಮಗುವಿನ ಮನೋಸ್ಥೈರ್ಯವನ್ನು ನೋಯಿಸಬೇಡಿ ಮತ್ತು ಅವನನ್ನು ಗೇಲಿ ಮಾಡಬೇಡಿ. ಪೋಷಕರು ತಮಾಷೆ ಮಾಡಿದರೆ, ಮಕ್ಕಳು ಸಹ ವ್ಯತಿರಿಕ್ತವಾಗಿ ಮಾತನಾಡಲು ಪ್ರಾರಂಭಿಸುತ್ತಾರೆ. ಎರಡನೆಯದಾಗಿ, ಮಕ್ಕಳ ಈ ಅಭ್ಯಾಸವನ್ನು ನೀವು ಸಹಿಸೋದಿಲ್ಲ ಎಂಬುದನ್ನು ನೆನಪಿನಲ್ಲಿಡಿ. ಈ ಅಭ್ಯಾಸವು(Habit) ಮಕ್ಕಳಲ್ಲಿ ಒಮ್ಮೆ ಕಂಡುಬಂದರೆ, ಎಚ್ಚರಿಕೆವಹಿಸಿ. 

ಚಾಡಿ ಹೇಳೋ ಅಭ್ಯಾಸ: ಚಿಕ್ಕ ಮಕ್ಕಳು ಸ್ವಚ್ಛ ಮನಸ್ಸಿನವರಾಗಿರುತ್ತಾರೆ, ಅವರು ಯಾರ ಮೇಲಾದರೂ ಕೋಪಗೊಂಡರೆ(Angry), ಅವರಿಗೆ ಬೈತಾರೆ ಅಥವಾ ಅವರ ಮೇಲೆ ಕೋಪಗೊಳ್ಳುತ್ತಾರೆ. ಆದರೆ, ಯಾರ ಬಗ್ಗೆಯಾದರೂ ಚಾಡಿ ಹೇಳೋದು ಕೆಟ್ಟ ಅಭ್ಯಾಸ. ಈ ಅಭ್ಯಾಸವು ಮಕ್ಕಳಲ್ಲಿ ತಮ್ಮ ಸುತ್ತಲಿನ ಜನರನ್ನು ನೋಡೋದರಿಂದ ಮತ್ತು ಕೇಳೋದರಿಂದ ಬರುತ್ತೆ. 

ಪರಿಹಾರ: ಈ ಅಭ್ಯಾಸವನ್ನು ಸುಧಾರಿಸಲು, ಮೋಸ(Cheat) ಮಾಡೋದು, ಈ ಅಭ್ಯಾಸದ ಮೂಲಕ್ಕೆ ಹೋಗೋದು ಎಷ್ಟು ಕೆಟ್ಟದು ಎಂದು ನೀವು ಮಗುವಿಗೆ ವಿವರಿಸಬೇಕು. ನೀವು ನಿಮ್ಮ ಸ್ನೇಹಿತರೊಂದಿಗೆ ಯಾರಿಗಾದರೂ ಕೆಟ್ಟದ್ದನ್ನು ಮಾಡುತ್ತಿದ್ದರೆ, ಅಥವಾ ಮನೆಗೆ ಬಂದು ಬಾಸ್ ಅನ್ನು ನಿಂದಿಸುತ್ತಿದ್ದರೆ, ಆಗ ಮಕ್ಕಳು ನಿಮ್ಮ ಸುತ್ತಲೂ ಇರಬಾರದು ಎಂಬುದನ್ನು ನೆನಪಿನಲ್ಲಿಡಿ. 

ಅಗೌರವ(Disrespect): ಮಕ್ಕಳು ಸ್ನೇಹಿತರೊಂದಿಗೆ ಅಥವಾ ನೆರೆಹೊರೆಯಿಂದ ಸೇರಿ ಎಲ್ಲರೊಂದಿಗೂ ಒಂದೇ ರೀತಿ ಗೌರವವಿಲ್ಲದೆ ಮಾತನಾಡಲು ಪ್ರಾರಂಭಿಸುತ್ತಾರೆ. ಈ ಅಭ್ಯಾಸದಿಂದಾಗಿ, ಭವಿಷ್ಯದಲ್ಲಿ ಮಕ್ಕಳಿಗೆ ತೊಂದರೆಯಾಗುತ್ತೆ. ಜನರು ಅವನನ್ನು ಕೆಟ್ಟ ಹುಡುಗ ಎಂದೂ ಕರೆಯಬಹುದು.

ಪರಿಹಾರ: ವಯಸ್ಕರು ಮಾತ್ರವಲ್ಲ, ಗೌರವಕ್ಕೆ ಅರ್ಹರಾದ ಪ್ರತಿಯೊಬ್ಬ ವ್ಯಕ್ತಿಯನ್ನು ಗೌರವಿಸಬೇಕು. ಆದರೆ, ಇದು ಪೋಷಕರ ಸರಿಯಾದ ನಡವಳಿಕೆಯಿಂದ ಪ್ರಾರಂಭವಾಗುತ್ತೆ. ನಿಮ್ಮ ಮನೆಯ ವಾತಾವರಣವನ್ನು ನೀವು ಗೌರವಯುತವಾಗಿಡಬೇಕು, ಆಗ ಹೊರಗಿನ ಕೆಟ್ಟ ಸಹವಾಸದಿಂದ ಮಕ್ಕಳು ಪ್ರಭಾವಿತರಾಗೋದಿಲ್ಲ. ಮಗು ಅಗೌರವದಿಂದ ಮಾತಡೋದನ್ನು ನೀವು ಎಂದಾದರೂ ಕೇಳಿದರೆ, ತಕ್ಷಣವೇ ಅವನನ್ನು ನಿಲ್ಲಿಸಿ ಮತ್ತು ಅಭ್ಯಾಸವನ್ನು ಸುಧಾರಿಸಲು ಹೇಳಿ.